ދަތުރުވެރިންގެ މާރުކޭޓުގެ ގޮޅިއެއް: ބޭރުން ގެންނަ ބައެއް ބާވަތްތައް މިހާރު ވަނީ ލޯކަލް މާރުކޭޓުން ހުސްވެފައި-- ފޮޓޯ: ހުސައިން ވަހީދު/ މިހާރު
29 މާޗް 2020 - 12:57
24 comments
އިންޑިއާ އާއި ލަންކާއިން ރާއްޖެ އަށް އެތެރެކުރާ ތަރުކާރީގެ ބައެއް ބާވަތްތައް މާރުކޭޓުން ހުސްވެއްޖެ އެވެ.
އާއްމުކޮށް އިންޑިއާ އާއި ލަންކާއިން ގެންނަ ތަރުކާރީގެ ތެރޭގައި ހިމެނެނީ ލީކްސް އާއި ކެޕްސިކަމް އާއި ބީންސް އަދި ބެލް ޕެޕާ ހިމެނެ އެވެ. މި ބާވަތްތައް މި ވަގުތު މާރުކޭޓުން ލިބެން ނެތް ނަމަވެސް މާދަމާ އިން ފެށިގެން ލިބޭނެ ކަމަށް ވިޔަފާރިވެރިން ލަފާކުރެ އެވެ.
މާރުކޭޓުގައި ތަރުކާރީ ވިއްކާ ބައެއް މީހުން ބުނި ގޮތުގައި ބޭރުން ގެންނަ ތަރުކާރީގެ ބާވަތްތައް ހުސްވެފައި ވަނީ ކޮވިޑާ ގުޅިގެން ދަތުރުތައް މެދުކަނޑާލުމުންނެވެ. ނަމަވެސް ކާގޯ މަތިންދާ ބޯޓުތައް އަންނަން ފެށުމުން މި ބާވަތްތައް ލިބޭނެ ކަމަށް ވިޔަފާރިވެރިން ބުނެ އެވެ. ލަންކާ އާއި އިންޑިޔާ އިން މިހާރު ވަނީ އެއާޕޯޓްތައް ހުއްޓުމަކަށް ގެނެސްފަ އެވެ. ރާއްޖެ އަށް އާންމުކޮށް ތަރުކާރީގެ މި ބާވަތްތައް ގެންނަނީ އެއާފްރައިޓުންނެވެ.
ބާޒާރުގައި މިހާރު ވަނީ ބައެއް އެހެން ބާވަތްތަކުގެ ކާބޯތަކެތީގެ އަގު ވެސް އުފުލިފަ އެވެ. ނަމަވެސް އާ ޝިޕްމަންޓުތަކާ އެކު އަގުތައް ދަށަށް ދާނެ ކަމަށް ވިޔަފާރިވެރިން ލަފާ ކުރެ އެވެ. އެކަމަކު މިހާރު އޮތް ހާލަތު ދިގުދެމިގެން ހިނގައްޖެ ނަމަ ކުރިއަށް އޮތްތާނގައި ވެސް އަގު އުފުލޭނެ ކަމަށް ވެސް ވިޔަފާރިވެރިން ބުނެ އެވެ.
"މިއަދުން ފެށިގެން ބައެއް އެއްޗެހި އެބަ ލިބޭ. ލިބޭ ވަރަކުން އެ އެއްޗެއްގެ އަގު ދަށްވާނެ. ނަމަވެސް ހާލަތައް ބަލާފައި އަޅުގަނޑަށް ބުނެވޭނީ ކުރިއަށް އޮތް ދެ ހަފްތާއެއްހާ ދުވަސް ތެރޭގައި އަގު އުފުލޭނެ ކަމަށް،" ވިޔަފާރިވެރިއަކު ބުންޏެވެ.
މިދިޔަ ހަފްތާގައި އަގު އުފުލުު ބައެއް ތަކެތީގެ ތެރޭގައި ބިހާއި އަލުވި އަދި ފިޔާ ހިމެނެ އެވެ. ބާޒަރުގައި މިއަދު ވެސް ފިޔާގެ އަގު ހުރީ ކިލޯއެއް 25ރ. އަށެވެ އަދި އަލުވި ކިލޯއެއް 15ރ. އަށް ހުރިއިރު ބިސް ކޭހެއް ލިބެނީ 550ރ. އަށެވެ. ބިހުގެ އަގު ބައެއް ފިހާރަތަކުގައި މިއަދު ވަނީ 330ރ. އަށް ވެއްޓިފަ އެވެ.
