ކުރެއްދޫ އައިލެންޑު ރިސޯޓު: އެ ރިސޯޓަށް ޗުއްޓީ އަށް އައި އިޓަލީގެ ޓޫރިސްޓަކު އެނބުރި ގައުމަށް ދިޔަ ފަހުން ކޮވިޑް-19 އަށް ޕޮޒިޓިވް ވި ކަން އޭނާ އަށް އަމިއްލަ އަށް ގުޅާފައި އެންގި.
03 އެޕްރީލް 2020 - 22:37
14 comments
ޅ. ކުރެއްދޫ އައިލެންޑް ރިސޯޓުގައި ޗުއްޓީ ހޭދަކުރި އިޓަލީ ޓޫރިސްޓެއްގެ ކިބައިން ކޮވިޑް-19 އަށް ޝައްކުކުރެވޭ އަލާމާތްތަކެއް ހުއްޓައި ކަމާބެހޭ އިދާރާތަކަށް ނާންގައި، ގައުމަށް ފުރުވާލި މައްސަލައިގެ ތަހުގީގަށް ފުލުހުން އެ ރިސޯޓަށް ހިނގައްޖެ އެވެ.
ރާއްޖޭން އެންމެ ފުރަތަމަ ކޮރޯނާވައިރަސް ފެނުނީ މި ރިސޯޓުންނެވެ.
ފުލުހުން ބުނީ ކުރެއްދޫގައި ފުލުހުންގެ ޓީމެއް ހަރަކާތްތެރިވަމުން އަންނަނީ އެޗްޕީއޭގެ ހުއްދަ ލިބިގެން ކަމަށާއި އެ ރަށަށް ދިޔައީ ނޭޝަނަލް އިމަޖެންސީ އޮޕަރޭޝަން ސެންޓަރުން ކޮވިޑް-19 ގެ ކަންކަމުގައި ކުރަންޖެހޭ ދަތުރުތައް ކުރުމަށް ކަނޑައަޅާފައިވާ ސީޕްލޭންގައި ކަމަށެވެ.
ފުލުހުން އެ ރިސޯޓަށް ގޮސްފައި ވާއިރު ކުރެއްދޫގެ ގާނޫނީ ވަކީލުންގެ ޓީމު ވެސް އެ ރިސޯޓަށް ވަނީ ގޮސްފަ އެވެ.
މިކަމާ ގުޅިގެން ފުލުހުން މީގެ ކުރިން ބުނެފައިވަނީ ޓޫރިސްޓްގެ ކިބައިން ފެންނަން ހުރި އަލާމާތްތަކާ ގުޅިގެން އިތުރު ޓެސްޓްތަކެއް ހަދަން ކުރެއްދޫ ރިސޯޓްގެ ޑޮކްޓަރު ލަފާ ދިނުމުން އޭނާ އެކަމަށް އިންކާރުކުރި ކަމަށެވެ. އެ އަލާމާތްތަކާ ގުޅިގެން ޑޮކްޓަރު އެޗްޕީއޭ އަށް ގުޅި ނަމަވެސް ކޮރޯނާވައިރަހާ ގުޅޭ އެއްވެސް ކަމެއްގައި ޝައްކެއް ވެގެން އުޅޭ ކަން އަންގާފައި ނުވާ ކަމަށް ފުލުހުން ވަނީ ބުނެފަ އެވެ. ފުލުހުން ބުނި ގޮތުގައި ހޮޓްލައިނަށް ގުޅައިގެން ޑޮކްޓަރު ވާހަކަ ދައްކާފައި އޮތީ ކޮވިޑް-19 އަށް ޝައްކުކުރެވޭ އަލާމާތްތައް ހުރި ކަމަށް ރަސްމީ ފަރާތްތަކުން ބަލާ މިންގަނޑާއި ކޮރޯނާވައިރަސް ފެތުރިގެން ރާއްޖޭން ފިޔަވަޅު އަޅާފައިވާ ގައުމުތަކަށް ބަދަލެއް އައިތޯ ބަލާށެވެ.
ޓޫރިސްޓު ފުރައިގެން ދިޔަ މައްސަލައިގައި ކުރެއްދޫގެ ޑޮކްޓަރުގެ ޕާސްޕޯޓް ވެސް ވަނީ ހިފަހައްޓައިފަ އެވެ.
މިކަމާ ގުޅިގެން ކްރިމިނަލް ކޯޓުން ނެރެފައިވާ ކޯޓު އަމުރުގައި ވަނީ ކުރެއްދޫ ރިސޯޓުގައި ހުރި އެ ޓޫރިސްޓުގެ ހަށިގަނޑުން ބައްޔަށް ޝައްކު ކުރެވޭ އަލާމާތްތައް ފެނިފަވާއިރު، އެކަމާ ގުޅިގެން ސަލާމަތީ ފިޔަވަޅުތައް އެޅުމުގެ ފުރުސަތު ނުލިބި އޭނާ ފުރައިގެން ދިޔުމުން މި ބަލި އިތުރަށް ފެތުރިފައިވާ ކަމަށެވެ. އަދި އެކަމުގައި އިހުމާލުވި ކަމުގެ ތުހުމަތު އެ މީހާއަށް ފަރުުދިން ޑޮކްޓަރަށް ކުރެވޭ ކަމަށެވެ.
