ރައްޔިތުންގެ މަޖިލިހުގެ ޖަލްސާއެއްގައި މެމްބަރުން ބައިވެރިވެވަޑައިގަންނަވަނީ. --- ފޮޓޯ: މަޖިލިސް
22 ޖުލައި 2019 - 10:50
15 comments
މާލޭގައި ތަންތަން އިމާރާތް ކުރަމުންދާ ކޮންސްޓްރަކްޝަން ސައިޓުތަކުގައި ހިނގާ ނުރައްކާތެރި ހާދިސާތަކުގެ މައްސަލަ ބަލައި ފިޔަވަޅު އަޅަން ކާށިދޫ ދާއިރާގެ އަމިއްލަ މެމްބަރު އަދި ވިޔާފަރިވެރިޔާ އަބްދުﷲ ޖާބިރު ރައްޔިތުންގެ މަޖިލިހަށް ހުށަހެޅުއްވި ކުއްލި މައްސަލަ މަޖިލިހުން ބޭރުކޮށްލައިފި އެވެ.
ޖާބިރު ހުށަހެޅުއްވި ކުއްލި މައްސަލަ އަށް ބަހުސް ކުރަން ފެނޭތޯ ނެގި ވޯޓުގައި ބައިވެރިވެވަޑައިގެންނެވި 52 މެމްބަރުން ވޯޓު ދެއްވީ އެ ކުއްލި މައްސަލަ އަށް ބަހުސް ކުރަން ނުފެންނަ ކަމަށެވެ. އެ މައްސަލަ އަށް ބަހުސް ކުރަން ފެންނަ ކަމަށް ވޯޓު ދެއްވީ އެންމެ ހަ މެމްބަރުންނެވެ.
ކާށިދޫ ދާއިރާގެ އަމިއްލަ މެމްބަރު އަބްދުﷲ ޖާބިރު މަޖިލިހުގައި ވާހަކަ ދައްކަވަނީ. --- ފޮޓޯ: މަޖިލިސް
މަޖިލިހުގެ ޖަލްސާ އަށް ޖާބިރު ހުށަހެޅުއްވި ކުއްލި މައްސަލައިގައި ވަނީ މާލެއަކީ ގިނަ އަދަދަކަށް އުސް އިމާރާތްތައް ހަދަމުން އަންނަ ރަށަކަށްވީ ހިނދު، މާލޭގައި ހިނގާ ކޮންސްޓްރަކްޝަން ސައިޓްތަކުގައި ސަލާމަތާއި ރައްކާތެރި ކަމަށް އަޅަން ޖެހޭ ފިޔަވަޅު އެޅުމުގައި ކޮންސްޓްރަކްޝަން މަސައްކަތްތައް ހިނގާ ކުންފުނިތަކުގެ ފަރުވާ ކުރުމުގެ ނަތީޖާ އިންތިހާ އަށް ގޯސްވެފައިވާ ކަމަށެވެ.
އެގޮތުން މާލޭގައި ދިރިއުޅޭ ރައްޔިތުންނާއި އެކިއެކި ބޭނުންތަކަށް ޒިޔާރަތް ކުރާ މީހުންގެ އަގުބޮޑު ފުރާނަ ގެއްލިގެން ދިއުމާއި އަދި ބޮޑެތި އަނިޔާތައް ލިބެމުން އަންނަ ކަމަށް ކުއްލި މައްސަލައިގައިވެ އެވެ.
މިއީ ސަރުކާރުގެ އެކިއެކި ފަރާތްތަކުން ފިޔަވަޅު އަޅައި އަވަސް ހައްލެއް ގެންނަން ޖެހިފައިވާ ބިރުވެރި މައްސަލައެއް ކަމަށް ވެސް ޖާބިރު ހުށަހެޅުއްވި ކުއްލި މައްސަލާގައި ވެ އެވެ. އެހެންވެ، ސަރުކާރުން ވީ އެންމެ އަވަހަކަށް މައްސަލަ އަށް ހައްލު ހޯދައިދޭން ޖާބިރުގެ ކުއްލި މައްސަލައިގައި އެދިވަޑައިގެންފައި ވެ އެވެ.