ބާޒާރުގައި އަގު ކޮންޓްރޯލް ކުރުމުގެ ގޮތުން އެސްޓީއޯއިން ވިއްކާ އެއްވެސް ބާވަތެއްގެ އަގަކަށް ބަދަލެއް ނުގެނެ އެވެ. ނަމަވެސް އެ ކުންފުނިން ވެސް މިހާރު މި ބާވަތްތައް ވިއްކަމުން އަންނަނީ ލިމިޓު ކޮށްގެންނެވެ. މި ބާވަތްތައް ހުސްނުވެ ލިބެން ހުންނާނެ ކަމަށް އެސްޓީއޯއިން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބުނިހަޖަރު
30 March 2020
11 ރުފިޔާ އަށް ލިބޭ ޑައިޓް ކޯކް ފުޅިއެއްވެސް އެސްޓީއޯ އިން ލިބެނީ 12 ރުފިޔާއަށް . އެކަމަކު އާންމު މީހާ އަށް ފައިދާ އާއެކު 11 ރ އަށް ވިއްކޭއިރު ސަރުކާރު ބިމާއި އެތައް އިނާޔަތެއް ސަރުކާރުން ހިލޭ ލިބޭ އިރުވެސް އެސްޓީއޯ އަށް ވިއްކެނީ 12 ރުފިޔާއަށް .
ދަނޑުމަތިން
29 March 2020
20 ހާސް ރުފިޔާގެ ލޯނެއް ލިބުނަސް 50 ރުފިޔާގެ ތަރުކާރީ މިހާރު ވެސް ބާޒާރަށް ނެރެފާނަމެވެ. އެއްލައްކަ ރުފިޔާގެ ލޯނެއް ލިބިއްޖެ ނަމަ ތިންލައްކަ ރުފިޔާގެ ތަރުކާރީ ނެރެދޭނަމެވެ.އިންޝާﷲ !
ކަކުނިބޯ
29 March 2020
ވަރަށް މޮޅު
އާދަމް ބާއީ
30 March 2020
ތީ ހާދަ ދިމާކުރާން ދަތި ހިސާބެކޭ.
ހާމަ333
29 March 2020
އައްޑޫން ފިޔާއާއި ނޫޑުލްސް ހުސްވެއްޖެ...ކޮބާ ސަރުކާރު? ކިހިނެތްތޯ މިވަނީ?
ނާނު
29 March 2020
ބާޒާރުން ތަކެތި މަދުވިޔަސް ހެޔޮނުވާބެ އަގުބޮޑުކުރާކަށް, އަޅެފަހެ އެތަކެއްޗަކީ ވިޔަފާރި ވެރިންނަށް އާއްމުއަގުގަ ލިބިފަ ހުރިތަކެތި މިފަދަ ވަގުތުގަވެސް ރައްޔިތުން ފެލޭތޯ މިބައިގަނޑު މަސައްކަތް ކުރަނީ ހާދަހާވާ ދެރައޭ
ބޮކުރީ
29 March 2020
އަޖައިބެއް އެގައުމުތަކުގަވެސް ބޭރަށް ނިކުމެ ނޫޅެވޭ ދަނޑުވެރިން އެތިބީގޭގަ މިތަނުން ކިތައްމެ ބޯޓެއް ފޮނުވިއަސް މުދަލެއް ނުލިބޭނެ...
