ކޯލިޝަން ދަމަހައްޓަން އެމްޑީޕީގެ އެހީ ބޭނުން: އިބޫ

އަހަރެންނަކީ އެމްޑީޕީގެ އެކްޓިވިސްޓެއް، ސަރުކާރުގެ އެއްވެސް މަގާމެއް ބޭނުމެއްނޫން، އެކަމަކު އަހަރެންނަށް ވިޔަފާރިކުރެވޭނެ މަގު ހުޅުވައިދޭންޖެހޭނެ، ބިދޭސީން އިސްކޮށްގެން ނުވާނެ، އަހަރެންގެ ރަށުން އަހަރެންނަށް ބިންދީފައި ބޭރު މީހަކަށް ބިމުން ޖާގަދޭންވާނީ، އަހެރެން ވޯޓްދިނީ އަހަރެންނަށް ހަމަ ހަމަ ފުރުސަތު ހޯދަން

މިފަހަރު ހީވޭ ދިވެހި ކުންފުނިތަކަށް ދިވެހިންނަށް ފުރުސަތު އިތުރުވެގެންދާނެކަމަށް، ހަގީގަތުގައި ހަމަ ހަމަ ނިޒާމެއްގެ ދަށުން ދިވެހިންނަށް ފުރުސަތުދޭނަމަ އެމްޑީޕީގެ އެކްޓިވިސްޓުންވެސް ސަރުކާރުގެ މަގާމުތަކެއް ހޯދަން ނުއުޅޭނެ، ދިވެހިން ނިކުންނަންވީ ވިޔަފާރި އާއި ހިދުމަތްކުރުމަށް، އަމިއްލަ ވިޔަފާރިއަށް ނިކުމެ އާއިލާގެ ދިރިއުޅުން ކުރިއަރުވަންވީ، ކޮންމެ ފަހަރަކު ވެރިކަން ބަދަލުވާއިރަށް ގެއްލޭ ވަޒީފާއެއް ނުހޯދައި

އެމްޑީޕީން ހަޖަމްކުރަންވާނީ އެހެން ޕާޓީތަކުން މަގާމުތަކުގައި ތިބޭ މީހުން ފެނިފައި، ކޮންމެ މީހަކު މިނިސްޓަރުކަމާއި ސްޓޭޓް މިނިސްޓަރުކަން ކުރަން ނަހަދާތި، ތަޖްރިބާއާއި އިލްމު، ގާބިލުކަން މީހުންގެ އިތުރުބާރު ލިބިފައިތިބި ކާމިޔާބު މީހުންގެ ލަފައާއި މަޝްވަރާ ހޯދަންވާނެ، ދިރާސާކުރަންވާނެ، ކެތްތެރިވާންވާނެ

ފުރަތަމަ އިސްކަން ދޭނީ ރައީސް އޮފީހަށް އެއޮފީހަކީ އެމްޑީޕީގެ ޖަގަހައަކަށޤ ހަދައިގެންނުވާނެ، އަދި އެމްޑީޕީގެ އިސްމަގާމުތަކުގައި ތިބި އެކްޓިވިސްޓުން ނުޖެހޭނެ ސަރުކާރުގެ ސިޔާސަތު ހާމަކުރަން، ސަރުކާރަށް އަންގާ ކަންކަން އަންގަންވާނީ ރަސްމީކޮށް ލިޔެކިއުމުން، ޕޯޑިއަމް މެދުވެރިކޮށެއްނޫން، އަދި ނޫސް ކޮންފަރެންސްސަކުންނޫން، ޕާޓީގެ ޖަލްސާތަކުން ސަރުކާރުގެ ނިންމުންތަށް ނިންމައިގެން ނުވާނެ

އިބޫ އެހެން އެވިދާޅުވީ ހަގީގަތުގައިވެސް ވަރަށް ވިސްނާފައި، އިބޫއަށް ވެރިކަން ކުރެވޭނީ އެމްޑީޕީގެ ޕްރެޝަރު އިބޫއަށް ކުޑަކޮށްގެން ވިސްނުންތެރިކަމާއި އެކުގައި އެބޫއަށް ވަގުތުދީގެން، އިބޫގެ ސިޔާސަތުގެ ތެރެއިން ރާއްޖޭގެ ހުރިހައި މީހުން ކޮންމެހެން ސަރުކާރުގެ މަގާމުތަކުގައި ތިބެން ނުޖެހޭނެ، އެހެނިހެން ކަންކަމުގައި ޝާމިލުވެ ކުރިއެރުން ހޯދަން ފުރުސަތުލިބޭނެ

