ސްރީ ލަންކާގެ އެއާޕޯޓް: މިދުވަސްވަރު ލަންކާއަށް ދަތުރުކުރަން ގިނަ ދިވެހިން ޖެހިލުންވޭ
04 ޖޫން 2019 - 08:24
30 comments
މި ފަހަރުގެ ކުޑަ އީދުގައި ބޮޑު ބަންދެން ލިބުނު ނަމަވެސް ސްރީ ލަންކާއަށް ދާ ދިވެހިންގެ އަދަދު ވަރަށް ބޮޑަށް މަދުވެއްޖެ އެވެ.
ލަންކާގައި މުސްލިމުންގެ ބަޔަކު ދިން ބޮމުގެ ހަމަލާއެއްގައި 200 އަށް ވުރެ ގިނަ މީހުން މަރުވުމާ ގުޅިގެން މުސްލިމުންނާ ދެކޮޅަށް ހިންގާ ހަމަނުޖެހުންތަކާ ހެދި ގިނަ ދިވެހިންގެ މެދުގައި ވެސް އޮތީ ބިރުވެރިކަމެއް އުފެދިފަ އެވެ.
ލަންކާއަށް ދަތުރުކުރާ ގިނަ އަދަދެއްގެ ބަޔަކު ޓިކެޓް ނަގާ އެއް ކުންފުނި ކަމަށްވާ އިނަ މޯލްޑިވްސް އިން ބުނީ ލަންކާއަށް ދާ ދިވެހިންގެ މިންވަރު 70 ޕަސެންޓް ދަށްވެފައިވާ ކަމަށެވެ.
އިނަ މޯލްޑިވްސް މެނޭޖިން ޑިރެކްޓަރު މުހައްމަދު ފިރާގު ވިދާޅުވި ގޮތުގައި ކުރީގެ އީދު ބަންދުތަކުގައި ގިނަ އަދަދެއްގެ ދިވެހިން ލަންކާއަށް ދަތުރުކުރި އެވެ. ނަމަވެސް މި އަހަރުގެ އީދުގައި ދިވެހިން ދަތުރުކުރާ މިންވަރު ވަރަށް ބޮޑަށް މަދުވެފައިވާ ކަމަށް އޭނާ ވިދާޅުވި އެވެ.
ބޮމުގެ ހަމަލާއާ ގުޅިގެން މުސްލިމުންނާ ދެކޮޅަށް ލަންކާގައި ތަފާތު ހަމަނުޖެހުންތައް ހިންގާފައިވެ އެވެ. އަދި ފުލުހުންގެ އޮޕަރޭޝަންތަކުގައި ބައެއް ދިވެހިން ހައްޔަރު ވެސް ކުރި އެވެ.
ގިނަ އަދަދެއްގެ ދިވެހިން ދިރިއުޅެމުން އަންނަ ލަންކާ ދޫކޮށް ބައެއް މީހުން މިހާރު ވަނީ ރާއްޖެ ބަދަލުވެފަ އެވެ.
ދިވެހިންގެ ދަތުރުތަކާ ގުޅޭ ގޮތުން މަރުކަޒީ ބޭންކް އެމްއެމްއޭ އިން 2018 ގައި ކުރި ސާވޭއިން ދައްކާ ގޮތުން ރާއްޖެއިން ބޭރަށް ދާ ދިވެހިންގެ ތެރެއިން ގާތްގަނޑަކަށް 30 ޕަސެންޓް މީހުންގެ މަންޒިލަކީ ލަންކާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރާއްޖެތެރެ މީހާ
05 June 2019
ސަރުކާރުން ވެއްޖެދޯ ދިވެހިންނަށް ލަންކާއަށް ނުދެވޭގޮތް ހަދަން.
ހަފުސް
04 June 2019
ހާލަތުގެ އެޑްވާނަޓޭޖްނަގައިގެނއ ކަންކަން މާ މައްޗަށް ގެންދިޔަބައެއް.. ލަހެއްފަހެއް ނުވެ ހަފުސްވާނެ..
