އެމްޑީޕީގެ ޖަލްސާ ލައިވްކުރީ ވިޔަފާރީގެ އުސޫލުން: ޕީއެސްއެމް

ލޯކަލް ކައުންސިލް އިންތިހާބުގެ ކެމްޕޭން ފަަށަން އެމްޑީޕީން ރޭ ބޭއްވި ޖަލްސާ. މި ޖަލްސާ ލައިވްކުރުމުން ބައެއް މީހުން ޕީއެސްއެމްއަށް ފާޑުކީ ނަމަވެސް ޕީއެސްއެމް އިން ބުނީ އެއީ ކޮމާޝަލް އިވެންޓެއް ކަމަށް.

މުހައްމަދު ނަސީމް، މިހާރު

22 ފެބުރުއަރީ 2020 - 19:24

14 comments

ލޯކަލް ކައުންސިލްތަކުގެ އިންތިޚާބަށް އެމްޑީޕީގެ ކެމްޕޭން ރަސްމީކޮށް ފެށުމަށް ރޭ ބޭއްވި ޖަލްސާ، ޕީއެސްއެމުން ލައިވް ކޮށްދިނީ ވިޔަފާރި އުސޫލުން ކަމަށް އެ ކުންފުނިން މިއަދު ބުނެފި އެވެ.

ސަރުކާރު ހިންގާ ކޯލިޝަންގެ މައި ޕާޓީ، އެމްޑީޕީގެ ޖަލްސާ ލައިވްކޮށް، އަދި ބައެއް ބޭބޭފުޅުންގެ ވާހަކަތައް އެ ޓީވީ ސްޓޭޝަންގެ ޕްރެޒެންޓަރުން ރޭ ވަކިވަކިން އެނަލައިޒްކޮށް ކެމްޕެއިން ކުރި ކަމަށް ބުނެ، ބައެއް މީހުން ދަނީ ފާޑުކިޔަމުންނެވެ.

އެ މީހުންގެ މައިގަނޑު ކަންބޮޑުވުމަކީ ކުރީގެ ރައީސް އަބްދުﷲ ޔާމީންގެ ވެރިކަމުގައި، އެމަނިކުފާނު ބައިވެރިވެވަޑައިގެން ބާއްވާ ޕީޕީއެމްގެ ޖަލްސާތައް ދައުލަތުގެ މީީޑިއާ އިން ލައިވް ކުރުމުން އެކަމަށް ޖޯކުޖަހައި، އޭރު އެކަން ކަމުނުދިޔަ މީހުންންނަށް ބާރު ލިބުމުން ހަމަ އެގޮތަށް މިއަދު ކަންތައް ކުރުމެވެ.

މިކަމާ ގުޅޭ ގޮތުން "މިހާރު"ން ސުވާލު ކުރުމުން ޕީއެސްއެމްގެ މެނޭޖިން ޑައިރެކްޓަރު އަލީ ޚާލިދު ވިދާޅުވީ، އެމްޑީޕީގެ ޖަލްސާ ލައިވް ކޮށްދިނީ ވިޔަފާރި އުސޫލުން ކަމަށާއި އެ ފުރުސަތު އެހެން ސިޔާސީ ޕާޓީތަކަށް ވެސް އޮންނާނެ ކަމަށެވެ.

އެމްޑީޕީގެ ކެމްޕޭން ފަށަން ރޭ ބޭއްވި ޖަލްސާގައި ރައީސް އިބްރާހިމް މުހައްމަދު ސޯލިހާއި ރައްޔިތުންގެ މަޖިލީހުގެ ރައީސް ނަޝީދާއި ޕާޓީގެ އިސް ބޭފުޅުން ބައިވެރިވެވަޑައިގަންނަވަނީ. --ފޮޓޯ: ނިޝާން އަލީ/މިހާރު

"ލޯކަލް ކައުންސިލް އިންތިހާބުގެ ކެމްޕޭނަށް ސިޔާސީ ޕާޓީތަަކަށް ވަގުތު ވިއްކާނެކަން އަޅުގަނޑުމެން ކުރިން ވާނީ އިއުލާނު ވެސް ކޮށްފައި. އެމްޑީޕީގެ ޖަލްސާ ދެއްކީ އެ އުސޫލުން. އެހެން ޕާޓީތަކަށް ވެސް އެ ފުރުސަތު އެބައޮތް،" މީޑީއާގެ މިނިވަންކަމަށް ކުރިއްސުރެ ބާރު އަޅުއްވަމުން ގެންދަވާ އަލީ ވިދާޅުވި އެވެ.

"ރަށްވެހި ފަތިސް" ގެ ނަމުގައި ކައުންސިލް އިންތިހާބުގެ ކެމްޕޭން ފަށަން އެމްޑީޕީން ބޭއްވި ޖަލްސާގައި ރައީސް އިބްރާހީމް މުހައްމަދު ސޯލިހާއި ރައްޔިތުންގެ މަޖިލީހުގެ ރައީސް އަދި އެމްޑީޕީގެ ރައީސް މުހައްމަދު ނަޝީދު ބައިވެރިވެވަޑައިގެންނެވި އެވެ. ބައެއް މިނިސްޓަރުންނާއި ރައްޔިތުންގެ މަޖިލީހުގެ ބައެއް މެމްބަރުން ވެސް އެ ޖަލްސާގައި ބައިވެރިވެވަޑައިގެންނެވި އެވެ.

