އެމްޑީޕީގެ ކެމްޕެއިނަށް ރައީސް އިބްރާހިމް މުހައްމަދު ސޯލިހް ހަނިމާދު އަށް މިއަދު ވަޑައިގަތުމުން އެމަނިކުފާނަށް މަރުހަބާ ދަންނަވަނީ.---ފޮޓޯ: އެމްޑީޕީ
31 މާޗް 2019 - 12:08
އެންމެ ފަހުން ބޭއްވި ރައްޔިތުންގެ މަޖިލިހުގެ އިންތިޚާބަށް ޕީޕީއެމްގެ ކެންޑިޑޭޓުން ހޮވުމަށް ސަރުކާރުގެ ކުންފުނިތަކުން ފައިސާ ނަގައިގެން ޚަރަދު ކުރި ކަމަށާއި އެ ފައިސާ އަދި ވެސް އަނބުރާ ނުދައްކާ ކަމަށް ރައީސް އިބްރާހިމް މުހައްމަދު ސޯލިހް މިއަދު ވިދާޅުވެއްޖެ އެވެ.
އަންނަ ހޮނިހިރު ދުވަހު ބާއްވާ ރައްޔިތުންގެ މަޖިލިހުގެ އިންތިޚާބުގައި އެމްޑީޕީގެ ކެމްޕެއިނަށް ކުރައްވާ ދަތުރުފުޅުގެ ތެރެއިން ހަނިމާދޫ ރައްޔިތުންނާ ބައްދަލު ކުރައްވައި ރައީސް ވިދާޅުވީ މިހާރު މި ހިނގާ ރައްޔިތުންގެ މަޖިލިހަށް ޕީޕީއެމުން މެމްބަރުން ހޮވީ މޯލްޑިވްސް ޕޯޓްސް ލިމިޓެޑު (އެމްޕީއެލް) އިން ޑޮލަރު ގަތުމަށް ކަމަށް ބުނެ 70 މިލިއަނަށް ވުރެ ގިނަ ރުފިޔާ ނަގައި އެ ފައިސާ ބަހައިގެން ކަމަށެވެ. އަދި މިހާތަނަށް ވެސް އެ ފައިސާ އެމްޕީއެލް އަށް ނުދައްކާ ކަމަށް އެމަނިކުފާނު ވިދާޅުވި އެވެ.
"މި ވައްކަން ވެސް އޮތީ ކޮށްފައި. މިއަދު އެ ވިދާޅުވަނީ ތިމަންނަށް ނޭވާ ލެވޭނީ އަނެއްކާ ވެސް މި ބާރު ދީގެންނޭ. އަޅުގަނޑު ދަންނަވާނީ އެބޭފުޅުންނަށް އެ ފުރުސަތު ދެއްވައިފިއްޔާ ރައްޔިތުން އަނެއްކާ ވެސް ތިބެން ޖެހޭނީ ކުރިން ތިބި ހާލަތުގައޭ،" ރާއްޖެ އަށް ހަމަޖެހުމެއް ގެނެވެން އޮތީ މި އާންމު އިންތިޚާބުގައި ޕީޕީއެމް/ކޮންގްރެސް ޕާޓީ އަދި ޖުމްހޫރީ ޕާޓީ އަށް ބޮޑު އަޣުލަބިއްޔަތެއް ދީގެން ކަމަށް ޔާމީން ވިދާޅުވެފައިވާތީ އެ އަށް ރައްދު ދެއްވަމުން ރައީސް ވިދާޅުވި އެވެ.
ދެހާސް ސާދަ ވަނަ އަހަރު ބޭއްވި މަޖިލިސް އިންތިޚާބާ ދިމާކޮށް އެމްޕީއެލުން ފަސް މިލިއަން ޑޮލަރަށްވާ ދިވެހި ފައިސާ މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ގެ ނަމުގައި ދަރަންޏެއްގެ ގޮތުގައި ނަގާފައި ވަނީ ހަތަރު މަސް ދުވަހުން އެ ފައިސާ ޑޮލަރުން ދައްކާ ގޮތަށެވެ. އަދި އެ ފައިސާ އޭރުގެ ޓޫރިޒަމް މިނިސްޓަރު އަހުމަދު އަދީބުގެ މަސްލަހަތު ހިމެނޭ ފަރާތަކަށް ވަނީ ދޫކޮށްފައި ކަމަށް އޭރުގެ އޮޑިޓާ ޖެނެރަލް ނިޔާޒް އިބްރާހިމް ނެރުއްވި އޮޑިޓް ރިޕޯޓްގައި ވެ އެވެ.
