އައިލެންޑް ސަފާރީ 1. އެބޯޓްގައި ތިބި ދެ ޓޫރިސްޓަކު ވަނީ ކޮވިޑް-19 އަށް ޕޮޒިޓިވް ވެފައި. އެމީހުން ކަރަންޓީނުކުރާނީ ލ.އަތޮޅުގައި
15 މާޗް 2020 - 23:55
28 comments
ފުވައްމުލަކުން މާލެއަށް ދަތުރުކުރަމުން އަންނަ "އައިލެންޑް ސަފާރީ1"ގައި ކޮވިޑް-19 އަށް ޕޮޒިޓިވް ވެފައި ތިބި ދެ މީހުން ލ. އަތޮޅަށް ބާލައި، ކަރަންޓީނުކުރާނެ ކަމަށް ނެޝަނަލް އިމަޖެންސީ އޮޕަރޭޝަން ސެންޓަރު (އެންއޯސީ) ން މިރޭ ބުނެފި އެވެ.
އެ ސެންޓަރުން ބޭއްވި ޕްރެސް ކޮންފަރެންސެއްގައި، ތަރުޖަމާނު އަދި ރައީސް އޮފީހުގެ އަންޑަ ސެކްރެޓަރީ މަބްރޫކް އަބްދުލްއަޒީޒް ވިދާޅުވީ، އެ ސަފާރީގައި ތިބީ ޖުމްލަ 32 މީހުން ކަމަށާއި އެއީ 16 ޓޫރިސްޓުންނާއި 16 ފަޅުވެރިން ކަމަށެވެ. އޭނާ ވިދާޅުވީ ކޮވިޑް-19 އަށް ޕޮޒިޓިވް ވި ދެ މީހުން، ލ. އަތޮޅާ ހިސާބުން ވަކިކުރުމަށް ފަހު، ސަފާރީ ދަތުރުކުރާނީ މާލެ އަށް ކަމަށެވެ. އެކަމަކު، އެ ސަފާރީގެ ހުރިހާ އެންމެން ވެސް އައިސޮލޭޓްކޮށް މޮނިޓާ ކުރާނެ ކަމަށް މަބްރޫކް ވިދާޅުވި އެވެ.
އައިލެންޑް ސަފާރީ1 ގައި ތިބި ދެ ޓޫރިސްޓަކަށް ބަލި ޖެހުނުކަން ކަށަވަރުކުރި އިރު، ސަފާރީ އޮތީ ފުވައްމުލަކުގެ ބޭރުގައި ބަނދަރުކޮށްފަ އެވެ. އެ ދެ މީހުންގެ ގައިން ސާމްޕަަލް ނެގީ ވެސް ސަފާރީ އެތަނުގައި އޮއްވަ އެވެ.
ފުވައްމުލަކުގެ މޭޔަރު އަބްދުﷲ ފަލާހް ޝަރީފް "މިހާރު" އަށް މިރޭ ވިދާޅުވީ އައިލެންޑް ސަފާރީ މިދިޔަ ބުދަ- ބުރާސްފަތީގައި އޮތީ ފުވައްމުލަކު ބަނދަރުގައި ކަމަށާއި އެހެން ނަމަވެސް އެއިން އެއްވެސް ޓޫރިސްޓަކު އެ ރަށަށް ނުފައިބާ ކަން މިހާތަނަށް ލިބުނު މައުލޫމާތުން އެނގިވަޑައިގަންނަވާ ކަަމަށެވެ. އެކަމަކު، އެ ސަފާރީގެ ދެ ފަޅުވެރިއަކު އެ ރަށަށް ފޭބި ކަމަށާއި އެެހެންވެ، އެ ދެ މީހުންނާ ގުޅުން ހުރި ކޮންޓެކްޓްތައް ހޯދަން ހެލްތު ޕްރޮޓެކްޝަން އެޖެންސީން މިހާރު ވެސް މަސައްކަތް ކުރަމުން އަންނަ ކަމަށް އޭނާ ވިދާޅުވި އެވެ.