ކޮންސްޓްރަކްޝަން ހާދިސާތަކުގައި ހިނގާ ނުރައްކާތެރި އެކްސިޑެންޓުތަކުގައި އާންމުންނާއި މަސައްކަތްތެރިންނަށް އަނިޔާވާތީ، އެކަމަށް ހައްލެއް ހޯދަން ސަރުކާރުން އަންނަނީ މަސައްކަތް ކުރަމުންނެވެ. އޭގެ ތެރޭގައި ކޮންސްޓްރަކްޝަން މަސައްކަތްކުރާ އިރު ސަލާމަތީ ކަންތައް ވަރުގަދަ ކުރަން އިމާރާތްކުރުމުގެ ގަވާއިދެއް އެކުލަވާލާފައި ވެ އެވެ.
ހުޅުމާލޭގައި އިމާރާތްކުރަމުން ދިޔަ ތަނަކުން އެ ތަނުގައި މަސައްކަތްކުރަން އުޅުނު ބަންގްލަދޭޝް މަސައްކަތު މީހެއްގެ ބޮލަށް ޖަމްބޯ ބޭގެއް ވެއްޓި ބަންގްލަދޭޝް މީހަކު ވަނީ މަރުވެފަ އެވެ. މި އަހަރު ކުރީކޮޅު މާލޭގައި ވެސް ވަނީ އިމާރާތެއްގެ މަތިން ވެއްޓުނު ސިމެންތި ބަސްތާއަކުން ޖެހި ކުޑަ އަންހެން ކުއްޖަކު ވެސް މަރުވެފަ އެވެ. އަދި އޭގެ ފަހުން ވެސް ބޮލަށް ގަލެއް ވެއްޓިގެން ވެސް މީހަކު މަރުވެފައިވެ އެވެ.
މި ހާދިސާތަކާ ގުޅިގެން، އިހުމާލުވި ފަރާތްތައް ޖޫރިމަނާކޮށް ބައެއް މީހުންގެ މައްޗަށް ވަނީ ޖިނާއީ ދައުވާ ވެސް ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރުބީނާ
22 July 2019
އިސްތިއުފާ!
ބޮރޯ
22 July 2019
ޖާބިރު ތިތާތިތިބަމީހުން ތިބޭފުޅާތީ ކުނިކޮޅެއްކަމައްވެސް ނުހަދާނޫންތޯ ވީމާ އިތުރުބިލުތައްވެއްދުން ދެންހުއްޓާލައްވާފަ އެހެންކަމަކާ އުޅުއްވަންވީނޫންތޯ
މިނޫން
22 July 2019
ދެން އެހެން ކޮން މަންޒަރެއް ފެންނާނެ ކަމަށްބާ ބަޔަކު ހީކުރީ؟ އެމްޑީޕީ ނޫން އެއްވެސް ބަޔަކު ލާ އެއްޗެއް ބޭރުނުކުރާ ނޫނީ ފާސްވާ މަންޒަރެއް ނުފެންނާނެ. ކޯލިޝަން މީހަކު ލައިފިއްޔާ އެއީ ސަރުކާރަށް ޖެއްސުންކުރުން ކަމަށް މިމީހުން ބަލަނީ. މަޝްވަރާކުރަންޖެހޭނެ ކަމަށް ބުނަނީ. މަޖްލިސް އިންތިޚާބަށް އެމްޑީޕީން ކޯލިޝަން މީހުން އެކަހެރިކޮށް އެކަނިވެރިކުރިއިރު އެއްކަލަ މަޝްވަރާއަކީ އޮތް އެއްޗެއްކަމެއް އެމްޑީޕީ މީހުންނަކަށް ނޭނގޭ.
