ރާއްޖެ އަންނަން ދިވެހިންތަކެއް ޓްރިވެންޑްރަމް އެއާޕޯޓުގައި މަޑުކޮށްލައިގެން.
14 އެޕްރީލް 2020 - 15:45
3 comments
ބެންގަލޫރާއި ކޮޗިންގައި ތިބި 159 ދިވެއްސަކު މިއަދު މާލެ ގެނެސްފި އެވެ.
އެންސްޕާ އަދި އާސަންދައިގެ އެހީގައި ބޭސްކުރަން ތިބި މީހުން ރާއްޖެ ގެނައީ ގައުމީ އެއާލައިން، މޯލްޑިވިއަންގެ މަތިންދާބޯޓެއްގަ އެވެ.
އެމީހުން ގެނައުމަށް ފަހު، ހަމަޖައްސާފައިވާ އުސޫލުން ގެންދިޔައީ ކަރަންޓީން ފެސިލިޓީތަކަށެވެ.
ނޭޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ) ން ރޭ ބޭއްވި މީޑިއާ ބްރީފިންގައި، އެ ސެންޓަރުގެ ތަރުޖަމާން މުހައްމަދު މަބްރޫކް އަޒީޒް ވިދާޅުވީ އެންސްޕާ އަދި އާސަންދަ މެދުވެރިކޮށް ބޭސްފަރުވާ ކުރަން ގޮސް ތިބި މީހުންނަށް ކުރިއަށް އޮތް ތަނުގައި ވެސް އެހީތެރިކަން ފޯރުކޮށްދޭނެ ކަމަށެވެ. އެ އެހީގެ ގޮތުގައި މިހާތަނަށް 1.5 މިލިއަން ރުފިޔާ ހަރަދުކޮށްފައިވާ ކަމަށާއި ފޮރިން މިނިސްޓްރީން ވެސް ގިނަ ހަރަދުތަކެއް ކޮށްފައިވާ ކަމަށް ވިދާޅުވި އެވެ.
ކޮވިޑް-19 އިން ރައްކާތެރިވުމަށް އަޅާ ފިޔަވަޅެއްގެ ގޮތުން މި ސަރަހައްދުގެ ގިނަ ގައުމުތަކެއް އޮތީ ލޮކްޑައުންގެ ހާލަތުގަ އެވެ. އެހެންވެ މޯލްޑިވިއަން އިން މީގެ ކުރިން ވެސް ވަނީ އިންޑިއާ އާއި ލަންކާ އަދި މެލޭޝިޔާއިން ދިވެހިން ގެނެސްދީފަ އެވެ.
ސަރުކާރުން ވަނީ، ކަރަންޓީން ފެސިލިޓީތަކުން ޖާގަ ލިބޭ މިންވަރަކުން ބޭރު ގައުމުތަކުން މީހުން ގެންނާނެކަމުގެ ޔަގީންކަން ދެއްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
14 April 2020
ބޭސް ފަރުވާއަށް ގޮސް ތިބި ބަޔަކު ނޫނީ ނުގެންނާތި. ރާއްޖެއިން ބޭރަށް ދިރިއުޅުން ބަދަލުކޮށް އުޅޭނީ މިގައުމު ކަމުނުދާތީ!
45ޓަމް
14 April 2020
ސިންގަޕޫރުގަވެސް މާލެ ނުދެވި ގިނަދުވަސްތަކެއްވެފާ ދިވެހިން އެބަތިބިން އިނގޭ މަބޫ.
އަހުމަދުބޭ
14 April 2020
ތިއެންމެންނަށް ނިކަން ރަގަނޅަށް ކަރަންޓީން ފެސިލިޓީ ތަކުގައި އުޅޭނެގޮތް ބުނެދޭތި، އެހެންނޫނީ މިކަން ނިމިގެން ސަރުކާރަށް ޖެހޭނީ ތިޔަހުރިހައި ރިސޯޓް ކޮޓަރިތަށް މަރާމާތު ކުރަން މިދޭތެރޭން ވެސް ބަޔަކު އުޅެފަދިޔަ ކޮޓަރިއެއްގެ ފޮޓޯތަށް ދުށިން