ރައީސް އިބްރާހިމް މުހައްމަދު ސޯލިހާއި ކޯލިޝަންގެ އެހެން އިސްވެރިން މީޑިއާއާ ވާހަކަ ދައްކަވަނީ: ކޯލިޝަން ސަރުކާރު ނިމުމަކަށް ގެންނާނެ ކަމުގެ އިންޒާރު މެމްބަރު ހަލީމް މިއަދު ދެއްވި.---ފައިލް ފޮޓޯ: މިހާރު
17 ފެބުރުއަރީ 2020 - 15:06
48 comments
އަންނަ އޭޕްރީލް މަހު ބާއްވާ ލޯކަލް ކައުންސިލްތަކުގެ އިންތިޚާބު އެމްޑީޕީ އަށް ކާމިޔާބު ކުރެވިއްޖެ ނަމަ، ވެރިކަން ހިންގާ ކޯލިޝަން ނިމުމަކަށް ގެންނާނެ ކަމުގެ އިންޒާރު ބިލެއްދޫ ދާއިރާގެ އެމްޑީޕީގެ މެމްބަރު ދޮންބިލެތް އަހުމަދު ހަލީމް މިއަދު ދެއްވައިފި އެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ވާހަކަ ދައްކަވަމުން އޭނާ ވިދާޅުވީ، އޭޕްރީލް ހަތަރެއްގައި ބާއްވާ ލޯކަލް އިންތިޚާބަށް ފަހު، ކޯލިޝަންގެ ސަރުކާރު ނިމުމަކަށް އައުމަކީ އޭނާގެ އުންމީދެއް ކަމަށެވެ.
ދޮންބިލެތް ވިދާޅުވީ، އެމްޑީޕީ އަށް ލޯކަލް އިންތިޚާބު ކާމިޔާބު ކުރެވިއްޖެ ނަމަ، ކޯލިޝަންގައި ހިމެނޭ ޖުމްހޫރީ ޕާޓީގެ ލީޑަރު ގާސިމް އިބްރާހީމާއި ކުރީގެ ރައީސް މައުމޫން އަބްދުލްގައްޔޫމާއި އަދާލަތު ޕާޓީގެ ރައީސް އަދި ހޯމް މިނިސްޓަރު އިމްރާން އަބްދުﷲއާ އެކު އެންމެ ދުވަހަކު ވެސް "އަޅުގަނޑުމެން އުޅޭކަށް ނެތިން" ކަމަށެވެ.
ރައްޔިތުންގެ މަޖިލީހުގެ ޖަލްސާއެއްގައި ދޮންބިލެއް ހަލީމް ވާހަކަ ދައްކަވަނީ.---ފޮޓޯ: މަޖިލީހުގެ އިދާރާ
"އަޅުގަނޑުމެންނަށް އެ މީހުންނާ އެކު ސަރުކާރު ހިންގޭނެ ކަމަކަށް ނުފެނޭ،" ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ އެންމެ އަރިސް ބޭފުޅުންގެ ތެރޭގައި ހިމެނިވަޑައިގަންނަވާ ދޮންބިލެތް ވިދާޅުވި އެވެ.
ފިޝަރީޒް މިނިސްޓަރު ޒަހާ ވަހީދު ރައްޔިތުންގެ މަޖިލީހުގައި މެމްބަރުންގެ ސުވާލުތަކަށް މި މަހުގެ 10 ގައި ޖަވާބު ދެއްވަނީ: އޭނާއާ މެދު ފިޔަވަޅު އަޅުއްވާނެ ކަމުގެ އިންޒާރު ވެސް ދޮންބިލެތް މިއަދު ދެއްވި.---ފޮޓޯ: މަޖިލީހުގެ އިދާރާ
އޭނާ ވިދާޅުވި ގޮތުގައި، އެމްޑީޕީ ފިޔަވައި ކޯލިޝަންގެ އެހެން ޕާޓީތަކުގެ ސްލޮޓްގައި އައްޔަން ކޮށްފައިވާ ވަޒީރުންނަށް އެކަށީގެންވާ މަސައްކަތްތަކެއް ނުކުރެއްވެ އެވެ. އަދި ވަޒީރުންގެ ތެރެއިން، މައުމޫންގެ ފަރާތްޕުޅުން ފިޝަރީޒް މިނިސްޓަރުކަމަށް އައްޔަން ކުރައްވާފައިވާ ޒަހާ ވަހީދާ ދޭތެރޭގައި ވެސް ވަރަށް އަވަހަށް ފިޔަވަޅު އަޅާނެ ކަމުގެ އިންޒާރު ދޮންބިލެތް ދެއްވި އެވެ.
