ނޮވެމްބަރު 3، 1988 ގައި ރާއްޖެ އަށް ދިން އުދުވާނީ ހަމަލާގެ މޭސްތިރިޔަކަށް ހުރި ހ. ހާޖަރާގެ އަބްދުﷲ ލުތުފީ މީގެ 31 އަހަރު ކުރިން ހުރި ގޮތް (ކ) އަދި މީގެ ނުވަ އަހަރު ކުރިން ހުރި ގޮތް.
01 ޖުލައި 2019 - 15:08
50 comments
"ޝަހީދުވެގެން ވެއްޓި ދިވެހިން ލެއިން ތަތްތެޅިފައި ތިއްބައި ދުށިން. ބައެއް ޝަހީދުންގެ ހަށިގަނޑުތައް އެ ތަންތަނުން ނެގިން."
އެތައް ދިވެހިންނެއް ޝަހީދުވި އުދުވާނީ ހަމަލާގެ މޭސްތިރި ކަމަށްވާ އަބްދުﷲ ލުތުފީ ފިލައިގެން އުޅެނިކޮށް ގެނައުމުގައި ކުރީގެ ހޯމް މިނިސްޓަރު އުމަރު ނަސީރު އިހުމާލުވި ކަމަށް ފުލުހުން އިއްޔެ ކުރި ތުހުމަތުން ދިފާއުވެވަޑައިގަތީ މި ތަޖުރިބާ ހިއްސާ ކުރައްވަމުންނެވެ.
ފުލުހުން ބުނެފައިވާ ގޮތުގައި ލުތުފީ ދިރިއުޅެމުން ދިޔަ ތަންތަނުގެ މައުލޫމާތު ކުރީގެ ސަރުކާރުތަކަށް ލިބުނެވެ. އެކަމަކު އޭނާ ގެނައުމުގައި ސަރުކާރުތަކުން އިހުމާލުވެފައިވާ ކަމަށް ފުލުހުން ވަނީ ބުނެފަ އެވެ. އެ އިހުމާލު ފުލުހުން އަންނަނީ ތަހުގީގު ކުރަމުންނެވެ.
ސްރީ ލަންކާގައި ހުންނަ ރާއްޖޭގެ އެމްބަސީ އަށް ވަދެ އަމިއްލަ އަށް ފުލުހުންނާ ހަވާލުވުމުން ވެސް ލުތުފީ ގެނައުން ލަސްވާ މައްސަލައިގައި މި ސަރުކާރަށް އެންމެ ބޮޑަށް ފާޑުކިއުން އަމާޒުކުރައްވާ އުމަރަށް ފުލުހުން ކުރި ތުހުމަތުތަކަށް ޖަވާބު ދެއްވައި އޭނާ ކުރެއްވި މަސައްކަތުގެ ތަފްސީލް ވަނީ ހިއްސާ ކުރައްވައިފަ އެވެ.
ފޭސްބުކްގައި އުމަރު ލިއުއްވާފައިވާ ގޮތުގައި ހޯމް މިނިސްޓަރަކަށް ހުންނެވި އިރު ލުތުފީ ހައްޔަރުކުރަން ޚާއްސަ އިސްކަމެއް ދެއްވީ ސިފައިންގެ މީހެއްގެ ގޮތުގައި ހުރެ ނޮވެމްބަރު 3 ގެ ހަމަލާ އޭނާ ތަޖުރިބާ ކުރައްވާފައިވާތީ އެވެ.
އޭނާ ވިދާޅުވި ގޮތުގައި 2010 ގައި ބޭސްފަރުވާ އަށް ފޮނުވާލުމުން ފިލައިގެން އުޅުނު ލުތުފީ ސްރީ ލަންކާ އިން އަތުލައިގަންނަން މިދިޔަ ސަރުކާރުގައި މަސައްކަތް ކުރި އެވެ. ކޮންމެ ފަހަރަކު ވެސް ފުލުހުންގެ އަތު ނުޖެހި ފިލީ ކަމަށް އުމަރު ވިދާޅުވި އެވެ.
އުމަރު ވިދާޅުވީ ކުރީގެ ފޮރިން މިނިސްޓަރު އަދި މިހާރު ރައީސް އޮފީހުގެ މިނިސްޓަރު އަހްމަދު ނަސީމާ އެކު ލުތުފީ ލަންކާގެ ނަވަލޯކާ ހޮސްޕިޓަލުގައި ހުރި ކަމުގެ މައުލޫމާތު ލިބިގެން ކުރީގެ ސަރުކާރުގައި ލަންކާ ފުލުހުން ވަގުތުން އެ ތަނަށް ވެސް ފޮނުވި ކަމަށެވެ. އެކަމަކު ފުލުހުން ދިޔައިރު ލުތުފީ އެތަނުން ފިލާފައިވާ ކަމަށް އުމަރު ވިދާޅުވި އެވެ.
