މަހިބަދޫ ބަނދަރުގައި އަޅާފައި އޮތް އުޅަނދުތަކުގައި މިދިޔަ ބުދަ ދުވަހުގެ ފަތިހު އަނދަނީ.---ފޮޓޯ: އެމްއެންޑީއެފް
17 އެޕްރީލް 2020 - 00:31
83 comments
އދ. މަހިބަދޫގައި ފަޅުގައި އަޅާފައިވާ ލޯންޗްތަކެއްގައި ރޯކޮށްލުމުގެ ޒިންމާ ޓެރަރިސްޓް އައިއެސް ޖަމާއަތުން އުފުލައިފި ކަމަށް، ޓެރަރިޒަމްގެ އަމަލުތައް ދިރާސާކުރާ ސައިޓް އިންޓެލިޖެންސުން ބުނެފި އެވެ.
އިއްޔެ ރޭ ފަތިހު ފަސް ލޯންޗެއް އަންދާލި ހާދިސާ އަކީ ބަޔަކު ގަސްދުގައި ހިންގި އަމަލެއް ކަމަށް ފުލުހުން އިއްޔެ ވަނީ ބުނެފަ އެވެ.
ޓެރަރިޒަމްގެ އަމަލުތައް ހިންގާ އެކި ޖަމާއަތްތަކުގެ މައުލޫމާތު އެއްކޮށް، ހަމަލާތަކާ ގުޅޭ ގޮތުން ޓެރަރިސްޓް ޖަމާއަތްތަކުން ދައްކާ ވާހަކަތައް ހާމަކުރަމުން އަންނަ ސައިޓް އިންޓެލިޖެންސުން ބުނީ ފަސް ލޯންޗް އަންދާލި ހަމަލާ ދިނީ އެކަމަށް ތައްޔާރުކޮށްފައިވާ ޑިވައިސްތަކެއް ބޭނުންކޮށްގެން ކަމަށް، އައިއެސްގެ ނިއުސް ލެޓާއެއްގައި ބުނެފައިވާ ކަމަށެވެ. ނަމަވެސް ތަފްސީލެއް ހާމަކޮށްފައެއް ނުވެ އެވެ.
ނޭޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ) އިން ބޭއްވި މީޑިއާ ބްރީީފިންގައި ޕޮލިސް ކޮމިޝަނަރު މުހައްމަދު ހަމީދު ވެސް ރޭ ވިދާޅުވީ އެއީ ބަޔަކު ގަސްދުގައި ހިންގި އަމަލެއްކަން، މިހާތަނަށް ކުރި ތަހުގީގުން ކަށަވަރުވާ ކަމަށެވެ. އެކަމަކު އިތުރު ތަފްސީލެއް ނުދެއްވަ އެވެ. ނަމަވެސް ހަމީދު ދެއްކެވި ވާހަކަތަކުން ދޭހަވީ، ރޯކޮށްލާފައި ވަނީ ހަރުކަށި ފިކުރާ ދެކޮޅަށް މިދިޔަ އަހަރުގެ ސެޕްޓެމްބަރު މަހުން ފެށިގެން ފުލުހުން ހިންގާ އޮޕަރޭޝަންތަކާއި މަސްތުވާތަކެއްޗާ ދެކޮޅަށް ކުރާ މަސައްކަތްތަކާ ގުޅިގެންނެވެ.
ހަމަލާއާ ބެހޭ ގޮތުން، ސައިޓްއިންޓެލިޖެންސުން ހާމަކުރި ސްކްރީންޝޮޓެއް
މިދިޔަ މާޗް 22 ގައި ލ. ގަމުގައި އޮތް ފުލުހުންގެ ލޯންޗެއްގައި ރޯކޮށްލީ ވެސް ބަޔަކު ގަސްދުގައި ކަމަަށް އޭނާ ވިދާޅުވި އެވެ.
މަހިބަދޫގައި ރޯކޮށްލާފައި ވަނީ ފުލުހުންގެ ލޯންޗަކާއި އދ. އަތޮޅުގެ ކައުންސިލްގެ ލޯންޗާއި ސީ އެމްބިއުލާންސަކާއި އެޗްއެމްއެޗްއައި 1 އާއި އެޗްއެމްއެޗްއައި 2 އަދި ދެ ޑިންގީއެއްގަ އެވެ. މިއީ ބަނދަރުގައި ޖެހިޖެހިގެން އަޅާފައި ހުރި އުޅަނދުތަކެކެވެ.
