އެމްޑީޕީގެ ދުވުން ހުއްޓުވައި، ޗެއާޕާސަން ހަސަން ލަތީފް ހައްޔަރުކޮށްފި

ދުވުމަށް ފުލުހުން ހުރަސް އަޅަނީ: އެމްޑީޕީގެ ޗެއާޕާސަން ވަނީ އެ ދުވުމުގެ ތެރެއިން ހައްޔަރު ކޮށްފައި --ފޮޓޯ/ސޯޝަލް މީޑިއާ

މުއިއްޒު އިބްރާހިމް، މިހާރު

22 ޖޫން 2018 - 17:49

އެމްޑީޕީން މިއަދު ހަވީރު ބާއްވަން އުޅުނު ދުވުމަށް ފުލުހުން ހުރަސް އަޅައި، އެ ޕާޓީގެ ޗެއާޕާސަން ހަސަން ލަތީފާއި ޗެއާޕާސަންގެ ނައިބު އަލީ ނިޔާޒް ހައްޔަރުކޮށްފި އެވެ.

ސެޕްޓެމްބަރު މަހު އޮންނަ ރިޔާސީ އިންތިޚާބުގެ ކެމްޕޭން ހަރަކާތެއްގެ ގޮތުގައި "ޖަޒީރާ ރަން" ގެ ނަމުގައި އެ ޕާޓީން މާފަންނު އެކުވެނި ޓްރެކް ދަނޑުގައި ބޭއްވި ދުވުމުގެ ތެރެއިން ހަސަން ލަތީފާއި ނިޔާޒުގެ އިތުރުން ޒުވާނުންގެ ގޮފީގެ ރައީސް މީކާއިލް ނަސީމް ހައްޔަރުކުރީ ދުވުން ފެށި ތަނާ ހެންނެވެ. އެ ތިން ބޭފުޅުން ހައްޔަރު ކުރުމުގެ އިތުރުން އެ ދުވުމަށް ވެސް ފުލުހުން ވަނީ ހުރަސް އަޅައިފަ އެވެ.

MDP’s Chairperson @HassanLatheef, Deputy Chairperson @ali_niya and I have been arrested from #JazeeraRun pic.twitter.com/SLIcImIinU
— Mickail Naseem 🎈 (@MickailNaseem) June 22, 2018

ދުވުމުން ހައްޔަރުކުރުމާ އެކު މީކާއިލް ކުރި ޓުވީޓެއް.

އެމްޑީޕީގެ ދުވުމަކީ އެ ޕާޓީގެ ރިޔާސީ ކެންޑިޑޭޓް، ކުރީގެ ރައީސް މުހައްމަދު ނަޝީދަށް ތާއީދު ހޯދަން ބާއްވަން އުޅުނު ހަރަކާތެކެވެ. އެ ހަރަކާތް ބާއްވަން އެމްޑީޕީން ތައްޔާރުވަމުން އަންނަނިކޮށް، މިއަދު މެންދުރު ފަހު 2:00 އިން އިރުއޮއްސި 6:30 އާ ހަމައަށް އެކުވެނި ޓްރެކް ދަނޑު އާއްމުންނަށް ބަންދުވާނެ ކަމަށް ޔޫތު މިނިސްޓްރީން ވަނީ އިއުލާންކޮށްފަ އެވެ. އެއީ، އެ މިނިސްޓްރީގެ ބޭނުމަކަށް ކަމަށް ވެސް އިއުލާނުގައި ވެ އެވެ.

ދުވުން ފެށުމުގެ ކުރިން ޓްރެކް ބަންދުކޮށް، އެ ސަރަހައްދުގައި ފުލުހުން ދިޔައީ ހަރަކާތްތެރިވަމުންނެވެ.

އެމްޑީޕީން މީގެކުރިން ބާއްވަން އުޅުނު ބައެއް ހަރަކާތްތަކަށް ވެސް ފުލުހުން ހުރަސް އެޅި އެވެ. ދާދިފަހުން އެ ޕާޓީން ބޭއްވި ރިޔާސީ ޕްރައިމަރީ ހުއްޓުވުން ސިވިލް ކޯޓުން ވަގުތީ އަމުރެއް ނެރުމުން ފުލުހުން ވަނީ އެ ޕްރައިމަރީ ހުއްޓުވައި، ބައެއް މީހުން ހައްޔަރުކޮށްފަ އެވެ. އެކަމަކު އެމްޑީޕީން އެ ޕްރައިމަރީ ކުރިއަށް ގެންގޮސް، ނަތީޖާ އިއުލާންކުރި އެވެ. އެ ޕްރައިމަރީގައި ހަރަކާތްތެރިވި ބައެއް ކައުންސިލަރުން ލޯކަލް ގަވަމެންޓް އޮތޯރިޓިން މިހާރު ވަނީ ސަސްޕެންޑްކޮށްފަ އެވެ.

އެމްޑީޕީގެ ރިޔާސީ ކެންޑިޑޭޓަކީ ނަޝީދު ކަމަށް އެ ޕާޓީން ނިންމާފައިވީ ނަމަވެސް ކްރިމިނަލް ކޯޓުގެ އިސް ގާޒީ އަބްދުﷲ މުހައްމަދު ބަންދުކުރި މައްސަލައިގައި 13 އަހަރުގެ ޖަލު ހުކުމެއް އިއްވާފައިވާތީ، އެމަނިކުފާނު ރިޔާސީ އިންތިހާބުގައި ވާދަކުރެއްވުމުގެ ޝަރުތެއް އުނިވެފައިވާ ކަމަށް އިލެކްޝަންސް ކޮމިޝަނުން ވަނީ އެ ޕާޓީ އަށް އަންގައިފަ އެވެ.

