ކޮވިޑް-19 އަތުވެދާނެތީ ތައްޔާރުވުމުގެ ޑްރިލްއެއް ކުރިއަށް ގެންދަނީ. ސަމާ އައިލެންޑްގެ ތިން މުވައްްޒަފެއްގެ ގައިން ވެސް ރަޯގާގެ އަލާމާތްތައް ފެނުނު
07 މާޗް 2020 - 14:27
13 comments
ސަމާ އައިލެންޑް ރިސޯޓަށް އައި ފްރާންސްގެ ދެ ޓޫރިސްޓެއްގެ ގައިން ކޮވިޑް-19 ގެ އަލާމާތްތައް ފެނިގެން އެ ރިސޯޓު ކަރަންޓީނު ކުރި އިރު، ރިސޯޓުގެ ޑޮކްޓަރާއި ތިން މުވައްޒަފަކު ވެސް ރިސޯޓުގައި ކަރަންޓީނު ކޮށްފައިވާ ކަމަށް އެ ތަނުން މިއަދު ބުނެފި އެވެ.
ސަމާ އައިލެންޑުން ނެރުނު ބަޔާނެއްގައި ބުނީ އެ ރިސޯޓަަށް އައި ފްރާންސްގެ، އުމުރުން 30 އަހަރުގެ ދެ ޓޫރިސްޓަކު ހުން އައިސްގެން، ރިސޯޓުގެ ޑޮކްޓަރަށް ދެއްކީ މިދިޔަ ބުރާސްފަތި ދުވަހު ކަމަށާއި އެ ހިސާބުން އެކަން ހެލްތު ޕްރޮޓެކްޝަން އެެޖެންސީ (އެޗްޕީއޭ) އަށް އެންގި ކަމަށެވެ. އަދި އެޗްޕީއޭގެ އިރުޝާދާ އެއްގޮތަށް އެ ދެމީހުން ތިބީ އެ މީހުންގެ ކޮޓަރީގައި ކަރަންޓީނު ކޮށްފައި ކަމަށް ވެސް އެ ބަޔާނުގައި ބުންޏެވެ.
ހަފުތާ ބަންދާ ދިމާކޮށް، ގިނަ ދިވެހިންތަކެއް ޗުއްޓީ ހޭދަކުރަން ދާ ސަމާ އައިލެންޑުގައި މަސައްކަތް ކުރާ، އުމުރުން 33 އަހަރުގެ އިންޑިއާގެ ޑޮކްޓަރު ކެއްސައި ނޭވާ ކުރުވާތީ އެންގީ އިއްޔެ އެވެ. އޭނާ ވެސް އެ ހިސާބުން ފެށިގެން ހުރީ ކޮޓަރީގައި އެކަހެރި ކޮށްފަ އެވެ. އަދި އޭގެ ފަހުން ރިސޯޓުގެ އެހެން ތިން މުވައްޒަފަކުވެސް އާދައިގެ ވަރަކަށް ކެއްސާތީ ތިބީ އެކަހެރިކޮށްފަ އެވެ.
ސަމަރ އައިލަންޑް ރިސޯޓުގައި ޗުއްޓީ ހޭދަ ކުރަމުން ދިޔަ ފަރަންސޭސިވިލާތުގެ 2 ފަތުރުވެރިޔަކު #ކޮވިޑް19 އަށް ޝައްކުކުރެވޭ އަލާމާތްތައް ހުރުމުން މޮނިޓަރކުރުމަށާއި ޓެސްޓު ހެދުމަށް އެކަމަށް ކަނޑައެޅިފައިވާ މަރުކަޒަށް ގެނައުމުގެ މަސައްކަތް ކުރިޔަށް އެބަދޭ.
