މާލެ: މާޗް 3، 2020- މުޅި ދުނިޔެ އަށް ހަލުވިކަމާ އެކު ފެތުރެމުންދާ ކޮރޯނާވައިރަސް ނުވަތަ ކޮވިޑް-19 އިން ރައްކާތެރިވުމުގެ ގޮތުން ހެލްތު ޕްރޮޓެކްޝަން އެޖެންސީ (އެޗްޕީއޭ) އާއި ނޭޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) ގުޅިގެން މާލޭގެ ބިސްބުރު ސަރަހައްދުގައި ކުރިއަށް ގެންދިޔަ ޑްރިލްގެ ތެރެއިން.---ފޮޓޯ: އަހުމަދު އަވްޝަން/މިހާރު
10 މާޗް 2020 - 11:20
34 comments
ކޮވިޑް-19 އަށް ޕޮޒިޓިވްވި އިޓަލީ މީހާއާ ކޮންޓެކްޓުވި، ޔުނިވާސަލްގެ ޓިކެޓިން އޮފީހުގެ މުވައްޒަފާއި އިޓަލީ މީހާ ޗުއްޓީ ހޭދަކުރި ކުރެއްދޫ ރިސޯޓުުގައި ވަޒީފާ އަދާކުރި ށ. ފޯކައިދޫ މީހާ ވެސް ވައިރަސް އަށް ނެގެޓިވް ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން މިއަދު ބުނެފި އެވެ.
މި ދެ މީހުންގެ އިތުރުން އެހެން ދިވެއްސަކު ވެސް ޓެސްޓުކޮށް އެ މީހާ ވެސް ނެގެޓިވް ވެފައިވާ ކަމަށް އެޗްޕީއޭ އިން ބުންޏެވެ.
ފޯކައިދޫ މީހާގެ ޓެސްޓުތައް ހަދަން، ފަރުކޮޅުފުށީގައި ގާއިމްކޮށްފައިވާ އައިސޮލޭޝަން ފެސިލިޓީ އަށް ގެންދިޔައީ މިދިޔަ އާދިއްތަ ދުވަހު އެވެ.
ކޮވިޑް-19 ރާއްޖެ އިން އެންމެ ފުރަތަމަ ފެނުނީ އިޓަލީ ޓޫރިސްޓަކު ރާއްޖެ އައިސް ޗުއްޓީ ހޭދަކުރި ކުރެއްދޫ ރިސޯޓުންނެވެ. އެ ރިސޯޓުގެ ހަތަރު މުވައްޒަފެއް އެ ބައްޔަށް ޕޮޒިޓިވްވި އެވެ. އެ އިޓަލީ ޓޫރިސްޓު، އެ ރިސޯޓުގައި ހުރުމަށް ފަހު އިޓަލީ އަށް އަނބުރާ ދިއުމަށް ފަހު، އެ ބައްޔަށް ޕޮޒިޓިވް ވުމުން އެކަން އެންގި އެވެ. އެހެންވެ އެ ރަށް މިހާރު އޮތީ އަރައި ފޭބުން މަނާކޮށްފަ އެވެ.
#ކޯވިޑް19 އަށް ޓެސްޓު ކުރުމަށް ސާމްޕަލް ނަގާފައިވާ އިތުރު ތިން މީހެއްގެ ނަތީޖާ "ނެގަޓިވް" ވެއްޖެ.
— HPA Maldives (@HPA_MV) March 10, 2020
މީގެ ތެރޭގައި ފަރުކޮޅުފުށީގައި އައިސޮލޭޓް ކޮށްފައިވާ ޔުނިވަރސަލް ޓިކެޓިންގ އޮފީހުގެ މުވައްޒަފަކާއި ށ. ފޯކައިދޫން ފަރުކޮޅުފުއްޓަށް ގެނެވުނު މީހެއް ހިމެނޭ.
ޗުއްޓީއަށްފަހު އިޓަލީގެ އެ މީހާ އެއާޕޯޓަށް ފުރަން ގޮސް ނުފުރިގެން ދެ ދުވަހު މަޑުކުރީ މާލޭގައި ހުންނަ މާގިރި ހޮޓަލުގަ އެވެ. ޔުނިވާސަލްގެ ޓިކެޓިން އޮފީހުގައި މަސައްކަތްކުރާ މުވައްޒަފާ އިޓަލީ މީހާ ކޮންޓެކްޓްވީ، އޭނާގެ ޓިކެޓު ބަދަލުކުރުމަށް ގޮސް އުޅުމުގެ ތެރޭގަ އެވެ.
ބަލި މީހާ މާލޭގައި ހުރީ މި މަހުގެ 1 އަދި 2 ގަ އެވެ.
