އެކްޓިން ޕޮލިސް ކޮމިޝަނަރު މުހައްމަދު ހަމީދު: އަނިޔާވެރިކަމާއި ނަފްރަތު އުފެއްދުމަށް ހިތްވަރު ލިބޭ ގޮތަށް ބައެއް މީހުން ސޯޝަލް މީޑިއާގައި ވާހަކަ ދައްކާ ކަމަށް ފުލުހުން ބުނޭ.---ފޮޓޯ: މިހާރު
09 ޖެނުއަރީ 2019 - 19:07
55 comments
އިސްލާމް ދީނަށް ފުރައްސާރަ ކުރުމުގެ ނިޔަތުގައި ފާޑުކިޔާ މީހުންނާއި އެފަދަ މީހުންނަށް އެކި ކަހަލަ އިންޒާރު ދޭ މީހުންގެ މައްސަލަތައް ވެސް ބަލާނެ ކަމަށް ފުލުހުން މިއަދު ބުނެފި އެވެ.
ދީނަށް ފާޑުކިޔާ މީހުން އަދި އިންޒާރު ދޭ މީހުންގެ މައްސަލަތައް ބަލާނެ ކަމަށް ފުލުހުން ބުނެފައި މި ވަނީ އިސްލާމް ދީނަށް ފާޑުކިޔާ ކަމަށް ބުނެ ބައެއް މީހުން ލާދީނީ ކަމަށް ދީނީ އިލްމުވެރިން ކަނޑައަޅުމުން އެފަދަ ބައެއް މީހުންނަކީ މުރުތައްދުވެ، މަރު ހުއްދަވެފައިވާ މީހުން ކަމަށް ސޯޝަލް މީޑިޔާގައި ބައެއް ފަރާތްތަކުން ބުނެފައި ވަނިކޮށެވެ.
ފުލުހުން މިއަދު ނެރުނު ބަޔާނުގައި ބުނީ، އަނިޔާވެރިކަމާއި ނަފްރަތު އުފެއްދުމަށް ހިތްވަރު ލިބޭ ގޮތަށް ބައެއް ފަރާތްތަކުން ސޯޝަލް މީޑިއާގައި ވާހަކަ ދައްކަމުންދާ ކަމަށެވެ. އެފަދަ މީހުންނާ ބައްދަލުކޮށް، އެ އަމަލުތައް ތަކުރާރު ނުކުރުމަށް ފުލުހުން އަންގަމުން އަންނަ ކަމަށް ވެސް ބަޔާނުގައި ވެ އެވެ.
Press Statement: PMC/2019/01 pic.twitter.com/3zP2v2Ugwe
— Maldives Police (@PoliceMv) January 9, 2019
ފުލުހުން މިއަދު ވަނީ "ސިރޫ އާޓްސް" ގެ ނަމުގައި ފޭސްބުކް ޕޭޖެއް ހިންގާ މުހައްމަދު ސިރުހާން ފުލުހަށް ހާޒިރުކޮށް ސުވާލު ކޮށްފަ އެވެ. އޭނާއަކީ ބައެއް އާންމުންގެ ފޮޓޯ ސޯޝަލް މީޑިއާގައި ޖަހައި އެއީ އިސްލާމްދީނާ ދެކޮޅަށް މަސައްކަތް ކުރާ މީހުން ކަމަށް ބުނެ ވާހަކަ ފަތުރާ މީހެކެވެ.
"މީސް މީޑިޔާ ބޭނުން ކުރައްވާ ފަރާތްތަކުންނާއި ޖުމްލަކޮށް ހުރިހާ ރައްޔިތުން ވެސް ރައްޔިތުންގެ މަސްލަހަތާއި އަމަން އަމާންކަމާއި ގައުމީ އެއްބައިވަންތަކަން ދެމެހެއްޓުމަށްޓަކައި އެހެން މީހުންގެ އިހުސާސްތަކާއި މުޖްތަމައުގެ މަސްލަހަތަށް އިހްތިރާމް ކުރުމުގެ ސަގާފަތެއް ދެމެހެއްޓުމަށް މި ސާވިސް އިން އިލްތިމާސް ކުރަން،" ފުލުހުންގެ ބަޔާނުގައި ލިޔެފައިވެ އެވެ.
