ރާއްޖޭގެ އާބާދީއާ ތަރައްގީއަށް އައިސްފައިވާ ބަދަލުތަކާބެހޭގޮތުން ތައްޔާރުކޮށްފައިވާ ރިޕޯޓް ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު އިފްތިތާހު ކޮށްދެއްވަނީ.
11 ޖުލައި 2019 - 22:37
72 comments
ރާއްޖެ އަށް އާމްދަނީ ހޯދުމުގައި ބައިވެރި ނުވާ ބަޔަކު ތިބުމަކީ އެކަމުގެ ސަބަބުން އިގުތިސާދަށް ލޮޅުން އަރާނެ ކަމެއް ކަމަށް ރައީސް އިބްރާހީމް މުހައްމަދު ސޯލިހު ވިދާޅުވެއްޖެ އެވެ.
ދުނިޔޭގެ އާބާދީ ދުވަސް ފާހަގަ ކުރުމަށް ދަރުބާރުގޭގައި މިހާރު ކުރިއަށްދާ ޖަލްސާ ޝަރަފުވެރިކޮށްދެއްވައި ވާހަކަފުޅު ދައްކަވަމުން ރައީސް ވިދާޅުވީ ރާއްޖޭގެ މަސައްކަތް ކުރާ އުމުރުގެ އާބާދީ ބޮޑުވުމަކީ ތަރައްގީ އަށް އޮތް ފަހި ފުރުސަތެއް ކަމަށެވެ. އެހެން ނަމަވެސް މަސަައްކަތެއް ނުކޮށް މައިންބަފައިންގެ އެހީގައި ދިރިއުޅޭ ޒުވާނުންގެ ނިސްބަތް މަތިވަމުން ދިއުމަކީ ހިތާމައެއް ކަމަށް ވެސް އެމަނިކުފާނު ވިދާޅުވި އެވެ.
"ގައުމީ އާމްދަނީގައި ހިއްސާ ނުވާ ބަޔަކު ތިބުމަކީ އިގުތިސާދަށް ލޮޅުން އަރާނެ ކަަމެއް. ތަފާސްހިސާބުތަކަށް ބަލާއިރު މަތީ ސާނަވީ ނިންމާ އަންހެން ދަރިވަރުންނަށް ވުރެ ފިރިހެން ދަރިވަރުންގެ އަދަދު 2010 ވަނަ އަހަރުން ފެށިގެން ދަނީ މަދުވަމުން. އަދި އަހަރުން އަހަރަށް އެ ފަރަގު ބޮޑުވަމުން ދިއުމަކީ ގައުމީ ތަރައްގީ އަށް އެޅޭ ވަރަށް ބޮޑު ހިޔަންޏެއް،" ރައީސް ވިދާޅުވިި އެވެ.
އެމަނިކުފާނު ވިދާޅުވީ މަސައްކަތް ކުރާ އުމުރުގެ މީހުން ގިނަވުމަކީ އޮޓަމެޓިކުން ގައުމު ތަރައްގީވާނެ ސަބަބެއް ނޫން ކަމަށާއި ގައުމު ތަރައްގީ ވާނީ ވީހާ ގިނަ ބަޔަކު އަމަލީ މައިދާނަށް ނިކުމެގެން ކަމަށެވެ. އަމަލީ މައިދާނަށް ނުކުންނަ މީހުން އަމިއްލަ މަސައްކަތްތައް ކުރުމަށް މަގު ފަހިކޮށްދިނުމަކީ ވެސް މުހިއްމު ކަމެއް ކަމަށް ވެސް އެމަނިކުފާނު ވިދާޅުވި އެވެ.
"މިކަންތައްތައް ކުރުމަށް ޓަކައި އެންމެ މުހިއްމު އެއް ކަމަކީ ރަސްމީ ތައުލީމީ ނިޒާމާއި މަތީ ތައުލީމީ ނިޒާމާ އެކު އެކީގައި މަސައްކަތުގެ ހުނަރު ދަސްކޮށްދިނުމުގެ ސިޔާސަތު ހަރުދަނާ ކުރުން،" ރައީސް ވިދާޅުވި އެވެ.
އެމަނިކުފާނު ވިދާޅުވީ އެނޫން ގޮތަކަށް މަސައްކަތްކޮށްގެން އާބާދީއާ ފައިހަމަވާ މިންވަރަށް އިގުތިސާދު ކުރި ނޭރުވޭނެ ކަމަށެވެ.