— HPA Maldives (@HPA_MV) March 7, 2020
އެޗްޕީއޭގެ ޓްވީޓް
ސަމާ އައިލެންޑުން ބުނީ، ދެ ޓޫރިސްޓުންގެ ގައިން ކޮވިޑް-19 ގެ އަލާމާތްތައް ފެނުނު ހިސާބުން ފެށިގެން، އެކަމާ ގުޅޭ ގޮތުން ރިސޯޓުން އެޅި ހުރިހާ ފިޔަވަޅެއް ވެސް އަޅާފައި ވަނީ އެޗްޕީއޭގެ އިރުޝާދާ އެއްގޮތަށް ކަމަށެވެ. އެޗްޕީއޭގެ ހުއްދަ ނެތި ރިސޯޓަށް މީހުން ދިއުމާއި ރިސޯޓުން މީހުން ފުރުން މިހާރު ވަނީ ވަގުތީ ގޮތުން މަނާކޮށްފަ އެވެ. އެހެންވެ، އެ ރިސޯޓުގައި ޗުއްޓީ ހޭދަކުރަން ހަމަޖެހިގެން ރާއްޖެ އަށް ދެން އަންނަ މީހުން ފޮނުވާނީ އެހެން ރިސޯޓް ތަކަށް ކަމަށް ވެސް ބަޔާނުގައި ބުންޏެވެ.
އެޗްޕީއޭ އިން މިއަދު ހެނދުނު ކުރި ޓްވީޓެއްގައި ބުނީ ފްރާންސްގެ ދެ ޓޫރިސްޓުންގެ ގައިން، ކޮވިޑް-19 އަށް ޝައްކުރެވޭ އަލާމާތްތައް ފެނުމުން އެމީހުން މޮނިޓާ ކުރުމަށާއި ޓެސްޓް ކުރުމަށް ކަނޑައަޅާފައިވާ މަރުކަޒަށް ގެންދަން މަސައްކަތް ކުރަމުން އަންނަ ކަމަށެވެ. ސަމާ އައިލެންޑަށް އަރައިފޭބުން ވަގުތީ ގޮތުން މަނާކުރީ އެއީ އެ ހާލަތުގައި އަމަލުކުރަން އޮންނަ އުސޫލުކަމަށް ވާތީ ކަމަށް ވެސް އެޗްޕީއޭ އިން ބުންޏެވެ.
ވ. ތިނަދޫގައި ޗުއްޓީ ހޭދަކުރަމުން ދިޔަ ތިން ޓޫރިސްޓަކު އެ ބައްޔަށް ޝައްކު ކުރެވިގެން އިއްޔެ ވަނީ ކަރަންޓީނު ކޮށްފަ އެވެ. އަދި ކުރެއްދޫ ރިސޯޓްގައި ޗުއްޓީ ހޭދަކުރުމަށް ފަހު އެނބުރި އިޓަލީ އަށް ދިޔަ ޓޫރިސްޓަކު އެ ބައްޔަށް ޕޮޒިޓިވް ވެގެން، އެ ރިސޯޓްގައި އެ މީހާ އަށް ފަރުވާ ދިން ޑޮކްޓަރު ވެސް ވަނީ ކަރަންޓީނު ކޮށްފަ އެވެ.
އަދި ތިނަދޫ އާއި ކުރެއްދޫ އަށް އަރައި ފޭބުން ވެސް ވަގުތީ ގޮތުން ވަނީ މަނާކޮށްފަ އެވެ. ސަމާ އައިލެންޑާއި ތިނަދު އާއި ކުރެއްދޫ، ކަރަންޓީނުން ދޫކޮށްލާނީ ޓެސްޓުގެ ނަތީޖާ ލިބުމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގަޓް ބްރޯ
07 March 2020
ސިޔާސީ މީހުން ދައްކާ އެއްވެސް ވާހަކައެއް މަށެއް ގަބޫލެއް ނުކުރަން. ކޮންމެ ބަޔަކު ވެރިކަމުގަތިއްބަސް ކޮންމެ ކުލައެއްގަ ތިއްބަސް ދިވެހިންނަކީ ދިވެހިން.