"އަދި ޚާއްސަކޮށް އޭޕްރީލް ހަތަރުވަނަ ދުވަހަކީ އެމްޑީޕީގެ ރައްޔިތުންނަށް އުފާވެރި ދުވަހަކަށް ވާނެ. [ އެ ދުވަހަށް ފަހު] ކޯލިޝަންގެ މޫނު އަޅާނެ ކަމުގެ ޔަގީންކަން އިރާދަކުރެއްވިއްޔާ ރައްޔިތުންނަށް މި ފުރުސަތު ދެން،" ކުރީގެ މަޝްހޫރު ފުޓުބޯޅަ ކުޅުންތެރިޔާ ދޮންބިލެތް ވިދާޅުވި އެވެ.
މި ސަރުކާރު ނޮވެމްބަރު 17، 2018 ގައި ވެރިކަމަށް އައީ ހަތަރު ޕާޓީ ހިމެނޭ ކޯލިޝަންގެ ވަރަށް ބުރަ މަސައްކަތުން ކަމަށް ވިޔަސް، އެ ކޯލިޝަންގެ މައި ޕާޓީ އެމްޑީޕީގެ އިސްބޭފުޅުންނާއި އެ ޕާޓީގެ ރައްޔިތުންގެ މަޖިލީހުގެ މެމްބަރުން ގެންދަވަނީ ކޯލިޝަނާގެ އެހެން ޕާޓީތަކާ ދެކޮޅަށް ވާހަކަ ދައްކަމުންނެވެ.
"އަދި ޚާއްސަކޮށް އޭޕްރީލް ހަތަރުވަނަ ދުވަހަކީ އެމްޑީޕީގެ ރައްޔިތުންނަށް އުފާވެރި ދުވަހަކަށް ވާނެ. [ އެ ދުވަހަށް ފަހު] ކޯލިޝަންގެ މޫނު އަޅާނެ ކަމުގެ ޔަގީންކަން އިރާދަކުރެއްވިއްޔާ ރައްޔިތުންނަށް މި ފުރުސަތު ދެން: ދޮންބިލެތް
ނަމަވެސް، ރައީސް އިބްރާހިމް މުހައްމަދު ސޯލިހު، ވިދާޅުވެފައި ވަނީ އެމަނިކުފާނުގެ އެންމެ ބޮޑު އެއް ކާމިޔާބީ އަކީ ސިޔާސީ ގޮތުން ތަފާތު ފިކުރުގެ ބޭފުޅުންނާ އެކު، ކޯލިޝަން ސަރުކާރު ދެމެހެއްޓުން ކަމަށެވެ. އަދި ކޯލިޝަން ސަރުކާރު ދަމަހައްޓާނެ ކަމުގެ ޔަގީންކަން ތަފާތު ފޯރަމްތަކުގައި އެމަނިކުފާނު ދެއްވާފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޞޗބ×ބ×ބ
18 February 2020
ޥެރިކަން ލިބޭއިރަށްގަދަބާރު ދައްކާފަ ތިމާމެންވަރެއް ނެތިގެން އުޅުނީމަ ޔާމީނަށްވީގޮތް ހަނދާންނެތުނީތޯ. ޕާޓީތަކަށްވެރިކަންލިބެނީ އަހަރެމެންކަހަލަ އެއިރެއްގެ ސަރުކާރުންކުރާ ގޯސްނުބައިކަންކަން މިނެކިރައިގެން ވޯޓުލާ މީހުންގެސަބަބުންކަންދަންނާތި. ތިކަހަލަ ގަދަފަދަކަމުގެ ބަސްތައް އަހަރެމެންނަކަށްކަމަކުނުދޭ
ވަތުބަތާނަ
18 February 2020
ހަމހޭގަ ނުތިބެވޭ މީހުންތަންތަނަށް އިސްކުރީމާ ވާނެ ހަތަރެސްކަން މިހިރަ ހަމަވަނީ؟ ވެރިކަމަށް އައުމަށް ނާށިގަނޑު ލިބުނީމާ ކަނޑި.
ދެރަ
18 February 2020
2012 މާޒީ ތަކުރާރު ވަނީ. ތިއުޅެނީ ވެއްޓެން. ޢޭގެ ފެށުންތީ. މޑޕ ތިޔައީ ވަޢުދާ އަހުދު އުވާލާ ވަފާ ތެރި ކަމެއް ނެތް، ދޮގުވެރި ޔަހޫދީ ޕާޓީ އެއް.ރަށު ކައުންސިލަރުންވެސް ވޯޓް ލީ ފަޤީރު މީހާ އާއި ފޯރުންތެރިން ވ. ތަފާތުކޮށް، ފޯރުންތެރިޔާ ހިތް ރުއްސާ، ފަޤީރު މީހާ އަށް ދެރަވާގޮތަށް ކަންތައްކޮށް، އޭނާ ގަޅަހައްދާ ގުބޯ ހައްދަނީ މަކަރުން. ދެން ޒިންމާ ދާރު ކަމެއް ނެތި އަޅުވަނީ ސިވިލް ސާވަންޓުން ބޮޅުގަ، ޕާޓީގެ ވަފާތެރި މެމްބަރުންނަށްވެސް ހަދާލާ ގޮތް މީ .
