އިސްލާމިކް މިނިސްޓަރު ޒިޔާދު: ދީނަށް ފުރައްސާރަ ކުރާ މީހުންނަށް ކުރިން ފިޔަވަޅު އަޅުއްވާފައިވާ ކަމަށް ވިދާޅުވި.
08 އޮކްޓޯބަރ 2019 - 11:46
19 comments
މޯލްޑިވިއަން ޑިމޮކްރަސީ ނެޓްވޯކް (އެމްޑީއެން) އިން އިސްލާމްދީނަށާއި ރަސޫލާއަށް ފުރައްސާރަކޮށް ނެރުނު ރިޕޯޓް މިހާރު އެ އޮތް ފެންވަރުގައި ކުރިން ނުނެރޭ ކަމަށާއި އޭރު އެ މައުލޫމާތު ލިބުނު ނަމަ އޮންނާނީ ފިޔަވަޅު އަޅުއްވާފައި ކަމަށް ކުރީގެ އިސްލާމިކް އެފެއާޒް މިނިސްޓަރު ޑރ. އަހުމަދު ޒިޔާދު ބާގިރު މިއަދު ވިދާޅުވެއްޖެ އެވެ.
އެކަމަކު "މިހާރު"އާ ވާހަކަ ދައްކަވަމުން ޑރ. ޒިޔާދު ވިދާޅުވީ މިއީ އެމްޑީއެންގެ ރިޕޯޓުގެ މައްސަލާގައި އެއް ބަޔަކު އަނެއް ބައެއްގެ ބޮލުގައި ޒިންމާ އަޅުވައި ރެކެންވީ ވަގުތެއް ނޫން ކަމަށެވެ.
"އަޅުގަނޑަށް ވަރަށް ޔަގީންކަމާ އެކު ބުނަން އެނގޭ އެ ރިޕޯޓް މިހާރު އެ އޮތް ގޮތަށް، އެހާ ހާމަކަން ބޮޑު ގޮތެއްގައި އިސްލާމްދީނަށް ފުރައްސާރަކޮށް ވާހަކަތަކެއް ހިމަނައިގެން ކުރިން ނެރެފައި ނެތް ކަމަށް،" ޒިޔާދު ވިދާޅުވި އެވެ.
އޭނާގެ ވާހަކަ މި އައީ، އެމްޑީއެންގެ ރިޕޯޓް ފުރަތަމަ ނެރުނީ ކުރީގެ ރައީސް އަބްދުﷲ ޔާމީންގެ ވެރިކަމުގައި 2015 ގައި ކަމަށް ވެފައި، އޭރު ފިޔަވަޅު ނޭޅީ ކީއްވެގެންތޯ މިހާރުގެ ސަރުކާރާއި އެމްޑީޕީން ބުނަމުން އަންނަ ދަނޑިވަޅެއްގަ އެވެ.
އިސްލާމިކް މިނިސްޓްރީން އިއްޔެ ބޭއްވި ނޫސްވެރިންގެ ބައްދަލުވުމެއްގައި އެ މިނިސްޓްރީގެ ސްޓޭޓް މިނިސްޓަރު އިލްޔާސް ޖަމާލް ވިދާޅުވީ ރިޕޯޓްގެ މައްސަލަ ޖަމިއްޔާއަކުން އިސްލާމިކް މިނިސްޓްރީއަށް 2016 ގައި ހުށައެޅިކަން އެނގިވަޑައިގެންފައިވާ ކަމަށެވެ. އަދި 2015 އިން ފެށިގެން އެ ރިޕޯޓަށް ބައިތައް އިތުރުކުރަމުން އައި ކަމަށް ވެސް އޭނާ ވިދާޅުވި އެވެ.
