ގަލޮޅު އުތުރު ދާއިރާގެ މެމްބަރު އީވާ އަބްދުﷲ މަޖިލިހުގައި ވާހަކަ ދައްކަވަނީ. --- ފޮޓޯ: މަޖިލިސް
19 އޯގަސްޓް 2019 - 12:44
25 comments
މަސްވެރިންގެ ހައްގުތައް ރައްކާތެރިކޮށް އެ މީހުންނަށް ވެސް ޕެންޝަނެއް ހައްގު ކަމަށް ރައްޔިތުންގެ މަޖިލިހުގެ ނައިބު ރައީސް، ގަލޮޅު އުތުރު ދާއިރާގެ އެމްޑީޕީގެ މެމްބަރު އީވާ އަބްދުﷲ މިއަދު ވިދާޅުވެއްޖެ އެވެ.
ސަރުކާރުގެ ފަރާތުން އިހަވަންދޫ ދާއިރާގެ އެމްޑީޕީގެ މެމްބަރު މުހައްމަދު ޝިފާއު މަޖިލިހަށް ހުށަހެޅުއްވި މަސްވެރިކަމުގެ ބިލަށް މަޖިލިހުގައި ބަހުސް ކުރައްވަމުން އީވާ ވިދާޅުވީ މަސްވެރިކަމަކީ ދިވެހިންގެ ޒަމާންވީ ކަނޑުގެ ރޯދި ކަމަށެވެ. ކޮންމެ ދިވެއްސަކަށް ވާރުތަވެފައިވާ އިގްތިސާދީ މަސައްކަތް ފެށުނީއްސުރެ ދިވެހި އެތައް އާއިލާތަކަށް ތިޔާގިކަން ގެނެސްދީފައިވާ ކަމަށް ވެސް އީވާ ވިދާޅުވި އެވެ.
ރާއްޖޭގެ އިގްތިސާދާއި އާމްދަނީ ހިފަހައްޓައިދިނީ މަސްވެރިކަމުން ކަމަށް އީވާ ވިދާޅުވި އެވެ. އެހެންވެ، މަސްވެރިކަމުގެ ބިލްގައި މަސްވެރިންނަށް ނަފާ ލިބޭނެ ގޮތްތަކެއް އޮންނަން ވާނެ ކަމަށް އޭނާ ވިދާޅުވި އެވެ.
ރައްޔިތުންގެ މަޖިލިހުގެ ޖަލްސާއެއް ކުރިއަށް ދަނީ. --- ފޮޓޯ: މަޖިލިސް
އީވާ އެހެން ވިދާޅުވި އިރު، މަސްވެރިކަމުގައި ގިނަ ދުވަހު އުޅޭ މީހުންނަށް ޕެންޝަނެއް ކަނޑައަޅަން ސަރުކާރުން ހުށަހެޅި މަސްވެރިކަމުގެ ބިލްގައި ހިމަނައިފައެއް ނެތެވެ. އެކަމަކު، މަސްވެރިންނަށް ޕެންޝަނެއް ގާއިމުކޮށްދިނުމަކީ ރައީސް އިބްރާހިމް މުހައްމަދު ސޯލިހްގެ ރިޔާސީ ވައުދެކެވެ.
އީވާ ވިދާޅުވި ގޮތުގައި ރައީސް އާއި އެމްޑީޕީގެ މައިގަނޑު މަގްސަދަކަށްވީ، އަދި އެޖެންޑާ 19 ގައި ވެސް ވައުދުވީ މަސްވެރިކަން ޒަމާނީކޮށްދޭނެ ކަމުގެ ވާހަކަ އެވެ. މަސްވެރިކަމަށް އައިސްފައިވާ ތަރައްގީތަކާއި ދިމާވެފައިވާ މައްސަލަތަކަށް ހައްލު ހޯދައިދޭން މަސައްކަތް ކުރަން ވައުދުވި ކަމަށް އޭނާ ވިދާޅުވި އެވެ.
އޭގެ އެއް މިސާލެއްގެ ގޮތުގައި އީވާ ވިދާޅުވީ 1987 ވަނަ އަހަރު އެކުލަވާލި މަސްވެރިކަމުގެ ގާނޫނު އޮތީ ބޭރުގެ ބޯޓުތަކަށް ވެސް ރާއްޖެ އައިސް މަސްވެރިކަން ކުރެވޭ ގޮތަށް ކަމަށެވެ. އެކަމަކު، މަޖިލިހަށް ހުށަހެޅި ބިލުގެ ސަބަބުން އެ ފުރުސަތު އެއްކޮށް ބަންދުވާނެ ކަމަށް ވެސް އޭނާ ވިދާޅުވި އެވެ.
އީވާ ވިދާޅުވި ގޮތުގައި ބިލްގެ މަގްސަދުގެ ތެރޭގައި މަސްވެރިކަން ކުރާ މީހުންނަށް ރަނގަޅު އާމްދަނީ އާއި ނަފާ ހޯދައި ދިނުން ހިމަނަން ޖެހެ އެވެ. އަދި ބޭނުމަކީ މުޅި ދުނިޔޭގައި މަހަށް ލިބޭ ބޮޑު އަގު ދިވެހި މަސްވެރިޔާ އަށް ވެސް ލިބޭ ގޮތްވުން ކަމަށް އީވާ ވިދާޅުވި އެވެ.
