ޖުމްހޫރީ ޕާޓީ އަށް ރޭ ސޮއިކުރެއްވުމަށް ފަހު ނަވާޒް ވާހަކަ ދައްކަވަނީ.---ފޮޓޯ: ނިޝާން އަލީ/މިހާރު
16 ޖެނުއަރީ 2019 - 11:20
45 comments
އަންނަ އެޕްރީލް މަހު ބާއްވާ ރައްޔިތުންގެ މަޖިލީހުގެ އިންތިޚާބުގައި ގަލޮޅު ދެކުނު ދާއިރާ އަށް ވާދަ ކުރައްވަން ކުރީގެ އެކްޓިން ޕޮލިސް ކޮމިޝަނަރު އަބްދުﷲ ނަވާޒް މިއަދު ނިންމަވައިފި އެވެ.
ފުލުހުންގެ ޚިދުމަތުގައި 28 އަހަރު ހޭދަކުރެއްވި ނަވާޒް ރޭ ވަނީ ޖުމްހޫރީ ޕާޓީއާ ގުޅިވަޑައިގެންފަ އެވެ. ސިޔާސީ ދާއިރާ އަށް ނުކުންނެވީ، އޭނާ ވިދާޅުވި ގޮތުގައި، ގޭގައި މަޑުން ހުންނެވުމުގެ ބަދަލުގައި ގައުމަށް ޚިދުމަތް ކުރެއްވުމަށެވެ.
ނަވާޒް ދެކެވަޑައިގަންނަވާ ގޮތުގައި އެ ޚިދުމަތަށް މިހާރު އޮތް އެންމެ ރަނގަޅު ތަނަކީ ރައްޔިތުންގެ މަޖިލީހެވެ.
"ޖުމްހޫރީ ޕާޓީގެ ޓިކެޓް ލިބިއްޖިއްޔާ އަޅުގަނޑުގެ ވިސްނުން ހުރީ ގަލޮޅު ދެކުނު ދާއިރާ އަށް ނުކުންނަން،" ނަވާޒް ވިދާޅުވި އެވެ.
ރައްޔިތުންގެ މަޖިލީހަކީ ކުޅަދާނަ، ގާބިލް މީހުން ތިބެން ޖެހޭ ތަނެއް ކަން ނަވާޒް ފާހަގަކުރެއްވި އެވެ. ރައްޔިތުންގެ މަޖިލީސް މެދުވެރިކޮށް ޚިދުމަތް ކުރުމަކީ ކޮންމެ މީހަކަށް ލިބިގެންވާ ހައްގެއް ކަމަށް ވިދާޅުވި އެވެ.
ޖުމްހޫރީ ޕާޓީ އަށް ސޮއިކުރެއްވުމަށް ފަހު ވާހަކަ ދައްކަވަމުން ނަވާޒް ވިދާޅުވި ގޮތުގައި އޭޕްރީލް ހަތް ވަނަ ދުވަހު ބާއްވާ ރައްޔިތުންގެ މަޖިލިހުގެ އިންތިޚާބަކީ ރާއްޖޭގެ ސިޔާސީ މަޝްރަހު އެކި ގޮތްގޮތަށް ފުރޮޅިދާނެ ކަން ދައްކައި ދޭނެ އިންތިޚާބެކެވެ. އެހެންވެ، ގައުމަށް ރަނގަޅު ބަޔަކު ގެނައުމަށްޓަކައި އެ އިންތިޚާބަށް ކުރެވެން ހުރި ހުރިހާ މަސައްކަތެއް ކުރަން ޖެހޭ ކަމަށް އޭނާ ވިދާޅުވި އެވެ.
ނަވާޒް ޕޮލިސް އެކްޓިން ކޮމިޝަނަރަކަށް އައްޔަން ކުރެއްވީ މިދިޔަ އަހަރުގެ ފެބްރުއަރީ 1 ގައި ސިޔާސީ ލީޑަރުންތަކެއް މިނިވަން ކުރުމަށް ސުޕްރީމް ކޯޓުން ކުރި ހުކުމް ތަންފީޒު ކުރާނެ ކަމަށް އޭރު ކޮމިޝަނަރަކަށް ހުންނެވި އަހުމަދު އަރީފް ވިދާޅުވުމާ އެކު އޭނާ އެ މަގާމުން ވަކިކުރެއްވުމަށް ފަހު އެވެ.