ގޮތަށް
04 June 2019
އީދު ޗުއްޓީގައި ދިވެހިން ލަންކާއާ ދުރަށް ދާނަމަ އެކަމަކީ ރާއްޖޭގެ އިގްތިސާދަށް ފައިދާ ކުރާނެ ކަމެކޭ އެފަދަ މޮޑެލްސް ތައް ބަލައިގެން ސަރުކާރުން އެބަޖެހޭ ތަންކޮޅެއް ބޮޑަށް މާލެ ސަރަހައްދުން ވިޔަފާރި ކުރުމަށް ޓަކައި ވެސް ކޮންމެ އަހަރަކު 5 ހާސް އަކަފޫޓްގެ 12 ހާސް ބިން އަކަފޫޓަކަށް މަހަކު 1 ރުފިޔާ ސަރުކާރަށް ދައްކާ ގޮތަށް ކުއްޔަށް ދީ އަދި ދިރުއުޅުމަށް 2 ހާސް އަކަފޫޓްގެ 24 ހާސް ގޯތި އަހަރަކު ދޫކުރަން މާލެ ސަރަހައްދުން އަކަފޫޓަކަށް މަހަކު 1 ރުފިޔާ ނަގާ
falcon_autho
04 June 2019
މަރުހޫމު އިބްރާހީމް ނާޞިރު (ނ.ޣ.ޢ.ވ) ލަންކާއާ ދުރަށް ދިވެހިރާއްޖޭގެ މިސްރާބު ބައްޓަންކުރީ ކަމެއްވެގެން. ލަންކާ، އިންޑިޔާ ބަޔަކު ވައިއެޅެންވެސް ހެޔޮވާވަރުގެ ދެގައުމެއްނޫން. ސިންގަޕޫރުގެ މުއްސަނދިކަމަށްވުރެވެސް މިގައުމުގެ މުއްސަނދިކަން ބޮޑުވާނެ އިޚްލާސްވެރި ވެރިންނާއި މިނިވަން އަދުލުވެރި ނިޒާމެއް މިގައުމުގައި ނާޞިރަށްފަހު އޮތްނަމަ. މުޅިންވެސް ބައިތުލްމާލު ދަވާލާ މީހުންނާ މިގައުމުގެ އިސްސަފަށް މިނެރެވެނީ. ބަލާބަލަ ނަޝީދާއި، ޔާމީނާއި އިބޫމެންގެ ހާލު
އާދަނާ
04 June 2019
ނިގާބު އަޅައިގެން ނުދެވޭ ތާކަށް ދިއުމެއްނެއްތާ!
ބުން
04 June 2019
ދިއުން ކިއްކުރަންތޯ ތްރާންސިޓްގައުވެސް ލަންކާއަށް ނުދާގޮތެއް އޮތިއްޔާ އެ ގޮތަކަށް ތިކެޓް ނައިގެން މިހާރު ދަތުރުކުރަނީ.
ލަންކަޅޭ
04 June 2019
ލަންކާއަކީ ދާން ކަމުދާތަނެއް ނޫން ދިވެހީންގެ ފައިސާގައި އެގައުމުގެ ރައްޔިތުން ދިރިއުޅޭގައުމެއް މިހާރުވެސް މިގައުމުގައި ވަޒީފާގައި ތިބި ލަންކާ މީހުން މާގިނަ ދިވެހީންނަށް ވުރެ
ނޮޓް މުސްލިމްސް
04 June 2019
"ލަންކާގައި މުސްލިމުންގެ ބަޔަކު ދިން" ކިޔުމަށްވުރެ ރަނގަޅީ، މުސްލިމުންގެ ނަމުގައި ތިބި ބަަައެކޭ ކިއިއްޔާ. އިސްލާމްދީނުގެ ކޮން އުސޫލެއްގައިތަ އޮތީ ކަަމާނުބެހޭ މީހުންނާ، އަންހެނުންނާ، ކުޑަކުދިންނާ، މުސްކުޅިންނާ މަަރަން. ކޮން ދަލީލެއްގައިތަ އޮތީ އެހެން ދީންތަކުގެ މީހުން އަޅުކަަންކުރާ ތަންތަނަށް ހަމަލާދީ، އެމީހުން އަޅުކަންކުރާ ތަކެއްޗަށް ފުރައްސާރަކުރަން. ދީނުގަ ސަރީހަމަގުން މިކަންކަން މަނާކުރައްވާފަަ ހުއްޓަ މުސްލިމަކު ހިލާފްވެގެން ނުވާނެ.
ހަސަން ދެވަނަ
04 June 2019
ގޫޑްބާއީ ލަންކާ .. ދެން ގުޑްބާއި ..
ސާމިޔާ
04 June 2019
މަށަށްފެންނަނީ އެއްވެސްދިވެއްސަކު ލަންކާއަށްނުދާން .. ޗުއްޓީއެއްހަދާލަން އިޒުރޭލަށްދާންޖެހުނަސް ތިޔަ ލަންކާއަކަށް މަށެއްނުދާނަން !! ޔަހޫދީ އިޒުރޭލަށްވުރެ ތިޔަ ބުޑިސްޓު ލަންކާ މާގޯސް .