"މަސްވެރިން 40-50 އަހަރު މަސްވެރިކަން ކޮށްފައި، ރިޓަޔަ ކުރީމަ އޭގެ މަންފާ ލިބެން ޖެހޭނެ ރިޓަޔަމަންޓް ސްކީމެއް (އޮންނަންވާނެ)،" ބިލަށް އިސްލާހުތަކެއް ގެންނަން ހުރި ކަން ފާހަގަ ކުރައްވައި އީވާ ވިދާޅުވި އެވެ.
މީގެއިތުރުން ޒުވާނުން މަސްވެރިކަން ކުރުމަށް ބާރު އަޅާނެ ގޮތްތަކެއް ބިލްގައި އޮންނަން ޖެހޭ ކަމަށާއި އެހެން ނޫނީ ޒަމާންވީ މަސްވެރިކަން ހުއްޓިގެން ހިނގައިދާނެ ކަމަށް އީވާ ވިދާޅުވި އެވެ. އަދި އަންހެނުން މަސްވެރިކަމުގެ ސިނާއަތުގައި ކުރާ ކަންކަން ބަލައިގަންނަން ޖެހޭ ކަމަށް ވެސް އީވާ ވިދާޅުވި އެވެ. މަސްވެރިކަން ކުރުމަށް އަންހެނުން ބާރު އެޅުވުމަކީ މުހިންމު ކަމެއް ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވެންމަސް
20 August 2019
ޕެންޝަނޭ ބުނީމަ ގިނަމީހުނަށް ހީވާނީ ހިލޭ ލިބޭ އެއްޗެކޭ. ހަގީގަތަކީ ވެންމަސް ވެނަށް ކާންދޭ އުސޫލުން ރައްޔިތުން ފެލައިގެން ނަގާފަ ބޮޑުންގެ ޖީބަށް ބައެއް ކަހާލާފަ ބާކީވާއެއްޗަކުން ހިތައް އެރިއްޔާ ލިބޭ ޕެންޝަނެއް. ތިޔަ މަޖިލީހުން މުޅިންވެސް އުޅެނީ ބުރަ މަސައްކަތް ކޮށްްގެން ފަައިސާާ ހޯދާ އާދައިގެ ރައްޔިތު މީހާގެ އަތުން އެއްޗެއް ނެގޭނެ ގޮތެއް ފެނޭތޯ. މޮޅެތި ނަންނަން ކިޔާފަ އޮޅުވާލުން.
ބޮޑުމީހާ
19 August 2019
ރަގަޅު ކަމެއް. މަސްވެރިކަން ކުރާ ދޯނިތައްވެސް ވީ ކުންފުންޏަކަށް ހަދައި އޭގެއިން ދާ މަސްވެރިންނަކީ އެ ކުންފުނީގެ މުވައްޒަފުންނަށް ހަދަން. އޭރުން އުސޫލެއްގެ ތެރެއިން ޕެންޝަނާއި މުސާރަ ހަމަޖެހިގެންދާނެ. މިހާރު އޮންނަ ގޮތުން އޮޑިވެރިޔާ ބޭނުންމީހަކަށް ބޭނުންވަރަކަށް ދެނީ. ވަރަށް ނާއިންސާފުން ލާރި ބަހަނީ، އަޑުގަދަ މީހާއަށް ރުށް ގިނަވާ އުސޫލުން
ހަޖާނުބޭބެ
19 August 2019
މަސްވެރިން ރެއާ ދުވާލު ލޯބޯފިއްސައިގެން ބާނައިގެން އަންނަ މަސްކޮޅު މިފްކޯގެ ބޯޓްފަހަރަށާއި ކޫއްޑޫއަށް ކިރުމަށްފަހު ކަރުދާސްކޮޅެއްގަ އަތުންލިޔެފަ ބިލްދޭއިރު މީ2019 ކަން މިފްކޯގެ ވެރިންނަށް ނޭގެނީތަ؟މަކަރުހެދުމުގެ ފުރުސަތު ކުޑަވާގޮތަށް ސިސްޓަމުން ބިލްހދާފަދިނުމުން ކެޔޮޅުންނަށް މަކަރުހެދުމުގެ ފުރުސަތު ވަރަށްބޮޑުތަނުން ކުޑަވެގެންދާނެ. ކޮންމެކަމެއްވެސް ކެޔޮޅުބުނީތީ މަހަށްދާ އުސޫލުން މިކުރަނީ
ބެޔަސް ނުބެޔަސް ޕެންޝަން
19 August 2019
ކަލޯ ކޮންތާކު މިޖެހުނީ. ޔާންޓެގެ ބެޔަސް ނުބެޔަސް ދިހަހާސް މިއޮއްގެން ބަދަލުވަނީ ބެޔަސް ނުބެޔަސް ޕެންޝަނަށް
900 ޑިގުރީ
19 August 2019