"އެ ސަފާރީ މާޗް، 11، 12 ގައި އޮތީ މި ރަށު ބަނދަރުގައި. ދެން ފުރައިގެން ދިޔައީ އަޅުގަނޑުމެންނަށް އިވޭ ގޮތުގައި އައްޑު އަށް. އެ އަށް ފަހު އިއްޔެ މި ރަށަށް ބަނދަރުކުރި، އެހެން ނަަމަވެސް އިއްޔެ އެ ބޯޓުން އެއްވެސް ބަޔަކު ނުފައިބާ. ހެލްތު އޮފިޝަލުން ބޯޓަށް އަރައި ޓޫރިސްޓުންގެ ގައިން ސާމްޕަލް ނެގީ ހަމަ އެކަނި،" ފަލާހު ވިދާޅުވި އެވެ.
މަބްރޫކް ވިދާޅުވި ގޮތުގައި، އައިލެންޑް ސަފާރީ ލ. އަތޮޅަށް މިހާރު ކުރާ ދަތުރުގައި ގއ. ވިލިނގިލީގައި ބަނދަރުކުރި އެވެ. ނަމަވެސް އެއްވެސް މީހަކު އެ ރަށަށް ނުފައިބާ ކަމަށް އޭނާ ވިދާޅުވި އެވެ. ވިލިނގިލިން އެ ސަފާރީ އަށް ކާބޯތަކެތި އެރުވީ ވެސް ފުލުހުންގެ އެހީގައި ކަމަށް މަބްރޫކް ވިދާޅުވި އެވެ.
އެކަމަކު އައްޑޫގެ މޭޔަރު އަބްދުﷲ ސޯދިގު (ސޯބެ) މިރޭ ކުރެއްވި ޓްވީޓެއްގައި ވިދާޅުވީ އައިލެންޑް ސަފާރީ1 ގެ އެއްވެސް ފަޅުވެރިއަކު އައްޑު އަށް ނުފައިބާ ކަމަށާއި އެ ބޯޓުގެ ދެ ޓޫރިސްޓުން ބައްޔަށް ޕޮޒިޓިވްވިކަން އެނގުނުއިރު ބޯޓް އޮތީ ފުވައްމުލަކު ބަނދަރުގައި ކަމަށެވެ.
"އައްޑޫ ރައްޔިތުންގެ ސަލާމަތާއި ރައްކާތެރިކަމަށް ޓަކައި އަޅަން ޖެހޭ ފިޔަވަޅުތައް ކަމާ ބެހޭ ފަރާތްތަކާ ގުޅިގެން މިދަނީ އަޅަމުން،" ސޯބެ ކުރެއްވި އެހެން ޓްވީޓެއްގައި ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކެރޯން
16 March 2020
ތިސަފާރީގެ ކައްޕީ ޖަލަށް ލާންޖެހޭކަމަށް ދެކެން އެވަރުގެ ބޮޑު ގަމާރުން ފަރުދީޒިއްމާ އަދާނުކުރެވޭ މީހުނަކީ މިދަނޑިވަޅުގަ ހަރުކަށި ފިޔަވަޅު އަޅަންޖެހޭބައެއްކަމަށް ދެކެން، 24ގަޑި އިރު ރާބޮއެގެން ތިބޭ ބަޔަކީ ޒިއްމާކީ ކޯއްޗެއްކަން ނޭގޭނެބައެއްކަން ޔަގީން.