މާޗު މަހުގެ 23 ވަނަ ދުވަހުން ފެށިގެން އޭޕްރީލް މަހުގެ 22 ވަނަ ދުވަހުގެ ނިޔަލަށް ކުރެއްދޫ ޑޮކްޓަރުގެ ޕާސްޕޯޓް ހިފެހެއްޓުމަށް ކޯޓު އަމުރުގައިވެ އެވެ.
ރިސޯޓުން އެ ޓޫރިސްޓު ފުރައިގެން ދިޔަ ފަހުން، މި ބައްޔަށް އެންމެ ފުރަތަމަ ރާއްޖޭން ޕޮޒިޓިވްވެފައިވަނީ 49 އަހަރުގެ އެ ޑޮކްޓަރެވެ. އަދި އޭގެ ފަހުން އެ ރިސޯޓުން އިތުރު ހަތަރު މީހަކު މި ބައްޔަށް ޕޮޒިޓިވްވެފައި ވެއެވެ. އެ އެންމެން ވެސް މިހާރު ވަނީ ރަނގަޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގިނިކަނދު
04 April 2020
ތިޔަ އުޅެނީ ކުރާނެ ކަމެއްނެތިގެންތަ؟ ކަމެއް ކުރަންޏާ އިޓަލީގެ 02 ގެސްޓުން ޓެސްތް ނަތީޖާ ނުލިބިވަނިކޮށް ފުރުވާލި މީހުންގެ މައްސަލަތައް ބަލާފަ ޖިނާއީ ތަޙުޤިޤުކޮށް މައްސަލަ ޝަރީޢަތަށް ފޮނުވަބަލަ ނިކަން ކަމެއްކުރަން ކެރެންޏާ ނުކެރޭނެ ބައި ކޮލަށް ބޯޅަޖަހާފަވާތީ އެކަން ބަލާކަށް ނުކެރޭނެ ތިޔަ ބުނާ މީހާޥެސް ފުރުވާލީ ކޮން ފަރާތަކުންކަން އެންމެނަށް އެބަ އެނގޭ އެކަމަކު ވަކި ބަޔަކު ބޮލުގަ އަޅުވައި ވަކި ބަޔަކު ކުށްވެރިކުރަން ސަރުކާރުން ހިންގާ ޖަރީމާއެއްތީ
123321
04 April 2020
ފަހުން ލެސަން އެއް ނަގަނށޭ ކިޔާފަ އެޗްޕީއޭ ގެ ޑިރެކްޓާ ގެނެރަލް ފުރުވާލި ދެ ބަލިމީހުންގެ ތަހުގީގުވެސް ކުރަންވީނުންތޯ، އެކަން ވީ ހިސާބެއް ރަތްޔިތުންނައް އަންގާލަ ދިނުން އެދެން
ނީރާ
04 April 2020
ރަސިޔާގެ ފްލައިޓުން އެދެމީހުން ފުރުވާލުމާ ޕްރޮފެސަރު މެތެމެޓިކްސް އާއި ވަރަށްބޮޑު ގުޅުމެއްވޭ.. އެދެމީހުންނަކީ ޕްރޮދެސަރު މެތެމެޓިކްސް އިޓަލީގައި ކިޔަވާ ވިދާޅުވާންހުރިއިރު އެކުގައި އުޅުނު ވަރަށްގާތް ދެރަޙުމަތްތެރިން.
ދެރަ
04 April 2020
މިޑްލް މެނޭޖްމަންޓް ސްޓާފުންނާ، ޑރ ކުއްވެރިވާނެ. ޖުރުމަނާ އާއި އަދަބު ލިބި، ޑީޕޯޓް ވެސް ކުރާނީ އެމީހުން. ޢެކަމަކު ވަޒީފާގެ ބިރުގައި ސީނިއަރ މެނޭޖްމަންޓުން ބުނި ގޮތް ހެދީ. ކަންވާނީ މިހެން، އަދި ބައެއްކަންކަމު ވެފަ ހުރީވެސް މިހެން.