އިބޫ ވިދާޅުވި ލާމަރުކަޒީ އުސޫލުން ކަންކަން ކުރުމަށް ދޫކުރާ ވާހަކަ، އެކަމަކު ޕްލޭނެއް އޮވެގެން އެކަންވާނީ، މާނައަކީ ވަރަށް ރަނގަޅު ސްޓްރަކްޗަރެއް ހަދާފައި، އުސޫލުތަކެއް ލިޔެފައި އެއުސޫލުގެ މަތިން ލާމަރުކަޒީ ނިޒާމު ހިންގަން ހަވާލުކުރަންވާނީ، އަދި ކޮންމެ ރަށެއްގެވެސް ޕްލޭނާ އެއްގޮތަށް އެކަން ކުރަންވާނީ، އެހެންކަމުން ކޮންމެ ރަށެއްގެ ޕްލޭން ހަދަން މިހާރުން މިހާރަށް ފަށަންޖެހޭ

ކޯލިޝަނުން ސަރުކާރުގެ މަގާމުތަކުގައި ހަވާލުވެ އިބޫއާއި ފައިސަލްވި ވައުދުތަކާއި މެނިފެސްޓޯގައި ހުރި ކަންކަން ހާސިލްކުރުމަށް ކޮންމެ ޕާޓީއަކަށްވެސް ޓާގެޓެއްދީފައި މަސައްކަތް ފަށަންޖެހެނީ، މިސާލަކަށް އެމްޑީޕީގެ ފަރާތުން ހަވާލުވާ މަގާމުތަކުން ކުރަންޖެހޭ ކަންކަމުގެ ޓާގެޓެއް، ޖޭޕީގެ ފަރާތުން ހަވާޅުވާ މީހުންނަށް ޓާގެޓެއް، އެއިރުން ކަންކަން ހާސިލްވާނީ

އެމްޑީޕީ މިފަހަރު އެބަޖެހޭ ގުރުބާންތަކެއްވާނެ، ކަމުދާ ކަންކަން ކުރެވޭނެ ގާބިލު މީހުން، އެކްޓިވިސްޓުންނެއްނޫން މަގާމުތަކަށް ލާންޖެހޭނީ

އެމްޑީޕީ އިން އެއްބާރުލުން ނުދީފިއްޔާ ވެރިކަން ދެމި ނޮއޮންނާނެ، އެއީ ކަށަވަރުކަމެއް، އަދި މިފަހަރު އެމްޑީޕީގެ ލީޑާރޝިޕުން ގޯސް ހަދައިފިއްޔާ ދުވަހަކުވެސް މިޤައުމުގެ ރައްޔިތެއް އެމްޑީޕީއަށް އިތުބާރެއް ނުކުރާނެ، އެމްޑީޕީގެ ފަރާތުން ނަޝީދުއާއި އެކުގައި ސަރުކާރުގައިތިބި މީހުން ފަހަތަށްޖެހި އެމްޑީޕީގެ އާޓީމެއް އެމްޑީޕީގެ ފަރާތުން ސަރުކާރުގައި މަސައްކަތް ކުރަންވާނީ، ދެންތިބި މީހުން މިނިވަން ވިޔަފާރީގައި އުޅުނީމަ ރަނގަޅުވާނެ

އެމްޑީޕީގެ ކުރީސަފްގައިތިބި މީހުންގެ ހިތުގައި އުފެދޭނެ ސުވާލަކީ ތިމަންނާމެން މިދިޔަ 7 އަހަރުގައި ވަރަށް ގުރުބާނީތަކެއް ވެއްޖެއިމޭ، އެތަކެއް މުދަލެއް ގެއްލިއްޖެއޭ، އެތަކެއް ފައިސާއެއް ހަރަދުވެއްޖެއޭ، އެތަކެއް ވަގުތުތަކާއި، ހިތްދަތިކަން ލިބިއްޖެއްޔޭ އޭގެ ފަހުންނޭ ނޭވާލެވުނީ، އެކަމަކު ވިސްނަންޖެހޭނީ ރައްޔިތުންތިބިގޮތް، ރައްޔިތުން ބުނީ 4 ލީޑަރުން އެއްކޮށް އުޅޭށޭ، އެހެންވެ ކޮންމެ ޖަލްސާއެއް ފެށުމުން 4 ލީޑަރުންގެ ނަންތަށް ކިޔަމުން ދިޔައީ،