އަލާމާތެއް ނުފެނޭ، އެކަމަކު ކޮވިޑް-19 އަށް ޓެސްޓްކުރަން އަޅުގަނޑު ތައްޔާރު: ނަޝީދު

ރައްޔިތުންގެ މަޖިލީހުގެ ރައީސް މުހައްމަދު ނަޝީދު، ބޭރުގައި އޮތް ބައްދަލުވުމެއްގައި ވާހަކަފުޅު ދައްކަވަނީ --ފައިލްް ފޮޓޯ/މިހާރު

މުހައްމަދު ނަސީމް، މިހާރު

01 އެޕްރީލް 2020 - 12:55

69 comments

މި ފަހުން އިނގިރޭސިވިލާތަށް ދަތުރުފުޅެއް ކުރައްވާފައި ވާތީ، ހެލްތު ޕްރޮޓެކްޝަން އެޖެންސީން ކަނޑައެޅި އުސޫލާ އެއްގޮތަށް ކޮވިޑް-19 އަށް ޓެސްޓްކުރަން ވަރަށް ބޮޑަށް ތައްޔާރަށް ހުންނެވި ކަމަށް ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.

ކޮވިޑް-19 ފެތުރުނަ ނުދޭން ކުރާ މަސަައްކަތުގައި ލަފާދޭ ޓެކްނިކަލް އެޑްވައިޒަރީ ގްރޫޕް (ޓެގް ޓީމް) އިން ދިން ލަފަޔާ އެއްގޮތަށް އެޗުޕީއޭ އިން ނިންމާފައި ވަނީ މާޗް 14 އިން 19 އާ ދެމެދު އިނގިރޭސިވިލާތުން ރާއްޖެއަށް އައި އެންމެންވެސް ޓެސްޓް ކުރުމަށެވެ. އެގޮތަށް ނިންމީ އިނގިރޭސި ވިލާތުން ރާއްޖެ އައި ތިން ދިވެއްސަަކު، ކޮރޯނާވައިރަސްއަށް ޕޮޒިޓިވް ވުމުންނެވެ. އެކަމަކު އެ އެންމެން ތިބީ އައި ގޮތަށް، ކަރަންޓީންގަ އެވެ.

އެޗުޕީއޭ އިން ކަނޑައެޅި މުއްދަތު ދިމާވަނީ އިނގިރޭސި ވިލާތަށް ކުރެއްވި ދަތުރުފުޅަކަށް ފަހު ނަޝީދު އެނބުރި ވަޑައިގެންނެވި ދުވަހާ އެވެ.

އާ އުސޫލާ އެއްގޮތަށް ނަޝީދުގެ ޓެސްޓް ކުރާނެތޯ، ނެޝަނަލް އިމަޖެންސީ އޮޕަރޭޝަން ސެންޓަރުގައި ރޭ ބޭއްވި ޕްރެސް ބްރީފިންގައި ނޫސްވެރިއަކު ސުވާލު ކުރުމުން އެ ސެންޓަރުގެ ތަރުޖަމާނު މަބްރޫކް އަބްދުލް އަޒީޒް ވިދާޅުވީ އެ މުއްދަތުގައި ރާއްޖެ އައި އެެންމެން ވެސް ޓެސްޓްކުރާނެ ކަމަށެވެ.

ރައްޔިތުންގެ މަޖިލީހުން އޮންލައިންކޮށް ފަށާފައިވާ ޖަލްސާގެ މިއަދުގެ ސެޝަންގައި ނަޝީދު ވިދާޅުވި ގޮތުގައި އެ މަނިކުފާނު ހުންނެވީ ޓެސްޓްކުރަން ވަރަށް ބޮޑަށް ތައްޔާރަށް ކަމަށެވެ.

އެކަމަކު މާޗް 14-19 އަށް އިނގިރޭސި ވިލާތުން ރާއްޖެ އައި މީހުން ޓެސްޓް ކުރަން ނިންމި ނިންމުން ބިނާކުރީ ސައިންސްޓިފިކްގެ ގޮތުން ކޮން ހަމަޔަކުންތޯ އެ މަނިކުފާނު ސުވާލުކުރެއްވި އެވެ.

"ޕަބްލިކް ހެލްތުން [ހެލްތު ޕްރޮޓެކްޝަން އެޖެންސީން] އެދޭ ނަމަ ޓެސްޓްކުރަން އަޅުގަނޑު މިހިރީ ވަރަށް ބޮޑަށް ތައްޔާރަށް. އަޅުގަނޑު ޓެސްޓްކުރަން ތައްްޔާރަށް ހުރި އިރު ވެސް ޕަބްލިކް ހެލްތުގައި ޑޮކްޓަރުން ކައިރީގައި އަޅުގަނޑު އަހާލަން ބޭނުންވާނެ [މާޗް] 14 ވަނަ ދުވަހުގެ ތާރީހަށް ތިޔަ ބޭފުޅުން ތިޔަ ނިންމެވީ ކޮން ސައިންޓިފިކް ރޭޝަނާލެއްގެ މައްޗަށް ބިނާކޮށްފައިތޯ،" ނަޝީދު ވިދާާޅުވި އެވެ.

ރާއްޖެެ އިން މިހާތަނަށް ކޮވިޑް-19 އަަށް ޕޮޒިޓިވް ވީ 18 މީހެކެވެ. އޭގެ ތެރެއިން އިޓަލީގެ ދެ މީހަކު ވަނީ، ޓެސްޓްގެ ނަތީޖާ ލިބުމުގެ ކުރިން ރާއްޖެއިން އެނބުރި ގޮހެވެ. ބާކީ ތިބި 16 މީހުންގެ ތެރެއިން ތިން ދިވެހިން ފިޔަވައި އެންމެން ވެސް މިހާރު ބަލިން ސަލާމަތްވެފަ އެވެ.

