ލާމު ލިންކް ރޯޑް. ލ. އަތޮޅުގައި ހިމެނޭ ރަށްތަކުގެ ތެރެއިން، ފޮނަދޫ، ކާޑެއްދޫ، މާންދޫ އަދި ގަން ވަނީ ފާލަމަކުން ގުޅާލާފައި.
08 ޖުލައި 2018 - 14:31
38 comments
އެއް ފަޅެއްގެ ތެރޭގައި ހުރި ރަށްތަކުގެ ތެރެއިން މީހުން ދިރިއުޅޭ ރަށްތައް ފާލަމަކުން ގުޅައިލުމަށް އެމްޑީޕީގެ މި އަހަރުގެ ރިޔާސީ މެނިފެސްޓޯގައި ހިމަނައިފި އެވެ.
ސެޕްޓެމްބަރު 23 ގައި އޮންނަ ރިޔާސީ އިންތިހާބަށް އެމްޑީޕީން އެކުލަވައިލި މެނިފެސްޓޯގައި ބުނެފައިވަނީ ޖަޒީރާވަންތަކަން ގެއްލޭ ގޮތަށް ރަށްރަށުން މީހުން ބާލައިގެން އެހެން ރަށްތަކަށް ގެންގޮސް، އެއް ފަސްކޮށް ތޮއްޖެއްސުމުގެ ދެ އުޅި އެއްނުވާ ވިސްނުމުގެ ބަދަލުގައި އެ ޕާޓީގެ ސިޔާސަތަކީ ޖަޒީރާވަންތަ ސިފައާ ފުށު ނާރާ ގޮތަށް ރަށު ބަންދުން ފިލުވައި ލުއި ފަސޭހަ ދަތުރުފަތުރުގެ ނިޒާމަކުން ރަށްތައް ގުޅާލުން ކަމަށެވެ.
އެމްޑީޕީން ބުނި ގޮތުގައި އެ ޕާޓީގެ ތިން އަހަރުގެ ވެރިކަމުގައި ފެރީގެ ނިޒާމެއް ތައާރަފްކޮށް، ކާމިޔާބުކަމާ އެކު ހިންގަން ފެށީ ރަށްތައް ގުޅުވައިލުމުގެ ބޭނުމުގަ އެވެ. އަދި ފެރީގެ ނިޒާމެއް ގާއިމު ކުރީ އަމިއްލަ ރަށުގައި އާއިލާއާ އެކު ފިތި ބާރުނުވެ ދިރިއުޅެމުން، ފަސިންޖަރުންނާއި މުދަލާއި ހިދުމަތް އެއް ރަށުން އަނެއް ރަށަށް ފޯރުކޮށްދެވޭނެ ހަރުދަނާ އިންތިޒާމެއް ގާއިމު ކުރުމަށް ކަމަށް އެމްޑީޕީން ބުންޏެވެ.
މެނިފެސްޓޯގައި ހިމެނޭ މުހިންމު ކަންކަން:
- ކޮންމެ ރަށެއްގައި ފެރީ ޓާމިނަލެއް ގާއިމު ކުރުން.
- މުދާ އުފުލުމަށް ސަޕްލައި ފެރީތައް ތައާރަފް ކުރުން.
- އެތެރޭގެ އުދުހުންތަކުގެ އަގު ވަރަށް ބޮޑަށް ކުޑަ ކުރުން.
- ގެސްޓްހައުސްގެ ވިޔަފާރި އިތުރަށް ފުޅާކޮށް، ތަރައްގީ ކުރުން.
- އައިލެންޑް ހޮޓަލާއި ބުޓީކް ހޮޓަލާއި ހޯމްސްޓޭ ތައާރަފް ކުރުން.