ނާން
04 April 2020
ތިކަމުގައިޒިންމާ އުފުލަންޖެހޭމީހުންގެ ޒިންމާ އެހެންމީހުންގެ ބޮލުގަ އަޅުވާ ސަރުކާރުން ޒިންމާއިން ރެކެން އުޅޭ މަންޒަރު ވަރަށް ބޮޑަން ފެނޭ. އެޗްޕީއޭ އަށް ޑޮކްޓަރުގުޅިގަން އެންމެން ޤަބޫލް ކުރޭ. ޢޯކޭ. ޢެއަރޕޯރޓްގަ 2 ފަހަރު އޭނާ ވެއްޓިގެން ފްލައިޓުން އޭނާ ނުގެންދިޔަކަން އެއަރޕޯރޓް ގަ ތިބޭ ޕޯރޓް ހެލްތަށް އެގޭ އެތަނުން ފަރުވާދީ އޭނާދޫކޮށްލި. ޕޯރޓް ހެލްތު އެއީ ކޮންބަޔެއްތޯ؟ ޢެޗްޕީއޭ އާގުލުމެއް އޮންނަ ބައެއްތޯ އެއީ؟ މިކަމުގަ ވެސް ކުރެއްދޫ ޑރ ޒިންމާވޭތޯ؟
ރަށުދެވި
04 April 2020
މައްސަލަބަލަން ޖިހެނީ ކުރެއްދޫ އެކަނިތޯ ކޮބައިތޯ 14ދުވަސް ހަމަ ނުކޮއް ޔޮޓަކުން ރަސިޔާގެ ފުަލައިޓްގަ ފޮނުވާލި އިޓަލީ ދެމީހުންގެ މައްސަލަ
އަޙްމަދު ޒަކީ
04 April 2020
ކީއްވެގެންހޭ، ހައި ރިސްކް ދެ ޓޫރިސްޓަކު ޓެސްޓްކޮށް ނަތީޖާ ނުލިބެނީސް ފުރިވާލީ؟ އެ މައްސަލަ ނުބެލެންވީ ކީއްވެ! ޒިންމާވާންޖެހޭ ބަޔަކު ޒިންމާކުރުވާ. "މިކަމުން ރަނގަޅު ފިލާވަޅެއް ލިބުނޭ" ބުންޏަސް އެވަރަކުންނެއް ނުވާނެ. ކުރެއްދޫ ޑޮކްޓަރުވެސް "މިކަމުން ރަނގަޅު ފިލާވަޅެއް ލިބުނޭ" ބުނީމަ މައްސަލަ ނިމޭނެތަ؟ ހަމަ ހަމަ ކުރޭ. އިންސާފުކޮށް އެންމެނަށް އެއް ނާޅިއަކުން މިނާ.
ޖަމަލު
04 April 2020
ގަވައިދުތަކަށް އަމަލު ނުކުރާ ރިސޯޓުތައް އަދި ހާއްސަކޮށް މި ހައްސާސް ދަނޑިވަޅުގައި މިފަދަ އަމިއްލަ އެދުމުން ފޯވެ ތިބެ ޖަރީމާ ހިންގާ ރިސޯޓުތަކުގެ ހުއްދަ ބާތިލުކޮށް ސަރުކާރަށް ނަގަން ގޮވާލަން. ސައިކަލު ލައިސަން ހިފެއްޓި ޖޫރިމަނާ ކޮށް ޓޯ ކުރެވޭއިރު މިމީހުންވީމަ ވަކި ގޮތެއް ހެދުމަކީ މިގައުމުގަ ސެކަންޑް ކްލާސް ސިަޓިޒަންސް އުޅޭކަމުގެ ހެއްކެއް
ލިޔާނު
04 April 2020
ނުފުރުވަން އެންގިތަ؟ މައްސަލަ ނިމުނީ
އޮނަރަބްލް އަފީފު ދީދީ
04 April 2020
ރިސޯޓްތަކާއި ރިސޯޓް އޯނަރުންގެމައްޗަށް ދައުލަތުގެ ޤާނޫނު ހިގާތޯ ދިވެހިން ސުވާލު ކުރާތާ އެތައް ޒަމާނެއްވެއްޖެ!! # ދެންވެސް މިފަދަކަންކަން ނުހިގާނީ ޓްއަރިޒަމް މިނިސްޓްރީއާއި ރިސޯޓްގެ ހުއްދަ އިތުރަށް ހޯދުމަކާއި ނުލާ، ފުލުހުނާއި ސިފައިން، ކަސްޓަމްސް، އިމިޤްރޭޝަން، ލޭބަރ ރިލޭޝަން އޮތޯރިޓީ، އެޗްޕީއޭއާއި ފޫޑް އެން ޑްރަޤްސް އޮތޯރިޓީ، އެންވަޔަރުމަންޓް ޕްރޮޓެކްޝަން އޭޖަންސީ ފަދަ ޤާނޫނީ އިދާރާތަކަށް ހުރަހެއްނެތި ތިތަންތަނަށް އެރޭގޮތަށް ޤާނޫނު ހަދައިގެން.
ވިސާމް.
04 April 2020
ކޮބާ އޮޑިޓް އޮފީހާއި ޓެކްސް އޮފީސް ؟ އަދިއޭސީސީ؟ މިމީސްމީހުން ދެކެ ރިސޯޓް އޯނަރުން ވަރަށް ބިރުގަންނާނެ. ރުޅިވެސް އަންނާނެ.