ގެނބިގެން މަރުވި ފިލިޕިންސް ދެމަފިރިން
15 ޖެނުއަރީ 2019 - 14:27
12 comments
ކ. ދިއްފުށީގައި މޫދަށް އެރި އުޅެނިކޮށް އާދީއްތަ ދުވަހު ގެނބިގެން މަރުވި ފިލިޕީންސް ދެމަފިރިންގެ ހަށިގަނޑު އެ ގައުމަށް ފޮނުވުމުގެ ޚަރަދު ފިލިޕީންސް ފޮރިން މިނިސްޓްރީން ކުރާ ގޮތަށް ހަމަޖެހިއްޖެ އެވެ.
އެރިކާ، 29، އާއި ލެއޯމާ، 30، މިދިޔަ ޑިސެމްބަރު މަހު ކައިވެނިކުރުމަށްފަހު ހަނީމޫނަށް ރާއްޖެ އައީ މިދިޔަ ބުދަ ދުވަހު އެވެ.
އެ ދެމަފިރިންގެ ހަށިގަނޑު ފިލިޕީންސަށް ފޮނުވަން ގާތްގަނޑަކަށް 300،000 ރުފިޔާ ހަރަދުވާ ކަމަށް އާއިލާއާ ހަވާލާދީ ފިލިޕިންސްގެ ނޫސްތަކުން ބުނެފައިވެ އެވެ. އަދި އެކަމަށް ބޭނުންވާ ފައިސާ އެއްކުރަން އާއިލާ އާއު ރަހުމަތްތެރިން ސޯޝަލް މީޑިއާގައި ކެމްޕޭނެއް ވެސް ފެށި އެވެ. އެކަމަކު އެ މަސައްކަތްކުރި މީހުން ފޭސްބުކްގައި ކޮށްފައިވާ ޕޯސްޓެއްގައި ބުނީ ފޮރިން މިނިސްޓްރީން މިހާރު ވަނީ ދެމަފިރިންގެ ހަށިގަނޑު ފިލިޕިންސަށް ގެންދިއުމާ ހަވާލުވެފައި ކަމަށާއި އެހެންވެ ފައިސާ ހޯދަން ކުރި މަސައްކަތް ހުއްޓާލާފައިވާ ކަމަށެވެ.
ދިއްފުށީ ކްރައުން ބީޗް ގެސްޓް ހައުސްގައި ޗުއްޓީ ހޭދަކުރަން ގޮސް، އެ ރަށާއި މީރު އައިލެންޑް ރިސޯޓާ ދެމެދު އޮންނަ ތިލަ ސަރަހައްދަށް މޫދަށް އެރި އުޅެނިކޮށް ދެމަފިރިން މަރުވި ހާދިސާގައި ގެސްޓް ހައުސް އިން އާއިލާ އަށް މައުލޫމާތު ނުދޭ ކަމަށް ބުނެ އާއިލާ އިން ކަންބޮޑުވުން ފާޅުކޮށްފައިވާ ކަމަށް ވެސް ފިލިޕިންސްގެ ނޫސްތަކުން ބުންޏެވެ.
"އެ މީހުން (ގެސްޓް ހައުސް) އިން އަހަރެންގެ ބޭބެ އާއި ފަހަރި އަށް ވީ ގޮތް ތަފްސީލްކޮށް ކިޔައެއް ނުދޭ. އަސްލު މިކަން ހިނގި ގޮތެއް އަދިވެސް ކިޔައެއް ނުދޭ،" މަރުވި ފިރިހެން މީހާގެ އާއިލާގެ މީހަކު ފިލިޕިންސް ނޫހަކަށް ބުނެފައިވެ އެވެ.
އެ ދެމަފިރިން ސަލާމަތް ކުރަން މަސައްކަތް ކުރި ދިއްފުށީ މީހަކު ކިޔައިދިން ގޮތުގައި މޫދުން ނެގިއިރު ވެސް އެ މީހުންގެ ހާލު ބޮޑެވެ. އަދި ދިއްފުށީ ސިއްހީ މަރުކަޒުގެ ޑޮކްޓަރުންނާ ހަވާލާދީ ފުލުހުން ބުނީ އެތަނަށް ގެންދިޔައިރު ވެސް ދެ މީހުން މަރުވެފައިވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަހަދު
16 January 2019
މިއީ ވަރައްގިނައިން މީހުން ގެބިގެން މަރުވާ ޕޮއިންޓެއް..ބިރުވެރި ކަމެއް ހިގާ ތަނެއްކަމައް މީހުން ބުނަނީ
ބަނާނާ ޕްރެޒިޑެންޓް
15 January 2019
މިގޮތަށް ޓުއަރިސްޓުން މަރުވުމަކީ ވަރަށްބޮޑު މައްސަލައެއް. ގެސްޓްހައުސް ގިނަކުރިއަސް ކަމަކުނުދާނެ. ސިއްހީފަރުވާ ދިނުން; ޚާއްޞަކޮށް އިމަރޖެންސީ ޓްރީޓްމަންޓްދެވޭނެގޮތްތައް ހަމަޖެހިފައި ހުންނަންޖެހޭނީ.