މެނިފެސްޓޯގައި ބުނެފައިވާ ގޮތުން ދަތުރުފަތުރުގެ ރައްކާތެރިކަން އަންހެނުންނަށް ކަށަވަރުވާން ޖެހެ އެވެ. އަންހެނުންގެ ސިއްހަތަށާއި އާއިލާ ބެލެހެއްޓުމަށާއި އަދި ދިރިއުޅުމުގެ މަސައްކަތް ދެމެހެއްޓުމަށް ރައްކާތެރި ދަތުރުފަތުރުގެ ނިޒާމަކީ އެންމެ އަސާސީ އެއް ބޭނުން ކަމަށެވެ.
އެހެންވެ، ފެރީގެ ނިޒާމު ބައްޓަން ކުރެވޭނީ އަންހެނުންނަށް ރައްކާތެރިކަން ފޯރުކޮށްދީ، ދަތުރުފަތުރުގެ ނިޒާމަށް ފަސޭހަކަމާ އެކު ވާސިލްވެވޭނެ ގޮތަށް އިސްކަން ދީގެން ކަމަށް މެނިފެސްޓޯގައިވެ އެވެ.
"ގުޅިލާމެހިފައިވާ އިގްތިސާދީ ނިޒާމެއް ގާއިމު ކުރުމަށް މިހާރަށް ވުރެ ބޮޑަށް އެއް ރަށް އަނެއް ރަށާއި މުޅި ރާއްޖެ ގުޅާލެވޭނެ އެވެ. އަދި މި ކަމަށްޓަކައި ހުރިހާ ރަށެއްގެ ލަފާފުރުމާއި އަރާ ފޭބުން މިހާރަށް ވުރެ ފަސޭހަ ކުރެވޭނެ އެވެ. ހުރިހާ ރަށެއްގައި ބަނދަރު ހަދާ ނިމި، މި ތަންތަނަކީ އިގްތިސާދީ ހަރަކާތްތައް ހިނގާ ބާޒާރު ބަނދަރުތައް ހެދޭނެ އެވެ،" އެމްޑީޕީގެ މެނިފެސްޓޯގައިވެ އެވެ.
އެމްޑީޕީން ބުނީ ގެސްޓްހައުސް ވިޔަފާރި އިތުރަށް ކުރިއެރުވުމަށާއި މުޅި ރާއްޖެ އަށް ފުޅާ ކުރުމަށް ގެސްޓުން އަތުން އެތެރޭގެ އުދުހުންތަކަށް މިހާރު ނަގަމުންދާ އިންތިހާ އަށް ބޮޑު އަގުތައް އެ މީހުންނަށް ނުވާ ވަރަށް ތިރި ކުރެވޭނެ ކަމަށެވެ. އަދި އެއާޕޯޓުތަކާއި އަތޮޅުތަކުގެ ފެރީ ނިޒާމާ ގުޅުވާލައި ރާއްޖެ އަށް ހުރަހެއް ނެތި ދަތުރުފަތުރު ކުރެވޭ ލުއި ފަސޭހަ ނިޒާމެއް ގާއިމު ކުރެވޭނެ ކަމަށް އެމްޑީޕީން ބުންޏެވެ.
