ހަދަމުންދާ އިމާރާތެއް: ރޭ ހިނގި ހާދިސާގައި އަނިޔާވި މީހާއަށް ފަރުވާ ދޭން އައިޖީއެމްއެޗަށް ގެންދިޔަ -- ފޮޓޯ: މިހާރު ފައިލް ފޮޓޯ
17 ޖުލައި 2019 - 12:39
11 comments
މާލޭގައި ހަދަމުންދާ އިމާރާތަކުން ދަގަނޑެއް ވެއްޓި، މީހަކަށް ރޭ އަނިޔާވެއްޖެ އެވެ.
ފުލުހުން ބުނި ގޮތުގައި އެ ހާދިސާ ހިނގީ މަގު ބަންދުކޮށްގެން ހަދަމުންދިޔަ އިމާރާތަކުންނެވެ. ރޭ 12 ޖަހާކަން ހާ އިރު ހިނގި މި ހާދިސާގައި އަނިޔާވެފައި ވަނީ އެ މަގުގެ ނުބައި ފަޅިއަކުން ދުއްވާފައި ދިޔަ ސައިކަލެއްގެ ފަހަތުގައި އިން މީހަކަށެވެ. އަދި އެ މީހާގެ ބޯ ފަޅާއިގެން ދިޔަ ކަމަށާއި އޭނާ އަށް ފަރުވާ ދޭން އައިޖީއެމްއެޗަށް ގެންދިިޔަ ކަމަށް ވެސް އެތަނުން ބުންޏެވެ.
އެ ތަނުން ވެއްޓުނީ އެތަނުގައި ސަލާމަތަށް ޖަހާފައި ހުރި ދަގަނޑެއް ކަމަސް ވެސް ފުލުހުން ބުންޏެވެ. އަދި ކަމާ ގުޅޭ ފަރާތްތަކާ އެކު މި މައްސަލަ ބަލަމުން އަންނަ ކަމަށް ވެސް ފުލުހުން ބުންޏެވެ.
ހަދަމުން ދިޔަ އިމާރާތަކުުން ސިމެންތި ބަސްތާތަކެއްގެ ވެއްޓި، އެތަނުގައި މަސައްކަތްކުރި ބިދޭސީއަކު ވެސް މިދިޔަ ހަފްތާގައި ވަނީ މަރުވެފަ އެވެ. އެ ހާދިސާ ހިނގުމުގެ ކުރިން އެ ހަފްތާގައި އެތަނުގައި ހިނގި އެހެން ހާދިސާއެއްގައި، ވިންޗް ކޭބަލެއް ކަނޑައިގެން ގޮސް ވެސް މީހަކަށް އަނިޔާވި އެވެ.
ކޮންސްޓްރަކްޝަން ހާދިސާތަކުގައި ހިނގާ ނުރައްކާތެރި އެކްސިޑެންޓުތަކުގައި އާންމުންނާއި މަސައްކަތްތެރިންނަށް އަނިޔާވާތީ، އެކަމަށް ހައްލެއް ހޯދަން ސަރުކާރުން ވަނީ ގިނަ މަސައްކަތްތަކެއް ކޮށްފަ އެވެ. އޭގެ ތެރޭގައި ކޮންސްޓްރަކްޝަން މަސައްކަތްކުރާ އިރު ސަލާމަތީ ކަންތައް ވަރުގަދަ ކުރަން އިމާރާތްކުރުމުގެ ގަވާއިދެއް އެކުލަވާލާފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިސް
17 July 2019
ކޮބާތަ ލާންބުނި ކޮމިއުނިޓީ ޕޮލިހުން....! ހާދަ ދެރަކަމެކޭމީ ނުވަންޏާ އިސްތިއުފާދީ ކައުންސިލް
ނަވާބީ
17 July 2019
ތިނޫން ދުވަހެއް މިހާރު ނާދޭ. ސިމެންތި ބަސްތާއެއް، ބެލްކަންޖެއް. ހޮޅިއެއް.
ޡިދުނާ
17 July 2019
މަގުގެ މެދުން ހިގަން އާދަކުރޭ.ސަލާމއތެއްނެތް.
މުކި
17 July 2019
ވަރައް ގިނަ ފަހަރު ބުނެވިއްޖެ މަގުމައްޗަށ ބެލްކަނި ނެރުން ހުއްޓުވިގެންނޫނީ މިކަމަށް ހައްލެއްނާންނާނެއޭ. ޢަޑު އިވޭ މީހަކުނެތް
ފެއިލް
17 July 2019
ދިރިއުޅެން ބިރުބޮޑު ތަނެއްނުން. ކޮންމެ މަހަކުހެން ދެތިން މީހެއްގެ ބޮލަށް ދަގަނޑުބުރިއެއް ނޫނީ ބެލްކަނީއެއް ނޫނީ ސިމެންތި ބަސްތާއެއް އެބަ ވެއްޓޭ. މިކަން ހައްލުކުރަން އެޅޭ ފިޔަވަޅެއް ނުފެނޭ.
އެކަމަކު ދޯ
17 July 2019
ސަލާމަތަށް ޖަހާފައި ހުރިި ދަގަނޑު ހާދަ ސަލާމަތޭދޯ. ނުބައިފަޅިން ވަތް މީހަކަށް ވިއްޔާ މިކަހަލަ އަނިޔާ ލިބެން ޖެހޭބާ.. އެއީ ހިނގާފަ ދިޔަމީހަކަށް ވިނަމަ ކޮމެންޓް ކުރިމީހާ ކީކޭބާ ބުނާނީ
ކަރީމުއްދީން ބާޝާ
17 July 2019
މިއޮތީ ދަގަނޑު ފައިބާ މޫސުން ލައިގަނެފާ. ނުރައްކާ! އެންމެން ރައްކާތެރިވާތި!
ނެކްސްޓް
17 July 2019
ހިނގާމީހުން ދަރިންގޮވައިގެން ފުރާނަ އަތްމައްޗަށް ލައިގެން ދާންޖެހެނީ މިކަހަލަ ތަންތަނުގެ ދަށުން. ދުއްވާއެއްޗެހީގައި ތިއްބަވާ ބެކަުލުން އަމަށަކު ރުޅިއެއްނުޫން އަންނަނީ
ބަކޫ
17 July 2019
13.05 ހާއިރު ދާދި ދެއްމެޔަކު އަޅުގަންޑު ދަރިފުޅު އަމީނައްޔާއަށް ގެންގޮސްފަ އައި މަގުމަތީގަ އަސްރަފީ ބުކްސޮޕް ގޯޅިގަނޑަށް ވަންތަނާ ކަނާއަތް ފަރާތުގަ އިން ހަދަމުންދިޔަ އިމާރާތަކުން ބޮޑު އެލްމެނިއަމް ފަތިގަނޑެ ވެއްޓުނު ކިރިޔާ ބޮލުގަ ނުޖެހުނީ.................
ފާފުހާ
17 July 2019
ސަލާމަތަށް ޖަހާފަ ހުންނަ ދަގަޑު ވެއްޓީ މަގުހިގާ މީހުން ނުރައްކަލުގެ ތެރޭގައި ތިބެންޖެހުނީމަ މީ ދެރަކަމެއް. ސަލާމަތައް ޖަހާފަ ހުންނަ ދަގަޑު ތައް ހުންނަންވާތީ ވަރަށް ސޭފްޓީކޮށް ހިފެހެއްޓިފަ.