ޔާމީނަށް މަޖިލިހުގެ އަޣުލަބިއްޔަތު ދިނުމަށް އެމަނިކުފާނު އެދިވަޑައިގެންފައިވާއިރު، އެކަމަށް ރައްދު ދެއްވައި ރައީސް އިބްރާހިމް މުހައްމަދު ސޯލިހް ވިދާޅުވީ، އެބޭފުޅުން އެ ތިއްބެވީ ދައުލަތުގެ މާލިއްޔަތުން ދުވަހަކު ވެސް "ވައްކަން ނުކުރާ ވަރަށް ވައްކަންކޮށް" ހިޔާނާތް ވެފައި ކަމަށެވެ. އެ އަނދަވަޅަށް ރާއްޖެ ވައްޓާލުމުގެ ފުރުސަތު ދެން ނުދެއްވުމަށް ރައީސް އެދިވަޑައިގަތެވެ.
ކުރިއަށް އޮތް މަޖިލިހުގެ އަޣުލަބިއްޔަތު ލިބުން މުހިންމުކަން ފާހަގަ ކުރައްވައި ރައީސް ވިދާޅުވީ ރައްޔިތުން ކެންޑިޑޭޓުން ކަނޑައެޅުމުގައި ވަރަށް ވިސްނަން ޖެހޭ ކަމަށެވެ. މިހާރު ކެމްޕެއިންގެ މިސްރާބު ހުރި ގޮތުން ރާއްޖެ ކުރިން އޮތް ހާލަތަށް ހިނގައިދާނެ ކަމުގެ ބިރު އެބަ ހީވާ ކަމަށް އެމަނިކުފާނު ވިދާޅުވި އެވެ. "އިންތިޚާބު ފެށިގެން އައިއިރު އަޅުގަނޑު މަޑުކޮށްލައިގެން ބަލަހައްޓައިގެން ހުރިން. އިންތިޚާބުގެ ކެމްޕެއިން ދާ މިސްރާބުން ރާއްޖެ ކުރީ އޮތްތަނަށް ހިނގައިދާނެ ބިރު އަޅުގަނޑަށް ހީވާން ފެށި،" ރައީސް ވިދާޅުވި އެވެ.
ރައީސް އިބްރާހިމް މުހައްމަދު ސޯލިހް ވިދާޅުވި ގޮތުގައި، މިދިޔަ އަހަރުގެ ރިޔާސީ އިންތިޚާބުގައި މި ސަރުކާރަށް ރައްޔިތުން ވޯޓު ދިނީ ޔާމީންގެ ސަރުކާރުގައި ވައްކަމާއި ކޮރަޕްޝަން އިންތިޚާ އަށް އާއްމުވެފައި އޮތުމުން އެކަން ހައްލު ކުރުމަށެވެ. އަދި އެކަންކަން އިސްލާހު ކުރުމުގެ މަސައްކަތް ކުރަމުން އަންނަ ކަމަށް ރައީސް ވިދާޅުވި އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ވެލްފެއާ ސްޓޭޓް
01 April 2019
މިޖިލިސް އުވާލާ. މަޖިލިސް އަދި ޖުޑިޝާރީން ރައްޔިތުންނަށް ފައިދާވާ ގޮތައް ކުރިކަމެއް ބުނެދީބަލަ؟ 3 ބާރު ވަކިވެފައި އޮތީމަ ރައްޔިތުންނަށް ވާނީ ގެއްލުން. އިބޫ ކިހިނެތް އިންކަމް ޓެކްސް ނަގާނީ މެޖޯރިޓީ ނެތި. ގާނޫނު ހެދުމުގެ ބާރު އޮންނަންޖެހޭނީ ރައިސްއަށް.
މުހަންމަދު ކަލޯ
01 April 2019
އެއްކަމެއްވެސް ކުރެވޭ ގޮތް ނުވެގެން އުޅެނީ މަޖްލީހުން އެއްބަރުލުން ނުލިބިގެން ޖަމަށްވަނީ. އެހެންވެގެންތާ ބައެއް ބިލްތަށް ފާސް ކުރެވުނަ ނުދިނީ.
