03 ޖެނުއަރީ 2019 - 18:58
46 comments
އެމްއެމްޕީއާރުސީގެ ބޮޑު ހިނާޔާތް ހިންގުމުގައި އިސްކޮށް ހުންނެވިކަމަށް ތުހުމަތުކުރެވޭ ކުރީގެ ނައިބު ރައީސް އަހުމަދު އަދީބުގެ މައްސަލަތައް އަލުން ބަލަންޖެހޭ ކަމަށް، އޭނާ އިސްވެ ހުންނަވައިގެން އުފެއްދެވި މޯލްޑިވްސް ތާޑްވޭ ޑިމޮކްރަޓްސް (އެމްޓީޑީ) އިން މިއަދު ބުނެފި އެވެ.
ސިއްހީ ސަބަބުތަކަށްޓަކައި ޑޮކްޓަރުގެ ލަފާގެ މަތިން ގޭ ބަންދުގައި ބެހެއްޓުމަށް ފަހު ރޭ އަދީބު މާފުށީ ޖަލަށް ބަދަލުކުރުމުން އެމްޓީޑީން ބޭއްވި ނޫސްވެރިންގެ ބައްދަލުވުމުގައި އެ ޕާޓީގެ ނައިބު ރައީސް، ވެލިދޫ ދާއިރާގެ މެމްބަރު ޔާމީން ރަޝީދު ވިދާޅުވީ އަދީބާ ގުޅޭގޮތުން ކުރިން އަމަލުކޮށްފައިހުރީ ގޯސްކޮށްކަން މިހާރު އެނގެމުން އަންނަ ކަމަށެވެ.
ކުރިން މައްސަލަތައް ބަލާފައި ހުރި ގޮތްތަކާއި "މައްސަލަތަކުގައި ނުފޮރެޅޭ ގާތަކާއި އެ ހުރިހާ އެއްޗެއް" މިހާރު ފެންނަމުންދާ ކަމަށް ވެސް ވިދާޅުވި އެވެ. ޔާމީން ވިދާޅުވީ އެ މައްސަލަތަކުގެ ހަގީގަތަށް ފީނެންޖެހޭ ކަމަށެވެ.
"އެހެންވީމަ އަޅުގަނޑުމެން މި ޕާޓީގެ ފަރާތުން ގޮވާލަނީ އަދީބުގެ މައްސަލަތަކަށް އަލުން އެބަޖެހޭ ބަލައި އިއާދަކުރެވެން" ޔާމީން ވިދާޅުވި އެވެ.
ޔާމީން ވިދާޅުވި ގޮތުގައިނއަދީބު މިވަގުތު ހުންނެވީ ސިޔާސީ ބަންދެއްގަ އެވެ. ނޫނީ އޮޅުމެއްގެ ތެރޭގައި ހުންނެވި ބަންދެއް ކަމަށާއި އެކަންކަމަށް ރިއާޔަތްކުރެވެން ޖެހޭނެ ކަމަށް ވިދާޅުވި އެވެ.
ރާއްޖޭގައި އަދުލް އިންސާފު ގާއިމްވާނީ އިޖުތިމާއީ ހަމަހަމަކަމާއި އަދުލު އިންސާފުގެ ހަމަހަމަކަމާއި ހުރިހާ ހަމަހަމަކަމެއް ލިބިގެން ކަމަށް ވެސް ޔާމީން ވިދާޅުވި އެވެ.
ޔާމީން ވިދާޅުވި ގޮތުގައި އަދީބު ހައްޔަރުކުރުމުން އެމްޓީޑީއަށް ދެން ވާނެ ގޮތަކާ މެދު އާއްމު މެމްބަރުންގެ ކަންބޮޑުވުންތައް އެބަހުއްޓެވެ. އެކަމަކު އަދީބު ހައްޔަރުކުރިއަސް ޕާޓީއަށް އެއްވެސް ގޮތެއް ނުވެ ކުރިއަށްދާނެ ކަމުގެ ޔަގީންކަން އޭނާ ދެއްވި އެވެ.
