ވޫހާން އިން އިންޑިއާ އަށް ގެންދިޔަ ދިވެހިން އެއާޕޯޓްގައި
07 ފެބުރުއަރީ 2020 - 20:05
10 comments
ޗައިނާގެ ވޫހާން އިން އިންޑިއާ އަށް ގެންގޮސް ކަރަންޓީނު ކުރި ހަތް ދިވެހިންގެ ހަށިގަނޑުގައި ވެސް ނޮވެލް ކޮރޯނާވައިރަސް ނެތް ކަމަށް ޑިފެންސް މިނިސްޓަރު މާރިއާ އަހުމަދު ދީދީ މިއަދު ވިދާޅުވެއްޖެ އެވެ.
ރަސްމީ ދަތުރެއްގައި އިންޑިއާ އަށް ވަޑައިގެން އުޅުއްވަމުން ޑިފެންސް މިނިސްޓަރު މާރިއާ އަހުމަދު ދީދީ އިންޑިއާގެ ނޫހަކަށް ދެއްވި އިންޓަވިއުއެއްގައި ވިދާޅުވީ ކަރަންޓީނުކޮށްފައި ތިބި މީހުންގެ ތެރޭގައި ކުޑަކުއްޖެއް ވެސް އެބަހުރި ކަމަށާއި އެކުއްޖާ އާއި އެހެން މީހުންނާ މެދުގައި ވެސް އިންޑިއާ އިން ވަރަށް ރަނގަޅަށް ކަންތައްތައް ކުރަމުން އަންނަ ކަމަށެވެ.
ކޮރޯނާވައިރަސް ފެތުރޭތީ ރައްކާތެރިކަމުގެ ފިޔަވަޅުތައް އެޅުމަށް ސަރުކާރުން އެކުލަވާލާވައިވާ ޓާސްކްފޯހުން ވެސް މިއަދު ބުނީ އެ ހަތް މީހުން ވެސް ވައިރަސް އަށް ނެގެޓިވް ވެފައިވާ ކަމަށާއި ނަަމަވެސް ކުރިން ކަނޑައަޅާފައިވާ ގޮތަށް، 14 ދުވަސް ވަންދެން އެ މީހުން ތިބޭނީ ކަރަންޓީނުކޮށްްފައި ކަމަށެވެ.
ޗައިނާގެ ވޫހާން އިން ފެނުނު ގޮތް ނޭނގޭ ކޮރޯނާވައިރަސް ފެތުރެން ފެށުމުން އެ ތަނުގައި ތިބި ހަތް ދިވެހިން އިންޑިއާ އަށް ގެންދިޔައީ އިންޑިއާ ސަރުކާރުގެ އެހީގަ އެވެ. ވޫހާންގައި ތިބި އިންޑިއާ މީހުންނާ އެކު އެ މީހުން ގެންގޮސް ކަރަންޓީނުކޮށްފައި ތިބީ އިންޑިއާ ސިފައިންގެ މަރުކަޒެއްގައި ހަދާފައިވާ ކަރަންޓީނު ފެސިލިޓީއެއްގަ އެެވެ.
ވައިރަސް ފެތުރެން ފެށި އިރު ވޫހާންގައި ތިބީ ނުވަ ދިވެހިންނެވެ. އެކަމަކު އޭގެ ތެރެއިން ރާއްޖެ އަށް އަންނަން އެދުނީ ހަތް މީހުންނެވެ.
ޗައިނާ އިން އައި ހަތް މީހަކު ރާއްޖޭގައި ވެސް ކަރަންޓީނުކޮށް ޓެސްޓްކުރި އެވެ. އެ ހަތް މީހުންގެ ގައިން ވެސް ވައިރަސް ފެނިފައެއް ނުވެ އެވެ. ޗައިނާ އަށް ދަތުރުކޮށްފައި ވާތީ މިހާރު ވެސް ދެ މީހަކު ރާއްޖޭގައި ކަރަންޓީނުކޮށްފައި އެބަތިއްބެވެ. އެކަމަކު އެ ދެމީހުންގެ ގައިން ވެސް ބަލީގެ އެއްވެސް އަލާމާތެއް ނުފެންނަ ކަމަށް ސަރުކާރުން އިއްޔެ ބުންޏެވެ.
ކޮރޯނާ ވައިރަސްގެ ސަބަބަބުން މަރުވި މީހުންގެ އަދަދު މިހާރު ވަނީ 600 އަށް ވުރެ މަތިވެފަ އެވެ. އެ ވައިރަސް އެރި މީހުންގެ އަދަދު 30،000 ފަހަނަޅައި ގޮސްފައި ވާއިރު އަދިވެސް ވައިރަސް ކޮންޓްރޯލްވާ ކަމުގެ ނިޝާނެއް ނުފެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކެޔޮނިރު
08 February 2020
މިއީ ދިވެހިން އިންޑިޔާގެ މިލިޓަރީ ކޭންޕުތަކުގައި ބަންދުކުރަން ޖައްސާ ޓުރައިލް ރަން އެއް.