"މިއީ އެއް ބަޔަކު އަނެއް ބަޔަކަށް އިނގިލި ދިއްކުރަންވީ ވަގުތެއް ނޫން. މިއީ އިސްލާމްދީނާ ދެކޮޅަށް ރާއްޖޭގައި މިހެން ކުރާ މަސައްކަތް ހުއްޓުވަން އެންމެން އެކުގައި މަސަައްކަތް ކުރަންވީ ވަގުތު،" ޒިޔާދު ވިދާޅުވި އެވެ.
އޭނާ ވިދާޅުވީ އެ ރިޕޯޓާ ބެހޭ އެފަދަ ޝަކުވާއެއް އޭރު އައިސް އޮތް ނަމަ އެކަން އެންމެ ރަނގަޅަށް އެނގިވަޑައިގަންނަވާނީ މިހާރުގެ މިނިސްޓަރު ޑރ. އަހުމަދު ޒާހިރަށް ކަމަށެވެ.
"އޭރު އެ ސެކްޝަންގައި އިސްކޮށް ހުންނެވީ މިހާރުގެ މިނިސްޓަރު. އެހެންވީމާ އެފަދަ ޝަކުވާއެއް އަޔަސް އެންމެ ރަނގަޅަށް އެނގިވަޑައިގަންނަވާނީ އެމަނިކުފާނަށް. އޭރު އައި މިފަދަ ޝަކުވާތަކަށް އަޅުގަނޑުމެން ހުންނާނީ ފިޔަވަޅު ވެސް އަޅާފައި. ބައެއް ޖަމިއްޔާތައް އުވައިލަން ވެސް ހުންނާނީ [ހޯމް މިނިސްޓްރީއަށް] ހުށަހަޅާފައި،" ޒިޔާދު ވިދާޅުވި އެވެ.
އޭނާ ވަނީ އެމްޑީއެންގެ ރިޕޯޓާ ގުޅިގެން އެ ޖަމިއްޔާގެ ވެރިންނާ ދެކޮޅަށް ފިޔަވަޅު އެޅުން ލަސްވާތީ ފާޑުކިއުއްވައިފަ އެވެ. އޭނާ ވިދާޅުވީ އެ މައްސަލައިގައި ފިޔަވަޅު އަޅަން އަލުން ގާނޫނެއް ހަދަން ނުޖެހޭ ކަމަށާއި މިހާރު ހުރި ގާނޫނާއި ގަވާއިދުތަކުން ވެސް ފިޔަވަޅު އެޅޭނެ ކަމަށެވެ.
"ގާނޫނެއް ހަދަން ވެގެންނޭ ކިޔައިގެން ވަގުތު ނަގާލާކަށް ނުޖެހޭ. މިހާރު ވެސް ފިޔަވަޅު އެޅޭނެ،" ޒިޔާދު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
08 October 2019
އޭރު ސަރުކާރު މިސަރުކާރު ކިޔާނެ ކަމެއް ނެތް އަބަދުވެސް އޮންނާނީ ދިވެހި ރައްޔިތުންގެ ޓެކްސް ފައިސާއިން ހިންގާ ސަރުކާރެެއް. ގައުމީ އަދި ދީނީ މިކަހަލަ ބޮޑެތި މައްސަލަތަކަށް ވަގުތުން ފިޔަވަޅު އެޅެންވާނެ. ދެރައީ މިއަދުގެ ސަރުކާރަށް ފިޔަވަޅެއް އަޅަން ނުކެރޭނެތީ
ދިވެހި ބިން
08 October 2019
ރޭގަ ސަންގުޓީވީލައިވުގަ ސަލަފްޖަމިއްޔާގެ މީހަކުވަނީ ކީރިތި ރަސޫލާއަށް ފުރައްސާރަކުރާމީހުންގެ ހުކުމަކީ ބޯބުރިކޮށްލުންކަމުގަ ބުނެފަ. މީ ކަނޑައެޅިގެން ހައްދުފަހަނައެޅުން އަދި ޓެރަރިޒަމްގެ އަމަލެއް. ކީރިތިރަސޫލާއަށް މަލާމާތްކޮށް ފުރައްސާރަކޮށް އަދި ހަށިކޮޅަށް އަނިޔާދިން ތާޢިފުގެ ދުވަހުވެސް އެކަލޭގެފާނު އެމީހުންނަށް މަޢާފުކޮށް ހެޔޮއެދިވަޑައިގެން ދުޢާކުރެއްވި. ދީނަށް ފުރައްސާރަކުރާ މައްސަލަތައްބަލާގޮތަށް މިފަދަ ހަރުކަށިމީހުންގެ މައްސަލަވެސް ބެލެންވާނެ