އިޓަލީގެ ދަތުރުވެރިޔާ އޭނާ އަށް ބަލި ޖެހިފައިވާކަން އެންގީ އެނބުރި އިޓަލީ އަށް ގޮސް، ބައްޔަށް ޕޮޒިޓްވުމުން އޭނާ އަމިއްލައަށެވެ. އިޓަލީ އަކީ ކޮރޯނާވައިރަސް އެންމެ ބާރަށް މިހާރު ފެތުރެމުން އަންނަ ގައުމަށް ވިޔަސް، އިޓަލީގެ ޓޫރިސްޓަކު ހުން އައިސް ބަލިވެ އުޅުނު ވަގުތު އެކަން ސަރުކާރުގެ ކަމާ ބެހޭ ފަރާތްތަކަށް ރިސޯޓުން އަންގައިފައެއް ނުވެ އެވެ.
ކޮރޯނާވައިރަސް ޖެހިގެން އިޓަލީގައި މަރުވި މީހުންގެ އަދަދު 366 އިން އިއްޔެ ވަނީ 463 އަށް މައްޗަށް ގޮސްފަ އެވެ. މިއީ، އެ ވައިރަސް އެންމެ ފުރަތަމަ ފެތުރެން ފެށި ޗައިނާ އަށް ފަހު މިހާތަނަށް އެންމެ ގިނަ މީހުން މަރުވި ގައުމެވެ. އެކަންތައްތަކާ ގުޅިގެން މުޅި އިޓަލީ ވަނީ ކަރަންޓީންކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ާއުނިމާ
10 March 2020
ޗައިނާގަވެސް ބަލި ކޮންޓްރޯލް ނުވެ އެހިސާބަށް ދިޔައީ އެންމެ ކުރީކޮޅު ދެން ބަލިވެސް ޖެހޭނޭ މީހުންވެސް މަރުވާނޭ ސިޔާސަތުގެ ސަބަބަުން އަޅަން ޖެހުނެ ފިޔަވަޅުތައް ނޭޅުނީކަމަށް މިހާރުވެސް އެމީހުން ޤަބޫލުކުރޭ،ސަރުކާރުން މިކިޔަނީ ހަމަ އެލަވަ! ދެން ބަލިވެސް ޖެހޭނޭ މިހުންވެސް މަރުވާނޭ! މިވިސްނުމުގަ ހުރިއްޔާ މިކޮންޓްރޯލް ކުރާނީ ކިހިނެއް؟ ދެން ޓީވީއަށް އަރާ މިކިޔަނީ ހާސްވާވަރެއްނުވެޔޭ، އަދި ރެޑްއެލާޓަކަށް ނުދެޔޭ، ރައްޔިތުންގެ ސަލާމަތް އެންމެ ފުރަތަމަ!
ގުއި ކަލޯ
10 March 2020
ބާބަޚިއު އޭރިޔާ ތަކާ ޕާކްތަޢްވެސް ބަންދުކުރަންވީ މާލެއަރާ މީހުން މިތަންތަނަށް ވެސް ދޭ
ސަލާހު
10 March 2020
ރިސޯޓުތައް ބަންދުކުރިޔަސް ރާއްޖެއައް ކުރޯނާ އަންނާނެ! ކުރޯރާޔާގުޅިގެން ރާއްޖޭގަ އާޅަފަހުރީ ހަރުދަނާ ފިއަވަޅުކަން އެގޭނޭ އެޙެންގަމުތަގަ އަޅާފަހުރި ފިޔަވަޅުތައް އެގޭމީހަކައް! އަގަނޑުމީ ހުޅަނގު ޔޫރަފު ގައުމެއްގަ ވަޒީފާ އަދާކުރާމީހެއް މިތާނޫޅޭ ކުރޯނާޔާހެދި ދުނިޔެ ގިޔާމަތް ވާތި އުޅޭހެއް އުޅޭބަޔަކު ހިތައް އަރާނެ އައިޓީބީ ފެޔާފަދަ ފެޔާތައް ބަންކުރަނީ ބިރުންނޭ އެކަމަކު ދުނިއޭގެ އެކިކަންކޮޅު އެތަންހާސް މީހުން އަންނަ ފެޔާއެއް ބަންދުކުރުމަކީ ރަގަޅު ގޮތް
ހުތާ
10 March 2020
ٱلْحَمْدُلِلَّٰهِ ރައްޔިތުން ބޭރަށް ނުކުމެ އުޅުން މަދުކުރަންވީއެވެ. ސްކޫލް ޔުނިވާސިޓީތައްވެސް ކިޔެވުން މަޑުޖައްސާލަންވީއެވެ. އޮފީސްތައްވެސް ހުޅުވާފަ ބަހައްޓާ ގަޑި މަދުކުރަންވީއެވެ.
