25 ޖޫން 2018 - 09:56
50 comments
މާލޭގައި ފަސް އަހަރުގެ ފިރިހެން ކުއްޖަކަށް ބޮޑެތި އަނިޔާތަކެއް ކޮށްގެން އެ ކުއްޖާގެ މަންމަ އިއްޔެ ހައްޔަރުކޮށްފި އެވެ.
އެނގިފައިވާ ގޮތުގައި ފިރިމީހާއާ ވަކިން، އެކަނި ދިރިއުޅޭ އެ އަންހެން މީހާ ވަނީ، އޭނާގެ ހުރި ހަމައެކަނި އެ ދަރިފުޅުގެ ބުރަކައްޓާއި މޫނުމަތީގައި ތަޅައި ބޮޑެތި އަނިޔާތަކެއް ކޮށްފަ އެވެ. ފުލުހުން ގޮސް އެ ކުއްޖާ ހޮސްޕިޓަލަށް ގެންދިޔައިރު، ހާލު ސީރިއަސްކަން އެނގިފައިވެ އެވެ.
މީހަކު ކުރި ރިޕޯޓަކާ ގުޅިގެން ފުލުހުން އެ ގެއަށް ގޮސް، ކުއްޖާގެ މަންމަ ހައްޔަރުކުރީ އެވެ. އޭނާގެ ބަންދުގެ މުއްދަތަށް އިއްޔެ ވަނީ ކްރިމިނަލް ކޯޓުން 10 ދުވަސް ދީފަ އެވެ.
ފުލުސް އޮފީހުން ބުނިގޮތުގައި އެ މައްސަލައިގައި ހައްޔަރު ކުރީ 27 އަހަރުގެ މީހެކެވެ.
އެނގިފައިވާ ގޮތުގައި އޭނާ މީގެ ކުރިން ވެސް ވަނީ އެ ކުއްޖާއަށް ވަރަށް ބޮޑަށް އަނިޔާކޮށްފަ އެވެ. އަދި އެ މައްސަލަ ފުލުހުން ތަހުގީގު ވެސް ކުރި އެވެ.
އަނިޔާ ލިބުނު ކުއްޖާ ޖެންޑާ މިނިސްޓްރީން ވަނީ މި ވަގުތަށް އެހެން މީހަކާ ހަވާލުކޮށްފަ އެވެ.
އެނގިފައިވާ ގޮތުގައި އެ ކުއްޖާގެ ބައްޕަަ އުޅެނީ އެހެން ރަށެއްގަ އެވެ.
މީގެ ތިން އަހަރު ކުރިން، ވ. ރަކީދޫގައި މަންމަ އަކު ވަނީ އޭނާގެ ދަރިފުޅަށް ބޮޑެތި އަނިޔާތަކެއް ދީ މަރާލާފަ އެވެ. އެ މައްސަލައިގެ ޝަރީއަތް އަދިވެސް ދަނީ ކުރިއަށެވެ.
ތިން އަހަރުގެ މުހައްމަދު އިބްތިހާލަށް އޭނާގެ މަންމަ އާފިޔާ މުހައްމަދު ބޮޑެތި އަނިޔާތަކެއް ކުރުމުގެ ސަބަބުން މަރުވި މައްސަލައިގައި އާފިޔާގެ މައްޗަށް ކުރަނީ ގަސްދުގައި ކުއްޖަކު މަރައިލުމުގެ ދައުވާ އެވެ. އެ މައްސަލާގައި މިހާރު ވަނީ އިބްތިހާލްގެ ވާރިސުންގެ ބަސް ހޯދަން ފަށައިފަ އެވެ. އިބްތިހާލަށް އަނިޔާކުރި ކަމަށް ޝަރީއަތުގެ މަޖިލީހުގައި ވެސް އާފިޔާ ވަނީ އިއުތިރާފުވެ، އެކަން ކުރި ގޮތް ވެސް ކިޔައިދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ާޢާދިލް
26 June 2018
މަޢުޞޫމު ކުޑަކުއްޖަކާ މެދު .... ހިތާމަ ހުރި
ނަސީބު
26 June 2018
މަގޭ ހިތަށް އަރާ މިހެން އަޅާލަން ބޭނުން ނުވާ ނުވަަތަ މައިންބަފައިންނަށް ބުރަ ނޫފުލޭ ވަރުވީމެ ކުދިން ދަރިން ނުލިބި ތިބި މީހުންނަށް ލިބޭނެ އިންތިޒާމެއް ހަމަޖެހިގެން ދާނެ ނަމައޭ!އެެއިރުން މިފަދަ ކަންތައްތައް ހުއްޓިގެން ދާނެ!
