ރިސޯޓެއްގައި ޗުއްޓީ ހޭދަކުރި ޓޫރިސްޓަކު ފުރުވާލުމުގައި މުވައްޒަފަކު ހަރަކާތްތެރިވަނީ: ޓޫރިޒަމްގެ ދާއިރާ އަށް ކުރިމަތިވެފައިވާ ހާލަތާ ގުޅިގެން ގިނަ އަދަދެއްގެ މުވައްޒަފުން ތިބީ ވަޒީފާ އިން ވަކިކޮށްފާނެ ކަމުގެ ބިރުގައި. --ފޮޓޯ/މިހާރު
30 މާޗް 2020 - 12:22
22 comments
ދުނިޔޭގައި ފެތުރިފައިވާ ނުރައްކާތެރި ކޮރޯނާވައިރަހާ ހެދި ކުރިމަތިވެފައިވާ އިގްތިސާދީ ހާލަތާ ގުޅުވައި ގިނަ މުވައްޒަފުންތަކެއް ގާނޫނާ ޚިލާފަށް ވަޒީފާ އިން ވަކިކުރަމުންދާތީ ލޭބަ ރިލޭޝަންސް އޮތޯރިޓީ (އެލްއާރުއޭ) ކަންބޮޑުވެއްޖެ އެވެ.
ކޮރޯނާވައިރަސް ފެތުރުނަ ނުދޭން ރާއްޖޭގައި ވެސް ގިނަ ފިޔަވަޅުތަކެއް އަޅައި ޓޫރިސްޓުން އައުން މިވަގުތަށް ހުއްޓުވާފައި ވާތީ، އެންމެ ބޮޑު ލޮޅުމެއް އައިސްފައި ވަނީ ޓޫރިޒަމް ދާއިރާ އަށެވެ. އެ ދާއިރާގެ ބައެއް މުވައްޒަފުންނަށް ވަޒީފާ އިން ވަކިކުރުމުގެ ނޯޓިސްދީފައިވާއިރު، ވަޒީފާ ގެއްލިދާނެ ކަމުގެ ބިރު ވެސް ގިނަ ބަޔަކަށް އެބައޮތެވެ.
މުވައްޒަފުންގެ މި ޝަކުވާތައް ލޭބަ ރިލޭޝަންސް އޮތޯރިޓީން ބަލައި ނެރުނު ބަޔާނެއްގައި ބުނީ މުވައްޒަފުންގެ މުސާރަ އާއި އިނާޔަތްތައް ކުޑަކުރުމާއި މުސާރަ އާއި އިނާޔަތްތައް ނުދޭ ގޮތަށް (ނޯޕޭ ލީވްގައި) ފޮނުވާލުމާއި ވަޒީފާ އިން ވަކިކުރުން ފަދަ ކަންބޮޑުވުންތައް އެބަހުރި ކަމަށެވެ. ކަން ހިނގާ ގޮތް ބެލިއިރު، ބައެއް ފަރާތްތަކުން މުވައްޒަފުން ވަކިކޮށްފައި ވަނީ ވަޒީފާއާ ބެހޭ ގާނޫނާ ޚިލާފަށް ކަން އެތަނުން ބުނެފައިވެ އެވެ.
ރާއްޖެ އަށް ކުރިމަތިވެފައިވާ އިގްތިސާދީ ހާލަތާ ގުޅިގެން ވިޔަފާރިތަކަށް ވަރަށް ބޮޑެތި ގެއްލުންތަކާ ކުރިމަތިލާން ޖެހިފައިވާތީ މުވައްޒަފުންގެ ހައްގުތައް ރައްކާތެރިކުރުމުގެ ގޮތުން ސަރުކާރުން ފިޔަވަޅުތަކެއް އަޅަމުން އަންނަ ކަން އެލްއާރުއޭގެ ބަޔާނުގައި ފާހަގަކޮށްފައިވެ އެވެ. މި އިނާޔަތް ދިނުމުގައި ސަރުކާރުން އިސްކަން ދޭން ނިންމާފައި ވަނީ މުވައްޒަފުންގެ ހައްގުތައް އިސްކުރާ ފަރާތްތަކަށެވެ.
