ޚަބަރު / ރައީސް މައުމޫން އަބްދުލްގައްޔޫމް

ސުޕްރީމް ކޯޓުގެ އަމުރަކީ ހުދުމުހުތާރު ވެރިކަމެއްގެ މައިބަދަ ބިންދައިގެން ދިޔަ އަމުރެއް: މައުމޫން

ސުޕްރީމް ކޯޓުން މިދިޔަ އަހަރުގެ ފެބްރުއަރީ އެއް ވަނަ ދުވަހުގެ ރޭ ނެރުނު އަމުރަށް ފަހު އާންމުން އުފާފާޅު ކުރަނީ-- ފޮޓޯ: ހުސެއިން ވަހީދު/ މިހާރު

އާސިމާ ނިޒާރު، މިހާރު

01 ފެބުރުއަރީ 2019 - 17:51

32 comments

މިދިޔަ އަހަރުގެ ފެބްރުއަރީ 1ގައި ސުޕްރީމް ކޯޓުން ނެރުނު ވަރުގަދަ އަމުރަކީ ހުދުމުހުތާރު ވެރިކަމެއްގެ މައިބަދަ ބިންދައިގެން ދިޔަ ތާރީހީ އަމުރެއް ކަމަށް ކުރީގެ ރައީސް މައުމޫން އަބްދުލް ގައްޔޫމު މިއަދު ވިދާޅުވެއްޖެ އެވެ.

އެމަނިކުފާނު އެހެން ވިދާޅުވީ ޖަލަށް ލާފައިވާ ސިޔާސީ ލީޑަރުން މިނިވަންކުރަން ރާއްޖޭގެ އެންމެ މަތީ ކޯޓުން ކުއްލި އަމުރު ނެރުނުތާ އެއް އަހަރު ފުރުމާ ގުޅުވައިގެން ކުރެއްވި ޓްވީޓުގަ އެވެ.

ސުޕްރީމް ކޯޓުގައި އޭރު ތިިއްބެވި ފަސް ފަނޑިޔާރުންގެ އިއްތިފާގުން ނެރުނު އަމުރުގައި ބުނެފައިވަނީ ޖަލު ހުކުމް އިއްވާފައިވާ އިދިކޮޅު ތިން ލީޑަރުން ކަމަށްވާ ކުރީގެ ރައީސް މުހައްމަދު ނަޝީދާއި ޖުމްހޫރީ ޕާޓީގެ ލީޑަރު ގާސިމް އިބްރާހިމާއި އަދާލަތު ޕާޓީގެ ރައީސް ޝައިހް އިމްރާން އަބްދުﷲގެ އިތުރުން ކުރީގެ ޑިފެންސް މިނިސްޓަރު މުހައްމަދު ނާޒިމާއި ދިއްގަރު ދާއިރާގެ މެމްބަރު އަހުމަދު ފާރިސް މައުމޫނާއި ކުރީގެ ނައިބު ރައީސް އަހުމަދު އަދީބާއި ކުރީގެ ޕީޖީ މުހުތާޒް މުހުސިނާއި އދ. މާމިގިލީ ކޯޓުގެ އިސް މެޖިސްޓްރޭޓް އަހުމަދު ނިހާންގެ އިތުރުން ވިޔަފާރިވެރިޔާ ހާމިދު އިސްމާއިލު ވަގުތުން މިނިވަން ކުރުމަށެވެ.

One year ago today Maldives Supreme Court issued its landmark decision of 1st February 2018 ordering government to release all political prisoners and restore democratic rule. A historic order that broke the backbone of a tyrannical regime.
— Maumoon Abdul Gayoom (@maumoonagayoom) February 1, 2019

ނަމަވެސް އެ އަމުރު ތަންފީޒުކުރަން ދެކޮޅު ހައްދަވައި އޭރުގެ ރައީސް އަބްދުﷲ ޔާމީން އިއުލާނުކުރެއްވީ ކުއްލި ނުރައްކަލުގެ ހާލަތެވެ. ކުއްލި ހާލަތު އިއުލާނުކުރެއްވުމަށްފަހު އޭރު މިނިވަންކޮށް ހުންނެވި ހަމައެކަނި އިދިކޮޅު ލީޑަރު މައުމޫން ހައްޔަރުކުރެއްވި އެވެ. އޭގެ އިތުރުން އޭރުގެ އުއްތަމަފަނޑިޔާރު އަބްދުﷲ ސައީދާއި ސުޕްރީމް ކޯޓުގެ ފަނޑިޔާރު އަލީ ހަމީދު ވެސް ހައްޔަރުކުރެއްވި އެވެ.

އެ ބޭފުޅުން ހައްޔަރުކޮށް ޓެރަރިޒަމްގެ ދައުވާ އާއި ސަރުކާރު ވައްޓާލަން އުޅުމާއި ރިޝްވަތުގެ ދައުވާތައް ކުރި އެވެ. ޕްރޮސެކިއުޓާ ޖެނެރަލް (ޕީޖީ) އޮފީހުން ކުރިން ބުނީ އެ އަމުރު ނެރުނީ ސަރުކާރު ވައްޓާލުމުގެ ބޭނުމުގައި ދުރާލައި ރާވައިގެންކަމަށެވެ.