ރާއްޖޭގައި ދިރިއުޅޭ ބިދޭސީ މަސައްކަތްތެރިންނާ ބެހޭ ގޮތުން ވާހަކަ ދައްކަވަމުން ރައީސް ވިދާޅުވީ އެ މީހުންގެ ސަބަބުން ވެސް އިގުތިސާދަށް ފައިދާތަކެއް ކުރާ ކަމަށާއި އެހެން ނަމަވެސް އެ މީހުންގެ ސަބަބުން އާމްދަނީގެ ބޮޑުބައެއް ރާއްޖޭން ބޭރަށް ގެންދެވޭ ކަމަށެވެ. އެއީ ހައްލެއް ހޯދަން ޖެހިފައިވާ ކަމެއްގެ ގޮތުގައި ރައީސް ފާހަަގަކުރެއްވި އެވެ.
"ވަޒީފާގެ ބާޒާރުގައި ބިދޭސީން މިހާރު އަދާކުރާ ދައުރު ފުރިހަމަ ކުރާނެ ދިވެހިންތަކެއް އުފެދިގެން ނޫނީ ރާއްޖެ އަށް ލިބޭ އާމްދަނީ ގާދޫކޮލުން ބޭރުވިޔަ ނުދީ ހިފެހެއްޓޭނެ ގޮތެއް ނެތް،" ރައީސް ވިދާޅުވި އެވެ.
ރާއްޖޭގެ އާބާދީ އާއި ތަރައްގީ އަށް އައިސްފައިވާ ބަދަލުތަކާ ބެހޭ ގޮތުން އެކުލަވާލާފައިވާ ރިޕޯޓެއް މިރޭގެ ޖަލްސާގައި ރައީސް އިފްތިތާހުކޮށްދެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަންދެލި
12 July 2019
ދިވެހި ކޮންމެ ރައްޔިތަކަށް ސިފައިންގެ ތަމްރީނު ދީ ސިފައަިންގެ ޚިދުމަތަށް ނެރެން ޖެހޭ. މިގޮތަށް 2 އަހަރު ޚިދްމަތް ކުރުމަށް ފަހު ދެން މަސައްކަތަށް ނުކުންނަ ތިބޭނީ ބޯ ކޮށާފަ އަދި ހެދުނު 6 ޖަހާއިރު އެނދުން ތެދުވަން ދަސްވެފަ. މީ ޤާނޫނަކުން ކުރަން ޖެހޭ ކަމެއް. މި ނޫން ގޮތަކަށް މިކަމެއް ހައްލުވާކަށް ނެތް ހެން ހީވަނީ...
ގަލި
12 July 2019
އެންމެ ބޮޑުމައްސަލަޔަކީ ތާއްޔާޖެހެމުން. ބޭބޭ ބޭބޭ 10ރ. ނެތްތަކިޔަމުން މަގުމަތީގަ ހޫރޭތީ. މާރުކޭޓުތެރޭގަވެސް މި ބަގަ ދަނީ ދުވަހެއް ުވަހަކަށް ގިނަވަމުން . މީ މަސައްކަތެއް ނެތް މީހުންނަކީ. މަސައްކަތެއް ދިނަސް ހަރެއް ނުލާ.
އަލީގ
12 July 2019
ކީއްކުރާނީ މިގައުމުގެ ހާލަތު. ކުރިއަރާފައިވާ ގައުމުތަކުގަ އަދި ކުރިއަރަމުންދާ ގައުމުތަކުގަވެސް އެންމެ ޝަރަފުވެރިކަމެއްކަމައްދެކެނީ އަމިއްލަ އަތުން މަސައްކަތްކޮއްގެން ތިމާގެ އަމިއްލަ ހަރަދުތައް ބެލެހެއްޓުން. މިގައުމުގަ ހާއްސަކޮއް ވަރައްގިނަ ޒުވާނުން މަސައްކަތެއް ކުރާކައް ބޭނުމެއްނޫން، މައިންބަފައިންނައް އެމީހުންގެ ކަންތައްތައްވެސް ކިރިޔާ ހަމަޖެއްސޭވަރުވާއިރުވެސް ބޮޑެތިވެފަތިބޭ ދަރިން ބަލަންއެބަޖެހޭ. އެމީހުންގެ އަބިންނާ ދަރިންވެސް ބަލަންޖެހޭ...
