އެމްޑީޕީން ގުރައިދޫގައި ބޭއްވި ޖަލްސާގައި ރައީސް އިބްރާހިމް މުހައްމަދު ސޯލިހް ވާހަކަ ދައްކަވަނީ-- ފޮޓޯ: އެމްޑީޕީ
22 ޖެނުއަރީ 2020 - 23:00
33 comments
ކުޑަކުދިންނަށް ރައްކާތެރި މާހައުލެއް ގާއިމްކޮށްދިނުމުގައި އިހުމާލުވާ މުވައްޒަފުންނާ މެދު ފިޔަވަޅު އަޅުއްވާނެ ކަމަށް ރައީސް އިބްރާހިމް މުހައްމަދު ސޯލިހް މިރޭ ވިދާޅުވެއްޖެ އެވެ.
ކ. ގުރައިދޫ އެމްޑީޕީ ޖަގަހަ ހުޅުވުމަށް އެ ރަށުގައި ބޭއްވި ޖަލްސާގައި، ރައީސް ވިދާޅުވީ ގއ. ކަނޑުހުޅުދޫގައި ކުޑަކުއްޖަކަށް އެ ކުއްޖާގެ ކާފަ އާއި މުނިކާފަގެ ފަރާތުން ޖިންސީ އަނިޔާ ލިބުނީ ޒަމާނުންސުރެ އެކަންކަމާ އަޅާނުލެވި އޮތުމުން ކަމަށެވެ.
ވާހަކަ ދައްކަން މިއަދު ތިބެވެން ނެތް ކަމަށާއި ކުޑަކުދިންނަށް ރައްކާތެރި މާހައުލެއް ބިނާ ކޮށްދިނުމަށް އިހުމާލުވާ ފަރާތްތަކާމެދު ފިޔަވަޅު އަޅުއްވާނެ ކަމަށް ރައީސް ވިދާޅުވި އެވެ.
"އަޅުގަނޑުމެން ޖެހެނީ ވަގުތުން ވަގުތަށް ފިޔަވަޅު އަޅަން. އަޅުގަނޑު ތިޔަ ބޭފުޅުންނަށް ޔަގީންކަން މި އަރުވަނީ ކުޑަކުދިންގެ ރައްކާތެރިކަމަށްޓަކައި މަސައްކަތް ކުރުމަށް ހަވާލުވެ ތިބި ދައުލަތުގެ އެއްވެސް މުވައްޒަފަކު އެކަމަށް އިހުމާލުވެއްޖެ ނަމަ އެކަމާ ދޭތެރޭ އަޅަން ޖެހޭ ފިޔަވަޅު އެ މުވައްޒަފަކާ ދޭތެރޭ އަޅުގަނޑު އަޅާނަން،" ރައީސް ވިދާޅުވި އެވެ.
"އަދި ޒިންމާދާރު ކުރުވުމަށް ކުރަން ޖެހޭ ހުރިހާ ކަމެއްވެސް ފަސްނުޖެހި އަޅުގަނޑުމެން ކުރާނަން."
ޖެންޑާ މިނިސްޓަރު ޝިދާތާ ޝަރީފް ވަނީ ފެއިލްވެފައި ކަމަށް ބުނެ ގިނަ ބަޔަކު އަންނަނީ މިނިސްޓަރުގެ އިސްތިއުފާ އަށް ގޮވާލަމުންނެވެ. ޖެންޑާ މިނިސްޓްރީިން މިއަދު ވަނީ އެކި ސެކްޝަންތަކުގެ ވެރިން ވެސް ބަދަލުކޮށްފަ އެވެ.
ޑުރަގާއި ކޮރަޕްޝަނާއި ހަރުކަށި ފިކުރުގެ މައްސަލަތަކަކީ އެކުއެކީގައި ކުރިމަތިލާން ޖެހިފައިވާ މައްސަލަތައް ކަމަށް ވެސް ރައީސް ވިދާޅުވި އެވެ. ރައީސް ވިދާޅުވީ އެ މައްސަލަތައް ހައްލު ކުރެވޭނީ ޒިންމާދާރު ކަމާ އެކު މަސައްކަތް ކުރާނެ ބައެއް ލިބިގެން ކަމަށެވެ. އެހެންކަމުން ކުރިއަށް އޮތް ލޯކަލް ކައުންސިލް އިންތިޚާބުގައި އެމްޑީޕީގެ ކެންޑިޑޭޓުންނަށް ވޯޓް ދެއްވުމަށް ރައީސް އެދިވަޑައިގަތެވެ.
