މަގުމަތީގެ ރައްކާތެރިކަމަށް އާންމުން ހޭލުންތެރިކުރަން ފެށި ކެމްޕޭނުގައި ނައިބް ރައީސް ފައިސަލް ނަސީމް ބައިވެރިވަޑައިގަންނަވަނީ -- ފޮޓޯ: ނިޝާން އަލީ/މިހާރު
03 ޖޫން 2019 - 00:35
6 comments
ރާއްޖޭގެ މަގުތަކަކީ ހުރިހާ އުމުރުފުރައެއްގެ މީހުންނަށް ވެސް އަމާން އަދި ރައްކާތެރި ތަނަކަށް ހެދުމަށް މަސައްކަތް ކުރުމަށް ނައިބު ރައީސް ފައިސަލް ނަސީމް މިއަދު ގޮވާލައްވައިފި އެވެ.
މަގުމަތީގެ ރައްކާތެރިކަމަށް އާންމުން ހޭލުންތެރި ކުރުމުގެ ކެމްޕޭން އިފްތިތާހު ކޮށްދެއްވައި ނައިބު ރައީސް ވިދާޅުވީ މި ސަރުކާރުގެ ސިޔާސަތަކީ އެންމެންނަށް ރައްކާތެރިކަން ފޯރުކޮށްދިނުން ކަމަށެވެ. މި ދުވަސްވަރު ރާއްޖޭގެ އެކި ހިސާބުތަކުގައި ގިނަ އެކްސިޑެންޓުތައް ހިންގަމުންދާތީ ކަންބޮޑުވުންފާޅުކުރައްވަމުން ވިދާޅުވީ އެކަން ހުއްޓުވުމަށް މިއަދު ފެށީ މުހިއްމު ކެމްޕޭނެއް ކަމަށެވެ.
މަގުމަތީ ރައްކާތެރިކަމަށް އާންމުން ހޭލުންތެރިކުރަން ބޭއްވި ކެމްޕެއިނުގައި ކުޑަކުއްޖަކު ބައިވެރިވަނީ -- ފޮޓޯ: ނިޝާން އަލީ/މިހާރު
ޔޫތު މިނިސްޓްރީ އާއި ޓްރާންސްޕޯޓް މިނިސްޓްރީން ގުޅިގެން ކުރިއަށް ގެންދާ ކްމްޕޭން ފެށީ މާލޭގެ އެއް ނަންބަރު ޖެޓީ ސަރަހައްދުގަ އެވެ.
މަގުތަކަކީ އެންމެންނަށް ރައްކާތެރި ތަނަކަށް ހެދުމުގެ ގޮތުން، ކަފިހި ހުރަސް ބޭނުންކުރާ މީހުންނަށް ޖާގަ ދިނުމާއި ދުވާރުގައި ހިނގުމުގެ މުހިއްމު ކަމަށް ނައިބު ރައީސް ވާހަކަފުޅު ދެއްކެވި އެވެ.
މަގުމަތީ ރައްކާތެރިކަމަށް އާންމުން ހޭލުންތެރިކުރަން ބޭއްވި ކެމްޕެއިނުގައި ކަސްޓަމްސްގެ ބައެއް މުވައްޒަފުން ބައިވެރިވަނީ -- ފޮޓޯ: ނިޝާން އަލީ/މިހާރު
ސޯޝަލްމީޑިއާ މެދުވެރިކޮށް އާންމުން ހޭލުންތެރިކުރަން ކުރިއަށް ގެންދާ މި ކެމްޕޭންގައި ފުލުހުން ވެސް ބައިވެރި ވެ އެވެ. މި ކެމްޕޭން ހަރަކާތްތައް މާލޭގެ ނުވަ ސަރަހައްދަކާއި ހުޅުމާލޭގެ ދެ ސަރަހައްދެއްގައި މިއަދު ހަވީރު ކުރިއަށް ދިޔަ އެވެ. މި ކެމްޕެއިނުގައި ކޮންމެ މަހަކު ވެސް ހަރަކާތްތަކެއް ބާއްވާނެ ކަމަށް ޔޫތު މިނިސްޓަރު އަހްމަދު މަހްލޫފު މިދިޔަ ހަފްތާގައި ވަނީ ވިދާޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފުރަމާނަދަތުރުން އަޅުވެތިކަމަށ
03 June 2019
ފުރަތަމަ ތިމާމެންގެ ޒިންމާ އަދާކުރޭ އެއީ މަގުތައް ރީތިކޮށް ފަވާހަ ބަހައްޓުން ގިނަ މަގުތަކުގަ ހުރަސްކުރާތަން ފުހެވިފަ ވަކިނުވޭ އަނެއްބައި މަގުގަ މެދުރޮނގު ފުހެވިފަ ދެން އެކަމަކު ވާރު ހަމަ ބަރާބަރަށް ރައްޔިތުން އެބަ ދައްކާ 2 ކިލޯ މީޓަރޔުގެ މަގު ރޮނގު ފަވައިނުލެވިގެން ތި އުޅެނީ ލިބޭހައެއްޗެއް ކަރަދު ކުރަނީ މިމާލެއަށް ނޫންތަ؟؟ބޯތިރިކުރޭ
ޕަޕެޓްމާސްޓަރ
03 June 2019
ތި ކަން ކުރަން ތި ގޮވަނީ ކޮންބަޔަކަށްތޯ؟ ތިއީ ސަރުކާރުވެސް، މަޖިލިސްވެސް އަދި ފަނޑިޔާރުގެވެސް ކުރިއަށް އޮތް ތަނުގަ. ދެން ތިކަން ވެސް ކުރަން އެހެން ބަޔަކުތަ އަންނަންވީ؟
އަލިފުޅުގެ ބަސް
03 June 2019
ކަމާބެހޭ އިދާރާތައްވަނީ މިކަމުގައިވެސް ނުކުޅެދިފައިކަން އެއީ އެންމެން ދަންނަކަމެއް. ރައްޔިތުމީހާގެ އަތްފައި ބިންދައިފަ ދިޔައަސް ވާކަމެއް ހަމަ ޙަރާމް. ނައިބު ރައީސްއަށް ވ ސަލާން.