ރަންނަ
12 July 2019
ގަބޫލުކުރައްވާ މީ ވަރަށް ރޭވިންތެރި ކަމާއެކު އުފައްދާފައިވާ ހާލަތެއް. މިހާލަތުން އަރައިގަންނަ ވަރައް މަސައްކަތް ކުރަން އެބައޮތް. އެކަކު އަނެކަކަށް އިނގިލި ދިއްކޮށް އަތް އުރާލައިގެން ތިބެފިނަމަ އަންން އޮތް ޖީލަށް ދައްކާނެ މޫނެއް ނެތް. މީހަމަ ކޮންމެ ދިވެއްސެއްގެ ޒިންމާއެއް
އަލީގ
12 July 2019
އަދި އޭގެ އަނެއްކޮޅުވެސް އެބައޮތް. ބައެއް މައިންބަފައިން މާ ލަދުގަންނަކަމެއް އެމީހުންގެ ދަރިން މިކިޔާ ދެރަވަރު ކަހަލަ މަސައްކަތެއް ކުރުމަކީ އެފަދަ މަސައްކަތެއް އެކުދިން ކުރުމައްވުރެ ކަމެއްނުކޮއް ގޭގަ ހުރުންވެސް އެމީހުންނައް މާހިތައްފަސޭހަ. ގަންނަލަދެއްގެ ބޮޑުކަމުން. ޖެހިގެން ހުރިގޭ މީހާ ބުނެފާނެ އެއްޗަކާހުރެ ނޫނީ ކޮއްކޮއެއް ނޫނީ ބޭބެއެއްގެ ދަރިއެއް ކުރާމަސައްކަތައްވުރެ މަގޭދަރި ކުރާ މަސައްކަތް "ހަޑި" ވީމަ ގަންނަލަދުން.
ބުއްޅަބޭ
12 July 2019
ޢަކްރަމް ކާރީ ބަހައްޓައިގެންތޯ ތިހެންތިވިދާޅުވަނީ. އާމްދަނީ އެހޯދަނީ ހޯދުނުގޮތަކަށް.
ޙަބީބު
12 July 2019
ރާއްޖެޔައް ވަރައްބޮޑެތި ގޮންޖެހުން އެބަހުރި ދައުލަތުގެ އިހުމާލުންވެސް ވެފަ މީހުން ދިރިއުޅޭ ރައްރައްމަދުކޮއްފަ އަތޮޅެއްގަ 3 ރައް ނުވަތަ 2 ރައް މީހުން ދިރިއުޅެން ހަމަޖައްސަންވީ ވަޒީފާތައް އާއިލާޔާ ގާތުން އުފެދުނީމަ އެބައިވެސް މަދުވާނީ ބައެއް މީހުން ބޭނުމެއްނުވޭ އަނބިފޫބުޑުން ދުރައްދާކައް ލާރިބޭނުންވޭ
ގާސިމް
12 July 2019
ތިޔަށްވުރެން ބޮޑެތި ކަންބޮޑުވުން އެބަހުރި. ބަހަނާ ނުދައްކަވާ އެކަންކަން ހައްލުކޮށްދެއްވާ.
ފުއް
12 July 2019
އެއްމެ މުހިއްމު ކަމަކީ އަމިއްލަ ވަންތަކަމެއް ގެންގުޅުން. ބޭރުގެ ވިޔަފާރިގެ އަޅުވެތިކަމުން މިންޖުވާންވީ. ކީއްވެ ގެރި ނުގެންގުޅެނީ. ކިރުގެ ބާވަަތްތައް އިމްޕޯޓު ނުކޮށްވެސް އުޅެވޭތޯ އެއޮތީ އޮތްހާ ފަޅުރަށް. ޓޫރިޒަމް ވެއްޓޭ ދުވަހަކުން ބޯނެ ފެންފޮދެއްވެސް ނޯންނާނެ. .
ހަސީނާ
12 July 2019
ކުކުޅާއި ކުކުޅުބިހާއި މިއީ ހަމަ ގައިނުވެސް ދިވެހީންނަށާއި އަންނަ ޓޫރިސްޓުންނައް ބޭނުންވާމިންވަރައް އުފެއްދިދާނެ އެއްޗެއް. އެކަމަކު މިތަކެތި ބޭރުން އިމްޕޯޓުކޮއް ވިއްކައިގެން މިލިޔަންޑޮލަރުގެ ފައިދާހޯދާ ދިވެހި ކުންފުނިތަކުން ރާއްޖޭގައި މިކަން ވެވެނާ ނުދޭނެ. ކޮންމެވެސް ގޮތަކުން ފޭލިކޮއްލާނެ އެކަމެއް ކުރަން އިސްނަގާ ބަޔަކު..އަދި ސަރުކާރުން ކުރަން އުޅފިއްޔާ އަދި މާފަސޭހައިން ސަބޯޓޭޖް ކޮއްލާނެ.
އިބޫބެ
12 July 2019
ވަޒީފާތަކުން މީހުން ވަކިކުރާއިރު ތިކަމެއް ނޭގޭތަ؟
ޜޮޑް
12 July 2019
ޓްވިޓަރުން ހިންގާ ސަރުކާރު
މަހުޖަނު
12 July 2019
މިހާރު ވިސްނިއްޖެދޯ ވެރިކަން ކުރުމަކީ ކޮންމެ މީހަކަށް ނުކުރެވޭނެ ކަމެއްކަން، ބޯގޮވައިފި ދޯ.