ރައީސް އިބްރާހިމް މުހައްމަދު ސޯލިހާއި، ސަރުކާރު ހިންގާ ކޯލިޝަންގެ ހަތަރު ލީޑަރުން: ކުރީގެ ރައީސް ޔާމީންގެ ސަރުކާރުގައި އެ ހުރިހާ ބޭފުޅުން ވެސް ހައްޔަރުކޮށްފައިވޭ---ފޮޓޯ: ނިޝާން އަލީ/މިހާރު

ސިޔާސީ މަންޒަރު ބަދަލުވެގެން ދިޔަ އަމުރަށް އަހަރެއް ވެގެންދިޔައިރު، ޖަލުގައި މިވަގުތު ހުންނެވީ އަދީބު އެކަންޏެވެ. ބާކީ ތިއްބެވި ބޭފުޅުން ވަނީ، މިދިޔަ ސެޕްޓެމްބަރު 23ގައި ބޭއްވި ރިޔާސީ އިންތިޚާބަށްފަހު ކޯޓުން ދޫކޮށްލައިފަ އެވެ. އޭގެ ތެރެއިން ބައެއް ބޭފުޅުންނަށް ކޮށްފައިވާ ބައެއް ދައުވާތައް ވެސް ވަނީ އަނބުރާ ގެނެސްފަ އެވެ.

ލީޑަރުން މިނިވަންކުރުމުގެ އިތުުރުން، މަޖިލީހުގެ ގޮނޑި ގެއްލިފައިވާކަމަށް އޭރު ކަނޑައެޅި 12 މެމްބަރުންގެ ގޮނޑި ނުގެއްލޭކަމަށް ވެސް ކޯޓުން އަމުރުކުރި އެވެ.

ރައީސް މައުމޫން އަބްދުލްގައްޔޫމް ފުލުހުން ޕްރޮސެކިއުޓާ ޖެނެރަލް ސުޕްރީމް ކޯޓް އިދިކޮޅު ފަރާތްތައް ކުއްލި ނުރައްކަލުގެ ހާލަތު ރައީސް އަބްދުﷲ ޔާމީން

32 ކޮމެންޓް, 88 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހާނިމް

03 February 2019

އަދީބު އެކަނިވިއްޔާ ވައްކަންކުރީ، އެންޑީޕީ އަދި މަޢުމޫނު ވައްކަން ނުކުރާނެ، ރިސްވަތެއްވެސް ނުދޭނެ، ކޮބާ އަލީ ހަމީދުގެ އެކައުންޓަށް ޖަމާކުރި ލާރި ގަނޑު،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރީތި މޫސަ

03 February 2019

މައުމޫނަކީ އަމިއްލައެދުމުން ފުރިފަހުރިމީހެއް އެހެންނޫންނަމަ މިހާރު ސިޔާސީ މައިދާނުންނުކުމެ އަރާމުކުރަން ހަމަޖެހިލައިގެން ހުންނަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެމުނު

02 February 2019

ގައުމުގެ ތަރައްގީ ފުނޑާލާފަ ކީކޭތޯ ތިޔަ ވިދާޅުވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތައްޚާނު

02 February 2019

އެ އަމުރުން ލިބުނު ހިތްވަރާއެކު ވެރިކަން ބަދަލުކޮށް ކަސްތޮޅުން ވީއްލި ވެރިކަމަށް އެރުމަށްފަހު އަމުރު ނެރުނު ފަރާތްތަކާއި އަމުރު ތަންފީޒުކުރުމަށް ނުކުތް ފަރާތްތަކުގެ މަތިން މިވަނީ ހަނދާން ނައްތާލާފަ. ދިވެހި ރާއްޖެ ވާނީ ހަމަ ދިވެހިރާއްޖެ އަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިނބޫ

02 February 2019

ބަޣާވާތްފުޅު ރާވާ ހިންގާފަ އަދި އެވާހަކަ އެބަ ދައްކައެއްނު. ނުލަފާ މީހެއް މިހިރަ ފެންނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

.ސުޕްރީންކޯޓު.

02 February 2019

.ކޮސް ނުގޮވާ! .ހިސާބަށްވުރެ ޙަސަދަވެރިކަން ބޮޑުވެއްޖެއްޔާ ކިއޭނުކިއޭއެއް ވާއެއް ނުވާއެއް ވެސް ނޭގޭނެ ސަރުކާރުގެ މައިބަދައެއް ނުބިނދެ މައިބަދަ ބިނދުނު ނަމަ ރުއްގަލު ބޭހުގެ ފިލާގަނޑު އަޅައިގެން ތިބީހީ ގޭގަ ، ދަންނަވަންތޯ އަދިވެސް މައިބަދައާ ކުދިކުދި ބަދަތައް ވެސް ވަރަށް ތާޒާކަމާ އާރޯކޮށް ހުރީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙިނި

02 February 2019

ޢެއީވެސް ބަގާވާތެއް، އެކަން ރޭވީ ކާކުބާ؟ ޢެންމެންނައްވެސް އެންގޭ އެ ބަގާވާތް ރޭވިމީހާ، އެކަމު ދެއްކުން މަނާ ވާހަކައެއް،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުއްޅަބޭ

01 February 2019

ގޮތްކުޑަކަން ނިކަން ދެކިބަލަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢައްޓަމަސް

01 February 2019

އެއީ ބޮޑުއަމުރެއްނޫން ސަރުއީ ނިޒާމު ފުޑާލައި ކުއްވެރިން ދޫކޮއްލުމައް ހިންގިޖަރީމާއެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ައޮރެންޖު

01 February 2019

އަދިވެސް ކުރީގެ ވާހަކަ ދައްކައިގެން މަޝްހޫރުވާން. ވެރިކަމާ ހަވާލުވެގެން އާރުލާ ކަމެއް ކުރެވޭތަން ނުފެންނާތީ ރައްޔިތުން ފޫހިވެފައި. މަނިކުފާނުކަހަލަ ފިނިހަކަ ދުވެލި