ބީތާވެދާނެ
18 February 2020
ޔާމިނު ކީތްތަކުރީ ވެރިކަން ލިބުނީމަ ބޮޑުބޭބެވެސް ޖަލުގޯޅިގަ ބޭއްވީ
ބަނާނާ
18 February 2020
ވެއްޓު މުގެ ފެށުން.. އިރާދަކުރެއްވިއްޔާ.
ބިގަރުބެ
18 February 2020
ކިހިނެއްބާ ރައްޔިތުންނަށް މަކަރުހަދައިގެން ވެރިކަމަށް އައިސް ބައިވެރިންނަށް ޣައްދާރުވާ ބަޔަކު ރައްޔިތުންނަށް އިޅްލާޞްތެރި ވާނީ. އެމްޑީޕީ ކުރީގެ ވެރިކަމުގައި ގައުމުގެ ކުންފުނިތަކަށް ދާންދެން ވިއްކާ ގައުމު ބަނގުރޫޓުވެ ގޮތްހުސްވެ އެއްގޯސްވީ. ޑޮލަރު އަތްނުފޯރާ ހިސާބަށް ދިޔަ. މިފަހަރު ޑޮލަރު ސަތޭކަ މިލިޔަނުން ގުޅަކޮށް ކައްވާލަނީ! އަނެއްކާވެސް އެންމެހަފުން ބުނާނީ ބަޣާވަތޭދޯ؟
އަރުވާލި އާދަނުގެ ސިޔާސީހާސަރު
18 February 2020
ދިވެހި ރާއްޖޭގައި ސިޔާސީ ކޯލީޝަން ސަރުކާރު. ލިޔުމުގައި ނެތް ކިއުމުގައި އޮތް ހަކި ހިފުން ނެތް ނޯޓް : ( ލައިފް ސަރކަލް އޮފް ބަޓަރ ފްލައި ) ކޯލީޝަން ( ބިސް )(ފަނި) ( ޕިއުޕަ ) ( ކޮކާ ) ސަރުކާރު އަހަރެއް ދެއަހަރެއް ވީމާ ( ކޯލީޝަން ) ކޮކާ އުދުހި ނައްޓާލަނީ
ޝޮކްތެރަޕީ
17 February 2020
ކޯލިށަން އަތައްގޮވީ.
ކޮރޯނާ އިނބިލިސް
17 February 2020
ކޮންމެ އެއްޗެކޭ ކިޔަސް ކައުންސިލް އިންތިޚާބު ގައި އެމްޑީޕީ އަށް ލިބޭނީ ގޮނަވެގެން %40 އެވެ. ކޯލިޝަން އުވާލާފި ނަމަ ވެރިކަން ވެއްޓޭނެއެވެ. ސަލާމަތް ވިޔަކަ ނުދޭނަ މެވެ.
ބަނޑީދާ
17 February 2020
އަހަރުމެން ހިތަކައް ނާރާ ކަހެރުވަކޭވެސް މިހާރުވެސް މަގުމައްޗައް ނިކުތީމަ އަޑުއިވެނީ އެމްޑީޕީ ވެރިކަމައް އައީތްސުރެން އަތަކު ފައިސާއެތްނެތޭ ވިޔަފާރިޔެތްނެތޭ އަންމަތި ދަތިޔޭ
ައަފުރާސިޔާބު
17 February 2020
ފަހަރުގައި އެއީ އެމްޑީޕީގެ މޫނު އަޅާދުވަސްކަމަށްވެސް ވެދާނެ. ހާދަވަރަކަށޭ ތިޔަ ކާލަނީ ރައްޔިތުންގެ ފައިސާ ސެޓްލްމަންޓް އެގްރިމެންޓް ހަދައިގެން. އެއީ ފެނިގެންކުރާ ވައްކަން. އެހިސާބު އެހުރިހާ ލިއުމެއްވެސް ނުފެންނާނެ. ޔާމީނަށްވުރެ މޮޅަށް ތިޔަ ވައްކަން ކޮށްލަނީ! އަހަރެން ހީކުރީ ރައްޔިތުންގެ ބައިތުލްމާލު ފެލާލުން ޔާމީނާ ހިސާބުން ނިމުމަކަށް އައީކަމަށް. އެހެންނޫންތާ މިވަނީ؟ މުޅިން ޑޮލަރުން ދިޔަ ދަވާލަނީ.