އެމްޑީޕީގެ ޖަލްސާއެއްގައި ރައީސާއި ނަޝީދު: ޕްރައިމަރީން ބަލިވި ކެންޑިޑޭޓުން އަމިއްލަ ގޮތުން ވާދަކުރާ ނަމަ ޕާޓީން ވަކިކުރާނެ ކަމަށް އެ ޕާޓީން ބުނޭ -- ފޮޓޯ/މިހާރު
06 މާޗް 2020 - 06:06
13 comments
ލޯކަލް ކައުންސިލް އިންތިިޚާބުގެ އެމްޑީޕީ ޕްރައިމަރީން ނާކާމިޔާބުވި މީހުންނާއި އެ ޕާޓީގެ މެމްބަރެއްގެ ގޮތުގައި ހުރެ އަމިއްލަ ގޮތުން އިންތިިޚާބުގައި ވާދަކުރާ މީހުން ޕާޓީން ވަކިކުރާނެ ކަމަށް އެމްޑީޕީން އިއްޔެ ބުނެފި އެވެ.
އަންނަ މަހު ބާއްވާ ކައުންސިލް އިންތިޚާބުގައި އެމްޑީޕީން 877 ކެންޑިޑޭޓަކު ވާދަ ކުރެ އެވެ. އޭގެކުރިން އެ ޕާޓީން ވަނީ ކައުންސިލް އިންތިޚާބާއި އަންހެނުންގެ ތަރައްގީއަށް މަސައްކަތްކުރާ ކޮމެޓީގެ އިންތިޚާބުގައި އެ ޕާޓީގެ ޓިކެޓް ދޭނެ ފަރާތްތައް ކަނޑައަޅަން ޕްރައިމަރީ ވެސް ބާއްވައިފަ އެވެ.
އެމްޑީޕީން ނެރުނު ބަޔާނުގައި ބުނީ ކައުންސިލް އިންތިޚާބުގެ އެ ޕާޓީގެ ޕްރައިމަރީގައި ވާދަކޮށް، ނާކާމިޔާބުވި މީހުންނާއި އެ ޕާޓީގެ މެމްބަރެއްގެ ގޮތުގައި ހުރެ އަމިއްލަ ގޮތުން އިންތިޚާބުގައި ވާދަކުރާ ކޮންމެ މީހަކު ޕާޓީން ވަކިކުރަން އެ ޕާޓީގެ ފިޔަވަޅު އަޅާ ކޮމެޓީން ނިންމާފައިވާ ކަމަށެވެ. އަދި އަންހެނުންގެ ތަރައްގީއަށް މަސައްކަތްކުރާ ކޮމެޓީތަކުގެ އިންތިޚާބުގައި ވެސް މިގޮތަށް އަމަލުކުރި ފަރާތްތަކާ މެދު ފިޔަވަޅު އަޅާފައިވާ ކަމަށް ވެސް އެ ބަޔާނުގައިވެ އެވެ.
އެ ބަޔާނުގައިވާ ގޮތުން އެގޮތަށް ކޮމެޓީން ނިންމީ އެ ޕާޓީގެ ބައެއް މެމްބަރުން އަސާސީ ގަވާއިދާ ޚިލާފަށް އެގޮތަށް އަމަލުކުރާ ކަމުގެ ޝަކުވާ ލިބެމުންދާތީ އެވެ.
ކައުންސިލް އިންތިޚާބާި އަންހެނުންގެ ތަރައްގީއަށް މަސައްކަތްކުރާ ކޮމެޓީތަކުގެ އިންތިޚާބުގައި 1،900 މީހުން އިންތިޚާބު ކުރާނެ އެވެ. އެއީ ކައުންސިލްތަކަށް 982 މީހުންނާއި ކޮމެޓީތަކަށް 930 މީހުންނެވެ. އަދި މިހާރު އެމްޑީޕީން ވަނީ ބައެއް ދާއިރާތައް އިންތިޚާބަކާ ނުލައިި ވެސް ކަށަވަރު ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހްމަދު
07 March 2020
ފުރަތަމަބަލަންވީނު ޕްރައިމަރީގެކަންތައްދިޔައީ ގަވާޢިދާއެއްގޮތައްތޯ މޮޅުމީހާއައް މޮޅުގޮތައް ދެރަމީހާއައްދެރަގޮތައް ދިޔަޕްރައިމަރީއެއްގެވާހަކަތިދައްކަނީ މިހާރުއަމިއްލަގޮތުންމިނުކުންނަނީ ޖަޒުބާތުގަޖެހިގެންކުރާކަމެއްގެގޮތުގާބައްލަވާ އޭރުން އެއްވެސްފިޔަވަޅެއްއަޅާކަށްނުޖެހޭނެ
ހަނުހުންނަ މީހާ1
07 March 2020
ރި ދިޔަވަޅަކީ ރަގަޅު ފިޔަވަޅެއް. ޕުރައިމަރީގަ ވާދަކުރަނީ އިގުރާރެއްގަ ސޮއިކޮށްފަ. ކުރާއިގުރާރަކަށް އިޙްތިރާމް ނުކުރާ ބަޔަކު ޕާޓީއަކަށްވެސް ރައްޔިތަކަށްވެސް ތެދުވެރިއެއް ނުވާނެ. ބުއްދި ސަލާމަތުންހުރެ ކުރާއިގްރާރަކާ ޚިލާފުވުމަކީ ދިނީގޮތުންވެސް ނަހީ ކުރައްވާފައިވާކަމެއް.
