މިދިޔަ ހޮނިހިރު ދުވަހު އިންޑިއާގެ ޓްރިވެންޑްރަމުން ރާއްޖެ އައި ބަޔަކު ކަރަންޓީން ފެސިލިޓީއަކަށް ގެންދިއުމަށްޓަކައި ފުލުހުންގެ ލޯންޗަކަށް އަރުވަނީ.---ފޮޓޯ: ޕޮލިސް
14 އެޕްރީލް 2020 - 22:39
7 comments
އިންޑިއާގެ ކޮޗިން އާއި ބެންގަލޫރުން މިއަދު ރާއްޖެ އައި 159 ދިވެހިންގެ ތެރެއިން ފަސް މީހުންނަކީ ކިޑްނީގެ ބަލީގެ ފަރުވާ ހޯދާ މީހުން ކަމަށާއި އެ މީހުން އައިޖީއެމްއެޗުގެ ވަކި ސަރަހައްދެއްގައި ކަރަންޓީން ކޮށްފައިވާ ކަމަށް ސަރުކާރުން މިރޭ ބުނެފި އެވެ.
ނޭޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ) ން ބޭއްވި މީޑިއާ ބްރީފިންގައި އެ ސެންޓަރުގެ ތަރުޖަމާން މުހައްމަދު މަބްރޫކް އަޒީޒް ވިދާޅުވީ، އޭގެ ތެރެއިން ތިން މީހަކު ކޮންމެ ދުވަހެއްގައި ޑަޔަލިސިސް ހަދަންޖެހޭ ކަމަށެވެ. މި ފަސް މީހުންނާ އެކު ދެ ކުޑަކުދިން ވެސް ހިމެނޭ ކަމަށާއި އެ އިން ކޮންމެ ކުއްޖަކާ އެކު ދެ ބެލެނިވެރިން ވެސް އައިޖީއެމްއެޗުގެ ޚާއްސަ ސަރަހައްދުގައި ބައިތިއްބާފައިވާ ކަމަށް މަބްރޫކް ވިދާޅުވި އެވެ.
"އެހެންވީމާ ޖުމްލަ ނުވަ މީހަކު އެ ތާނގައި އެބަތިބި،" އޭނާ ވިދާޅުވި އެވެ.
ރާއްޖެ އިން ބޭރުން އަންނަ ހުރިހާ ދިވެހިން 14 ދުވަސް ވަންދެން ކަރަންޓީން ފެސިލިޓީތަކުގައި ބައިތިއްބަން ސަރުކާރުން ވަނީ ނިންމައިފަ އެވެ.
ނަމަވެސް އިންޑިއާ އާއި ސްރީ ލަންކާ އިން އަންނަ މީހުންގެ ތެރޭގައި ބޮޑެތި ބަލިތަކަށް ބޭސްކުރާ މީހުން ހިމެނޭއިރު، ކަރަންޓީން ފެސިލިޓީތަކަކީ ފަރުވާ ދިނުމަށް ޚާއްސަ ތަންތަނެއް ނޫނެވެ.
މިއަދު ބެންގަލޫރާއި ކޮޗިން އިން އައި މީހުންނަކީ އާސަންދަ އާއި އެންސްޕާގެ އެހީތެރިކަމުގައި ބޭސްކުރަމުން ދިޔަ މީހުންނެވެ.
އެންއީއޯސީން ރޭ ބޭއްވި މީޑިއަ ބްރީފިންގައި ބުނެފައި ވަނީ ކޮންމެހެން ރާއްޖެ އަންނަންޖެހޭ މީހުން މި ދުވަސްވަރު ނައުމަކީ ވަރަށް ބޮޑު އެދުމެއް ކަމަށެވެ. ޚާއްސަކޮށް ބޮޑެތި ބަލިތަކަށް ފަރުވާ ހޯދާ މީހުން ރާއްޖެ އައުމުގެ ކުރިން ޑޮކްޓަރުންނާ މަޝްވަރާ ކުރުމަށް ވެސް އެދިފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޞައްދާމު
15 April 2020
ތާށިވި މީހުންނެއްނޫން! ކުރިން އަންނަން ބުޭނުން ނުވެފަ ސަރުކާަށް ޕްރެޝަރ ކުރަމުން ގެންދިޔަ މީހުން.
ހެލްތް
15 April 2020
ބަލަގަ ގެކުޔަދީފަ މިގައުމު ކަމުނުދާތީ ދޯ ގޮސްއެތާ އެއްއޮންނަނީ
ހަބީބާ
15 April 2020
ދޮގު މައުލޫމާތު ނުފަތުރާ.. އިންޑިއާއިން އައި މީހުންގެތެރެއިން ގިނައީ ގިނައީ ބައްޔައް ބޭސްކުރަން ގޮސްތިބި މީހުން.
ހެލްތް
15 April 2020
ކޮބާތަ ބޮޑުހަރަދު ކޮއްގެން ތިހަދާ ފެސިލިޓީތަށް. ހަމަ އެހެންކިޔާގެން ދައުލަތް ބަޑު އަޅަނީ.
ޢަމާލް
14 April 2020
ކީއްކުރަންހޭ ރާއްޖެ ދޫކޮށް ހިޖުރަ ކޮށްގެން ތިބޭ ބޭރުގައި އުޅޭ މީހުން މި ދަނޑިވަޅު ރާއްޖެ ގެންނަނީ؟ ތިކަމާ އަހަރުމެން އެބަޖެހޭ މުޒާހަރާ ކުރަން ނިކުންނަން! ތިޔައީ ސަރުކާރުން ހަދާ ވަރަށްބޮޑު ގޯހެއް!
އަ މާލު މާމ މަ
15 April 2020
ދުނިޔެ މިއޮތީ ގުޅިލާ މެހިފަ ތަންތާ ތިބޭ ހުރިހާ ދިވެހިންގެ ބަލަދުވެރި ފަރާތަކީ ދިވެހިސަރުކާރު ﷲ ގަންދީ ހުވާކޮއްގެން އެ މަގާ މާ ހަވާލުވެތިބީ އެކަންވެސް ހި މެނޭގޮތައް އެކަންކޮއްދޭންޖެހޭ ހާލުގަ ޖެހުނަސް ނުޖެހުނަސް ރައްޔިތަކު ކަ މަކައް ބުނެފިނަ މަ އެކަންކޮއްދޭންޖެހޭ ވޯޓު ބޭނުންވީމަކާނޫން ވައުދުވާންޖެހެނީ ބަނޑުގަ ރިއްސާނަ މަ ކައިރި ހޮސްޕިޓަލަކައް ރައްޔިތު މީހާ ގެންގޮސްދޭންވެސް ޖެހޭނެ އެއީ ދައުލަތެއް އޮތު މުގެ ބޭނުން
އަ މާލު މާމަ މަ މަ
15 April 2020
ސީރިޔާގައި ތިބި ދިވެހިން ގެނައުން މަނާ ދޯ އެކަމު.. އެމީހުން ހާލުގަ ޖެހިފަ ތިއްބަސް.....