މެނިފެސްޓޯގައި ބުނި ގޮތުގައި ރާއްޖޭގެ އުތުރާއި ދެކުނާއި މެދު ރާއްޖެ ތެރޭގެ މީހުން ދިރިއުޅޭ ރަށްރަށުގައި ޑިއުޓީ އާއި ޓެކްސް ލުއިކޮށް، އިގްތިސާދީ މަރުކަޒުތައް ގާއިމު ކުރެވޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަސްކަނި ސަމީރު
08 September 2018
ބަލަގަ އަނެއްކާވެސް އޮޅުވާލާގެން މީހުން ދިރިއުޅޭ ރައްތަކުގައި ބަގުރާ އާންމު ކުރަން މަޅި ޖަހަނީ ދޯ؟ މިދެން ފުކެއް ބޮޑުވަރު، ބަލަ އިބޫ މީ މުސްލިމުން އުޅޭ ގައުމެއް ތިފުރުސަތު ނުލިބޭނެ، ލާހިކައެއްނޫން
ވައުދު މޫސުން
31 July 2018
މެނިފެސްޓޯ އޭ ކިޔައިގެން ދައްކާ ވާހަކަތަކުން ސާފުވޭ ރަށްރަށުގެ ރައްޔިތުން އުޅޭ ހާލު ނޭނގެނީ ނޫންކަން. އެކަމަކު ހަގީގަތަކީ އެމްޑީޕީ ވެރިކަމަށް އަޔަސް، ޕީޕީއެމް ވެރިކަމުގައި ބޭތިއްބިޔަސް އަތޮޅުތެރޭގެ ރައްޔިތުން މާލެ އައިސް މާލޭ ބޭފުޅުންނަށް ކުލި ދައްކައިގެން ގަނަތެޅެން ނުޖެހޭވަރަށް އަތޮޅުތެރެ ތަރައްޤީ ނުކުރާނެކަން. މާލެ ސަރަހައްދުގެ ތަރައްޤީއަށް ހޭދަކުރާ 1000 ރުފިޔާއަކަށް 1 ރުފިޔާވެސް އަތޮޅުތެރެއަށް ހޭދަ ނުކުރާނެ. މިއަދުވެސް މުދާކޮޅެއް ތާކަށް ގެންދަންވެގެން ކުޑަ ޕިކަޕެއް ގެނައިއިރު އިނީ ދަންނަ މީހެއް. ހަބަރު އަހާލިއިރު ދިރިއުޅެނީ ހުޅުމާލޭގައި ތަނެއް ކުއްޔަށް ހިފައިގެން. އުޅެނީ އެމްޓީސީސީ ގެ ވަޒީފާގައި ހުޅުމާލޭގައި. ވަޒީފާގެ މުސާރައަށް ގޭގެ ކުއްޔަށްވާ 13000 ރުފިޔާވެސް ނުލިބޭ. ވަޒީފާ ނިމޭގޮތަށް ތެޅެމުން އަންނަނީ މާލެއަށް. އައިސް ޕިކަޕަށް އަރާގޮތަށް ފައިބަނީ އެތައް ދަމެއްވާ ފަހުން. މިއީ 1 ދުވަހުގެ ކަމެއް ނޫން، ދިރިއުޅުމުގެ ބޭނުންތައް ފުއްދުމަށް ގިނަބަޔަކު ކޮންމެ ދުވަހަކު ކުރަންޖެހޭ ހަނގުރާމަ
އަސްލުހާލަތު
09 July 2018
މެނިފެސްޓޯގައިވާ ގޮތުން "ދަތުރުފަތުރުގެ ރައްކާތެރިކަން އަންހެނުންނަށް ކަށަވަރުވާން ޖެހެ އެވެ" ދެން ފިރިހެނުންނާ ކުޑަކުދިންނާ އުމުރުން ދުވަސްވީ މީހުންނާ ހާއްސަ އެހީއަށް ބޭނުންވާ މީހުންނަށް އެ ރައްކާތެރިކަން ނެތީތޯ؟ ކޮބާ އެމީހުން..އަހެންނުންނާ ފިރިހެނުން ހަމަހަމަކަމަށާއި ހައްޤުތައް ހަމަހަމަ ވާންޖެހޭނެކަމަށް ބުނާ މިޒަމާނުގަ އަންހެންނަކީ ދަރުތުތަކަށް ބަލި ނިކަމެތި ބައެއްގެ ގޮތުގަ ބަލާފަ އިތުރު ރައްކާތެރިކަމާ އަޅާލުން ދޭންޖެހޭނެއޭ ބުނީމަ ހަމަހަމައޭ އެއް ހަމައޭ ކިޔައިގެން ތިޔަ ދައްކާވާހަކައިގެ އަސްލެއްނެތްކަން އެނގޭ.. ރަނގަޅު އަޅުގަނޑުވެސް ބޭނުން ކަނބަލުންނަށް ސެކިއުރިޓީއާ އަޅާލުން ލިބެން.. މައްސަލައަކީ ދައްކާވާހަކަ ދެކޮޅު ނުޖެހުން
ފަހުދު
09 July 2018
ފާލަމެއް ނޭޅޭނެ! ކޮބާތޯއޭ ތީގެ އިންޖިނޭރިންނަކީ؟ ކާކުހޭ ބުނީ ތި އެޅޭނޭ؟ ޖަރީމާ ރައީސް ނިކަން ވިދާޅުވެލައްވައްލޯ ތި ފާލަމެއް އެޅުނީމާ ދެން ވާނެ ގޮތެއް؟ އެޅިޔަސް ވެސް. ދެން ހަމަ މީހުންގެ ލޮލޮގަ އަދުން އަޅުވަން ތި ގޮތަށް ދޮގު ނުހައްދަޥާ ހުންނަންވީނުންތޯ.