މި ދަނޑިވަޅުގައި، މުވައްޒަފުންގެ ވަޒީފާއާ ގުޅުން ހުރި ކަންކަން ނިންމެވުމުގެ ކުރިން އެ ކަންކަމާ ގުޅޭ ގޮތުން މި އޮތޯރިޓީއާ އެކު މަޝްވަރާ ކުރެއްވުމަށާއި އެއްވެސް މުވައްޒަފަކާ މެދު ވަޒީފާއާ ބެހޭ ގާނޫނާ ޚިލާފަށް އެއްވެސް ފިޔަވަޅެއް ނޭޅުމަށް ދަންނަވަމެވެ. --އެލްއާރުއޭ
މި މަހުގެ 1ގެ ފަހުން އެއްވެސް މުވައްޒަފެއްގެ ވަޒީފާގެ ހާލަތަށް ބަދަލެއް ގެނެސްފައިވާ ނަމަ، އެކަން ވެސް ހިއްސާކޮށްދޭން އެ އޮތޯރިޓީން ވަނީ އެދިފަ އެވެ.
ރިސޯޓްތަކުގެ މުވައްޒަފުންގެ ހައްގުގައި މަސައްކަތްކުރާ ޓީމުން އާއްމުކޮށްފައިވާ ގޮތުގައި، ރިސޯޓްތަކުގައި ވަޒީފާ އަދާކުރާ ގާތްގަނޑަކަށް 11،000 މުވައްޒަފުން ވަނީ މުސާރަ އާއި އިނާޔަތް ނުލިބިދާނެ ކަމުގެ ބިރު ހީވެފަ އެވެ.
ރާއްޖެ އިން ވެސް ކޮވިޑް-19 ޖެހިފައިވާ 17 މީހަކު ފެނި، އިގްތިސޯދަށް ކުރިމަތިވެފައިވާ ދަތިތަކާ ހެދި، 50 އަށް ވުރެ ގިނަ ރިސޯޓު ވަނީ ބަންދުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮވީޑް
01 April 2020
ކަލޭމެންގެ ހައްލަކީ ޖާބިރު...ކެއްތެރިވޭ ޕެކޭޖްތައް އަދި ޕެކިންގަ ހުރީ...ހޭލާ ނަމާދު ކޮށް ދުވާ ކޮށްލައްވާ...
ކާފަބޭ
31 March 2020
ކަލޭމެންނޭ ވިސްނާ،،، ބޮޑު މެޖޯރޮޓީއެއް ދީގެން ވީ ފައިދާ އެއް ބުނެބަލަ..... ރިސޯޓު ބޯއީސް ތަކަށް އެއްޗެއް ވިސްނޭބާ....
ޝޮކްތެރަޕީ
30 March 2020
ޤާނޫނާ އެއްގޮތައްތަ ވެރިކަން ހިންގަނީ.؟
ބޮޑުމީހާ
30 March 2020
ލޭބަރ ރިލޭޝަންސް އޮތޯރިޓީން ކަންބޮޑުވީމަ ނިމުނީތަ! ކޮބާ ގާނޫނީގޮތުން ތި އޮތޯރިޓީއަށް ދީފަ އޮތް ބާރުތައް! މޫނަކަށް ކަދުރާއަކަށް ނުބަލާ ފިޔަވަޅު އަޅާބަލަ. ކަލޭމެން ކަންބޮޑުވެ ނޫސް ބަޔާން ނެރުނަކަސް، މިކަމަާް ހައްލެއް ނުވާނެ. ނިކަން ހިތްވަރާއިއެކު ގާނޫނާއި ޚިލާފަށް އަމަލުކުރާ ފަރާތްތައް ހޯދާ ފިޔަވަޅު އަޅާބަލަ
އަލީ މޫސަންދިން
30 March 2020
މިހާލަކީ ހަމައެކަނި ވަޒީފާ އަދާކުރާމީހާއަށް ދިމާވެގެން އުޅޭ ހާލަތެއްނޫން، މިއީ ހުރިހައި މީހުންނަށް ދިމާވެގެންއުޅޭ ހާލަތެއް،
ނެތް
30 March 2020
މަލްޓި މިލިއަން ޑޮލަރުގެ ތަންތަނުން ލިބުނު ކުރިއެރުމެއް ނެތް! ދިވެހިންގެ ރަށްތަކެކޭ ބުނެވޭނެ ޖާގަ އެއްނެތް!