މިއަދު
08 February 2020
ތިއީ ތެދެއްކަމަށްވާނަމަ އުފާވެރިޚަބަރެއް ހިތާމަޔަކީ މީގެކުރިން 3 މީހަކު ކަރަންޓީނުކޮށް 7 މީހަކު ޓެސްޓުން ނެގެޓިއުވެގެން ދޫކޮއްލިއިރު 4 މީން އެއީ ކޮންތާކުތިބިބައެއްކަން ބުނެނުދިނުން
ނަޝީދު.
08 February 2020
ތިހެން ކިޔާފަ ގެންނާނީއެއް ނޫން. 14 ދުވަސް ބައިތިއްބާފަ އަލުން ޓެސްޓު ހަދާފަ ނޫނީ ނުގެންނާތަ!
ގޮނޑިކޮއްކޮ
08 February 2020
މިނިސްޓަރު މާރިޔާވެސް މެޑަލް ޖެހުމުގައި ދެއްތޯ. ކުރީ ދުވަހު ސިފައިން ގެންގޮސްގެންވެސް މެޑަލް ޖަހަން އުޅުމުގެ ތެރޭގައި އެކަހެރި ކޮށްފައިވާ ޒުވާނާގެ ފޮޓޯ ޝެއާކޮށް އެ ސޮރުގެ މަސްލަހަތު ނަގާލެވިއްޖެ. މި ކޮރޯނާ ވައިރަހުގެ ހުރިހާ މަަސައްކަތެއް ކުރުމުގައި މިނިސްޓަރު އަމީން އަވަދިނެތި އުޅެނީ، މެޑަލް ޖެހުން މިނިސްޓަރު އަލީ ވަހީދު ނޫނީ މިނިސްޓަރު މާރިޔާ ނޫނީ ދެން ކޮންމެވެސް އެހެންމީހެއް. ސާބަހޭ ހުރިހާ ވެރިން
ގަމާރުސޯ
07 February 2020
ކޮބައިތޯ މި ރާއްޖޭގައި މިހާރު މާސްކު ނޭޅިގެން ހަޅޭފަޅޭޖެހި ގްރޫޕު؟ ހީހީވެސް ހަލާކުވެދާނެ
ހަލް
07 February 2020
އަލްހަމްދުލިއްލާހި، އަނެއްކާވެސް އުފާވެރި ހަބަރެއް
ފިރޫ
07 February 2020
އަލްހަމްދުލިއްލާހި. މި ދަނޑިވަޅުގައި ހެލްތު މިނިސްޓަރާއި އޭނާގެ ޓީމުން ކޮރޯނާ ވައިރަހާ ގުޅިގެން ކުރައްވަމުން ގެންދަވާ އިހްލާސްތެރި މަސައްކަތްތަކަށް ޝުކުރު ދަންނަވަން. ހަމަ ތި ގޮތުގައި ކުރިއަށް ވަޑައިގަންނަވާ
ގައުމީ ލޯބީގާ
07 February 2020
ބަލަ މި ރާއްޖޭގެ މީހުންނެއް ނޫންތަ ވާނުވާގައި ކަމުގެ ދެކޮޅު ނުބަލާ ހެލްތު މިނިސްޓަރުގެ ބޮލަށް ސަވާރުވަނީ ދެއިރު ދެދަޅައަށް ނަޝީދު އަންގައިގެން. އެހެނެކޭ ކިޔާ މި ކޮރޯނާ ވައިރަސް ކަންތަކުގައިވެސް އޭނާ ހޯދާފައިވާ ކުރިއެރުންތައް މަދެއް ނޫން. މި ރާއްޖެއަކީ މި ސަރަހައްދުން އެންމެ ފުރަތަމަ ސްކްރީން ކުރަންވެސް ފެށި އެއް ތަން.
ބުއްޅަބެ
07 February 2020
ٱلْحَمْدُ لِلَّٰهِ
ނިރު
07 February 2020
މާރިޔާ އާ ޝާހިދު ދަތުރަކަށް ފަހު ދަތުރެއް ކުރަމުންދާތަން ފެންނަނީ ރައީސް ސޯލިހް ޙަރަދުތަށް ކުޑަކުރަން އެންގުމުން ހަމައެކަނި ޙަރަދުތަށް ކުޑަކުރީ ސިވިލްސަރވިސް މުވަޒަފުންގެ އިތުރުގަޑި.