ޕްރަވަޓައިޒޭޝަން ބޯޑުގެ ރައީސް ނިޒާރު-- ފޮޓޯ: މޯލްޑިވްސް ޓައިމްސް
25 ނޮވެމްބަރ 2018 - 12:24
15 comments
ސަރުކާރު ހިއްސާވާ ކުންފުނިތަކުގެ ވެރިން އިސްތިއުފާ ދެއްވުމާއި މަގާމުން ވަކިކުރުމުން އެ މަގާމުތައް ހުސްވެފައިވާއިރު އެ މަގާމުތަކަށް އާ މީހުން އައްޔަން ކުރަން ރައީސް އިބްރާހިމް މުހައްމަދު ސޯލިހް އަދި ނާންގަވާ ކަމަށް ޕްރައިވަޓައިޒޭޝަން ބޯޑުން މިއަދު ބުނެފި އެވެ.
ކުންފުނިތަކުގެ ވެރިންނަށް މީހުން އައްޔަން ކުރައްވާނީ ރައީސް އެވެ. ޕްރައިވަޓައިޒޭޝަން ބޯޑުގެ ޒިންމާ އަކީ ރައީސް ހުށަހަޅުއްވާ ބޭފުޅުންގެ ޝަރުތު ހަމަވޭތޯ ބަލައި މަގާމު ހަވާލު ކުރެއްވުމެވެ.
ސަރުކާރު ހިއްސާވާ 29 ކުންފުނީގެ ތެރެއިން ގިނަ ކުންފުނިތަކެއްގެ ވެރިން ވަނީ ސަރުކާރު ބަދަލުވުމާއެކު އިސްތިއުފާ ދެއްވައިފަ އެވެ. އަދި މިދިޔަ ބުރާސްފަތި ދުވަހު ވަނީ 11 ކުންފުންޏެއްގެ އިސްވެރިން މަގާމުން ވަކިކޮށްފަ އެވެ. އެހެންކަމުން މިހާރު ކުންފުނިތައް ހިންގަނީ ވަގުތީ ވެރިންނެވެ.
ކުންފުނިތަކަށް ވެރިން އައްޔަން ކުރުމާ ގުޅޭގޮތުން ޕްރައިވަޓައިޒޭޝަން ބޯޑުގެ ރައީސް މުހައްމަދު ނިޒާރު މިއަދު ވިދާޅުވީ އެފަދަ ކަމެއް ރައީސް އޮފީހުން އަދި އަންގަވާފައި ނުވާ ކަމަށެވެ. އަންގަވާނެ ވަކި ދުވަހެއް ވެސް އަދި އެނގިވަޑައިނުގަންނަވާ ކަމަށް އޭނާ ވިދާޅުވި އެވެ.
"ފަހަރެއްގައި އަންގަފާނެ މާދަމާ ވެސް. އަންގަވާނެ އިރެއް ނޭނގޭ. އަދި ނެތް އަންގަވާފައެއް،" ނިޒާރު ވިދާޅުވި އެވެ.