"ޕާޓީއަށް އާ ހިތްވަރެއް، މިކަންކަމުން ލިބިގެން ގޮސްފައި މިވަނީ. ޕާޓީން މަސައްކަތް ކުރާނެ އިތުރު ދިމާތަކެއް، ދޮރުތަކެއް މިހާރު ހުޅުވިފައި މިވަނީ. އެކަންކަމަކީ އިތުރު މައްސަލަތަކެއް އައިމަ ސިޔާސީގޮތުން އަޅުގަނޑުމެން ކުރަންޖެހޭ ކަންތައްތައް ވެސް އެބަހުރި އަދި ދައްކަން ޖެހޭ ވާހަކަތަކެއް ވެސް އެބަހުރި،" ޔާމިން ވިދާޅުވި އެވެ.
އެމްޓީޑީގެ މިހާރު އެންމެ މުހިއްމު މަސައްކަތަކީ އަދީބު މިނިވަންކުރުން ކަމަށް ޔާމީން ވިދާޅުވި އެވެ.
ޓެރަރިޒަމާއި ހިޔާނާތުގެ ކުށްތައް ސާބިތުވެ، ކްރިމިނަލް ކޯޓުން 33 އަހަރުގެ ހުކުމެއް އިއްވާފައިވާ އަދީބު ގޭ ބަންދަށް ބަދަލުކުރުމާއެކު ވަނީ އެމްޓީޑީ އުފައްދަވައިފަ އެވެ. އަދި އެ ޕާޓީގެ ރައީސަކަށް އަދީބު އައްޔަންކޮށްފައި ވެ އެވެ. ނަމަވެސް އިލެކްޝަންސް ކޮމިޝަނުން ބުނެފައިވަނީ ސިޔާސީ ޕާޓީއެއްގެ މެމްބަރަކަށް ނޫން އެހެން މަގާމެއް އޭނާއަށް އަދާނުކުރެއްވޭނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަޙުމަދު
08 January 2019
ދައުލަތުން މިލިޔަނުން މިލިއަނުން އަދީބު ވަގައްނެގި ފައިސާ ތަށް ކައިރީގަ އުޅުނުހާ އައުވާނުން ނަށް ބަހަމުން ދިޔައރު ކަލޯމެން ތިބީ އަތްޖަހަން، އެކަމުގެ ނަތީޖާ މިހާރު އެފެންނަނީ ދެންވެސް އަތްޖަހާ، ހިވާގޮތުން ޔާމީނުވެސް ތިވަރަކުން އަދީބައިގެން ތިއުޅެނީ ފައިސާކޮޅެއްގެ އުއްމީދުގަތޯއެވެ ؟ . އަދުލު އިންސާފޭ ކިޔައިގެން ވާހަކަ ދައްކަން ޔާމީނު ލަދެއްނުގަނޭތޯއެވެ ؟ ތިމާގައިގަ އިންސާފެއްނެއް މީހަކު އެހެންމީހުންގެ އިންސާފު ވަހަކަ ދެއްކީމަ ރީއްޗެއްނުވާނެ.
އަނގަ ނުގަޅާ
06 January 2019
ސުވަރާ ކަލޭތީ ކާކު އަނގަ ނުގަޅާ ގެޔައްދޭ ހައްޔަރު ނުކުރަނީސް
މޮޔަވެދާނެ
06 January 2019
ބަލަ ކަލޭ ބޮޑު ބޭބެތަ އެއީ. . މިގައުމުގައި ކުދި ބޮޑު އެންމެންނަށް އިނގޭ އަދީބުގެ ހަގީގަތް ކަލޯ ލޮލަށް މިރުސް އެޅިފަތަ؟ ހަމަ ހަކުރު ދެންޏާ ބޮޑު ބޭބެ ދޯ؟ ތިޖޫރި ކާލާއިގެން އޭގެ ބައިއަޅަނީބަ
އަބްދުﷲނާފިޒް
05 January 2019
މިސޮރުގެ މައްސަލަ ބަލަން ފަށަނީ ކޮންއިރަކުންބާ!
އިންސާފް
05 January 2019
މައްސަލަ އަލުން ބަލަށް މިސޮރުވެސް ލާ އެގޮޅިއަށް. ހީވަނީ މީނަވެސް މިގެންގުޅެނީ ހަމައެލާރިގަނޑުހެން.
