ފަތުރުވެރިންތަކެއް މާލޭގައި: ރާއްޖެ އައި ފަތުރުވެރިއަކު މަޑިވަރު ފިނޮޅު މޫދުގައި މަރުވެފައި އޮއްވާ ވަނީ ފެނިފައި --ފޮޓޯ/މިހާރު
10 މާޗް 2019 - 18:01
3 comments
އއ. މަޑިވަރު ފިނޮޅުގައި ޗައިނާގެ ފަތުރުވެރިއަކު މަރުވެފައި އޮއްވައި މިއަދު ފެނިއްޖެ އެވެ.
ފުލުހުން ބުނީ މަރުވެފައި އޮއްވައި ފެނުނީ ޗައިނާގެ އުމުރުން 70 އަހަރުގެ ފަތުރުވެރިއަކު ކަމަށާއި އެ މީހާ ހޮސްޕިޓަލަށް ގެންދިޔައިރު ވެސް މަރުވެފައިވާ ކަމަށެވެ. އަދި އެ މީހާގެ ހަށިގަނޑުގެ ބޭރު ފުށުން އަނިޔާއެއް ފެންނަން ނެތް ކަމަށް ވެސް ފުލުހުން ބުންޏެވެ. އޭނާ މަރުވީ ގެނބިގެން ކަމެއް ނުވަތަ ނޫން ކަމަށް ފުލުހުން ނުބުނެ އެވެ.
އެއީ، އއ. ތޮއްޑޫ ގެސްޓް ހައުސްއެއްގައި ޗުއްޓީ ހޭދަ ކުރަމުންދިޔަ މީހެއް ކަމަށާއި އޭނާގެ ހަށިގަނޑު މާލެ ގެނައުމުގެ މަސައްކަތް ކުރަމުން އަންނަ ކަމަށް ފުލުހުން ބުނެ އެވެ.
ރާއްޖެ އަށް އަންނަ ފަތުރުވެރިން މޫދުގައި ގެނބިގެން މަރުވުމުގެ ހާދިސާތައް ފަހަކަށް އައިސް ވަނީ ވަރަށް ބޮޑަށް އިތުރުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަރޭމިތުރު
11 March 2019
ޓޫރިޒަމް އެވަނީ މާބޮޑައްވެސް ދޯހަޅިވެފައި! ޓޫރިޒަމްގައި ގިނަ މަރުތަކެއް މޫދުގަވެފައި!........ ޓޫރިޒަމްގެ ދާއިރާގެ ވެރިންގެ ދޯހަޅިކަން ވަރަށްބޮޑު ކަމަށް ބެލެވޭ! އަޅުގަނޑަށް ހީވަނީ ޓޫރިޒަމްގެ މަރުތައް އޮއްބާލައިގެންތިބެނީ ރިސޯޓުތަކުން ބައެއް ވެރިނަނަށް ހިލޭ އެކޮމެޑޭޝަންތައް ހަމަޖައްސާފައި އޮންނާތީ އޭގެ ސަބަބުންކަމަށް. އޭގެ ނުފޫޒުން.
ކޮމެންޓު
10 March 2019
ރާއްޖެއާ ގުޅޭ ފުދޭވަރަކަށް ގިނަ ބޭރުގެ އާޓިކަލް އަދި ވީޑިއޯތަކަށް މިދުވަސްކޮޅު ޕިލިޕީންސް މީހުން ކޮމެންޓްކުރޭ މިފަހުން މަރުވި ކަޕްލްގެ ވާހަކަ ދައްކާފަ މީހުން ކައިރީ ނުދާށޭ ކިޔާފަ. މީގެ ބައެއް ނުވިސްނޭ މީހުން ބުނޭ ރާއްޖޭގަ މޫދުގަ ކަރަންޓް ނަރު ވަޅުލާފަ ހުންނާތީ ކަރަންޓުގަ ޖެހިގެން މީހުން މަރުވަނީއޭވެސް. މިކަން ހައްލު ނުކުރެވޭނަމަ މިއީ މުސްތަގުބަލަށް ބަލާއިރު ޓުއަރިޒަމަށް ވަރަށް ނޭދެވޭ އަސަރު ކުރާނެ ކަމެއް.
އެކަމު
11 March 2019
ހީވޭތަ އެބަ މި ފަތުރުވެރިންގެ މަރުތައް ސީރިއަސްކޮށް ނަގާހެން؟ އެންމެ ކުޑަމިނުން އެކަން އެކްނޮލެޖްކޮށްލައިގެން އެކަމާ ކުރަނީ ކީއްކަންވެސް ބުނެނުލާ މި ރާއްޖޭގެ ކަމާ ބެހޭ ފަރާތަކުން. ޚާއްސަކޮށް އަރިއަތޮޅު ހިސާބުގައި މަރު ގިނަވާތީ އެކަން ބަލާކަމެއްވެސް ނޭގޭ.