ބުރާސްފަތި ދުވަހު ވަކިކުރި ކުންފުނިތަކުގެ ވެރިންގެ ތެރޭގައި އައިލެންޑް އޭވިއޭޝަންގެ މެނޭޖިން ޑިރެކްޓަރު އަބްދުލްހާރިސް އާއި ސްޓެލްކޯގެ މެނޭޖިން ޑިރެކްޓަރު އަހުމަދު ޒުހޫރާއި އެމްޓީސީސީ އާއި ފެނަކަ ކޯޕަރޭޝަންގެ ޗެއާމަނުން ވެސް ހިމެނެ އެވެ. ވަކިކުރި މީހުންގެ ތެރޭގައި ޕީއެސްއެމްގެ މެނޭޖިން ޑިރެކްޓަރު އިބްރާހިމް ހަލީލާއި ޑެޕިއުޓީ މެނޭޖިން ޑިރެކްޓަރު މުހައްމަދު އިކްރާމް ވެސް ހިމެނެ އެވެ. އިތުރު އެހެން ކުންފުނިތަކުގެ ބޯޑު މެމްބަރުން ވެސް ވަކިކޮށްފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާރަނގާ - އައްޑޫ ސިޓީ
26 November 2018
ދައުލަތުގެ ކުންފުނިތަކުގެ ތެރެއިން ބޭންކް އޮފް މޯލްޑިވްސް، އެމްޓީޑީސީ، މޯލްޑިވިއަން، އައްޑޫ އިންޓަނޭޝަނަލް އެއަރޕޯޓް، ސްޓެލްކޯ އަދި އެމްޕީއެލް މިފަދަ ވިޔަފާރި ކާމިޔާބުކަމާއިއެކު ކުރަމުންއަންނަ އެމަރިކާ، އީޔޫގެ ޤައުމުތަށް ނުވަތަ ޖަޕާނާއި އޮސްޓްރޭލިއާ ނުވަތަ ޤަތަރު ފަދަ މާލީތަނަވަސްކަންލިބިފައިވާ ޤައުމުތަކުންޝޯޓްލިސްޓްކުރެވޭ ކުންފުނިތަކަކަށް ބިޑްހުށަހެޅުމަށް 6 މަސްދުވަހުގެމުއްދަތާއިއެކު ބައިނަލްއަޤުވާމީ މީޑިއާ ތަކުގައި އިސްތިހާރުކުރުން އަވަސްކުރޭ.
ދަތްނެތްކުއްޖާ
25 November 2018
ޙަޤީގަތުގައި ތިޔަ ބޯޑު ވެސް އެބަޖެހޭ ބަދަލު ކުރަން. ތިޔަ ނިޒާރަކީ ވެސް ޔާމީންގެ ޕަޕެޓެއް. ތިޔަކަލޭގެ ވެސް ވަކި ކުރަންޖެހޭ.
ދެރަސޮރު
25 November 2018
އޭނާގެ 33 އަހަރުގެ ޚދުމަތް ވަރަށް ރަނގަޅު.. އެކަމަކު 2018 ގަ އޭނަ އުޅުއްވީ ރ ޔާމީން ގެ ވެރިކަން ދިފާއު ކުރަން ރައްޔިތުންނާ ދެކޮޅަށް... ހަމަޔާ އިންސާފންބޭރުން، ކަރަޕްޝަނަނށް މަގުފަހިވާގޮތަށް ދަތރުތަށް ކޮށްދީގެން.... އެޔާއެކު އޭނަގެ މަްާމު ދިފާއު ކުރުމަށް.... ޔާމީނުގެ އަނިޔާވެރިކަން ދެނަހުރެ، ގެޔަށް ރުފިޔާ ވެއްދި ވާހަކަ ބުނެފަ ވާއިރުވެސް ހިލޭ ދަތުރުތަށް ކޮށްދީގެންހުންނެވި ބޭފުޅެއްގެ ވާހަކަ ތި ކިޔަނީ... 33 އަހަރު ވަޒީފާގަ ހުރި މިހާވެސް ކަނޑލިއްޔޭ
ރަދީފް
25 November 2018
ސޭޓޭ ކޮމާންޑޭ ރަތްމަހޭ ކިޔާއިރު ކަލޭމެންނަށް ވެރިކަން ލިބުނީ އޭނަގޭ ފަސްބައިގަ އެލިގެންނޫންތަ؟؟ ލަދު ކޮބާ؟؟؟ ވ.ވެދުން
ހުސްނީ43
25 November 2018
މިބޭފުޅާ އަކީ ޔާމިންއަށް މަރުދިން ބޭފުޅެއް.