ސަންގު އަލީ
04 January 2019
ލައްކަ ބޮޑުއަދަދަކުން ފައިސާވަނީ ތިޔަ ޓީވީ އަށް ވަނީ ދީފައި. ޢެހެންވެ ތިހާވަރު ތިވަނީ ކަލޭމެން ތިޔައީ ކުޑަކޮށްވެސް ލަދުހަޔާތުގެ ކަންފުޅެއްވެސް ނެތްބަޔެއްކަން ކަށަވަރުވެއްޖެ ފައިސާލިބުމުން ކުރީގެ ބަލި ކުކުޅުގަނޑެއް ތި އުދުއްސައިގަތީ
އަބްދޫ
04 January 2019
އަދީބުގެ މައްސަލަ އަލުންބަލަންޖެހެނީ ކީއްވެ .އެމއެމްއާރުޕީސި އަށް ލިބުނު ފައިސާގެ ޗެކްތަކާ އަދީބު ހަވާލުވެ އެފައިސާ އޭނާ އޭރު ރައްޓެހިވެގެން އުޅުނު ކުއޖެެއްގެ ގޭގެ މީހެއްގެ ކުންފުންޏަކަށް ޖަމާކޮށް އެފައިސާއިން ބައެއްނަގާ އޭގެ ބޭނުން އަދީބު ނުކުރާކަމަކަށް ނުވާނެ. ދެން ކޯންޗެއްބަލާކަށް.
ދޮންބީފާނު
04 January 2019
ކެކެކެ ލާދީނީ މީހުންގަނޑު ބަވާ ވަރު ބަލާބަލަ. އެހެންވީމާ އެމީހުންނަށްވުރެވެސް ނުބައި، އެމީހުންވެސް ރުޅި އަރާ ބަޔަކަށްތާ ކަލޭމެން ތިިވީ.
ޑާޑާޑާޑާޑާ
05 January 2019
ލާދީނީ މީހިންގަނޑުވެސް ނުލާދީނީ މީހުންގަނޑުވެސް އެވަރުވީމަ ބަވާނެ ދޯ, ރައްޔިތުންގެ ތިޖޫރި ދަވާލައިގެންތިބީމަ
އާއިޝަތު ނާސިހާ
04 January 2019
ހާސްނުވޭ އަދި އޭނާގެ އަންހެނުން ވެސް ހާސްނުވޭ މައސަލަ ދަނީ ބާރު ސުޕީޑުގައި ބަލަމުން އޭނާގެ މިވަގުތު އެއޮތް ހުކުމް 33 ގެ ފަހަތަށް 0 އަންނާނެކަމީ އޮޅުމެއް އޮތްކަމެއްނޫން. ކަލޭވެސް ކުރަންވީ ކަމަކީ ކަލެއަށް އެނގިހުރި މައުލޫމާތް ތައް ހިއްސާކުރަންވީ. ޑރ.އަފުރާޝީމު އަލީގެ މަރާއި ގުޅި ޗެއިނެއްގެ ގޮތުގައި 2 މަރު އެބަވޭ.. ހީނުކުރާތި ދިވެހިރައްޔަތުންގެ ލޮލަށް ފެނިގެންކަމަށް މާތްﷲގެ ހަޠުރަތަށް ބިރުވެތިވެ އެކަލާގެ ވަހީއާއި އެއްގޮތަށް ބަޔަކު ރާއްޖޭގައި އުޅެނީ
އާމިނަތު ޝައުނާ ހަސަން
04 January 2019
އީސީ ޝަރީފުއަށް އަދަބުވެރިކަމާއި އެކު ދަންނަވަން. ތި ކިޔާ އެމް ޓީ ޑީ ޕާޓީ ރަޖިސްޓުރީކުރަން އީސީ އަށް ހުށައެޅި ފޯރމު ތަކުގެ ސައްހަކަން ބަލައިދިނުމަށް އިޚުލާސްތެރިކަމާއި އެކު އެދެން. އަޅުގަނޑުގެ ދައްތަ މިއަދު 1414 ގުޅައިގެން އެނގުނު ގޮތުގައި ވަނީ ދައްތައަށް އެނގުމެއްނެތި އެޕާޓީގައި ރަޖިސްޓަރކޮށްފައި. މިގޮތުގައި ކިތަކެއްމީހުން އެމީހުނަށް އެނގުމެއްނެތި ސިޔާސީ ޕާޓީތަކުގެ އޮފީހުގައި އުޅޭމީހުނަށްފައިސާދީގެން މައުލޫމާތުހޯދައިފައިވާނެތޯ.ތަންކޮޅެއްއެކުޓިވ