ފިޔާ
29 March 2020
ކެޕްސިކަމް އާއި ބީންސް އަދި ބެލް ޕެޕާ އަކީ ރާއްޖޭގައި ވަރަށް ފަސޭހައިން ހެއްދޭ ތަކެތި. ކުދި ބެލްކަނީގަޔާއި ޓެރަސްގަވެސް. ލަސްނުކޮށް ރާއްޖޭގައި ހެއްދޭ ތަރުކާރީއާއި މޭވަގެ ބާވަޔްތައް ހަދަންވީ. މިކަމަށް ސަރުކާރުން އެއީތެރިވާންވީ
ސޯޝަލް ޑިސްޓަން ސިންގ
29 March 2020
ބެލްކަނީގައި ހައްދަންދާ އަގު ވަކިނކުޑައެއް ނޫން. ބޭހާ ވެއްޔާ އެހެންތަކެތީގެ އަގު އެއްކޮށްލީމަ މިސާލަކަށް މިރުހަކަށް 50ރ ވަރުޖެހޭ. ދެންދުވަސކޮޅަކޫން ސޫފިތައް އުފެދި އެތަކެތި ދުވަންފެށީމާ އަނެއްކާ އެޖެހުނީ އަނެއް ކަންތައް. ހޮބީއަކަށް ކުރަން އޯކޭ.
ޔޫބީއައި
29 March 2020
އަޅުގަނޑުމެން ދިވެހިރައްޔިތުންނަށް ފޯރުކޮށްދޭން އެދެމުންއަންނަ ޔޫބީއައިއަކީ ވަގުތާއި މުނާސިބް ޕޮލިސީއެކެވެ. އޭގައިވަނީ، ރާއްޖޭގައި ހެއްދެންހުރި ތަރުކާރީއާއި މޭވާގެ ބާވަތްތައް ހެއްދުމަށް ސަރުކާރާއި އަމިއްލަ ފަރާތްތަކުން ބާރުއެޅުމަށާއި ދިވެހި ކޮންމެ ރައްޔިތަކަށް 2500ރގެ މާލީ އެހީއެއް ކޮންމެ މަހަކު ދިނުމަށް. މީގެ ސަބަބުން މުޅިގައުމުގެ އިގްތިސާދަށް އިތުރު ކުރިެރުންތަކެއް ލިބިގެންދާނެއެވެ.
އަލިފުތާ
29 March 2020
ރާއްޖެގެ ފަޅު ރަށްތަކުގައި ހެސްކިޔާފައި ތަރުކާރީގެ ބާވަތްތައް އަދިވެސް ހައްދާކަށްނުވޭތަ... ތަންކޮޅެއް އޯގަނައިޒުކޮށް ހީވާގިވެގެން މީހުންބޭނުންކޮސްގެން ކާބޯތަކެތީގެ ބާވަތްތައް ހާއްސަ ރަށްތަކެއްގައި ހައްދަން ވެއްޖެ ނޫންތަ... ދެއަތް އުރާލައިގެން ތިއްބަކަސް އެހެން ގައުމުތަކުން އެއްޗެހި ގެންނަން ދެނެއް ފަސޭހައެއް ނުވާނެ... މުސްތަގުބަލުގައި ކަންވާނެ ގޮތެއް އެއްވެސް ބަޔަކަށް ނޭގޭ އިރު އަމިއްލައަށް ވިވަރަކުން ކާބޯތަކެތި ހައްދަން ފަށަންވިނޫންތަ..
މިނިސްޓަރު
29 March 2020
ތިކަމާބެހޭ މިނިސްޓްރީއެއްވެސް އޮވޭ.
ޒުހާ ވައްހާބު
29 March 2020
އިންޑިއާގެ ގޮޑުން ކުނިބުނި ގެނެސް އަހަރެމެންގެ އުފެންދުން ތަކުގެ އަގު ވައްޓާލާ ވަރުން ތިކަން ކުރެވޭކަށް ނެތެވެ.އަދި މީހުން ދިރި އުޅޭ ރަށްރަށް ފުރި ހުރިހާ ފަޅުރަށެއް ޓޫރިޒަމަށް ނެގުމުގެ ސަބަބުން ދަނޑުވެރިކަން ކުރަން ބިމެއް ނެތެވެ. އަދި ދަނޑުވެރިކަމަށް ފަޅުރަށެއް ދެނީ ވެސް ރިޒޯޓް ހަދަން ފަޅުރަށެއް ދޭ އަގުގައެވެ. އެކަމަކު ދަނޑުވެރިކަން ކުރަން މިޖެހިނީ ފަޤީރުން ނެވެ. ރާއްޖޭގެ ދަނޑުވެރި ކަމަށް ބޭރު މީހުން އިންވެސްޓެއް ނުކުރެއެވެ. ނުވެސް ކުރާނެއެވެ.