އަބްދުއްލާ
09 July 2018
ތިޔަ މެނިފެސްޓޯގަ ބުނާގޮތަށް އެއްވެސް ކަމެއްނުކުރެވޭނެ. ގެއްލުންވާގޮތަށް ފްލައިޓް ދަތުރު ނުކުރެވޭނެ
ކަނބިލި
09 July 2018
އާނ އެމްޑީޕީގެ ކުރީ ސަރުކާރުގައި ތ.އަތޮޅުގެ ރަށްތައްވެސް ވަނީ ވަޢުދާ އެއްގޮތަށް ގުޅާލެވިފައި ދެއްތޯ
ޒޫނާ
09 July 2018
ފާަލަމުންތަ ގުޅާލަނީ ހުޅުޖަހައިގެން ގުޅާލެވޭނީ .ހެހހެހ
މަހުދީ
09 July 2018
ޖަޒީރާ ތަކުގައި އުޅޭ މީހުންނަކީ ކަނޑުފަޅުފީނައިގެން ނާއި ވަލުގައި ދަނޑު ހައްދައިގެން ކައިގެން ބޮއިގެން އުޅޭބައެއް.. ޓެބިލެޓާ ސްމާޓް ފޯނާ ކަރަންޓާއި ޑޮކްޓަރުންނަކީ ޖަޒީރާތަކުގައި ދިރިއުޅޭ މީހުންނަށް ދަންނަ ކަންތައްތަކެއް ނޫން. ދިވެހިންގެ ތެރޭ ކިތައްމީހުންބާ މިހެނަށްބާ ޖަޒީރާގެ ދިރިއުޅުމޭ ބުނާއިރު އެދިރިއުޅުން އޮންނަގޮތް އެނގެނީ
ކާފަބެ
09 July 2018
މިހާރުވެސް އެމްޑީޕީ ކުދިން ކިޔަނީ ފެރީނިޒާމުގެ ވާހަކަ ކޯޒްވޭއާއި ބުރިޖާ ފާލަމުގެ ވާހަކަ ދައްކަންފެށީމައި މިހިތަށް އަރަނީ ޔާމިނު ގެ ވިސްނުން މިހުރީމިހުރިހާއެންމެނަށްވުރެ މަތީގަތާއޭ
މޫސާފުޅު
09 July 2018
ތިކަހަލަ މޮޅު ދެތިންކަމެއް ކޮށްލާފައި ދެންކުރާކަމަކުން ދިވެހިން ބިރުން ފިއްކަނޑައިގެންދެއެވެ. ބުދެއްބަހައްޓާނެއެވެ. އެހެންދީން އޮންނަންޖެހޭނެކަމަށް ވިދާޅުވާނެއެވެ. ރަސޫލާއަށް ހަޖޫޖަހައި ޞަލަވާތްކިޔަވަން ނުޖެހެއޭ ބުނާނެއެވެ. އެމީހަކު ބޭނުން ދީނަކަށް އުޅެވެންޖެހޭނެއޭ ބުނާނެއެވެ. ތީކީ ޤަބޫލުކުރެވޭ ވާހަކަތަކެއްނޫނެވެ.