އެކްޓިވިސްޓް
30 March 2020
ވަޒީފާދޭފަރާތާއި ވަޒީފާ އަދާކުރާފަރާތްތަކުގެ ހައްޤުތައް ހިމާޔަތްކޮށް ރައްކާތެރިކުރުމަކީ 2 މިނިސްޓްރީއަކުން ކުރާކަމެއްގެގޮތުގައި ހަމަޖައްސަންޖެހޭވަޤުތު މިއޮތީ އައިސްފަ، މިދެކަންތަކަކީ އެއް މިނިސްޓަރެއްގެ ބެލުމުގެ ދަށުން ކުރާކަމެއްކަމުގައިވާނަމަ އަބަދުވެސް ގެއްލެމުންދާނީ ވަޒީފާއަދާކުރާ ނިކަމެތިންގެ ހައްޤުތައް، ވަޒީފާދޭފަރާތްތަކުގެ ހައްޤުތައް އަބަދުވެސް ހިމާޔަތްކޮށްދެވޭނީ، މުޥައްޒަފުންގެ ހައްޤުތައް ހިމާޔަތްކޮދޭން ލޭބަރ މިނިސްޓްރީ އެއް އުފައްދަންވީ
އިބިރިހިންބެއްޔާ
30 March 2020
ލޭބާ ރިލޭޝަން އޮތޯރިޓީ އިންވެސް މިއީ ފިލާވަޅެއްކަމަށްދެކި މިފަދަ ހާދިސާ/ ކާރިސާ ގައި ވަޒީފާ ދޭމީހުންނާއި، ވަޒީފާގައި ތިބި މީހުން އަދި ވަޒީފާލިބިގަންނަން ތިބި މީހުންގެވެސް ޙައްޤާއި ކަރާމާތާއި ދިރިއުޅުން ރައްކާތެރިވާނެ ގޮތަކަށް ޤާނޫނު އިސްލާހުކުރަން އުޅުއްވުން އެދެން. މިވަގުތު ކުރަން ރަގަޅު އެއްކަން.
އެކްޓިވިސްޓް
30 March 2020
ލޭބާރ ރިލޭޝަން އޮތޯރިޓީ އަކީ މިސަރުކާރު ހޮވިގެން އުޅުނުއިރު ވަޒީފާއަދާކުރާފަރާތްތަކުގެ ހައްޤުގައި ވަރަށް އުއްމީދީގޮތަކަށް ހަރަކާތްތެރިވާންފެށި އޮތޯރިޓީއެއް، ނަމަވެސް މިހާރު އެވަނީ ޔާމީން ސަރުކާރުގައި އެތަން އޮތްގޮތަށް އަނެއްކާވެސް ދެ ފިޔަ އާއި ފައި ބިންދާލާފައި އެއްވެސް އާރެއްބާރެއް ނެތް ތަނަކަށް ހަދާފައި، ވަޒީފާދޭފަރާތް ހިމާޔަތްކޮށްދޭތަނެއްގެ ދަށުގައި އޮތުމަށްވުރެ ވަޒީފާއަދާކުރާފަރާތްތައް ހިމާޔަތްކޮށްދޭނެ ވުޒާރާއެއްގެ ދަށުގައި ބޭއްވުންކީއްތޯ؟
ޑދިވެހި މީހާ
30 March 2020
އަދި ޕްރޮބޭށަން ގަ ތިބި ސްޓާފުން ފެއިލް ކޮށް ކޮންޓުރެކްޓު ހަމަވާ މުއައްޒަފުން ގެ ކޮންޓްރެކްޓު އާނުކުރަން ވަނީ ނިންމާފަ!
ފަރުދު
30 March 2020
މުވައްޒަފުންނަށް އެކިއެކި ގޮތްގޮތުން ލިބިދެއްވާފައިވާ ޙައްޤުތަކަށް އެއްވެސް ޙުރުމަތެއް ނުބަހައްޓާ މުވައްޒަފުންގެ ކިބައިން އެޙައްޤުތައް ބީކޮށް ތިމާމެންގެ މަސްލަޙަތަށް ކަންކަން ކުރާ ކޮންމެ ބަޔަކާ މެދުވެސް ޤާނޫނީ ފިޔަވަޅު އެޅެން ޖެހޭނެ އަދި އެފަދަ ފަރާތްތަކަށް ކަންކަމުގެ ބާރު ލިބޭގޮތަށް ބޭތިއްބުންވެސް ރަނގަޅެއްނުވާނެ !