ޚަބަރު / ސަފާރީ

ޓޫރިސްޓުން ތިބި ސަފާރީއެއް ނެރަކަށް އަރައިފި

ބްލޫ ލެގޫން ސަފާރީ ބ. ދަރަވަންދޫ ނެރަށް އަރާފައި -- ފޮޓޯ: އެމްއެންޑީއެފް

ލަމްޔާ އަބްދުﷲ، މިހާރު

20 ނޮވެމްބަރ 2018 - 15:11

2 comments

ޓޫރިސްޓުން ގޮވައިގެން ދަތުރުކުރަމުން ދިޔަ ސަފާރީއެއް ބ. ދަރަވަންދޫ ނެރަށް އިއްޔެ ރޭ ދަންވަރު އަރައިފި އެވެ.

"ބްލޫ ލެގޫން" ސަފާރީ ނެރަށް އެރުމުން، ކޯސްޓް ގާޑުން އެ ހިސާބުގަނޑުގައި ހަރަކާތްތެރި ވާން ފެށި ކަމަށް އެމްއެންޑީއެފުން ބުންޏެވެ. ދަތުރުކުރި 13 ޓޫރސްޓުންނާއި 14 ފަޅުވެރިންނަށް އެއްވެސް އަނިޔާއެއް ލިބިފައި ނުވާ ކަމަށް ވެސް އެތަނުން ބުންޏެވެ.

"ފަތުރުވެރިންނާއި ފަޅުވެރިން އަޅުގަނޑުމެން ދަރަވަންދޫ އަށް ގެންދިޔައީ،" އެމްއެންޑީއެފްގެ މީޑިއާ އޮފިޝަލަކު ވިދާޅުވި އެވެ.

ދަރަވަންދޫ ކައުންސިލް މެމްބަރު އަަލީ މާޖިދު ވިދާޅުވީ އެ ސަފާރީގައި ތިބި ޓޫރިސްޓުން އެ ރަށުގެ ގެސްޓްހައުސްތަކުގައި މަޑުކުރަމުން އަންނަ ކަމަށެވެ. އަދި އިއްޔެގެ ވަގުތެއްގައި އެ ސަފާރީ އެ ތަނުން ފުންކޮށްފައިވާ ކަމަށް ވެސް އޭނާ ވިދާޅުވި އެވެ.