ޔާމީންގެ އާރާއިބާރު އޮތް ދުވަސްވަރު، ވެރިކަންކުރި ޕީޕީއެމަށް ދައުލަތުގެ މީޑީއާ އިން ފުޅާދާއިރާއެއްގައި ފުރުސަތު ދިން ނަމަވެސް އެކަން އޭރުގެ އިދިކޮޅަށް ފަހިކޮށް ނުދިނުމުން ވަރަށް ބޮޑަށް ފާޑުކިޔަމުން އައިސްފައި ވެ އެވެ. އެކަމުގެ ރުޅި އާއި ހިތްހަމަނުޖެހުމުގެ ތެރޭގައި، ވަކި ގާނޫނަކުން ހިންގަމުން އަންނަ ޕީއެސްއެމް އުވައިލަން ވެސް އޭރުގެ އިދިކޮޅު ފަރާތްތަކުން ގޮވައިލި އެވެ.

އެމްޑީޕީ ދިވެހި ސަރުކާރު ލޯކަލް އިންތިހާބު ޕީއެސްއެމް ލޯކަލް ކައުންސިލްތަކުގެ އިންތިޚާބު 2020 އަލީ ޚާލިދު، މެނޭޖިން ޑިރެކްޓަރު (ޕީއެސްއެމް)

14 ކޮމެންޓް, 45 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަސަންބެ.

23 February 2020

އަސްލުވެސް ތަ؟ އަލީ. ތީ ހަމަ ތެދެއްތަ. ކިތަންމެހައިވެސް އުފާވެރި. ޕީޕީއެމް ޖަލްސާ އަންނަ ހުކުރުވިލޭރޭ ދައްކަން އެދުނީމާ ކޮންމެވެސް މުހިންމު އިންވެންޓް ސެއް އޮތުމުން ވަގުތުން ދެވެން ނެތް ވާހަކަ ބުނެފީޔާ ކިތަންމެހައިވެސް ދެރަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގައުމުގެ ދޫ

23 February 2020

ވިޔަފާރިއުސޫލުންނޭ ބުނާނަމަ އެއަށް ފައިސާ ލަސްނުކޮށް ހޯދާންވާނެ، އެމްޑީ ބޭނުންވީމާ ދެއްކުނު ދުވަހަކުން ދައްކަން ފުރުސަތު އޮވެގެން ނުވާނެ. ނަމެއްގާ އޮންނަ އުސޫލުން ކަންކަން ނުކޮށް އެ އުސޫލުގެ އަސްލު މަގުސަދު ހާސިލްވާގޮތަށް ކަންކަން ބައްޓަންކުރެވޭ ނަމަ ގައުމުގާ ކިތަންމެ ކަމެއް ހައްލުވާނެ ކަމަށް ދެކެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހީމާއިބުރޭ

23 February 2020

ދައުލަތުގެ މީޑިއާ އެއްވެސް މިންވަރަކަށް ބޭނުން ނުކޮށް ވެރިކަމަށް ކޯލިޝަނުން އައިކަމަށް މިވަނީ ދައުލަތުގެ މީޑިއާއަކީ " މުޖުރާ ގެއެއް " ކަހަލަތަނެކޯ ވެރިކަމަށް އަންނަބަޔަކު ހިތުހުރި މިންވަރަކަށް ބޭނުންކޮށް ހިތިހުރި ވަރަކަށް ވަޒީފާތަކަށް މީހުން ވައްދާ ހިތުހުރި ވަރަކަށް ކޮރަޕްޝަންނަށް މަގުފަހިވާގޮތަށް ނާޖާއިޒް ފައިދާނަގާ ކުންފުނި ދަރުވާލާ މިހުރިހާކަމެއްވެސް ހިނގާ އަދިމިރާއްޖެއަކު އެކިޔާ " ފްރީމީޑިއާ " ގެލަގަބެއް ލިބޭކަށްނެތް ސޮރީ ކާންޓްބިލީވް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިޙްސާސް

23 February 2020

މަގޭ ކައިވެނި ހަފުލާވެސް ލައިވްކޮށްދޭން ވީނު. މަވެސް ހަމަ ޕއސއމ އިން ކީ އަގެއް ދޭން ތައްޔާރު..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު

23 February 2020

ދައުލަތުގެ މީޑިއާއިން އެމްޑީޕީ ގެ ޖަލްސާ ދެއްކުމުން މަންޒަރު ހުތުރުވޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދު

23 February 2020

ޔާމީންގެ ވެރިކަމުގައި ވެސް ވިޔަފާރި އުސޫލުންނޭ ޕީޕީއެމުގެ ހުރިހާ ހަރަކާތެއް ޕީއެސްއެމުން ކުރީ. މިހާރު ވެސް ޒަކާތު ފަންޑުން ޕީއެސްއެމު ޓްރައިނިން އިންސިސިއުޓެއް ހަދަން ނެގި 4 މިލިޔަން ރުފިޔާއަށް ވީ ނުވީއެއް ނޭނގިގެން އެބައުޅޭ. ރައްޔިތުންގެ ފައިސާއަށް ތިހެން ނަހަދަބަލަ. ޙެޔޮނުވާނެ