އޭގެ އިތުރުން ފުލުހުން ބުނިގޮތުގައި، އިސްލާމް ދީނަށް ފުރައްސާރަ ކުރުމުގެ ގޮތުން ފާޑުކިޔާ މީހުންގެ މައްސަލަތައް ތަހުގީގު ކުރާނެ އެވެ. އަދި އެފަދަ މައްސަލަތަކާ ގުޅިގެން ވަކި ފަރުދުންނާއި މުދަލަށް ގެއްލުން ދޭނެ ކަމަށް އިންޒާރުދޭ މީހުންގެ މައްސަލަތައް ވެސް ބަލާނެ ކަމަށް ފުލުހުން ބުނެ އެވެ. "މިފަދަ މައްސަލަތަކާ ގުޅިގެން ވަކި ފަރުދެއްގެ ނަފްސަށް ނުވަތަ މުދަލަށް ގެއްލުންދޭނެ ކަމުގެ އިންޒާރު މީސް މީޑިއާގެ ޒަރީއާއިންނާއި އެ ނޫން ގޮތަކަށް ލިބިފައިވާ ނަމަ އެކަން މި ސާވިސް އަށް ހުށަހެޅުއްވުމަށް ވެސް އިލްތިމާސް ކުރަމެވެ،" ފުލުހުންގެ ބަޔާނުގައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ާއަދުރޭ
11 January 2019
ޢެމްސީ ހަމީދު ވިދާޅުވީ ފުލުހުންގެ ވާޖިބަކީ ޤަވްމީ މަސްލަހަތު ޙިމާޔަތް ކުރުމޯ ؟ ކޮންމެހެން އެއްވެސް ބަޔަކު ފުލުހުންނަށް ޝުކުރު އަދާކޮއްގެން ފުލުހުންނަށް އޮތް އޮތޯރިޓީ އެއް އަތައް ކަހާލަން ނޫޅުއްވާށޯ .ސެކިއުލަރިޒްމް އެއްވެސް ސަލަފީ ވައްހާބީ ފިކުރެއްވެސް ފުލުހުންނަކަށް މުހިއްމެއް ނޫނޯ .. ދެން. ލަލަލާ
ައަހުމަދު
10 January 2019
ދީނަށް ފުރައްސާރަ ކުރާމީހުން ހުއްޓުވީމަ އެމީހުންނަށް އިންޒާރު ދޭނެ މީހަކުވެސް ނާންނާނެ.
އަމާ
10 January 2019
ކޮންދީނަކަށް ފާޑުކިޔާމީހުނެއްތޯ؟ އެހެންވެގެންތޯ އިސްލާމީ ހަރުކަށްޓޭ ކިޔައިގެން ބަޔަކު ފުލުހަށް ގެންދަނީ. ކޮބައިތޯ އިސްލާމްދީނަށް ފުރައްސާރަކުރާމީހުން. ފުރަތަމަ ފިޔަވަޅުވެސް ގޯސްކޮށް ތިކުރީ. ރައްޔިތުންނަށް އެނގޭ ތިކުރަންއުޅޭ މަސައްކަތް. އޮޅުވައިލަން ނޫޅޭތި. އަދި ތިކަހަލަ މަގާމަކަށް ކުފޫހަމައެއްނުވޭ
ގޯރީ
10 January 2019
މަޖިލިސް އިންތިހާބު ބޯމަތިވަމުން އަންނައިރު ވިސްނާލަންޖެހޭ ކަންކަން މިތިލަވަނީ
ގާނޫނު
10 January 2019
ދީނަށް ފުރައްސާރަ ކުރަން ފާޅުގާ ދިވެެއްސަކަށް ކުރެވިދާނެ ކަމަކަށް ނުވާނެ. ދީނީ ހަރުކަށި ވިސްނުމާ ދެކޮޅަށް ވާހަކަ ދައްކާ މީހުން ލޭބަލް ކުރުމުގެ ބޭނުންމަކީ އެމީހުންނަކީ ކާކުކަން ނޭގި އިސްލާމް ދީނަށް ހަޖޫޖަހާ މީހުނާ އެެއްބައެއް ކަމށް ދެެއްކުން. ބޭނުމކަށް ވަނީ ގޭންގުތަކުގާ އުޅޭ ބަލި ކުދިން ލައްވާ ހަރުކަށި ވިސްނުމާ ދެކޮޅު މީހުން މެރުވުން. ގާނޫނުގާ ވާގޮތުން ޚިޔާލު ފާޅު ކުރުމާކީ ހުއްދަކަމެއް. ބިރުވެރިކަން އުފެއްދުމަކީ ޓެރަރިޒަމް
އެންދެރި
10 January 2019
100 ޕަސެންޓް ރާއްޖޭގައި ދީނައްފުރައްސާރަ ކޮށް ފާޑު ކިޔުމަކީ ދިވެއްސަކު ކޮށްފި ކަމެއް ނަމަ ބަލަން ޖެހޭ މައްސަލައެވެ. ރާއްޖޭގައި ދިވެހީންގެ މަދު ބަޔަކު އަޑީގަ ތިބެގެން އެހެން ދީންތަކަށް ފުރުސަތު ދޭން މަސައްކަތް ކުރާތާ ގިނަ އަހަރު ތަކެއް ވެއްޖެއެވެ. ބުނެވޭ ބަހަކުން ދީނުން ބޭރުވެދާނެއެވެ.