ގަނީ
31 March 2019
މީހަމަ އައްނި ދޮގެއްހެދެންއޮއްވައެއްތެދެއްނުހަދާނެ
ކޮކްޓެއިލްރައީސް
31 March 2019
މީހަމަ ޔާމީނެއް ނޫންތަ.....ހީހީހީ
ވުވުޒެލާ
31 March 2019
ނަޝީދު ދައްކާ ވާހަކައިން މާ ގިނަ މީހުން ފާޑުކިޔައި ވޯޓް ގެއްލިދާނެތީ އެހެން މައުތްޕީސްއެއްގެ ބޭނުންކޮށްލީ މިފަހަރު.
އަހުމަދުބެ
31 March 2019
މަނިފާނުވެސް ތިކެޕޭން ދަތުރުތިކުރައްވަނީ ސަރުކާރުން ހަރަދުކުރަމުން ސާބިނުވާކަމެއްގެވާހަކަ ނުދެއްކޭނެ ވަގަކައްނުގޮވޭނެ
ކިނބޫ
31 March 2019
މިދާގޮތުން މަޖިލީސް އަޅުގަނޑުމެން އަތުންގެއްލިދާނެތީ ވަރަށްވިސްނާފާ ދޮގުހަގަން މިފެށީ. އަޅުގަނޑު ކުރާކަމެއްކުރާނީ ވަރަށްވިސްނާފާ. ހޯރައިއްބެ ދޫކޮށްލީ އަދި މާބޮޑަށްވިސްނާފާ. އެކަމަކު ދޫކޮށްލެވުނުމޮޔަ މިހާރު ހިތަށްއަރާ.
އަލިމަނިކާ
31 March 2019
ބައެއްބޭފުޅުން އެބަވިދާޅުވޭ ރައީސް އިތުރުފުޅޭ އެހައްދަވަނީ... އެބުނާ ފައިސާ ކުރީގެ ސަރުކާރުން ނަގައި ބަހާލައިގެން އެތިބީ... އެމްޕީއާރުސީ އަށް ވަންނަންޖެހޭ ފައިސާވެސް އަމިއްލައެކައުންޓަށް ޖަމާކޮށްގެން އިނދެ އެބުނަނީ އެއީ ތިމަންނަގެ ފައިސާއޭ... އެވަރުގެ ބޮޑެތި ހިޔާނާތްތެރިން އޭރުގެ ސަރުކާރުގައިތިބި ވާހަކަ ރައީސް ކީއްކުރަން އަހަރެންވެސް މިކިޔަނި އެހެން..
ފަންސޫރު
31 March 2019
އެހެންވީމަ މިހާ ދުވަހު އެކަމާ ކަމެއްނުކޮށް ހުރެފަ މި އިންތިޚާބަށް ފަހު ވަގުތު ވޯޓްކޮޅެއް ލިބޭތޯ ތިޔަކަހަލަ ވާހަކަ ދައްކާލަން އެއްކޮށްލައިގެން ހުރީދެއްތޯ؟
ާއަލިބެ
31 March 2019
ޕޕމ އިން ފައިސާނެގިވާހަކަ ތިބުނަނީ އެމީހުންނެގީ ދިވެހިސަރުކާރުގެ ކުންފުނިތަކުންދޯ. އިންޑިޔާގެ ކުންފުންޏަކުން މޑޕ އިން ފައިސާ ނަގައިގެން އެއްބައި ބަހާ އަނެއްބައިން ކުރިބޭނުމުގެވާހަކަދައްކަންވީނު ތިޔަހާތެދުވެރި ނަޒާޙަތްތެރިއްޔާ.
މިއީ
31 March 2019
ހަމަ ދެވަނަ އަންނި. އެމްޑީޕީ ސަރުކާރު އޮވެގެން ކުރިހާ ގާނޫނާ ގަވައިދާ ޚިލާފް ކަންކަން ކުރަމުން ދިއައިރު ހަމަ ހަނު ހުރީ. މިހާރު އެނގިއްޖެ ނަމުން ސޯލިހު ވިއަސް ކަމުން ސާލިހު މީހެއް ނޫންކަން މިއީކީ. ސާލިހު މީހުން އެންމެންގެ ވައްކަމުގެ ވާހަކަވެސް ދައްކާނެ. އަމިއްލަ ބައި މީހުންގެ ކަންކަން ފޮރުވާފަ ހަމައެކަނި ތިމާގެ ހަތުރުންގެ ވައްކަމުގެ ވާހަކައެއްނޫން ދައްކާނީކީ.