ތިން ދިވެހިންގެ ހާލު ވެސް ރަނގަޅެވެ.

ރައީސް މުހައްމަދު ނަޝީދު ސިއްހަތު އިގިރޭސިވިލާތް ޕަބްލިކް ހެލްތު ހެލްތު ޕްރޮޓެކްޝަން އެޖެންސީ ސިއްހީ ކުއްލި ނުރައްކަލުގެ ހާލަތު

69 ކޮމެންޓް, 90 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަބީބު

01 April 2020

ވަރައްނާތަހުޒީބު މީހެއްނަސީދުމީ މާސްކުވެސް ބާއްވާފަ އެދިޔައީ މޭޒުމަތީ އެޑަސްބިނައްލާފަ އަތްވެސް ނުދޮވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިވެއްސެއް...

01 April 2020

މިވަގުތަކީ އެޗްޕީއޭއިން ނިންމާކަންތަކަށް ބޯލަބަން ޖެހޭ ވަގުތު. އެކަންކަމާ ސުވާލުކޮށް، ސައިންޓިފިކް ރޭޝަނަލަޓީއެއް އެބަތޮތްތޯ ބަލަން މިކާރިސާނިމުމުން އުޅެވިދާނެ. އެހެންވީމާ ނަޝީދު މަނިކުފާނު އަނެއްކާވެސް ރޯނު އެދުރުނުވެ، އަގަމަޑުންލައިގެން އެނިންމުންތަކަށް ބޯލެބުން އެދެން. މިވަގުތު މިކުރިމަތިވެފައިވާ ދަތިތަކަށް އަޅުގަޑުމެން ކެތްކުރާއިރު، ތިބޭފުޅާގެ ގޮތްދޫނުކުރާ އަގަތެޅުންތަކަށް އަޅުގަޑުމެން ކެތްކުރަން މަޖުބޫރު ނުކުރެވުން އެދެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަންނަކަލޭގެފާން

01 April 2020

މީނަ ނުދަންނަ ކަމެއް ނެތެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުހެހު

01 April 2020

މާތް ﷲ އަށް ޓަކާ އަހަރެން ރައީސް ނަޝީދު ދެކެ ވަރަށް ފޫހިވޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެންފަހެ

01 April 2020

އިނގިރޭސިވިލާތުގައި ހުރެފަ ރާއްޖެއަށް ޑިމޮކްރެސީ ގެނައި ގޮތަށް ކޮރޯނާ ވައިރަސް މީނަ ގެނެސްނުދީފިއްޔާ ކިތަންމެހާވެސް ރަގަޅު. ކުރިން ގެނައި އެތީގެ ނަމުގައި ކުރަން ފެށި ކަންކަމުން ގައުމުގަ ހާޖާނު ހެދުނުވަރު ކުޑައެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މީމަގޭ ހިޔާލު

01 April 2020

މިވަބާއަކީ ހަމައެކަނި މިކުޑަކުޑަ ރާއްޖެއަށް ދިމާވި މުސީބާތެއްނަމަ ތިޔަ ވިލާތުގައި ތިބި އެކަކުވެސް މިކޮޅަށް ބޯވެސް ދިއްކޮށްނުލާނެ އެހެންކަމުން މިތަނަކަށް ކޮންމެހެން ވައިރަސް ހިފައިގެން އަހަރެމެންނަށް ޖައްސާކަށް އަންނާނެކަމެއްނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މީމަގޭ ހިޔާލު

01 April 2020

މަޑުމަޑުން މަނިކުފާނާ ހެދި މިގައުމުގެ ރައްޔަތުންނަށް އެބައުނދަގޫވާހެން މިހާރު އެބަފީލްކުރެވޭ އެއްފަރާތްވެލަން ނަސޭހަތްތެރިވަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒައިދު2

01 April 2020

ބަލަ ފެބްރުއަރީންސުރެ އެޗްޕީއޭ އިން އެ ކިޔަނީ ބޭރުން އައިސް މީހުނާ މައްސުނިވެ ނޫޅޭށޭ. މިހިރަ ރައްޔިތުންގެ މަންދޫބުންގެ ރައީސަށް މައް ދިވެހިބަސް ފަހުމު ނުވަނީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަަދީފްްް

01 April 2020

ޓެސްޓް ކުރާނެކަމެއް ނެތް. ގޮނޑި ދުއްވާލާއިރަށް ރަނގަޅުވެދާނެ. މައިބަދަވެސް ރަނގަޅުކުރީ ގޮނޑި ދުއްވައިގެން، އެހެންނު؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފައިނަލް

01 April 2020

މަނުކުފާނު ގައުމުގެ ހުރިހާ ކަމަކަށް އަތް ބާނާ ބަސް ބުނަނީ ޑިމޮކްރަސީ ކޮން ރެޝަނޭލްއެއްގެ މައްޗަށް ބިނާކޮށް ކަން އަޅެ ބުނެދީބަލަ... ޑިމޮކްރަސީގައި އޮންނަނީ ސެޕަރޭޝަން އޮފް ޕަވަރ އެހެންވީމާ މަޖްލީހުގެ ރައީސްގެ ހައިސިއްޔަތުން މަނިކުފާނު ނުޖެހޭ ނުބެހޭ ކަންކަމިގެ ތެރެއަށް ވަދެ އަމިއްލަ ރަޢުޔު ފާޅުކުރަން.