އެހީތެރިޔާ
26 June 2018
އަހަރެންނަކީވެސް އެކަނިވެރި މައެއް... ދަރިފުޅުގެ ޢުމުރުން 1 މަހުގަ ކުއްޖާގެ ބައްޕައާ ވަކިވެ 3 މަހުގައި ވަރިކުރުމަށްފަހު ވެސް އެއްވެސް ހަރަދެއް ނުކުރޭ... ހާލުބަލާވެސް ނުލާ... ބަލިވީމަ އަޅާނުލާ... އެކަމު ނަންމަޝްހޫރު މީހެއްވީމަ މުޅި މުޖްތަމަޢުން އަންހެންވެރިން އޭނަ ވަރެއްނެތިގެން އުޅެނީ... މީހަކާ އިންދެގެން ހުރެ ހިލޭ އަންހެނުން ގެންގުޅޭ... ހަރަދު ހޯދަން ކޯޓަށް ދިޔައިމަވެސް ލިބެނީ 2000 ރުފިޔާ އޭގެން ފުއްދަން ބުނަނީ ...އަހަރަކު 3 އަންނައުނު... އިތުރު ހަރަދު ހޯދަންޖެހެނީ ބިލްތަކާއެކު ކޯޓަށް ލާން... އެވަރުންވެސް އެ ނުލިބޭ.... މަހަކު އެއްފަހަރު ކޯޓަށް ފޯމުލައިގެންނޫން ސްކޫލް ފީއާ އެހެނިހެން ހަރަދު ހޯދެންޖެހޭނީ... މިއަށްވުރެ ރަނގަޅު ހައްލެއް އޮންނަންޖެހޭ... ކޯޓުން ބުނެގެންނޫން ދަރިން ހޯދަނީ.... ބައްޕަ އަށް ލިބޭ އާމްދަނީ ބަލާނުލާ ގޮތްނިންމަނީ.... ޢާއިލާއާ ބެހޭ ޤާނޫނު އިސްލާޙުކުރަންޖެހޭ....
ފައި
26 June 2018
ކޮއްމެކަމެއްސިޔާސީކުރަނީކީއްވެތައެއީއެމީހުންގެ އަމިއްލަކަމެއްދަރިންނަށްއަނިޔާކުރާމީހުންނަށްވީ ބޮޑެތިއަދަބުދޭންދެރަކަމަކީމިހާރުވެސްއިނާޔަތް ތަކާބޯހިޔާވަހިކަންވެސްއެކަނިވެރިމައިންނާބަފައިންނަށް
ފަތުހީ
25 June 2018
ތިއާއިލާ ރޫޅިފަ. ޚިތައްއާއިލާ ނުރޫޅި އެހެނަސް ރޫޅިފައިވާ ހާލަތު ދިރިއުޅެމުންދޭތޯ. ޢާއިލީމައްސަލަތައް ރަނގަޅުނުކޮށް ގެންނަ ތަރައްގީއަކުން އުފަލެއްނުލިބޭނެ.
ޢާއިޝް
26 June 2018
ޢާއިލާއާ ބެހޭ ޤާނޫނު ވަރަށް ފަސޭހަކޮށް އޮންނަނީ ފިރިހެނުންނަށް،،،،، ވަރިކުރާއިރު ދަރިންނަށް ދޭ ހަރަދުވެސް މިޒަމާނާބަލާފަ އެކަށީގެންނުވޭ
އަލިފް
25 June 2018
މަންމައާ ބައްޕަގެ އިހްމާލް އެބައޮތެވެ. ދަރިއަކު ހުންނަނަމަ ދެމީހުން ވަކީން އުޅުނަސް ދަރިފުޅުގެ ހައްގުތައް އަދާކޮށްދޭން ވާނެއެވެ. ސަރުކާރުގެ ޒިންމާވެސް އެބައޮތެވެ. ކޮޓަތިއެއްގައި ދެމަފިރިންނާއި 3ކުދީންވެސް އެބައުޅެއެވެ. އެކަމު ސަރުކާރުގެ ވިސްނުން ހުރީ ފްލެޓް ވިއްކުމަށާއި އަގުބޮޑު ކޮށް ކުއްޔަށް ދީ ކުޑަދުވަސްކޮޅެއްގެތެރޭ ބޮޑު ފައިދާއެއް ހޯދުމަށެވެ. މާލޭގެ އިޖްތިމާއީ އަދި ނަފްސާނީ މައްސަލަތައް ވަރަށް ގިނައެވެ. ދިރާސާ ކޮށް ހައްލު ކުރަންޖެހޭ ކަމެކެވެ
އެހީތެރިޔާ
26 June 2018
ރަނގަޅުވާހަކައެއް
އާދަނު
25 June 2018
މިއީ ތަރައްގީ ކުރިއަރާވަރު.