ސާމީ
03 June 2019
ރައީސުންނާއި ސަރުކާރުގެ ކަންވޮށިގެން ވާ ބޭފުޅުން މަގުތައްމަތިން ސިކުއުރިޓީއާއި އެކު ވަޑައިގަންނަވާ އިރު ހަމަ އެކަނި ނުރައްކަލަކަށް ވާނީ ވެހިކަލްތައް އެކަމަކު އާންމު ރައްޔަތު މީހާ ދާއިރު އެދާތަނަކަށް ދެވޭނެ ކަމުގެ އެއްވެސް އުއްމީދެއް ނޮއޮވޭ ކޮންމެ ގޯޅިއެއްގެ ކަންމަތީގައި ތިބޭނެ މަސްތުގެހާލަތުގައި ގޭންގުހަދާލައިގެން ސޯޓުގަނޑު ހުންނާނީ ކަކުލުން ތިރީގައި ބޯހުންނާނީ ދެލޯދުންމާރިއެއް ހެން ފެނުނަސް ބިރުން ފިއްކަޑައިގެންދާނެ
މާރަނގާ - އައްޑޫ ސިޓީ
03 June 2019
ތަރުތީބުމަގަށް ދައުލަތުގެބާރުތަކާއި ސަރުކާރުންއަމަލުކޮށް ދިވެހިރައްޔިތުންހިތްހަމަޖެހޭނެމަންޒަރާއި އަމަލު މިސަރުކާރުގެ ދައުރުގައިފެންނާނެކަމަށް އުއްމީދުކުރިން. * * އެހެނެސް Illegal immigrants ގެ މައްސަލަ މަތީދަރަޖައަށް ނުރައްކާތެރިވެ Humans Trafficking އާއި ސެކްސްރިންގް، ޑްރްގާއި މަނީ ލޮންޑްރިންގ ގެ މައްސަލަތަށް އެއްކާރިކޮށްފައި މިފަދަ ކަންކަމަށް އިސްކަންދިނުމަކީ ގޯސްނަތީޖާއެއް ނުކުމެދާނެކަމެއް. ތިއީ ޕޮލިހުންގެ ޒިންމާއެއް. ޤަވާއިދު ތަންފީޒުކުރޭ.
ނަގިއްޔާ
03 June 2019
ދިގުމިނުގަ ދެކިލޯމީޓަރު ހަމަނުވާ ރަށެއްގެ ކޮންމެ ގެއެއް އުޑުގަ ޖެހޭވަރަށް ބުބިބުރިއަށްނަގާ ކޮންމެ ގެއަކުން 100 މީހުން މަގުމަށްޗަށް ސައިކަލާ ޕިކަޕާ ކާރުގަ ނިކުންނައިރު އަވައްޓެރިގައުމުތަކުން އެބައުޅޭ އެއްލައްކައަށްވުރެ ގިނަމީހުން މަގުމަތީގައާއި އެތަންމިތަނުގަ ބައިސިކަލުގައާއި ބޭންޖަހަމުން. ކޮންމެ މަހަކު މަގުތަކަށް އަލަށް އެބަ ނެރޭ އެތަކެއް ސައިކަލެއް.ޕާކިންޒޯންތައް ފުރި ސްޓިކާ ޖަހާމީހުންވެސް ލޮޑުވެގެން ހަލާކުވަނީ. ދެން ކިހިނެއް ތިކަން ހައްލުވާނީ.