ލާމުއޮންލައިން ޑޮޓްކޮމް
16 March 2020
ލ.އަތޮޅަށް ބާލަންޖެހޭ ސަބަބެއްނުވިސްނޭ! ލ.އަތޮޅުގެ ކޮން ރަށަކަށްކަން ހާމަނުކޮށް އޮޅުވާލުމެއްގެ ތެރޭން ކަންކަން ކުރާއިރު ލ.އަތޮޅުގައި ބަލިމީހުން އައިސޮލޭޓްކުރެވޭނެ ފެސިލިޓީއެއް ގާއިމުކޮށްފައިވާކަމު އެއްވެސް މަޢުލޫމާތެއްލިބިފައިނުވޭ، އެއްވެސް މީޑިއާއަކުންވެސް މިފަދަ ހަބަރެއް ގެނެސްދީފައިނުވާތީ ލ.އަތޮޅުގައި ކޮވިޑް19 ގެ ބަލިމީހުން އައިސޮލޭޓުކުރެވޭނެ ގޮތެއްނެތްކަން ހާމަވޭ، ދިވެއްސަކަށް މިބަލި ނުޖެހޭތީވެސް މީހަމަ އަޖައިބުން އަޖައިބު ވާވަރުކަމެއް
ސަފާރީ
16 March 2020
ސަފާރީން އެއްވެސް މީހަކު ނުފައިބާކަމަށް ބުނާއިރު، ރަށުން އެއްވެސް މީހަކު ސަފާރީއަށް އެރިތޯ ބެލިތޯ؟
ކުށް ހީ
16 March 2020
އައްޑޫ އަތޮޅާއި ފުވައްމުލަކު މީހުނަށް ހީވަނީ މި ސަފާރީ ލާމު އަތޮޅަށް ފޮނުވާލީމާ ނިމުނީ ކަމަށް ތޯއެވެ؟
ާއުނިމާ
16 March 2020
އެކަމު ލ.އަތޮޅު މީހުން ވަރަށް ދެރަވާނެ!
ފުއްލާދުލި
16 March 2020
ދެން ލާމު އަތޮޅު މީހުންނަށް ހީވާނީ އެބަލި ފެތުރޭނޭ މިމީހުން ކަރަންޓީނު ކުރީމަ. ރާއްޖޭގެ ނިސްބަތުން އޭރުވެސް މިހާރުވެސް އެންމެ ހޭލުންތެރިކަން ދަށް އަތޮޅުގަ އަދި ކުށުގެ 'ކެޕިޓަލް' ކަމަށް ބައެއް މީހުން ދެކޭ ހިސާބެއްގައި ތި މީހުން އައިސޮލޭޓުކޮށްފިއްޔާ ސަރުކާރަށް ވަރަށް ޕްރެޝަރު ބޮޑުވާނެ
ާާހުއް
16 March 2020
އަސަރެއް ކުރޭތާ..އަހަރެންނައް ހަމަ އެއް ގޮތަކައް ވެސް ނޭންގެ ލާމު އަތޮޅު ދެކެ ތިހާ ރުޅިއަން ނަ ސަބަބެއް..މި އަތޮޅުގަ މިރާއްޖޭގެ އެންމެ ބޮޑު ރައް އޮތުން އެއީ މި އަތޮޅު މީހުންގެ ކުށެއް ނޫނެއްނު ދޯ..ލާމު އަތޮޅު މީހުން ނޫޅޭނެ އައްޑޫ މީހެން މާލެ ހިފާގެން ގޮސް މުޅި މާލެ އައް ސަވާރު ވެގެން ނެއް
ނަނު
16 March 2020
ޢެހެންވެދޯ ފުއައްމުލަކު މީޙުން ނިކުމެ އެމީހުން ނާރުވަން މުޒަަހަރާ ކުރީ. ގައިމު އަޑެއްނާހަން ލާމު އަތޮޅު މީހުން އެމީހުން ނާރުވަންވެގެން ހޭބޯނާރާ ތެޅޭ ވާހަކައެއް.