ބުލްބުް
10 March 2020
ދިވެއްސަކަށްނ ނުޖެހެނީސް ބަލި ކޮންޓްރޯލް ކުރަން އުނދަގުލެއް ނުވާނެ. އިޓަލީ ލޮކް ނުކުރެވުނުކަން އެއީ ހަމަ އެކަނި ހެދުނު ގޯހަކީ
ކުޑަ ކަތީބު
10 March 2020
ކީއްވެތަ ބަލިމަޑު ކަމެއްގަ ނުވަތަ ގައުމު ކަންބޮޑުވާ ހާލަތެއްގަ އުޅޭއިރު ގައުމުގެ ރައީސުގެ ޚަބަރެއްނުވެ ކެންޕެން ތެރޭން އެމަނިކުފާނު ބަރާބަރަށް ފެންނަނީ!
އެސްކޮބާރ
10 March 2020
ފޯކައިދޫމީހާ ނެގެޓިވްވިޔަސް މިގަޑީގަ އެބަޖެހޭ ހުރިހާ ރިސޯޓެއް ބަންދުކުރަން
އަލީ އަލީ
10 March 2020
ރިސޯތް ތައް ބަންދުކޮށްގެން ކޮއްކޮ ބަލިވީމަ ޑޮކްޓަރަށް ދައްކަން ފައިސާދޭ އާސަންދަވެސް ބަންދުވީކަން ހަދާން ކުރޭ! ކޮއްކޮ ކާފައަށް މަހަކުދޭ 5000/- ރުފިޔާވެސް ބަންދުވީކަމަށް ބަލާ! ކޮއްކޮ ސްކޫލްފީދައްކަދޭ ބޭބެ ސަކުރާކުގު އާމްދަނީވެސް ބަންދުވީ! ކޮއްކޮމެންގޭ ކާޑުގެ ސަބްސީޑީވެސް ހުއްޓުނީ! ކޮއްކޮގެ ދޮންބެ މެންގެ ވަޒިފަވެސް ގެއްލުނީ!
އެސްކޮބާރ
10 March 2020
އަލީ އަލީ ބައްލަވާ. އާސަންދައަކީ އަމިއްލަ ޕްރައިވެޓް ކްލިނިކްތަކާ އަވައްޓެރި ގައުމުތަކުގެ ހަސްފަތާލުތައް މުއްސަދިކޮށްދޭ ކަރަޕްޝަނުން ފުރިގެންވާ ސްކީމެއް. ކާފައަށް މަހަކު 5000 ދިނަސް މިހާރުވެސް މުސްކުޅިން އުޅެން ޖެހެނީ އެމީހުންނަށް ބޭނުންވާ އަޅާލުން ނުލިބި. ސަރުކާރު މުވައްޒަފުންނަށް ލިބޭ މުސާރައިން ދެކޮޅު ނުޖެހިގެން ބައެއް މީހުން ދެވަޒީފާ ތިން ވަޒީފާ އަދާކުރޭ. އެހެންވީމާ މިކަހަލަ އިންސާނީ ކަރާމަތަށް ގަދަރެއް ނުކުރާ ވަޒީފާއަށްވުރެ ގައުމު މުހިއްމު
ތޫބާ
10 March 2020
އަލްހަމްދުﷲ
ކަލީމް
10 March 2020
ސަރުކާރުން ތިޔަ ކުރައްވާ މަސައްކަތްތަކަށް ކާމިޔާބީ ދެއްވުން އެދި ﷲ އަށް ދުއާކުރަން. އަދި ފްރަންޓްލައިންގައި މި ބަލިމަޑުކަމާއި ހަގުރާމަކުރަން ތިބި ހިތްވަރުގަދަ ފަހުލަވާނުންނަށް އައްސަރިބަހާ ސާބަސް. މި ބުނީ އަލީ ވަހީދު ވާހަކައެއް ނޫން. ހެލްތު މިނިސްޓަރާއި، އެތަނުގެ މުވައްޒަފުންނާއި، މެޑިކަލް ސްޓާފުންނާއި، ކަސްޓަމްސް، އިމިގްރޭޝަން އަދި ޕޮލިހުގެ މުވައްޒަފުން ވާހަކަ. ޝުކުރިއްޔާ ހަމަ ޝުކުރިއްޔާ!
ޔާސިރް
10 March 2020
ރައްޔިތުނަނަށް އޮޅުވާނުލައްވާ. މީގެ 2 ދުވަސްކުރިން ކައިރިން އުޅުނަސް ބަލީގެ އަލާމާތްތައް ފެންނަން ފަށާނީ 2 ހަފްތާތެރޭގަ!
އަލީ އަލީ
10 March 2020
ބޮރޯ! އަލާމާތް ނުފެނުނަށް ބްލަޑް ޓެސްޓުން ބަލިހުރިތޯ ދެނެ ގަނެވޭނެ! ރަނގަޅުމައުލޫމާތު ހޯދާ!
ބުރޮދަރ
10 March 2020
ބުރޯ. އޯކޭތަ؟