އާސަންދައިގެ އޮފީހެއް ހުޅުވުމުގެ ތެރެއިން: މެލޭ، އިންޑިއާ އަދި ލަންކާގައި އުޅޭ ދިވެހީން އާސަންދާގައި ރަޖިސްޓްރީވާން ވަނީ ހުޅުވާލާފައި: ފޮޓޯ: އާސަންދަ
28 މާޗް 2019 - 10:36
20 comments
މެލޭޝިއާ، އިންޑިއާ އަދި ސްރީ ލަންކާގައި ދިރިއުޅޭ ދިވެހީންނަށް އާސަންދައިގެ ހިދުމަތް ފެށުމަށް، އެ ގައުމުތަކުގައި ދިރިއުޅޭ ދިވެހީން އާސަންދަ ކުންފުނީގައި ރަޖިސްޓްރީވާން މިއަދު ހުޅުވާލައިފި އެވެ.
އެ ގައުމުތަކުގައި ދިރިއުޅޭ ދިވެހީންނަށް އާސަންދައިގެ ހިދުމަތް ދިނުމަކީ މިސަރުކާރުގެ ފުރަތަމަ 100 ދުވަހުގެ ތެރޭގައި ކުރަން ނިންމާފައިވާ ކަމެކެވެ.
އާސަންދައިން މިއަދު ނެރުނު ބަޔާނުގައި ބުނީ އެ ތިން ގައުމުގައި ދިރިއުޅޭ ދިވެހީން، abroad.aasandha.mv އަށް ވަދެ ރަޖިސްޓްރީ ވެވޭނެ ކަމަށެވެ.
އެ ކަމަށް އާއްމުން ހޭލުންތެރި ކުރުމަށް، ސްރީ ލަންކާގައި ހުންނަ އާސަންދަ އޮފީހުގައި މާދަމާ ހަވީރު ކޭމްޕެއް ބޭއްވުމަށް ވެސް ވަނީ ނިންމާފަ އެވެ. ސޯސަން ވިލާގައި ހުންނަ އެ އޮފީހުގައި ބާއްވާ އެ ކޭމްޕް ހޮނިހިރު ދުވަހާ ހަމައަށް ބޭއްވުމަށް ވަނީ ނިންމާފަ އެވެ.
އިންޑިއާ އަދި ސްރީ ލަންކާގައި އާސަންދައިގެ ހިދުމަތް މިހާރު ދެނީ އިމަޖެންސީ ހާލަތްތަކުގައި އެކަންޏެވެ. މެލޭޝިއާގައި އާސަންދައިގެ ހިދުމަތް އެއްގޮތަކަށް ވެސް ނުދެ އެވެ.
ސްރީ ލަންކާގައި 10،000 އަށް ވުރެ ގިނަ ދިވެހިން ދިރިއުޅޭ ކަމަށް ލަފާ ކުރެވެ އެވެ. އަދި މެލޭޝިއާ އާއި އިންޑިއާ ކުރެ ކޮންމެ ގައުމެއްގައި ވެސް 5،000 ދިވެހިން ދިރިއުޅޭ ކަމަށް ބެލެވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދޫ
29 March 2019
ރާއްޖެއަށް ލިބޭ އާމްދަނީ ބޭރު ފައިސާކޮޅު ހިފައިގެންގޮސް ރާއްޖެ އިންބޭރުގާ ދިރި އުޅޭ މީހުނަށްއާސަންދަ ދެވިގެންނުވާނެ .ރައްޖެއިންބޭރުގަ ދިރިއުޅޭ މީހުންގެތެރޭން އަސަންދަ ލިބެންވާނީ ކިޔަވަ ދަރިވަރުނަނާ ދަރިންނަށް ކިވާދޭން ގޮސްތިބޭ މައިނަބަފައިންނަށް އެކަނި
މަރީޔަން
28 March 2019
ލިންކް މަސައްކަތް ނުކުރޭ. އޯޓީޕީ ނުލިބޭތީ ރަޖިސްްޓަރ ނުވެވޭ
ދޭސީ
28 March 2019
ވަރަށް ނާއިންސާފު ކަމެއް. އެބްރޯޑައް ހިދުމަތް ދެންޏާ ރާއްޖޭގަ ދިރި އުޅޭ މީހުންނަށްވެސް އެހިދުމަތް އެގައުމުތަކުން ދޭންޖެހޭ. ރާއްޖޭގަ ހުރިމީހަކަށް ތިޔަ ގައުމުތަކުން ހިދުމަތް ލިބެނީ އެތައް ވަރަކަށް ހިނގައިގެން އާސަންދަ އެޕްރޫވް ކޮށްދިނިއްޔާ. މިހާރުވެސް ރާއްޖޭގަ ބޮޑެތި ބަލިތައް ތަހައްމަލްކުރާ މީހުން މަގުމަތީ ސަލާން ޖަހާއިރު ހުންއައިސްގެން ޕެނަޑޯލް ގުޅައެއް ގަނެލެވޭ ފެންވަރު މީހުންނަށް ބޮޑު ހަރަދުކޮށްގެން ބޭރުގައުމުތަކުން އާސަންދަ ދިނުން ނާއިންސާފު.