އޭނާ ވިދާޅުވި ގޮތުގައި ލަންކާގެ ނުގޭގޮޑާގައި ލުތުފީ އުޅޭ ކަމުގެ މައުލޫމާތު ލިބިގެން އެތަނުގައި އެއް މަސް ދުވަހުގެ އޮޕަރޭޝަނެއް ފުލުހުން ހިންގި އެވެ. އެ އޮޕަރޭޝަނުގައި ހަރަކާތްތެރިވީ ދިވެހި ސިއްރު ފުލުހުންގެ ޓީމަކުން ކަމަށް އުމަރު ވިދާޅުވި އެވެ.
އެ ފަހަރު ވެސް ލުތުފީ އަތެއް ނުވި އެވެ.
އޭނާ ހައްޔަރުކުރަން މަގުފަހިކޮށްދޭ ވަރުގެ މައުލޫމާތެއް ދިން މީހަކަށް 75،000ރ. ހުށަހަޅައި ފަހުން އެ އިނާމު 10،000 ޑޮލަރު (154،200ރ.) އަށް ބޮޑުކުރި ކަން އުމަރު ވަނީ ފާހަގަކުރައްވައިފަ އެވެ.
ލަންކާގެ ސަރުކާރުގެ އިސްވެރިންނާ އެކު ބޭއްވެވި ބައްދަލުވުންތަކުގައި ވެސް އެކި ފަހަރު މަތިން ލުތުފީ ހައްޔަރުކުރުމުގެ އެހީތެރިކަމަށް އެދިވަޑައިގެންނެވި ކަމަށް ވިދާޅުވި އެވެ.
އުމަރު ވިދާޅުވި ގޮތުގައި ލަންކާގައި ހުންނަ އެމްބަސީ އަށް ވަދެ ލަންކާ ފުލުހުންނަށް ފިލާ އޮންނަން ޖެހުނީ ކުރީގެ ސަރުކާރުން ކޮށްފައިވާ މަސައްކަތާ ހެދި އެވެ. ލަންކާގެ ވަކިވަކި ފުލުހުންގެ އަތުގައި ލުތުފީގެ ފޮޓޯ ހުންނާނެ ކަމަށް ވެސް އުމަރު ވިދާޅުވި އެވެ.
ލުތުފީ ގެނައުމުގައި މި ސަރުކާރުން ކުޅެނީ ޑްރާމާއެއްގެ ގޮތުގައި ސިފަކުރައްވައި އުމަރު ވިދާޅުވީ ލުތުފީ މަރަން އޭނާ ވަކާލާތު ކުރެއްވީ ޝަހީދުވި 19 ދިވެހިންނަށް އިންސާފު ހޯދައި ދޭން ކަމަށެވެ.
"ލުތުފީ އަށް މަރުގެ އަދަބު ދެވުނު ނަމަ މި ޑްރާމާ މި ގޮތަށް ހިނގާކަށް ނުޖެހުނީސް. ޝަހީދު ވެގެން ދިޔަ 19 ދިވެހިންނަށް އިންސާފު ލިބުނީސް،" އުމަރު ވިދާޅުވި އެވެ.
ފުލުހުންގެ ބެލުމުގެ ދަށުގައި މިހާރު ހުރި ލުތުފީ ގެނައުން ލަސްވަނީ ބައިނަލްއަގުވާމީ އިޖުރާއަތުތައް ފުރިހަމަކުރުމުގައި ދަތިތަކެއް ކުރިމަތިވުމުންނެވެ. އެއީ އޭނާ ހޯދަން އިންޓަޕޮލް އިން އިއުލާންކޮށްފައި ވުމާއި ސައްހަ ވިސާއަކާ ނުލައި ލަންކާގައި ދިރިއުޅުމުގެ އިތުރުން އދ. އިން ހިޔާމަތް ހޯދަން މަސައްކަތްކޮށްފައި ވާތީ ކަމަށް ފޮރިން މިނިސްޓްރީން ވަނީ ބުނެފަ އެވެ.
ކަމާބެހޭ އިދާރާތަކުން ބުނިގޮތުގައި ލަންކާގެ އެޓާނީ ޖެނެރަލް އޮފީހުގެ ހުއްދަ ލިބުމާ އެކު ލުތުފީ ރާއްޖެ ގެންނާނެ އެވެ.