ސުވާލު
08 October 2019
ކަލޭމެން ހީކުރަނީ އިސްލާމްދީނުގެ ހުކުމްތަކަކީ މަޖިލީހުގެ ތަޅުމުގައި ގާނޫނު އަސާސީއަށް އިސްލާހު ގެންނަހެން ކަލޭމެން ހިތުހުރި ގޮތަކަށް ބަދަލު ކުރެވޭ އެއްޗެއް ކަމަށްތަ؟
އަޒީޒު
08 October 2019
ހުކުމަކީ ބޯ ބުރިކޮށްލުން ކަމުގައި ވީނަމަވެސް، ހަމަ ކޮންމެ ކޮންމެމީހަކަށް އެޙުކުމް ތަންފީޒު ކުރުމުގެ ބާރު ލިބިގެނެއެއް ނުވޭ. އޭރު އިހުގައިވެސް އިކަން ކުރަނީކީ މަގުމަތިން ދިމާވާހާ މީހެއް ނޫން. މިސާލަކަށް ޢުމަރުގެ ފާނަކީ މުޅި އިސްލާމީ އުއްމަތުގެ ޙާކިމުލް އަމުރުކަމަށް ވި ދުވަސްވަރު އެ މައްސަލަ ގެންދެވެނީ ޢުމަރުގެ ފާނުގެ އަރިހަށް. ދެން އެކަލޭގެފާނު އެކަމަށް ޙުކުމް ކުރައްވާ އެ ކަން ތަންފީޒު ކުރުވާނީ.
ފަޅޯ ދަނޑު އައިޝާ
08 October 2019
ބޯބުރިކޮށްލުމަކަށް ނޯވޭ
އަދުރޭ ބިންތި ނިހާނު
08 October 2019
ޒިޔައްޓެ އިސްތިއުފާ!
މަމެންގެއަޑު
08 October 2019
ހަމަ ގައިމުވެސްއެގޭ ކަމަކީ އެރިޕޯރޓެއް 2015 ވަނަ އަހަރުވެސް 2016 ވަނަ އަހަރުވެސް އަދިއޭގެ ފަހުންވެސް އޮތްކަން ދެން ތި ވިދާޅުވަނީ 2019 ގައޭ އޭގައި އިސްލާމްދީނާއި، ރަސޫލާއަށް ފުރައްސާރަކޮށް ލިޔެފައޮތީ! ގަބޫލެއްނުކުރެވޭނެ ތިވާހަކައެއް. ކުރިންވެސް ހުރިއެއްޗެއްހުރީ އެއަކަށް މާބޮޑު ބަދަލެއް އައިސްފައިނެތް. އެމް ޑީ އެން އިން އެބަބުނޭ މިހާދުވަސްވިއިރު އަޅާނުލާ ކުއްލިއަކަށް މިހާރު މިރިޕޯރޓްގެ ވާހަކަ ފެންމަތި ވެގެން މިއުޅެނީ ކޮންކަމެއް ދިމާވެގެންތޯ؟
ސުޖާ
08 October 2019
މާބޮޑުބަދަލެއް؟ ބަދަލަކަށް ވުމަށްޓަކައި ބޭނުންވަނީ ކިހާވަރެއްކަން ބުނެއެއް ނުދެވޭނެ. ވީމާ އެއްއަހަރުން ދެވަނައަހަރުން ފުރިހަމަ ކުރިނަމަވެސް އެބައިގަނޑު ބޭނުންވާ ފެންވަރަށް އެރިޕޯޓް ފައްކާވެގެން ނެރުނީ މިއަހަރު 2019 ގަ. މިހާހިސާބުން ބަލަންވީ އެއީ މައްސަލައެއްގެ ގޮތުގައި. އެއީ ފާޅުކުރި ޚިޔާލެއްނޫން. މިސަރުކާރުން އެއީ އެމީހުންގެ ޚިޔާލެއްކަމަށް ބުނެނިންމާލަފާނެ. ރައްޔިތުން ނިދިން ހޭލަންވީ!!!!!