ލާމުއޮންލައިން ޑޮޓްކޮމް
16 March 2020
@ފުއްލާދުލި، މަޢުލޫމާތު ރަނގަޅެއްނޫން، ކިޔަވައިގެން ތިބިމީހުން ނިސްބަތުން އެންމެ ގިނައީ ލ.އަތޮޅުގައި އިނގޭތޯ، ޑޮކްޓަރުންނާ ނަރުހުންނާ އިންޖިނޭރުންނާއި ޕައިލެޓުންވެސް، ރާއްޖޭގެ އެންމެބޮޑު ރަށަކީ ލ.ގަން، ގަމުގައި ބޭންކް، އެއާޕޯޓު، ޕޯސްޓްއޮފީސް، ރެސްޓޯރެންޓްތަކާއި ރާއްޖޭބެ ބޮޑެތި ވިޔަފާރިތަކުގެ އައުޓުލެޓްތައް އެބަހުރި، ހޭލުންތެރިކަން ނެއްބަޔަކު އުޅޭތަނަކަށް މިހުރިހާ ތަރައްގީ އަންގޮތެއް ބުނެދީބަލަ
މިވެސް މީހެއް
16 March 2020
ކަރަންޓީނު ކުރުމަކީ ބައްޔަށް އެކްސްޕޯސްވެފައި ތިބި، އެކަމަކު އަދި ބަލިނުވާ މީހުން ވަކިން ބޭތިއްބުން. އައިސޮލޭޓް ކުރުމަކީ ބަލިޖެހިފައި ތިބި މީހުން ޞިއްހަތު ސަލާމަތުންތިބި މީހުންނާ އެކަހެރިކުރުން. މީޑިއާ އަދި ކަމާބެހޭ ފަރާތްތަކުން މަޢުލޫމާތު ދިނުމުގައި ރައްޔިތުން ހޭލުންތެރިވާނޭހެން ބުނެދިނުމަކީ ރަނގަޅުކަމެއް ކަމުގައި ދެކެން.
ނިޔާމަ
16 March 2020
ފޯއްމުލަކު ބަދަރުގައި އޮތް ސަފާރީއަކުން ޕޮސިޓިވް ވީމަ ލާމުގަ އައިސޮލޭޓް ކުރަން ޖެހުނު ސަބަބު އެނގުން ވަރަށް މުހިންމު
ލާމު ރައްޔިތެއް
16 March 2020
ސަބަބަކީ އައްޑޫ އާއި ފޯއްމުލަކު ގެ ނުފޫޒް މިސަރުކާރުގައި ގަދަ ކަން. އަނެއް ސަބަބަކީ ލާމު ރައްޔިތުން ނަކީ މޮޔަ ބައެެއް ކަމަށް މިސަރުކާރަށް ހީވުން..
ކަކާގެ އާދަމް
16 March 2020
އައްޑޫ ކައުންސިލުން މި ބުނީ ރަގަޅު ވާހަކައެއް ނޫނެވެ.މ ސަފާރީއަށް އައި ޓުއަރިސްޓުން އައީ ވެސް ސްރީލަންކާ އެއަރލައިންސުން އައްޑުއަތޮޅު ގަމަށެވެ.އަދި ފުވައްމުލަކުގައި އޮވެފައި މި ސަފާރީގައި ތިބި ދެ މީހަކު ފުރުވާލަންވެސް އަލުން ގަމަށް އައިކަމަށް ވެއެވެ.ދެން މިދައްކަނީ ކޮންވާހަކައެއް ތޯ؟
ފޫލްސް
16 March 2020
ސަފާރީގައި ތިބިމީހުންގައިން ޝައްކުވާ އަލާމާތްތައް ފެންނަންފެށީ އައްޑޫ ފޭދޫ ބަދަރުގައި އޮއްވާކަމަށްމިވަނީ ، ދެން އެމީހުން ފޮނުވީ ފުވައްމުލަކަށް ސާންޕަލް ނަގަން، ޕޮސިޓިވްވީމާ ލާމަށް ކަރަންޓީނަށް، މިއުޅެނީ ބަލި ކޮންޓްރޯލް ކުރަންތަ ނޫނީ ފަތުރަންތަ؟
ޒުރީ
16 March 2020
ހީވަނީ ފަތުރަންހެން