ޚަބަރު / ރައީސް އިބްރާހިމް މުހައްމަދު ސޯލިހް

ރައީސް ސީޝެލްސް އަށް ފުރާވަޑައިގެންފި

ރައީސް އިބްރާހިމް މުހައްމަދު ސޯލިހްގެ ދެކަނބަލުން މިއަދު ސީޝެލްސް އަށް ފުރާވަޑައިގަންނަވަނީ. --- ފޮޓޯ: ރައީސް އޮފީސް

މުހައްމަދު ޔާމީން، މިހާރު

01 އޯގަސްޓް 2019 - 10:05

21 comments

ރައީސް އިބްރާހިމް މުހައްމަދު ސޯލިހްގެ ދެކަނބަލުން ރަސްމީ ދަތުރުފުޅެއްގައި ސީޝެލްސް އަށް މިއަދު ފުރާވަޑައިގެންފި އެވެ.

ރައީސް އޮފީހުން ބުނީ ރައީސްގެ ދަތުރުފުޅުގައި އަނބިކަނބަލުން ފަޒްނާ އަހުމަދުގެ އިތުރުން ސަރުކާރުގެ މަތީ ފެންވަރުގެ ވަފްދެއް ވެސް ބައިވެރިވެވަޑައިގަންނަވާނެ ކަމަށެވެ. މިއީ، ސީޝެލްސްގެ ރައީސް ޑެނީ ފޯރޭގެ ދައުވަތަކަށް ރައީސް އިބްރާހިމް މުހައްމަދު ސޯލިހް ކުރައްވާ ދަތުރުފުޅެއް ކަމަށް ވެސް ރައީސް އޮފީހުން ބުންޏެވެ.

ރައީސް، ސީޝެލްސް އަށް ކުރައްވާ ދަތުރުފުޅުގައި ދެ ގައުމުގެ ދެމެދުގައި ބައެއް އެއްބަސްވުންތަކުގައި ސޮއިކުރައްވައި، މަތީ ފެންވަރުގެ މަޝްވަރާތައް ކުރައްވާނެ ކަމަށް ވެސް ރައީސް އޮފީހުން ބުނެ އެވެ.

ސީޝެލްސް އަށް ވަޑައިގަތުމުގެ ދައުވަތު ރައީސް އިބްރާހިމް މުހައްމަދު ސޯލިހަށް ދެއްވީ، އެ ގައުމުގެ ރައީސް ޑެނީގެ މަންދޫބެއްގެ ހައިސިއްޔަތުން، ސެކްރެޓަރީ އޮފް ސްޓޭޓް ފޯ ކެބިނެޓް އެފެއާޒް، މުހައްމަދު އަފީފް ދާދި ފަހުން ރާއްޖެ އަށް ކުރެއްވި ޒިޔާރަތުގަ އެވެ.

ރައީސް އިބްރާހިމް މުހައްމަދު ސޯލިހް ސީޝެލްސް އަށް ފުރާވަޑައިގެންނެވި އިރު، މިއީ މިދިޔަ ނޮވެމްބަރު 17 ވަނަ ދުވަހު އެމަނިކުފާނު ވެރިކަމަށް ވަޑައިގެންނެވި ފަހުން ރަސްމީ ދަތުރުފުޅެއް ކުރައްވާ ހަތް ވަނަ ގައުމެވެ.

އެމަނިކުފާނު މީގެ ކުރިން ވަނީ އިންޑިއާ، ސްރީ ލަންކާ، މޮރިޝަސް، ޔުނައިޓެޑް އަރަބް އެމިރޭޓްސް (ޔޫއޭއީ)، ސައުދީ އަރަބިއްޔާ އަދި ސިންގަޕޫރަށް ވަޑައިގެން އެ ގައުމުގެ ވެރިންނާ ބައްދަލު ކުރައްވައިފަ އެވެ.

ރައީސް އިބްރާހިމް މުހައްމަދު ސޯލިހް ރައީސް އޮފީސް ރާއްޖެ-ސީޝެލްސް ސީޝެލްސް

21 ކޮމެންޓް, 33 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަހުމަދުބޭ

01 August 2019

ވޭތުވެދިޔަ ރައީސް އަށް ތަންތަނަށް ދިއުން އޮންނަނީ ބޮޑުކަމަށްވެފައެވެ، އެހެންވެ މިރައީސް ދަތުރުކުރަތީ، އިދިކޮޅުމީހުންނަށް މިކަން ހަޖަމް ކުރުން މިވަނީ ވަރަށް ބޮޑުކަމަށް ވެފައެވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަނޑުއުނގުޅާ

01 August 2019

އެންޖޯއި ދަ ހޮލިޑޭ ފޯރ ސީޒަންގެ ސެވެން ސްޓާރ ހޮޓަލެއްގައި ސަރުކާރުގެ މާލިއްޔާ އިން ޚަރަދުކޮށްގެން ދޯ ކޮންކަމެއްތޭ ސަރުކާރު ކާ މާލު ބަތްތައްޓަށް ހުށިޔާރު ކާލާ ކާލާ ކާލާ ކާލާ އޯއް ފެން ނުބޮނީސް ަނޑު ބޮޑުވެގެން ވައިލެވެން ފަށައިފޫއޭ ކުދިންނޭ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާޓިން ބަޝީރު

01 August 2019

ތިކަހަލަ ކުދި ޖަޒީރާ ގައުމުތަކުގަ މަގުމަތީ ޓްރެފިކް އޮންނަށް ގޮތް ބަލާފަ މަލޭގެ މަގުމައްޗަށް ރަގަޅު ހައްލެ ހޯދާދިބަލަ ރައީސް. މިހާރު މަގުން ދުއްވޭވަރެއްނޫން. އެތާއޮންނާނެ މަޑޮކޮށްގެން އޮންނަ ކުނި އުފުލި، މިތާ ފެންޕިކަޕު މީހުން އަރުވަން ޓެކްސީވެސް ހުއްޓަނީ ހިތުހުރި ތަނަކަށް. ދެންމުދާ އުފުލާ އެއްޗެހީގެ ވާހަކަ ނުދެއްކިއްޔާ ރަގަޅީ. ގުދަންތައް ހުންނަނީ މީހުންއުޅޭ އެންމެ ހަލަބޮލި އޭރިޔާތަކުގަ. ހުރިހާ ގުދަންތައް ވަކިސަރަހައްދެއްގައި ބަހައްޓަންވީނުން.