ކަރީމުއްދީން ބާޝާ
08 October 2019
ނަމަނަމައިގައި ކެއްކޭނެ ރިހައެއް ނޯނާނެއެވެ.
މަބުނީ
08 October 2019
މިހާރު އެރިޕޯޓެއްވެސް ނެތް.
ރުފޫސް
08 October 2019
ނޫސްވެރިންނަށް ފުރުސަތުނުދީ އިއްޔެ މިހާރުގެ މިނިސްޓަރ ދެއްކެވީ މިނިސްޓަރަކު ދައްކަންނުޖެހޭ ފެންވަރުގެ ވާހަކަ..އިތުބާރުހުރި ފަރާތެއް ދިން މައުލޫމާތޯ..އެކަމު މިހުރިހާ ދުވަހު ޝަކުވާއެއް ލައިފިނަމަ ބަލަންހުރި މީހާ..
ބިގަރޭ---
08 October 2019
އެއިރު އެކަކުވެސް އެރިޕޯރޓެއް ނުކިޔާ؟ ވެރިކަން ވެއްޓުނީމާ އެ މައްސަލަ އޮތްކަން އެނގުނީ
ޙަނާ
09 October 2019
ކުރީ ސަރުކާރުގައި ހިނގާފައިހުރި މާރާމާރީ އާ، މަރުތަކާ، ވަށްކަމާ އެއްޗެހި މިސަރުކާރުން ބަލާއިރު އެ ރިޕޯޓާ ގުޅިގެން ކީއްވެބާ ފިޔަވަޅު ނޭޅިގެން އުޅެނީ؟
އިބިރިހިންބެއްޔާ
08 October 2019
ތިޔަ ވިދާާޅުވީ ރަގަޅަށް. މިވަގުތަކީ އޭރު ކަމެއް ކުރިއޭ ނޫނީ ނުކުރެއޭ ކިޔަންވީ ވަގުތެއްނޫން. މިއީ ހިގާފައިވާ، ހިގަމުންދާ ނުވަތަ ހިގަންއުޅޭ ނުރަގަޅުކަންތަކަށް ފިޔަވަޅުއަޅަންވީ ވަގުތު. ކުރީގެ ވެރިކަމުގައި ގޯސްކޮއް ކުރި ކަންތައް ނުވަތަ ނުކޮއް ދޫކޮއްލި ރަގަޅުކަންތަކާހެދި ނޫންތޯ ރައްޔިތުންނިކުމެ އެވެރިކަން ވައްޓާލީ.
ހަކީމް
08 October 2019
ކުރީގެ ސަރުކާރު ކަމުނުދިޔައިމަ އެހެން ބަޔަކަށް ވޯޓު ދިނީ ... މ.ޑ.ޕ އިން ފިޔަވަޅު ނާޅާ ލަސްކޮށް އަދި މިހާޜު ބަޤާވާތޭ ކިޔާ ދެބޯގެރި ދުއްވަނީ މ.ޑ.ޕ މީހުންގެ ފިކުރަކީ މިއީ ކަމުގައި ވާތީ ... ރާއްޖޭގަ ވެރިކަން ކުރަން ، ސިޔާސީ ކަންކަމުގައި މިހާރު މިއުޅެ ބައިގަނޑު ނޫން ބަޔެއް އެބަ ބޭނުންވޭ.