ދަ ރާއްޖެތެރެ
25 June 2018
ތިކަން ކުރެއްވީ މާލޭ ބޭފުލެއްތޯއެވެ.
ޢިބަ
25 June 2018
ޢެމީހާގެންގޮސް ޖަލައްލުމަކީ ހައްލެއްނޫނެވެ.އެ އަންހެން މީހާގެ މެޓަލް ހެލްތު ދެނެގަނެ އޭނާއަށް ފަރުވާދިނުން މުހިއްމެވެ.އެކަނިވެރި އަން ހެނަކު ދަރިޔަކުބަލާ ބޮޑުކުރުން ބައެއްފަހަރު ވަރައްދަތިކަމަކައްވެއެވެ.އާއިލާގެ އެހީތެރިކަން ނެތި ވަރިކުރި ކުއްޖާގެ ބައްޕަގެ އެހީތެރިކަން ނެތި އެކަނިވެރި މަޔަކު އުޅެން ޖެހުމުން އޭނާ އެބިއުސް ކުރެވިގެން ދެއެވެ.އެފަދަ މަޔަކީވެސް އެހީއަށް ބޭނުން ވާނެ މީހެކެވެ.ބައެއްގައުމުތަކުގަ އެކަނިވެރި މައިން ހަމަ ފައި މައްޗަށް ތެދުވެން ދެން އުޅެނެ ބޯހިޔާވަހިކަމާ ދަރިފުޅާ މަންމަގެ ހަރަދު ސޯސަލް ސެކިއުރިޓީ ނިޒާމުން ބަލަހައްޓާ ދެނީ ތިފަދަ މައްސަަލަ ނިކުން ނާތީއެވެ.
ބުޅޫ
26 June 2018
ބުނަން ވާހަކައެއް. އަހަންނަކީ ވެސް އެކަނިވެރި މައެއް. ދަރިން ގައިގަ ތަޅާ އަނިޔާ ކުރުމަކީ މެންޓަލް ހެލްތު އިޝޫއެއް ނޫން. އެއީ ތިމާގެ ނުލަފާކަން.
ޢާއިޝް
26 June 2018
އެންމެނަކަށް ދިމާވާ ހިތްދަތިކަމަށް އަމިއްލަ ހައްލުހޯދަން ފަސޭހައެއްނުވާނެ... އެކަނި ދަރިއަކު ގޮވައިގެން އުޅުމަކީ ކިހާވަރެއްގެ ކަމެއްކަން އެނގޭނީ އެކަން ތަހައްމަލުކުރާ މީހަކަށް... އަދި ދަރިއެއްދީފައި ހާލުގައި ޖައްސާ އަޅާނުލީމަ ނަފްސާނީގޮތުން އެއަންނަ ބަދަލު އެނގޭނީ އެކަން ތަހައްމަލުކޮށްފައިވާ މީހަކަށް.... އަހަރެންވެސް އެކަން ތަހައްމަލުކޮށް އަދި ކުރަމުން މިދަނީ ﷲ ގެ މިންވަރުފުޅުން އަހަރެން ވަރަށް ލޯބިވޭ ދަރިފުޅުދެކެ.... އެކަމު ބަލިވީމަ އެކަން އެންގީމަ އަޅާނުލީމަ ވަރަށް ރުޅިއާދޭ ދަރިފުޅު ބައްޕަ ދެކެ...
ނޫސްކިޔާ މީހާ
25 June 2018
މިށަށްގެނޭ އުފަންދަރިއެއްހެން ބަލާ އަހަރެންގެ މުދަލުން އަހަރެންގެ ކުދިނަށް ބައި ލިބޭގޮތައް ހަމަ އެދަރިފުޅަށްވެސް ބާދޭނަށް ކިޔަވައިދޭނަށް މަންމަ އާއި ބައްޕަ ނެތްކަމުގެ އިހްސަސްވިޔަކަނުދޭނަށް މާތްﷲ އިރާދަކުރެއްވިއްޔާ އެމަމާނަތައް ހިޔާނާންތެރިއެއްނުވާނަށް އުފަންދަރިއެއްފަދައިން ބަލާނަށް
ޔާންބެ
26 June 2018
ހަވާލު ކުރަން ކިހިނެތްހަދާނީ ގުލޭނެ ނަންބަރެއް ދެއްވިނަމަ....
ދަބަރު ތަޅާ މީހާ
26 June 2018
ޙަމަ އެއްޗެކޭ ބުނެލީ ދޯ މާ ރަނގަޅު މީހަކަށް ހެދިގެން