ސްރީ ލަންކާ އިން ވަކިވެ، ވަކި ދައުލަތެއް އުފައްދަން ހަނގުރާމަކުރި ލަންކާގެ ތަމަޅަ ގްރޫޕްތަކުގެ ތެރެއިން ޕްލޯޓް ޖަމާއަތުގެ ޓެރަރިސްޓުންނާ ގުޅިގެން ލުތުފީ ދިން އުދުވާނީ ހަމަލާގައި 19 ދިވެއްސަކު ޝަހީދުވި އެވެ. އޭގެ ތެރޭގައި އާންމުންގެ 11 މީހުންނާއި ސިފައިންގެ އަށް މީހަކު ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުދުވާ
03 July 2019
މަހެއްވަަންދެން 2 ގަުމުގެ ސިފައިން ނުގެގޮޑާ ގައި ލުތުފީ އުޅޭ ގޭބުދުގައި މުގޯލި އަޅަިއގެން ހުރެ ކަމެއް ނުވުން މީ ދެން ހަމަ އަހަރުމެން ގަބޫލު ކުރަންވީ؟؟ ތިޔައީ ހަމަ މީޑިޔާ އެޓެންޝަން ށީކަރ އެއް ... ދެނ ްހުއްޓާލާ އުމަރާ
ސ ހިތަދޫސަގަރުސިޓީ
02 July 2019
ސަގަރު ނާސިރުމައްޗައްވެސް އަލުންދައުވާކޮއް އުމުރުދުވަހު ޖަލުގަ ބަހައްޓަންޖެހޭ
ބަސްވިއްކާމީހާ
02 July 2019
ފިލީ ލުތުފީ ތަ ނޫނީ އުމަރުތަ؟ މިދިޔަ ފަސް އަހަރުވެސް މިފަދަ ހުރިހާ މައްސަލަތަކަށް މަނިކުފާނު އުޅުނީ ފިލައިގެންވިއްޔަ. މިހާރު އަކަނި މައްސަލަ އުޅެނީ ދެއްތޯ؟
ހަސަދު
02 July 2019
އުމަރާ އަމިއްލައަށް ނާގާބިލް ކަން ތިޔަދައްކުވައިދެނީ. ފިލައިގެން އުޅޭ ކުއްވެރިއަކު ފާރަލާކަން އެގޭ އިރަށް ފިލާނެ. ފާރަލާނީ އޭނާއަށް ފާރަލީކަން ނޭގޭ ގޮތަށް.
ވާލުސޮރު
02 July 2019
އުމަރު ނަސީރު ދޮގު ހަދަމުންގޮސް މީހާ ލަދުން އެ ހުންނަނީ މީހުން ތެރެއަށް ނިކުންނަން ނުކެރިފަ. ވައްކަމާއި ކޮރަޕްޝަނާއި މީހުން މެރުމާއި ގޭންގުތަކުގެ ކަންތަކުގަ ވެސް އުމަރު ނަސީރުވަނީ ޒާތީ،. މިއީ ކަމެއް އިސްލާހުކުރަން އުޅޭ މީހަކު އުޅެން ޖެހޭނެ ގޮތެއް ނޫން. ޒާތީ ވުމާއި ޖެލަސީ އަކީ ބައްޔެއް އުމަރާ
ދެރަ
02 July 2019
މީ ތިކަން ވަކިމީހަކު ބޮލަށް ކަނޑަން ވީ ވަގުތެތްނޫން
ނަސޭހަތް
02 July 2019
މު އުމަރަށް ކޮންކަމެއްތޯ ވީ؟ ގޭންގު ހުއްޓުވަން އުޅެ އަމިއްލަ މީހާ ގެ ބާރު ގެއްލުނީ! ލުތުފީ ފިލީ އޯ ! އަފްރާޝީމް ފަދަ ކިތައްބޭފުޅުންގެ މަރު ގެ ތަހުޤީގު އެގޮތް މިގޮތަށް ދިޔަ.. ކީކޭތޯ ބުނާނީ ! ތައުބާ ތައުބާ!
ޔާނނ
02 July 2019
އުމަރާ ބަލަ ތިވެސް ސިފައިންގެފާރުމަތިން އެރުމަށް ގޮވާލި މީހެއް.
ވެރިން
02 July 2019
ބާގީ ގެންނަން ވަރަށް ބާއިވަރު ލާރިހަރުދުކުރަން ޖެހޭވާހަކަ އެބައަޑުއިވޭ، އަހަރުމެންގެ ޓެކްސް ފައިސާއިން އެންމެ ލޯލާރިއެއްވެސް ތިކަލޭގަ ގެންނަން ހަރުދުކޮއްގެން ނުވާނެ،އޭނަފިލަން ފޮނުވާލި މީހާގެ މުސާރަ އާ އެހެނިހެން އިނާޔައްތައް ހިފަހައްޓާފަ އޭގައިން ގެންނަންޔާ ގެނޭ
ބުމަރު
02 July 2019
ލުތުފީ ނުހޯދުނުގޮތަށް ހަމަ އެގޮތަށް އުމަރު ފުލުހުންގެ އިސް ފާރަވެރިޔާ ހޯމް މިނިސްޓަރަކަށް ހުއްޓާ އޭރުގެ ވެރިން ދިވެހި ދައުލަތުގެ ތިޖޫރީ ހުރިތަން ވަޅުގަނޑަކަށް ހަދާލިއިރުވެސް އުމަރަށް އެގުނު އެއްޗެއް ނެތް. ބޭކާރު ވާހަކަ ދެއްކުން ހުއްޓާލަން ވެއްޖެއްނު.