ނަވާޒް ހުންނަވައިގެން ފުލުހުންގެ މުއައްސަސާ އިން ގާނޫނާ ޚިލާފު އެތައް އަމަލުތަކެއް ހިންގެވި ކަމަށް ތުހުމަތު ކުރެ އެވެ. އެ ތުހުމަތު ކުރަމުން ދަނިކޮށް، ރިޔާސީ އިންތިޚާބު ކުރީގެ ރައީސް އަބްދުﷲ ޔާމީނަށް ނާކާމިޔާބުވެވަޑައިގަތުމާ އެކު ނަވާޒް މަގާމުން ވަކިކުރެއްވީ އެވެ. އޭގެ ފަހުން އޭނާ ހަމަޖެއްސެވީ އެންވަޔަރަމެންޓް މިނިސްޓްރީގެ ޑެޕިއުޓީ މިނިސްޓަރަކަށެވެ.
އޭނާ އެ މަގާމުން ވަކިވެވަޑައިގަތީ، ރައީސް އިބްރާހިމް މުހައްމަދު ސޯލިހް ވެރިކަމުގެ ހުވާކުރެއްވުމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އާސީނުތަށި
17 January 2019
އޯ ނޯ މިހަބަރު ކިޔާފަ މޭނުބައިކޮށްފަ ހޮޑުލެވެނީ
އަހަދު
17 January 2019
ތިޔަ އަބްދުﷲ ނަވާޒްއަށް މަޖުލިސްއިން ޖާގަ ދޭންޖެހޭކަމަށް ގަބޫލެއް ނުކުރެވޭ ، ރިޔާސީ އިންތިހާބުގައި ކަނޑައެޅިގެން ކޯލިޝަނާއި ދެކޮޅަށް ޕޮލިސްގައި މަސައްކަތްކޮށް ނާކާމިޔާބައި ކުރިމަތިވުމުން ޕޮލިސްގައި ތިބި އަރިސް ނާގާބިލް މީހުންނަށް މަޤާމްގެ ކުރިއެރުން ދިން މީހެއް ވިސްނާ
ޖަޒީރާމޭން
16 January 2019
ކާއްޓާއި ނާށީގެ ގޮތުގައި އޮތް ހަތަރު ޕާޓީ، އާހިރުގައި ބުޅަލާއި މީދަލަށް ބަދަލުވާތަން މިފެންނަނީ.
ދާދޭ
16 January 2019
ސޭޓަކީ ވަރަށް ހިތްނުބައި ގޯސް މީހެއްކަން މިހާރު މިހާމަވަނީ. ހުރިހާ ކޮރަޕްޓްމީހުންނާއި ހުރިހާ އަނިޔާވެރިން ކައިރިޔަށް ޖަމާކޮށް އެހަދަނީ ހަގީގަތުގައި އިޚްލާސްތެރިކަމެއް ނެތީމާ. އެހެންނޫނީ އަނިޔާވެރިންނާއި ޚިޔާނާތްތެރިން ކައިރިނުކުރާނެ.
ބުޝް
16 January 2019
ޗޮކުންދާނީ
އެމް ޕީ ވާންޗޯރު
16 January 2019
ނަވާޒު ކ.ނާޒިމް ރިޔާޒު ޖޭޕީއަށް ސޮއެ ކުރުމަކީ 2019 ރައްޔިތުންގެ މަޖިލިސް އެމްޑީޕީއަށް ދޭންޖެހޭ %100 ގެ ސަބަބެއް
މުޙުއްމާ
16 January 2019
ޔާމިނު ގެންގުޅުނު ހުރިހާ ކޮރަޕްޓް މީހުން ސޭޓް ގެންދާނެ. ދެން ދިވެހި ރައްޔިތުންނަށް ޖެހޭނީ ޔާމީނުގެ ފުށުން ސަލާމަތްވާން ކުރިވަރަށް ސޭޓްގެ ކިބައިން މިޤައުމު ސަލާމަތްކުރަން މަސައްކަތް ކުރަން.
މަންސޫރު
16 January 2019
މަޖިލީހަށް އަނދަގޮނޑިއެއް ވައްދައި އޭގައި މީނާ ސޭޓު ކުރިމަތީ ބައިންދާ.
މަންޑޭލާ
16 January 2019
އެމްޑީޕީއަ މަޖުލިސް ލިބިއްޖީޔަ މި ރާއްޖޭގެ ދުވަސް ދިޔައީ.
ޝޮކްތެރަޕީ
16 January 2019
މިއެމްޑިޕީ މީހުންނަކީ މިޤައުމު ދެކެ ލޯބިނުވާ އަމިލްލައްދުމުން ފޯވެފަ ތިބި ބައިގަޑެއް. ނަވާޒްއަ ކާމިޔަބަ އެދެން.