ލީކުސް
29 March 2020
އަހަރެމެނަށް ލޯނު ދީގެން ތިބާވަތް ތަށް ރާއްޖޭގަެި އުފެއްދި ނަމަ މިއަދު ހާސްކަން ކުޑަވީހެވެ. އެކަމަކު ދަނޑުވެރި ލަމަކީ މި ރާއްޖޭގައި ކުރެވޭނެ ކަމެއް ނޫން ކަމަށް ހުރިހާ ސަރުކާރަކުން ވެސް ހީކުރެއެވެ.
ސޯޝަލް ޑިސްޓަންސިންގ
29 March 2020
ކުރެވޭނެ ކަމެއް. ނަމަވެސް މައްސަލައަކީ އަގުދަށަށް ނުދިއުން. ތެލަށް ބޮޑު ސަބްސިޑީއެއް ދިނީމަ އަގަށް ބަދަލު އައިސްފިތަ؟ ދަނޑުވެރިކަމަށް ބޭނުންވާ ސާމާނުން ޑިއުޓީ ކަނޑާލީމަ ބަދަލެއް އައިސްފިތަ؟ ބޭރުންގެންނަ މިރުސް ކިލޯ 150 އަށް ލިބޭއިރު ރާއްޖޭގެ އެއްވެސް ރަށަކުން ހައްދާ މިރުހެއް 300ރ އަށްވުރެ ދައްކޮށް ނުލިބޭނެ.
ޕޯޑަ
29 March 2020
އެންމެން ކޭސް ކޭހުން އަދި ބަލްކް ކޮށް ގަތީމަ ހުސްވާނެ ދޯ. މުއްސަނދި މީހުންނަށް އެއްފަހަރާ ޕެނިކް ބަޔިންގް ހެދުނަސް ފަގީރުން ކިހިނެތް ގަންނާނީ އެއްފަހަރާ؟ މި ދަތި ދުވަސްކޮޅު އަމިއްލަ އެދުން ބޮޑުވެ އެހެން މީހުންނަށް ކާއެއްޗެއް ނުލިބުނަސް ހެޔޮ ކަމަށް އެއްޗެހި ގަންނަ މީހުންނަށް ހެޔޮ ވިސްނޭނީ ވެން؟
ނިރު
29 March 2020
ރީދޫ ކުދިންކޮޅު އަތްތަލަބަޑި ޖަހަންތިބި އިންޑިޔާއިން ކާބޯތަކެތި ގެނާވާހަކަ ނޫހުގަ ޖެހީމަ. ފެންނަ މަންޒަރުތަކާ އިވޭއަތްތަލަ ބަޑީގެ އަޑުތަފާތު
ކޮސްކޮސް
29 March 2020
އެއީ ހަނޑު ހަކުރު ފުށުގެވާހަކަ.. ތަރުކާރީއާމޭވާބަލާދަނީ .. ތައިލެންޑް، ދުބާއީ ލަންކާއަށް ޗާޓަރު ފުލައިޓުގަ..
ފިތުނަ
29 March 2020
ނޫހުގަ ޖެހީ ކާޑު ލިބޭނެ ވާހަކަ. މިއީ އަވަހަށް ހަލާކުވާ ތަރުކާރީއާ މޭވާގެ ވާހަކަ. އެއާ ފްރައިޓް ކުރާ ކަހަލަ ތަރުކާރީ އާ މޭވާ ނުލިބޭނެ ބޭރަށް ވައިގެ ދަތުރުފަތުރު ނުކޮށް. މުޅި އެއާޕޯޓް ބަންދުނުކުރެވިގެން އުޅުނުއިރު އެވަރު ނުވިސްނުނު ދޯ؟. ދެން އެހެން ނޫނަސް މިހެން އޮތްވާ ބޭނުން ހުރިހާ އެއްޗެއް ނުލިބޭނެކަން ހަމަ ބުއްދިއެއް ހުރިއްޔާ ވިސްނޭނެ.