ތިޔަ މަޖިޅިހުގައި ޢީބަ ބުނެ ދޮގުހަދާ މީހާއަށްވެސް 5 އަހަރުވީމާ 30000 ރުފިޔާފެ ޕެންސަންދޭ މީވެސް ރަގަޅުކަމެއްތޯ؟ ށަރުކާރުގައި އިޚުލާސްތެެރިކަމާއެކު 30 އަހަރު މަސައްކަތްކުރީމާ ލިބެނީ 6000ރ ފިޔާގެ ޕެންސަނެއް މިވެސް އިންސާފުދޯ؟
ވިސްނާލާފާ
19 August 2019
މަސްވެރިންނަށް ވެސް ޕެންޝަނެއް ގާއިމުކޮށްދޭން ޖެހޭ. އެކަމަކު ސިވިލްސާވިސް މުވައްޒަފުންނަށް ޕެންސަނެއް ދޭކަށް ނުޖެހޭ! ދިވެހި ފުލުހުންނާ ސިފައިންނަށް މިހާރުވެސް ޕެންސަން ދެމުންދޭ. އެކަމަކު ދަނޑުވެރިންނަށް ޕެންސަން ދޭކަށް ނުޖެހޭ! ކޮންކަހަލަ އިންސާފެއްތަތީ! އެންމެނަށް ހަމަހަމަ އުސޫލުން ކަންކުރާނަމަ، ސިވިލްސާވިސް މުވައްޒަފުންނަށް ޕެންސަން ކަނޑާލިއިރު، ފުލުހުންނާ ސިފައިންގެ ޕެންސަންވެސް ކަނޑާލީސް.
ދިވެހި ލޭ.
19 August 2019
އަސްލުގަ މިފަންޑަކީ ނުސީދާކޮށް ފަގީރު މީހާ އަތުން ނަގާ އިންކަމް ޓެކްސް އެއް. 65 އަހަރުވީމަ ޕާރޓޭ އިންނާ ވަގުންނާ މީހުން މަރާ މީހާ އާއި ބުރަ މަސައްކަތްކޮށް ގުދާރު ބިންދައިގެން ދާވަރަށް މަސައްކަތްކޮށް ފަންޑަށް ފައިސާލީ މީހާއެކޭ އެއްވަރު. ހަމަ މިލިބެނީ 5000ރ. ވީމާ މިޔަށް ރޯމާ ދުވާލު ފޭރުމުގެ ވައްތަރެކޭ ނުކިޔޭނެތަ؟
ޕެންޝަން
19 August 2019
ތިޔައީ ހުރިހާ ރައްޔިތުންނަށް ލިބޭ އެއްޗެއް. 65 އަހަރުވުމުން ނުލިބޭ އެކަކުވެސް ނުހުންނާނެ. ނޭގިގެން މިއުޅެނީ މަސައްކަތްތެރިޔާއަށް ޚާއްޞަ ޕެންޝަން ނުލިބޭގޮތަށް ގަވާއިދު ހަދައިގެން އުޅޭ ސަބަބު. މުޅި އުމުރު ދައުލަތުގެ ޚިދުމަތުގައި އުޅެފައި، މުސާރައިން ބައެއް ރައްކާކޮށްފައި، އަދި އެބައި ދައުލަތުގެ އެކި ބޭނުމަށް ނަގައިގެން އުޅޭއިރު އެ މީހާއެކޭ މަގުމަތީގައި ނުހޮރުއްޕާން ކުރަން އުޅުނު މީހެކޭ އެއް ނާޅިން މިނެފައި ޕެންޝަން ދިނުން. ހުއްޓުވައިދޭންވީ މިކަން.
ޝޮކްތެރަޕީ
19 August 2019
ރާއްޖޭގެ މަސްވެރިންވެސް އިންޑިޔައަ ވިއްކާލާފަ މިއޮތީ.
ބޮރޯ
19 August 2019
އިރާދަކުރެއްވިއްޔާ މިސަރުކާރަށް މި ފަސްއަހަރު ނިމޭއިރު ރައްޔުތުން ޔޫ ސެޓެއް ދޭނެ.އަބަދު ރައްޔުތުން ގޮނބޯ ހައްދާއިން ވެރިކަމެއް ނުކުރޭވޭނެ..މޮޅެތި ފަރިހި ކިޔާއިން ގޮނބޯ ހެއްދި ޖާމަން މާޖިވެ ހިނގައްޖެ.މޮޅެތި ޝިޔާރު ބޭނުން ކޮއްގެން ކަން ކުރެވުނު ޖާމާން މާޖިވެއްޖެ.މިޔަދު އިނގިޖެއް ތީ ރައްޔުތުން ނަށް ހެޔޮ ވެރިކަން ކުރަން އާއި ބަޔެއް ނޫން ކަން.ދުއްޕާން ކަން ވަނި.އަހަރު މެން ނާ ވާނެ ކިޔަފަ އައިސް އިގްސޯދު ގިއްގަޅުވާލަނި ހިރިނުލެވޭވަރަށް ޖީބުތައް ހުސް.