ރައީސް އޮފީހުގައި މިއަދު ބޭއްވި ނިއުސް ކޮންފަރެންސްގައި ނޫސްވެރިންނާ ވާހަކަ ދައްކަވަނީ.---ފޮޓޯ: ހުސައިން ވަހީދު/މިހާރު
04 ޖުލައި 2019 - 23:49
9 comments
މި ސަރުކާރުގެ އަށް މަސް ތެރޭގައި އުފައްދަވާފައި ވަނީ 334 ސިޔާސީ މަގާމު ކަމަށް ރައީސް އިބްރާހިމް މުހައްމަދު ސޯލިހް މިއަދު ވިދާޅުވެއްޖެ އެވެ.
ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ރައީސް ވިދާޅުވީ އެމަނިކުފާނުގެ ސަރުކާރުގެ ސިޔާސީ މަގާމްތަކުގެ އަދަދު ކުރީގެ ސަރުކާރަށް ވުރެ އިތުރު ނުކުރައްވާނެ ކަމަށެވެ. މިހާތަނަށް އުފެއްދެވީ 334 މަގާމް ކަމަށް ވިދާޅުވެ، އެ އަދަދު ކުރީގެ ސަރުކާރަށް ވުރެން އަދިވެސް މަދު ނޫންތޯ އެއްސެވި އެވެ.
އެމަނިކުފާނު ވިދާޅުވި ގޮތުގައި ކުރީގެ ރައީސް އަބްދުﷲ ޔާމީންގެ ސަރުކާރުގައި 465 ސިޔާސީ މަގާމް އުފައްދަވާފައިވެ އެވެ. އެއީ ރައީސް އޮފީހާއި ސަރުކާރުގެ އެހެން މިނިސްޓްރީތައް ހިމަނައިގެންނެވެ.
"އަޅުގަނޑުގެ މި އުޅެނީ 334، އަދި އެބަ ހިފެހެއްޓެއެއް ނޫންތޯ،" ސިޔާސީ މަގާމްތަކުގެ ވާހަކަ ނޫސްވެރިން އައްސަވާނެ ކަން އެނގިވަޑައިގަންނަވާ ކަމަށް ވިދާޅުވެ ޖަވާބު ދެއްވެވި އެވެ.
ކުރީގެ ސަރުކާރުގެ ސިޔާސީ މަގާމްތައް އިތުރުވެ، ދައުލަތުގެ ބަޖެޓަށް ބުރަ ބޮޑުވި މައްސަލައިގައި މިހާރު ސަރުކާރު ހިންގާ ޕާޓީތަކުން ވަރަށް ބޮޑަށް ފާޑުކިއެވެ. މި ސަރުކާރުގެ ވައުދަކަށް ވީ ސިޔާސީ މަގާމްތަކުގެ އަދަދު އިތުރު ނުކުރުމެވެ.
ރައީސް އިބްރާހިމް މުހައްމަދު ސޯލިހް ވެރިކަމަށް ވަޑައިގަތީ ސިޔާސީ ޕާޓީތަކުގެ ކޯލިޝަނަކުން ކަމަށް ވާތީ ސަރުކާރުގައި ކޮންމެ ޕާޓީއެއް ވެސް ހިއްސާވާނެ ނިސްބަތް ވަނީ ކަނޑައަޅައިފަ އެވެ. އެގޮތުން އެމްޑީޕީ އަށް 40 ޕަސެންޓް، ޖުމްހޫރީ ޕާޓީ އަށް 25 ޕަސެންޓް، ކުރީގެ ރައީސް މައުމޫން އަބްދުލްގައްޔޫމަށް 20 ޕަސެންޓް އަދި އަދާލަތު ޕާޓީ އަށް ކަނޑައަޅާފައި ވަނީ 15 ޕަސެންޓެވެ.
މި ސަރުކާރުގައި މިނިސްޓަރުންނާއި ޑެޕިއުޓީ މިނިސްޓަރުންނާއި ސްޓޭޓް މިނިސްޓަރުން ކަނޑައެޅުމުގައި ބަލާފައި ވަނީ މި ނިސްބަތަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
.
06 July 2019
މި ސަރުކާރުގައި ހަދާހާ ކޮމިޓީތަކޯ؟ އެއީ ހިލޭ މަސައްކަތްކޮށްދޭ ބައެއްތަ؟
ލަކުޑި ހަމީދު
06 July 2019
އަދި މާމަދެއްނު. ކަސްޓަމްސްގަވެސް ޑީ.ސީ ކަންވެސް އަދި ނުދޭ މީހަކަށް.
ޗަކޮއި
05 July 2019
ސިޔާސީ މަގާމްތަކުގެމުސާރަޔަށް ކިހާވަރެއްތޯ ދަނީ. ޔާމީނު ސަރުކާރުގައި ގިނަވެގަތީ ކޯޑިނޭޓަރުން. ގިނަމީހުންގެ މުސާރައުޅެނީ 15 ހާހުގައި. މިސަރުކާރުގައި ރައީސްއޮފީހު އެކަނިވެސް ބައިލައްކަ މުސާރަޔަށް ލިބޭ ވިއްސަކަށް މީހުންއެބަތިބި. އެހެންވީމާ މީހުންގެއަދަދު މަދުވިޔަސް ތިޖޫރިޔަށް ކުރާބާރު މާ ބޮޑުވާނެހެން ހީވޭ.
ސާސް
05 July 2019
ޖެންޑަރ މިނިސްޓްރީއަށް ވެސް ތާކުންތާކު ނުޖެހޭ ސިޔާސީ މީހުންލާފަ އެބަތިބި. މަސައްކަތަކީ ފޯނާއި ކުޅުން!
ބަޖިޔާ
05 July 2019
ތީ ހަމަ ރަނގަޅު އަދަދެއްތޯ! ނޭވާއަކު ދެކޮޅު ފެނޭ ސިޔާސީ މީހެއް ލާތަން! ނާގާބިލް އެތައް ބަޔެއް އެބަފެނޭ!!
ރަދީފު ބިން ރަފައިދާ
05 July 2019
ރައީސް ޔާމީނު 100 މިލިޔަން ކާލިއްޔާ އިބޫޖެހޭނެ 70 ނޫނީ 80 މިލިޔަން ކާލަން. ދެން އޭގެފަހުން ހެވެލާފަ ބުނޭ "ތިމަން މަނިކުފާނު ސަތޭކައަށް ނާރުވާ އެބަ ހިފަހައްޓަމެއްނޫންތޯ."
ކަދުރޭ22
05 July 2019
މާމަތީގައުޅެނީ. ހެޕީ ކުރަންޖެހޭ އެކްޓިވިސްޓުން ގިނަ ކަމުން.
ކިހާސަޅި
05 July 2019
ޔާމީން 5 އަހަރުން 465 މަގާމް. މިސަރުކާރަށް އަދި 8 މަސް. މިހާރު 334 ސިޔާސީ މަގާމް. އަދި މިއުޅެނީ ރަނގަޅު ޕްރޮޖެކްޓެއްވެސް ނުފެށިގެން
ކަދުރޭ2
05 July 2019
ކަމެއްނުކޮށް ދަރަނިދެގުނަކޮށް ބަޖެޓު ހުސްކުރިގޮތެއް އެގޭތަ؟