އަލްޖިބްރާ
22 July 2019
މިޤައުމުގައި އުޅޭ ހުރިހާ ބަންގާޅީން ބޭރުކުރަން ހުށައަޅަން ކަލެއަށް ނުކެރުނީ ކީއްވެ ؟ އެމީހުނާ ހެދި އުފެދޭ ނުރައްކާތަށް މާބޮޑު ! ތިޔަ ކޮންސްޓްރަކްޝަން ސައިޓް ތަކަކީ ހުއްދަ ނަގަން ޖެހޭ ތަން ތަނުން ހުއްދަތަށް ނަގައިގެން މަސައްކަތް ކުރާ ތަންތަން ! މައްސަލަ ނުޖެހޭނެ ހަމަ އެއްވެސް ކަމެއް ނޯންނާނެ ! މައްސަލައެއް ނެތް ހަމައެއްވެސް ކަމެއް ލޮލީ ބުނެދީބަލަ ؟
އަޑަފި
22 July 2019
މި ފެންނަނީ ދިއްދޫ ލަތީފު ބުނިހެން އެމްޑީޕީ ކޮއްފިއްޔާ ކޮންމެ ކަމެއްވެސް އެއީ ޑިމޮކްރަސީއަށް ވާހެން އެމްޑީޕީ ނޫން މެމްބަރެއް ކިތައްމެ ރަނގަޅު ކަމެއްވެސް އެއީ ތާކުން ނުޖެހޭ ކަމެއްކަން ބާރު އޮތީމަ ބޭރުކޮއްލާ މަންޒަރެވެ. ބާރެއް ލިބުނީމަ ވަކި ބައެއް ތަފާތެއް ނެތެވެ
ދޮންމަނިކެ
22 July 2019
ނުރައްކާތެރި އެތަކެއް ހާދިސާއެއް ފުރާނަތަކެއް މިދުނިޔެދޫކޮށްފި ޒިންމާ ނެގުނުފަރާތެއްނެތް މިފަދަ ގައުމީ މައްސަލައަކީ ސުޕަމެޖޯރިޓީ ކަންބޮޑުވެ ސަމާލުކަން ނުލިބޭކަމެއްކަމުގައިވުނީ ރައްޔިތު މީހާގެ އިހްސާސްތަކުގައި ކޮޅުފައިންޖެހުން
ހަތްކުޅިދުމަދު ރައްފުށު.
22 July 2019
އޭނަ ހޭބަލިވަނީ މިތާ ކަސީނޯއެއްނޭޅިގެން.. ކޮބާހޭ ކޭބަލް ކާރު އެކަމާ އުޅެބަލަ ތިމަޖިލިހުގެ ވަގުތު ބޭކާރުނުކޮށް..
ޖާބެ
22 July 2019
އޭނަ އުޅެނީ ކެސިނޯ ނޭޅިގެންނެއް ނޫން، އޭނަގެ ސުވާލަކީ ރަލާ އޫރު މަސް ވިއްކޭނަމަ "ވައި ނޮޓް؟" ، ވާހަކަ އަކީ ރަލާ އޫރު މަސް ހުއްޓުވަން ޖެހޭ މި ޤަޢުމު ގަ!!!
ނެގުނުކަތީބު
22 July 2019
ތިއީ ވަރަށް ދެރަކަމެއް! ޖާބިރު ވިޔަސް މުޖުތަމަޢުގައި ހިންގާ ގޯސްކަމެއް ބަލަން ހުށަހެޅީމާ އެކަން ނުބެލުމަކީ ވަރަށް ޣައިރު ޒިއްމާދާރު ކަމެއް! މަޖުލީހަކީ ބޮޑު މަސްބަޔަކަށް ވެއްޖެ.
ކަރީމުއްދީން ބާޝާ
22 July 2019
މަހުޖަނުންގެ ބާރުގައި އައި ސަރުކާރަކަށް ކިހިނެއްތޯ އެބައިމީހުންނާ ދެކޮޅުވެވޭނީ؟ ނުވެވޭނެ. މަޖުލީސްތެރޭގައިވެސް މަޖުލީހުން ބޭރަކުވެސް.
ލައްޓި
22 July 2019
ކޮންމެ މީހެއް ހުށަހެޅީއެއްކަމަކު ރަގަޅު ހުށަހެޅުމެއް ވެއްޖެއްޔާ އެބަލައިގަނެ ބަހުސް ކުރުމަކީ ރަގަޅު ގޮތް. މިފެންނަނީ ޕީޕީއެމްގެ ޕޮލިސީ އެމް.ޑީ.ޕީ އިން ހިންގާ މަންޒަރު. އެއީ ރީތި މަންޒަރެއް ނޫން.