އަހުމެ
15 January 2019
ރިސޯޓުތަކަށް އެޖެންސީތަކުން ގެންނަނީ ތަނެއްދޮރެއް ނޭނގޭ ޑޮކޮޓަރުން. އެޑުވާންސް ލައިފް ސަޕޯޓިން ސެޓިފިކެޓެއް ނޯވޭ. ކިހިނެއް މިކަހަލަ ކަމެއްވީމއި ސަލާމަތް ވާނީ.
އައްލާބެއްޔާ
15 January 2019
ފިލިޕިންސްގައި މާހަރުދަނާ ޤަވައިދުތައް! އަޅުގަނޑު ޕިލިޕިންސްގެ އެންސާޓަޑް ރިވާއަށް އެރުނިން! އެކަމަކު އެކޯރަށް އެރެވެނީ ލައިފްޖެކެޓް އަޅައިގެން! އަދި ކޯރުގެ އަރިމަތީގައި ލައިފްގާޑް ޕޯސްޓެއްވެސް ހުރޭ! އަބަދު ޑިއުޓީގައި މީހަކު އިނދޭ! މިވަރަށް ޓޫރިސްޓުން ގެނބި މަރުވާއިރުވެސް ޓޫރިޒަމް މިނިސްޓްރީ ހަމަހިމޭން ކަމުގައި. ލަދުންބޯހަކާކު!
ވޯލްޑް ރެކޯޑް ބިސް
15 January 2019
ފަސްޓް އެއިޑް ވެސް ގާއިމް ކޮށްފަ ނުހުންޏަނީތަ!!!
ރުމާލު10
15 January 2019
ގެސްޓްހައުސް ތަކުގަ ތަމްރީން ލިބިފައިވާ ސްޓާފުންނެއްނޫޅޭ. ގިނަތަންތާ ގެންގުޅެނީ ޓްރެއިން ނުވެ ތިބި ބަންގާޅުމީހުން ކުޑަމުސާރަދީގެން.
ޙެޕެންސް
15 January 2019
ލޯކަލް ޓޫރިޒަމް އެންޑް ޖަޒީރާރާއްޖެ. އޯކޭވާނެ، ހެޕެންސް.
އިއްސެ
15 January 2019
މޮޅުކަމެއް ވިއްޔާ ނަންވެލަން ޓޫރިޒަމް މިނިސްޓްރީ ބޭނިގަންނާނެ. ދެރަކަމެއް ނޫނީ ޝައްކުކުރެވޭ އިހުމާލެއްވިއްޔާ ތިބޭނީ ފިލާ.
12345
15 January 2019
ޓޫރިސްޓުން މިރާއްޖެ އަންނައިރު އެރައިވަލް ވިސާ ފޯމުގައި މިފަދަ ހާދިސާތަކާ ބެހޭ މައުލޫމާތު ހިމަނާއަދި ހަދިސާއެއް ހިނގައިފިނަމަ ދިވެހި ދައުލަތުން ޒިންމާ ނުވާނެކަމަށް އިގުރާރެއްގައި ސޮއިކުރަން ފެނޭ.. އަދި ޓްރެވަލް އިންޝުއަރަންސް ނަގުމުން ނޫނީ ވިސާ ނުދޭން ނިންމިދާނެ...
ރަދީފް
15 January 2019
ސާބަހޭ ޑުޓަޓޭ.ތިޔައި ރައްޔިތުން ދެކެ ލޯބިވާ ވެރިއެއް.
މަރޭމިތުރާ
15 January 2019
[ޓޫރިސްޓުންނަށް ފަރުވާތެރިވޭ ބަލަމުން! ޓޫރިސްޓުންގެ ސަލާމަތްތައް އެދެމުން!].................... މިކަން ހިނގުމުގަ އަޅުގަނޑު ކުއްވެރިކުރާނީ އެމީހުން ބަލަހައްޓަންތިބި މީހުން.