ނުކިޔަވާ ވާނުވާގައި
07 March 2020
ތައުލީމީ ކަންފުޅެއްވެސް ނެތް ނޫސްވެރިން އެކި އެކި މަޖައްލާ ނަމުގައި ނޫސް ކޮންފަރެންސްތަކަށްވަދެ އުޅޭއިރު ނޭނގޭ ދުނިޔޭގެ ކުރިއަރާފައިވާ ގައުމުތަކުގައި މިނިސްޓަރުންނަކީ ޓެކްނިކަލް ބޭފުޅުން ނޫންކަން، އެއީ ކަންކަން ރެގިއުލޭޓްކުރާ މީހުންކަން. އަދި ހަމަ އެގޮތަށް ހިޔެއް ނުވޭ މިއިން ބޭފުޅަކަށް އެނގިވަޑައިގަންނާހެނެއް ނިންމުމެއް ނިންމަނީ ހަމައެކަނި އޭނާ ބުއްދިއަކަށް ފެންނަ ގޮތަކަށް ނޫންކަން، ޓެކްނިކަލް ބޭފުޅުންގެ އިރުޝާދާ ދިރާސާތަކުގެ އަލީގައިކަން.
ޝާމް
07 March 2020
ހިޔެއްނުވޭ އެއްވެސް މީހަކު ޕޮޒިޓިވް ވާނެހެނެއް. މަސްތުވާތަކެތި އަތުގައި ހުއްޓައި ހައްޔަރުކުރިޔަސް ބުނަނީ މަސްތުވާތަކެއްޗަށް ޝައްކުކުރެވޭ ޕެކެޓްތަކަކާއެކު މީހަކު ހައްޔަރުކުރިވާހަކަ. ދެން ލޮލަށް ނުފެންނަ ވައިރަހެއް މިގައުމުން ފެނިގެން ޔަޤީން ވެއްޖެކަމަށް ބުނާނެތަ؟ މުޅިންވެސް ޝައްކު. ސިގެއްލާ ރާއްޖޭގައި އާއްމުވެ އެތައް ބައެއް މަރުވީވެސް ބަލީގެ މަޢުލޫމާތު ރައްޔިތުންނަށް ސިއްރުކުރުމުން. މިކޮމެންޓް ލިޔެވުނުކަމަށްވެސް ޝައްކު މިހާރު!
ބުއްދީގެ އަހުލުވެރިޔާ
07 March 2020
ކޮމެންޓު ކުރި މީހާގެ ވިސްނުންވެސް ހަމަ ތި ހުރީ ސިގެއްލާ އަންޒަމާނުގައި. އޭރުގައި ކަމެއް ސިއްރު ކުރެވުނަސް މިހާރަކު ސިއްރެއް ނުކުރެވޭނެ. އެ އޮތީ އަލީ ވަހީދު ސިއްރުން ދެއްކި ވާހަކަވެސް މިހާރު އާންމުންނަށް ހާމަވެފައި. ދެން މިވަރު ކަމެއް ކިހިނެއްތޯ ސިިއްރު ކުރާނީ؟ޓެސްޓު ޕޮޒިޓިވް ވެއްޖިއްޔާ ހޮސްޕިޓަލުގައި ތިބި މީހުން ނަތީޖާ ކޮޓަރިން ޓުވިޓާ ނޫނީ އޭނާ އުޅޭ ވައިބާ ގްރޫޕެއް އަޕްޑޭޓް ކުރާނެ. ދެން ހަމަ ޒިންމާއެއް ނެތި އެ ޝެއާ ކުރެވިގެންދާނެ. ބުއްދިކޮބާ؟
ބަސްމާ
07 March 2020
ﷲ އިރާދަފުޅުން ރަނގަޅުވާނެ، ޓެސްޓުތައް ނެގަޓިވްވާނެ
އާބިދާ
07 March 2020
ހާދަ އުފާވެޔޭ އެހާ ކުޑަ ދުވަސްކޮޅެއްގެ ތެރޭގައި މި ރާއްޖޭގައި ޓެސްޓު ކުރެވޭ ގޮތްވެސް ހަދާފައިވާތީ. އެހެންނޫންނަމަ މިއަދު ތި ސާމްޕަލްތައް އިންޑިޔާއަށް ފޮނުވަައިގެން ދިވެހިން ތިބެންޖެހޭނީ އެ އިންތިޒާރުގައި ރަޖާލައިގެން. އެހެންވީމަ މި ބުނަނީ ކޮންމެ އެއްޗެއް އަލީ ވަހީދު ނޫނީ ނަޝީދު ގޮވިޔަސް މި ރާއްޖޭ ހެލްތު މިނިސްޓަރު މިކަމުގައި އަޅާފައިވާ އަވަސް ފިޔަވަޅުތަކަށް ޝުކުރު ހައްގު އޭނާއަށް.