އައްލާބެ
07 March 2020
ރައީސް ވިދާޅުވީ ގޭގެ އަށް ގޮސް ރައްޔިތުންގެ ކަންބޮޑުވުންތައް އަޑުއެހުން ވަރަށް މުހިންމު ކަމަށެވެ ތިޔައީ ކެންޕޭން ޙިޔާލީފޮލާ ކޮންކަމެއްތޯ ކޮއްދެވޭނީ ތުލުސްދޫ ރައްޔަތުންނައް ގޯތި ދެވޭ މިމާލޭގެ ރައްޔިތަކައް ގޯއްޗެއް ނުދެވޭ މިކަން ކޮއްދެވޭނެތޯ ޙުދުތިމާޔާ ތިމާމީހަގެ އަނބިދަރިންގެވެސް ގާނޫނުން ލިބިދީފައިވާ ހަމަހަމަ ކަމުގެ ހައްގެއް ގިގުޅައިގަނެ ބިންތައް ހިސޯރުކޮއް ހަމަ އެކަނި މާލޭ ރައްޔިތު މީހާޔައް ނުދެވޭ މީކޮންކަހަލަ ނާތަހުޒީބު ނަސްލީ އިމްތިޔާޒެއްތޯ
ފަރުމާ
06 March 2020
އެގޮތަށް ވަކި ކުރީމާ ގެއްލުންވާނީ ހަމަ އެމް.ޑީ.ޕީއަށް. ވަކި ކުރި ފަރާތާއި އޭނާގެ އާއިލާގެގުޅުންހުރި ހުރިހާވޯޓެއް އެމް.ޑީ.ޕީއަށް ގެއްލި ގޮނޑިތައްވެސް ގެއްލުނީ. ނަމަވެސް އަމިއްލަ ގޮތުން ކުރިމަތިލި އެމް.ޑީ.ޕީ މީހަކު ހޮވުނަސް އެ ގޮޑިނިސްބަތްވާނީ ހަމަ އެމް.ޑީ.ޕީއަށް. ބައެއް ރަށްތަށުގަ ނުފޫޒާއި ބާރު ބޭނުންކޮށް ޕްރައިމަރީގަ އެމް.ޑީ.ޕީގެ ޕޮޓެންޝަލް ކެނޑިޑޭޓުން ރޭހުން ބޭރުކުރެވިފައިވޭ.
ލުތުފީ
07 March 2020
ޕާޓިގެ ޕްރައިމަރީގަ ވާދަކުރަނީ ޕްރައިމަރީން ބަލިވީމަ، އަމިއްލަގޮތުން ވާދަކޮށްފިނަމަ، މެންބަރޝިޕް ގެއްލޭނެކަން ގަބޫލުކޮށް އިގުރާރެއްގަ ސޮއިކޮށްގެން. މިހާލަތުގަވެސް ގޯސްމިވަނީ ޕާޓީގެ އުޞޫލްތައްދޯ!
އެންދެރި
06 March 2020
އަމިއްލަ ގޮތުން ބައިވެރި ވުނަ މައްސަލަ އެއް ނޫނެވެ.
ވާގޮތް ވީގޮތް
06 March 2020
ތިކަހަލަ ގޮތަކަށް ގޮސް ހަލާކުވެ ދާނީ..
މީމީ
06 March 2020
ތީކަލްމެންގެ ފެންވަރަކީ.. އެމް،ޑީ،ޕީ
ކަޅުބެ
06 March 2020
މިހާރު ވަކިކޮށްފައި އަންނަ ރިޔާސީ އިންތިޚާބަށް ޕާޓީއަށް ވައްދަން ވެސްވާނެ.
ހަ މަ ހަ މަ
06 March 2020
އެއީ އަންނި ކަ މުގައި ވިޔަސް ވަކިކުރާނަންތަ؟
ކޯކްފުޅިސައުދު
06 March 2020
ޢެމްޑީޕީ އަކީ ޑިމޮކްރެޓިކް ޕާޓީއެއް. އެކަން ކަށަވަރު ކުރަން ވަރަށް މުހިއްމުކަމެއް ތިކުރެވެނީ. އިޚްލާސްތެރިވެގެން ނޫނީ އެކަކަށް ވެސް މޮޅެއްނެތް ދުނިޔެ އެއް މިދުނިޔެމީ.