ވަހީދާމުހައްމަދދުމުހައްމަދު ހު
25 November 2018
އިބޫހުރީ ސޭޓޫގެ ދަށުވެފަ. ސޭޓު ނުރުހިގެން އިންކަމް ޓެކުސް ބިލް ހުށަހެޅެން ނެތް ޕީޖީ ވަކުކުރެވެން ނެތް ޖެނެރަލް ޝިޔާމް ވަކިކުރެވެން ނެތް ލާމަރުކަޒީ ނިޒާމު ފުރިހަމަ ކުރެވެން ނެތް ޖުޑިޝަރީ އިސްލާހު ކުރެވެން ނެތް ކުންފުނިތަކުގެ ތެރެއިންވެސް ބޮޑެތި ކުންފުނިތައް ނަގަން ބޭނުންވަނީ ސޭޓު،
އަހަންމަދާ
25 November 2018
ސޭޓް އަހަރުމެން ތިރިކޮށްފާނަން އަހަރުމެންނަށް ވާނެ. ސޭޓްވެސް ރައްޔިތުންގެ ބަސް އަހަންޖެހޭނެ ނޭހޭނަމަ ޖެހޭނީ އިދިކޮޅު މީހަކަށްވާން. ސަރުކާރާ އެއްކޮޅުގައި ނުހުރެވޭނެ. ޒުވާނުންވެސް މިތިބީ ބަލަން
ނަސީމާހަސަން
25 November 2018
ކުންފުނިތައް ބެހުމުގައި އެންމެން ނުރިހިގެން އުޅޭތީ ލަސްވަނީ. މިއޮތީވާކަމެއް. ދީނައްޓަކައި ގައުމަށްޓަކައި ޚިދުމަތް ކުރަން ކަމަށް ބުނެ އުޅެނީ އެދުމާ. އިބުރާހިމް މުހައްމަދު ސޯލިހު އެބަޖެހޭ ތަންކޮޅެއް ހަރުދަނާވާން ، ޚުދުމުޚުތާރު ވާން ޖެހޭ ތަންތާގަ ޚުދުމުޚުތާރު ވާންވީ. ސޭޓަށް ނޫނެކޭ ބުނަން ކެރެން އެބަޖެހޭ، ފޯމިއުލާއެއް ހަދައިގެން އެފޯމުއިލާއަށް ކުންފުނިތަކާއި އެމްބަސީތައް ބަހާކަށް ނުޖެހޭ.
އަބްދުލް
25 November 2018
މި ދިޔަ ބުރާސްފަތި ދުވަހު އެމްޑީ ވަކި ކުރި ފަހުން ވެސް، ދެން ތިބި މެމްބަރުން އައިސް ބޯޑުގެ ބައްދަލުވުމެއް ބާއްވައިފި. މި ދެން ކިހާ ވަރުގަދަ ކަމެއް. އެމީހުން ގެއަށް ފޮނުވާލަބަލަ!
ޚަރެެމއަސފސަފަފ
25 November 2018
ސޭޓް އަތުން ސަރުކާރުގެ ހިއްސާ ގަންނޭ، އޭރުން ސޭޓް ހިތްހަމަޖެހޭނެ
ބޯވަ
25 November 2018
33 އަހަރު ސަރުކާރަށް ހިދުމަތް ކޮށްދެއްވައި، ބޮޑު ކުރިއެރުމެއް އައިލެނަޑް އޭވިއޭޝަނަށް ގެނައި މީހަކު ތިހާ ނިކަމެތިގޮތަކަށް ކަނޑާ އެއްލަލުމަކީ އިންސާފު ތޯ، އެމަގާމުގަ ހުރީ ނާއިނަސާފުންތޯ، ޔާމީނުގެ ވެރިކަމުގަ އައިލެންޑް އޭވިއޭޝަނަށް ފުންމަލި މީހެއްތޯ ހާރިސް އަކީ، 33 އަހަރު ކޮށްދިން ކަންތަކުގެ އަގުކޮބާ، މީސްޓޭޓްގެ ގެ ކުންފުންޏެއް، އެއިރެއްގަ އޮންނަ ސަރުކާރެއް ކުޅެން އޮންނަ ތަނެއްނޫން. ދެން ރަނގަޅު މީހުން މިކަހަލަ ތަންތަނާ ހަވާލެއް ނުވާނެކަން ޔަގީން.