ހަނާވަނީ ހަނާވަނީ
07 March 2020
ވައިޓް އެލާޓު އޮތަސް ހެޔޮ ނުވާނެ ނަޝީދަށް ގޮވާލަން ތި ކެމްޕޭނު މަޑުޖައްސާލަން. އެއްކޮޅުން ހެލްތު މިނިސްޓަރު ހަނާވަނީ މި ކާރިސާއިން ދިވެހިން ސަލާމަތްކޮށްދިނުމަށް މަސައްކަތްކޮށްކޮށް. އަނެއްކޮޅުން ނަޝީދު ހަމަ އެޗްޕީއޭއިން ނެރެފައިވާ ގައިޑްލައިންތަކަށް ގޮންޖަހާ ކެމްޕޭނު ކުރުމާ ނާޗަރަންގީ ކުޅުމުގައި. ހެލްތު މިނިސްޓަރަކީ އެމްޑީޕީ މީހަކަށް ނުވިއޭ ކިޔާފައި އޭނާއަށް ޖެއްސުން ކުރީމަ ހަމަ މި ޖެއްސުން ކުރެވެނީ އަމިއްލަ ސަރުކާރަށް ނޫންތޯ؟
މަގޭޒިންމާ
07 March 2020
އެކު ޖުމްލަ 100 އަށްވުރެ ގިނަ ގައުމަށް ފެތުރު އަދި އަވަށްޓެރި އިންޑިޔާގައި މިހާރު ހަލުވިކަމާއެކު މި ބަލި ފެތުރެމުންދާއިރު ރާއްޖެއަށް މި ބަލި އައިސްފާނެ ކަމަށް ބަލައިގެން ތިބެންވީ. ހުރިހާ ބޭފުޅުން ސާފުތާހިރުކަމަށް ސަމާލުވެ ފަރުދީ ޒިންމާ އިސްކުރޭ. އިއްޔެ ބީބީސީ ހަބަރުގައި ބުނި ގޮތުންވެސް މިކަމަށް ވެކްސިނެއްވެސް އުފެއްދޭނީ އަދި 18 މަސް ދުވަސް ފަހުން. އަދި ބަލީގެ ޒާތުންވެސް ހަމަ އެންމެ މުހިންމީ ފަރުދީ ޒިންމާ.
ބޮރިދިން
07 March 2020
ކިހިނެއް އިންޑިއާގައި ހަލުއިކޮށް ފެތުރޭ ކަމުގެ މައުލޫމާތު ހޯދީ.
ރަބަރު
07 March 2020
ޔާ ﷲ މިނުރައްކާތެރި ވަބާއިން އަޅަމެން ރައްކާތެރި ކުރައްވާދޭވެ.
ޢަފްލާ
07 March 2020
ކޮބާ އަދިވެސް ދޮގު ހެދުން ހުއްޓާލާކައް ނުވޭތަ؟ ޢެޗްޕީއޭ
އެޗްޕީއޭ
07 March 2020
ކޮން ދޮގެއްތަ؟ ޓެސްޓުތައް ރަން ކޮށްފައި އެ ނަތީޖާ ލިބުނުހާ އަވަހަށް މީހުންނާ ހިއްސާކުރާނެ. އަދި މިހާ ތަނަށް ރާއްޖޭ އެއްވެސް މީހަކު ޕޮޒިޓިވްވެފައި ނުވޭ. ހެޔޮނުވާނެ ރައްޔިތުންގެ ހިތްތަކުގެ ބިރުވެރިކަން ނުއުފައްދާ މައިތިރިވެބަލަ
ހޯދާ
07 March 2020
ކޮބާތަ ރަޖާލާސޮރު އެސޮރާ ހަވަާލުކުރޭ