ކުށްކުރުން އެމްޑީޕީ ފުލުހުން އެމްޑީޕީގެ ޗެއާޕާސަން ހަސަން ލަތީފް ސިޔާސީ ޕާޓީ ރައީސް މުހައްމަދު ނަޝީދު އެކުވެނި

26 ކޮމެންޓް, 156 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޕިންކް ޔޫސޭ

24 June 2018

ދެން އަމައްޔާތް..މިމީހުންނާއި ހެދި މަގުމަތީގަ ދުވެލެވޭކަށްވެސް ނޯވެޔޭ.. ހޫނ.. ވަރަށް ފޫހިވޭ!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިއުޓްރަލް

23 June 2018

ނިއުޓްރަލް މީހުން ސަރުކާރުދެކެ އިތުރަށް ފޫހިވުން ނޫންކަމެއް ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުއްޓި

23 June 2018

އެމްޑީޕީގެ އަސްލު ދުވުން ހުއްޓުނުތާ މިހާރު 2 އަހަރަށްވުރެ ގިނަވެއްޖެ. ދެން މަގުމަތީ ފައިތަޅާފަ ދުވަން އުޅުނަކަސް ކުރެވޭނެ ކަމެއް ނޯންނާނެ. މާލޭގެ މަގުތައް ފުރާ މުޒާހަރާކުރި ދުވަސް އެއީ މާޒީ. ޕާޓީގެ މީހުން ގިނަކަމުން ބޮޑާކަން ދައްކައިގެން އުޅުނު ޕާޓީއެއް ތިޔައީ. މިހާރު 6 މީހުންނަށް ތިރިވެފައި އޮތްތަން ބަލާބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރީ

23 June 2018

ޕޕމ ކުދިންކޮޅަށް ހަމަ ހަޖަމަށް ނުވާނެ. އެމީހުންނަށް އެނގޭނީ ހަމައެކަނި ރައީސް ޔާމިން ދައްކާ ވާހަކަ އަޑުއަހާ އަތްޖަހަން. މިކަހަލަ ފޯރިގަދަ ކަންތައްތައް މޑޕ އިން ކުރާތީ މައްސަލައަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެހެ

23 June 2018

ދެން މަރީއަށް އެނގެނީ އެމްޑީޕީ ކުދިން ކުރާކަންކަމާ ދައްކާ ވާހަކައަށް އަތްޖަހަން. ތަފާތެއް އެބައޮތްތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަރުތު

23 June 2018

ތަންކޮޅެއްބޮޑުވަރުތީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިޕާއީ

22 June 2018

ޝަރުތު ހަމަނުވާ ބޮޑެތި ޤައިދީން ރައީސް ކަަމަށް ނެރެންޏާ ހަަރަކާތްތަކަށް ފުރުސަތެއް ނެތް. ހުއްޓުވަންވެސް ޖެހޭނެ. ޝަރުތު ހަމަވާ މީހަކު ދައްކާ އޭރުން ނުހުއްޓުވާނެ. މިއީ ވަކި އެމްޑީޕީ ވީމަ ވާގޮތެއް ނޫން. މޮޔަކަންތައް ކުރުން ހުއްޓާލާ އޭރުން ރަނގަޅުވާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ ނިޒާރު

22 June 2018

ނުޖެހޭ ގައިދީ އަކަށް ތާއީދު ހޯދާށޭ ކިޔާފަ މަގު ހިސޯރު ކޮއް ގެން އަލިފާން ބޯޅަ އުކާ ގުރޫޕު މަގު މައްޗަށް ނުކުންނާކަށް. އެހެން އުޅެފަ ތަންތަން ރޯކުރަން ފަށާނީ. ތި ބައިގަނޑަށް ވަރަށް ސަމާލުވެ ތިބެން ޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރީފް

22 June 2018

ކީއްކުރަން ދިވެހިރާއްޖޭގަ ބާއްވަނީ ލަންކާ ނޫނީ ޔޫކޭގަ ތިޔަބުނާ ދުވުން ބާއްވަން ވީނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރީ

23 June 2018

އެހެންވީއްޔާ ޕޕމ ޖަލްސާވެސް ޗައިނާގަ ބާއްވަންވީނު. އެމީހުން ބުނިހާގޮތަކަށް އެނބުރާ ސަރުކާރެއްވިޔަ މިއޮތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލިދީދީއައްޑޫސިޓީ

22 June 2018

ކޯޓުއަމުރެއް ނެރެންވީ ނޫންތޯ، ދިވެހިރާއްޖޭގެ ވައިގެ ސަރަހައްދާ ކަނޑުގެ ސަރަހައްދާ އަދި ހިކިފަސް އެއްވެސް ތަނެއްގައި، އެމްޑީޕީ ގެ އެއްވެސް ކަހަލަ ޙަރަކާތެއް މިއަދުން ފެށިގެން ނޮވެމްބަރ 13 ވަނަ ދުވަހުގެ ނިޔަލަށް ހިންގުމަކީ މަނާކަމެއް ކަމުގައި. އޭރުން އަހަރުމެން ދެން ކެމްޕެއިން ކުރާނީ ފާޚާނާގައި.