ހައުސިން މިީގެ އާ އިމާރާތް--ފޮޓޯ:ނިޝާން އަލީ/މިހާރު
16 މެއި 2019 - 08:42
8 comments
ހައުސިން މިނިސްޓްރީގެ އިމާރާތް ކުރުމަށް 4.6 މިލިއަން ރުފިޔާ ހަރަދުކުރުމަށް އެއްބަސްވި ނަމަވެސް މަސައްކަތް ނިމުނު އިރު ފަސް ގުނަ އިތުރު ކަމަށް އެމްޓީސީސީގެ ސީއީއޯ ހަސަން ޝާހު ވިދާޅުވެއްޖެ އެވެ.
"މިހާރު" އަށް ދެއްވި ހާއްސަ އިންޓަވިއުއެއްގައި ޝާހު ވިދާޅުވީ، ހައުސިން މިނިސްޓްރީގެ ހަތަރު ބުރީގެ އިމާރާތް ހެދުމަށް 22 މިލިއަން ރުފިޔާ ހަރަދުވި ކަމަށެވެ. އެގޮތުން ކަނޑައެޅި ވަރަށް ވުރެ އިތުރުވި 17.4 މިލިއަން ރުފިޔާ އަކީ އެމްޓީސީސީގެ ކޯޕަރޭޓް ސޯޝަލް ރެސްޕޮންސިބިލިޓީ ނުވަތަ އިޖްތިމާއީ ޒިންމާގެ ގޮތުގައި ހަރަދު ކުރި ފައިސާ ކަމަށް ބަލާ އެ ފައިސާ ހައުސިން މިނިސްޓްރީން ލިބިފައި ނުވާ ކަމަށެވެ.
ގެއްލުންވީ އެހެން މަޝްރޫއުތައް
ޝާހު ވިދާޅުވީ، މިދިޔަ އަހަރު އެމްޓީސީސީ ވަރަށް އެކްޓިވް ކުންފުންޏެއްގެ ގޮތުގައި ފެނުނު ނަމަވެސް ގިނަ މަސައްކަތްތައް ކުރީ ނުއަގުގައި ކަމަށެވެ. އަދި ރިޔާސީ އިންތިހާބުގެ ކެމްޕެއިންއާ ދިމާކޮށް ބޭކާރު ގޮތުގައި އެމްޓީސީސީގެ މެޝިނަރީ އާއި މުވައްޒަފުން ބޭނުން ކުރި ކަމަށް އޭނާ ވިދާޅުވި އެވެ.
"ހިމަންދޫ ބަނދަރު މަސައްކަތް ކުރުމަށް ކަމަށް ބުނެ އޭރުގެ ސަރުކާރުން ކެމްޕެއިންއާ ދިމާކޮށް އެމްޓީސީސީގެ މުވައްޒަފުންނާއި އެކްސްކަވޭޓަރު މޮބިލައިޒް ކުރި،" އޭނާ ވިދާޅުވި އެވެ.
އެމްޓީސީސީގެ ސީއީއޯ ޝާހު މިދިޔަ އަންގާރަ ދުވަހު "މިހާރު" އާ ވާހަކަ ދައްކަވަނީ---ފޮޓޯ: ނިޝާން އަލީ/މިހާރު
އެގޮތުން މިދިޔަ އަހަރުގެ އޮގަސްޓް މަހުން ފެށިގެން އެއްވެސް މަސައްކަތެއް ނުކޮށް އެރަށުގައި މުވައްޒަފުންނާއި މެޝިނަހަނީ ބެހެއްޓި ކަމަށް ޝާހު ވިދާޅުވި އެވެ. މީގެ އިތުރުން ގއ. ވިލިނގިލީގެ ބަނދަރުގެ މަސައްކަތް ކުރުމަށް މުވައްޒަފުން ގެންގޮސް އެއްވެސް މަސައްކަތެއް ނުކުރާ ކަމަށް ވިދާޅުވި އެވެ. އަދި އއ. ރަސްދޫ އާއި ސ. މަރަދޫގައި ވެސް މަސައްކަތެއް ނެތި ސްޓާފުން ތިބެން ޖެހުނު ކަމަށް އޭނާ ވިދާޅުވި އެވެ.