"އަނެއްކާވެސް ތިބޭފުޅުންނަށް ޔަގީންކަން މި އަރުވަނީ އަޅުގަނޑުމެންގެ މި ދައުރުގެ ތެރޭގައި އިރާދަކުރެއްވިއްޔާ މިކަންތައްތަކަށް ހައްލު ގެނެސްދޭނަން" ރައީސް ވިދާޅުވި އެވެ.
ސަރުކާރުން ކުރަން ބޭނުންވާ ކަންތައްތައް ކުރެވޭނީ މަޖިލީހުން ފާސްކޮށްފައިވާ ގާނޫނުތަކުގައިވާ ގޮތުގެ މަތިން މަސައްކަތް ކުރާނެ ކައުންސިލެއް ލިބިގެން ކަމަށް ވެސް ރައީސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަމަހަމަ
23 January 2020
ސިދާތާ ވަކިކުރަން ކެރޭނެބާ؟
ޝައްފަ
23 January 2020
"އަޅާނަން އަޅާނަން" ކޮންމެދުވަހަކު. އިބޫ އަކީ ފަހަތަށް ފިޔަވަޅެއް އެޅިއްޔާ ކުރިއަށް ފިޔަވަޅެއް އަޅާ މީހެއް.
ކަނަމަނަ
23 January 2020
މުޅިގައުމުއެއްކޮއްލިބުނަސް އެއްކަމެއްވެސްނުވާނެ ވެރިކަން ލިބި މަޖިސްގެ ސުޕަމެޖޯރިޓީލިބުނީމަވެސް އެއްކަމެއްވެސްނުވެގެންމިއުޅެނީ
ޝާހިދު
23 January 2020
ޝިދާތާ ވަކި ކުރޭ. . ގއ. ޢަތޮޅު ސޯޝަލް ޕްރޮޓެކްޝަން ސެންޓަރ މުވައްޒަފަކު ނެތި 1 އަހަރު.
ޅަބޭ
23 January 2020
ވަރައް ފެންވަރު ދައް، އެއްވެސް ހަރަކާތެއް އަމަލެއް ނެތް، ތަރައްގީއެއް، ނޭންގޭ ކޮސް ރައީސެއް ތީ.
ކުންލި
23 January 2020
އެއީހަމަތެދެކޭ އެއްމެފުރަތަމަވެސް އޭގެދެމީހުން ދޫކޮންލުމާ ޕާޓީނަމަ އެބުނާ މައްސަ އަޑިއަޑިދިޔުމާ މިކައްކަމައް ހާދަރަނގަޅޭ ހާދަހެޔޮފުޅޭ
ރޫހީ
23 January 2020
އަޅާނަން ކުރާނަން ހަދާނަން މިއީ މީނަގެ ވާހަކަ މުޅިންވެސް ހުންނަ ގޮތް
މޯދީ
23 January 2020
އެހެންވެތޯ މަނިކުފާނު ވެރިކަމަށް ވަޑައިގެން އެންމެފުރަތަމަވެސް ކުޑަކުއްޖަކާބެހިގެން ޖަލަށްލާފަހުރި މީހަކު މިނިވަންކުރީ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ޓިނު
23 January 2020
މާނައަކީ މިނިސްޓަރ ވަކިކުރުންތަ ؟
ވޯލް
23 January 2020
އެންމެ ފުރަތަމަ މިނިސްޓަރ ޝިދާތާ އަށް ފިޔަވަޅު އަޅުއްވާ. އެހެނީ ރަށްޔިތުންގެ ގިނަ ބަޔަކު ޤަބޫލު ކުރާ ގޮތިގައި މިކަން ހިންގުމުގައި އެކަމަނާގެ އިއުމާލު ވަރަށް ބޮޑު.