މާންބެ
28 March 2019
ރާއްޖެއިން ބޭރުގަ އުޅޭ ހުރިހާ މީހުން ނަކައް މިހިދުމަތެއް ނުލިބޭނެ، ހަމަ އެކަނި ކިއަވާކުދިންނާ، ކިއަވާކުދިންގެ އާއިލާތަކައް މިހިދުމަތް ލިބޭނީ.
ޔާސިރު
28 March 2019
ހިދުމަތް ހޯދުމަފަހު ބިލްގައި ހިދުމަލިބިގަންނަ ފަރާތުން ސޮއިކުރާގޮތަ އޮތުމަކިީ ވަރަށް ބޭނުންތެރި ކަމެއް މީގެކުރީގަވެސް ބިލްތައޮޅުވާލާފަ އެބަހުރި.....
ޙިނި
28 March 2019
މަހުޖަނުން ބޭރުގަ އުޅެނީ، ދެން މިވެސް ގައުމުން ފައިސާ ބޭރު ކުރަން ރަންގަޅުގޮތެއް. ގައުމައް ވަންނަ ހުރިހާ ފައިސާ އެއް ގައުމުން ބޭރައް. ލަންކާ ކުންފުނިން ތި އަރަބިއްޔާ ފުލެޓު ތަކުގެ އެލްމެނިޔަމް ދޮރުހަރުކުރަން އައީ ޓިކެޓުކަންޑައިލައިގެން، މިވެސް ގައުމުގަ ފައިސާއެއް ހަރުލަފާނެތީ ސަރުކާރުން ބޭރުމީހުނާ ހަވާލުކުރާ މަސައްކައް.
އަތްޖަހާ
28 March 2019
ދުނިޔޭގަ ކުރިއަރާފައިވާ އެއްވެސް ގައުމެއްގަ ދާއިމަށް ގައުމުން ބޭރުގަ ދިރިއުޅޭ ރައްޔިތުންގެ ޚަރަދެއް ނުބަލަހައްޓާނެ. އެގައުމު ތަކުގަ ޕެންޝަން ފައިސާވެސް ގައުމުގަ ދިރިނޫޅެންޏާ ނުލިބޭނެ. އެކަމަކު އެއީ މާމުއްސަދި ތަންތަން.
މުބީނު މާރނީ
28 March 2019
ދުނިޔޭގެ އެންމެން ކުރިޔަސް ގޯސް ކަމެއް ވާނީ ގޯސް ކަމަކަށް. ބޭރުގައި ތިބޭ މީންނަށް އާސަންދަ ދިނުމަކީ ރަނގަޅު ކަމެއް. 6 މަހުގެ ވިހެއުމުގެ ޗުއްޓީ އަކީ ދުނިޔޭގެ އެއްވެސް ގައުމެއްގައި ކުރާކަމެއްނޫން. މިއީ ވެސް ރަނގަޅު ކަމެއް. މިކަހަލަ ކަންތައްތައް ދުނިޔޭގެ ގައުމުތަކުން ކުރަން ބޭނުން ވިޔަސް އެގައުމުތަކުގައި މީހުން ގިނަކަމުން ކުރެވެން ނޯންނަނީ. ރާއްޖޭގައި މީހުން މަދުވެފައި ލިބޭ އާމްދަނީ އިން މިކަންކަން ކުރެވެން އޮތަތީ މާތްﷲ ހަލުރަތަށް ޝުކުރު!!!.
މާހިރު ޢަބުދުﷲ
28 March 2019
މާލެ ކުއްޔަށްދީފަ ނުވަތަ މަހުޖަނުން އުޅޭނެ ގޮތަކަށް އުޅެން ޖީބު ބޮޑުކުރުން!
ހެޔޮވެރިކަން
28 March 2019
ޝުކުރިއްޔާ ރައީސް އިބޫ
ހެޔޮވެރިކަން
28 March 2019
ޝުކުރިއްޔާ ރައީސް އިބޫ
ލަތީފާ ގާސިމްގެ
28 March 2019
އެއްވެސް ގައުމަކުން އެގައުމު ދޫކޮށް ބޭރުގައި އުޅޭ މީހުންނަކަށް މިފަދަ ޚިދުމަތްތަކެއް ނުދޭ. މިއީ ޚަރަދު ބޮޑުވާނެ ކަމެއް.