ޝާހު ވިދާޅުވީ، ފިއުލް ތާންގީތަކެއް ބަނުމަށް ހައުސިން މިނިސްޓްރީން ހަވާލު ކުރި އިރު އެ އެގްރީމެންޓް ބާތިލް ކުރުމުން އެސްޓީއޯ އިން އެތަކެއްޗާ ވެސް ހަވާލުވެފައި ނުވާ ކަމަށެވެ. އިންޑަސްޓްރިއަލް ވިލެޖުގައި ބަހައްޓާ މި 18 ތާންގީ އަށް 20 މިލިއަން ރުފިޔާ ހަރަދުވި އިރު އެމަސައްކަތުން ވެސް އެމްޓީސީސީ އަށް ބޮޑު ގެއްލުމެއް ވަނީ ލިބިފަ އެވެ. އަދި ސަލްޓަން ޕާކު މަސައްކަތުން ވެސް 20 މިލިއަން ރުފިޔާގެ ގެއްލުން ލިބިފައިވާ ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލްޖިބްރާ
16 May 2019
ވަރިހަމައެއްނު ! އަދިވެސް ރާއްޖެ ތަރައްޤީ ކުރީއޭ ގޮވާތި ! ރާއްޖެ ބަޑަށް ޖެހުނަސް ތިއޮތީ ތަރައްޤީވެފަ އުތަ ؟
ފޮނިޓައްޕު ހަސަނު
16 May 2019
ތިޔަކިޔަނީ ފެންފޮދަކާއި ނުލައި ދިރުވުމޭ.
ހާސަރު
16 May 2019
ކުންފުނިތައް އޮތީ ދަވާލާފަ. ބަޖެޓް އޮތީ ފުޅިއްސާލާފަ. ކޮށްފަ ހުރި ކަންތައް ހުރީ އަލުން ކުރަންޖެހޭގޮތަށް! މިހުރިހާ ހަޑިއެއް ހާވާފަ ތިބި ބަޔަކު ނޫސްތަކުގަ ކޮމެންޓް ކޮށް މިސަރުކާރަށް ބެވީމަ އެއީ ބަލަ މާމޮޅުކަމެއްތަ!؟ ބަލަ ރައްޔިތުންނަށް ވާނުވާ އެގޭ.
މިގޭ
16 May 2019
ނުވަންޏާ ދުރަށްދާވީނު. ޖަމަލު ފޮޑި.
ހަސަން ނުވަވަނަ
16 May 2019
ނުވަންޏާ އިސްތިއުފާދީފަ ގެއަށްދޭ. ކަލޭމެން ވާމީހުން ދެރުފިޔާ ބަޔަށް ކަންތައް ކޮށްބަލަ ކިހާބޮޑު ކަމެއް.
ވަހީދު
16 May 2019
މިސަރުކާރު އައިފަހުން އަދި އާ މަޝްރޫއެއް ނުފަށާ. ކުރިން ހިނގާފައި ހުރި މަޝްރޫއުތަކަށް ކޮށްފައިވާ ޚަރަދުގެ ވާހަކަތައް ދައްކަނީ. ދެން ހަވީރު އަތަށް އެޅީމަ ވަޅުދިޔަ ހިއްކުމާއި އަތިރިމަތި ސާފު ކުރުމާއި ރޭގަނޑު ކޮފީޝޮޕް ތަކުގައި އަނގަތަޅަން ތިބޭތަން މިފެންނަނީ.
ވައްޑެގެ
16 May 2019
އެއީ އެނގެންޖެހޭ ކަމެއް. ކެޔޮކޭވަރު އެނގޭނީ ބިތުފަންގި ނެގީމައޭ ކިޔައިއުޅެނީ އެހެންވެ. އަމިއްލަ ޖީބަށް ބަރުކުރަން ހަތަރު ފަސް ގުނަ ބޮޑުކޮށް ޕްރޮޖެކްޓްތައް ހިންގަން ކޮންމެ މީހަކަށްވެސް އެނގޭނެ. އެއީ ތަރައްގީއެއް ނޫން. އެއީ ލޫޓުވުން.
ޅޮސް އުނދޯލި
17 May 2019
ސަރުކާރު ކުންފުންޏަކުން ސަރުކާރުގެ އިމާރާތެއް އެޅި ވާހަކަ މި ދައްކަނީ. ޢެހެން ވިއްޔާ ލިޔެކިޔުން ހުންނާނެ. ކެއިއްޔާ އިންގެން ހުންނާނެ. ޢޮޑިޓް ކޮށް ހެކި ދައްކަވާ. ތޯތޯ ކިޔާނެ ބޭނުމެއް ނެތް. ޢައްޑޫގަ އެޅި ކޮންވެންޝަން ސެންޓަރު އެޅި އިރު ކެއި ވަރު ވެސް އަނދިރި ނޫން މީހުނަށް ރިޕޯޓު ތަކުން ފެންނަން އެބަހުރި!