ޙިމާރުލް ވަތަން
10 January 2019
ބޭރޫތު ޔުނޮވަރސިޓީން ދަރިވަރުކޮށް ގައުމު ފަސާދަކުރަން ފޮނުވި މީހުންގެ ޓްވީޓްތައް ކުށްވެރިކުރަން. ﷲ އެމީހުންނަށް ތެދު މަގު ދައްކަވާށި. ނިކަމެތި އިންސާނާ ﷲ އަށް ފުރައްސާރަކުރަނީ. ﷲ ގެ އަޒާބު ގަދަފދަވެގެންވޭ
ސަލީމު އިދުރީސް
10 January 2019
އެކަލާންގެ ކަނޑައެޅިގެން ހަރާމް ކުރައްފަވާ ބަގުރާލާ އޫރުމަސް ވިކައިގެން ނަފާހޯދާ ސަރުކާރަކުން ދިނޭކިޔައިގެ ވާހަދެއްކުމަކީވެސް ފުރައްސާރަޔެއް ކަމައް ދެކެން!
ގިނިކަނދު
10 January 2019
ދީނަށް ފުރައްސާރަކޮށް ރައްޔިތުންގެ މެދުގައި ނަފުރަތާ ރުޅި އިތުކުރުމަށް ދީނާ ފުށޫއަރާ ޓުވިޓްތައްކޮށް ފޭސް ބުކުގައި އެފަދަ ލިޔުންތައްލިޔާ މީހުން ހިމާޔަތްކޮށް އެމީހުނާމެދު ފިޔަވޅު ނާޅައި އެމީހުނާ ދެކޮޅަށް ފާޑުކިޔާ މީހުނާ ދޭތެރޭ ފިޔަވަޅު އެޅުމަކީ ވަރަށް ހަމަޖެހޭ ސިޔާސަތެއްކަމަށް ފެންނަނީ ބަލި ރަނގަޅުކުރެވޭނީ ބަލީގެ އަސްލު ހޯދައި ނައްތާލެވިގެން އެހެންނޫނީ ބަލި ރަނގަޅެއް ނުކުރެވޭނެ
ހައްގުޒިޔާ
10 January 2019
ހަގީގަތަކިި ދިވެހި ފުލުހުންނަކީ ހަމައެކަނި އޯޑަރު ދަންނަ އަދި އެއްވެސް ވަރަކައް ދީނާއި އަގީދާއާއި އަދި އެތިކްސްއެއް އަށެގަނެފައިވަ ބަޔެއް ނޫންކަމެވެ. ބަލާލަބަލަ އެއޮއް ބައިވަރު ފުލުހުންތިބޭއިރު ނަމާދުގަޑީގަ ކިތައް ފުލުހުންތަ މިސްކިތުން ފެންނަނީ.. ހުރިހަ ފުލުހުންނަނީ ގައިމު ފާރައައް ތިބޭބަޔެއްވެސް ނޫން.. އެއްވެސް އުޒުރެއްނެތި ހަމަ އޯޑަރާއި ވަޒީފާގަ އެވަގުތު ފާއިތުކޮއްލަނީ ނަމާދު އަޅާފަ. ދެން ކޮން ދީނެއްތޯ ހިތުގެ ތެރޭ މިބައިމީހުންގެ އޮންނާނީ.