ހަރުކަށި ފިކުރާ ދެކޮޅު ހަރަކާތްތަކަށް ފަހު ހުޅުމާލޭގައި ޓޫރިސްޓުންތަކަކަށް ވަޅިން ހަމަލާދީ އެކަމުގެ ޒިންމާ ވެސް އައިއެސް އިން އުފުލާ ކަމަށް ބުނެ މީގެ ކުރިން ވީޑިއޯއެއް އާންމުކޮށްފައިވެ އެވެ.
ކޮރޯނާވައިރަހާ ދެކޮޅަށް ބުރަ މަސައްކަތްތަކެއް ކުރަމުން އަންނަ މި ދަނޑިވަޅުގައި، ހަރުކަށި ފިކުރާ ގުޅުވައިގެން ހިންގަފާނެ ނުރައްކާތެރި ކަމަކަށް ތައްޔާރަށް އޮތް ކަމަށް ސިފައިން ވެސް މި ހަފުތާގައި ބުނެފައިވެ އެވެ.
ޓެރަރިޒަމް ދިރާސާކުރާ ފަރާތްތަކުން ކުރިން ހާމަކޮށްފައިވާ ގޮތުގައި ކޮރޯނާވައިރަސްގެ ސަބަބުން ގައުމުތަކަށް ކުރި،މަތިވެފައިވާ ހާސްކަމުގެ ތެރޭގައި، އައިއެސްގެ ހަރަކާތްތައް ހިންގަން ފަަސޭހަވާނެ ކަމަށާއި އެހެންވެ އެ ހަރަކާތްތައް މި ވަގުތު ވެސް ހުއްޓާނުލައި ކުރިއަށް ގެންދަން ޖަމާއަތުގެ މެންބަރުންނަށް ވަނީ އަންގައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލަތީފް
18 April 2020
ހުއްޓާ ނުލާ ކުރިއަށް ގެންދަން އެންގި ކަމަށް ތިޔަ ބުނާ މީހާ ކީއްވެ ހައްޔަރު ނުކުރަނީ... ބޯހަލާކް....
ހަންޑި އާދަނު
18 April 2020
ތިރޯކުރި ބަޔަކު ހޯދާ އުމުރު ދުވަހައް ޖަލައް ބަދަލުކުރޭ
ރީތި މޫސަ
18 April 2020
އައިއެސް ޖަމާއަތުގެ މީހުން ރާއްޖޭގަވެސް އުޅޭތަ؟
ކޮވިޑް
18 April 2020
އެހެން ބުނީ ކާކު?ކިހިނެއް...ހަމަ އައިސިސް އޭ ބުންޔަކަސް އަދި ނުވާނެ ދޯ! ކީއްވެ ހަމަ ރޯ ރޯކޮށްލީ...ކީއްވެ އެރަޝުގަ އެރަޝުގަ އައިސިސް މީހުން ގިނައީތަ...
ބަގުދާދީ
17 April 2020
މިކަމުން ދީނަށް ކޮން ނަސްރެއްބާ ލިބެނީ
ކެޔޮޅުބޭ
17 April 2020
ޖެނެރަލް ޝަމާލް ވިދާޅުވި ސަލާމަތީ ބާރުތަށް އޮތީ ގައުމަށް ދިމާވެދާނެ ނުރައްކަލަކަށް ތައްޔާރަށޭ. އެހެން ވީއިރު އެއްވެސް ލަސްވުމެއް ފަސްޖެހިލުމެއްނެތި ހަމަ މިހާރު މި ޓެރަރިސްޓުންގެ ހާލިތަށް ފުޑުފުޑު ކޮށްލަ ދެއްވާ. ޓެރަރިސްޓުންނާ ޓެރަރިސްޓުންނަށް ވާގިވެރިވާ ބަޔަކަށް މި އިސްލާމީ ދިވެހި ފަސްގަނޑުގެ އިންޗިއެއްގެ ޖާގައެއް ވެސް ނެތް. އަހަރުމެންގެ ލޮބުވެތި ގައުމު އަފްގާނިސްތާން ފަދަ ތަނެއްހެން ހަދާ ހަލާކު ކޮށްލަން ކުޑަވެސް ފުރުސަތެއް ނުދެއްވާތި. ﷲ އަކުބަރު!
އަލީ222
17 April 2020
ޝަމާލު ބުނީ އޭނަ ފުރުސަތެއް ނުދޭނަމޭ. އޭނައެއް ފުރުސަތެއް ނުދޭތާ ދޯ.
ޣޣ
17 April 2020
އެކަން ކުރި ބަޔަކު ހައްޔަރު ކުރޭ.... "ގަމުގައި އޮތް ފުލުހުންގެ ލޯންޗްގައި ރޯކޮށްލީ ސީޕީ ހަމީދު ވިދާޅުވި ގޮތުގައި މަސްތުވާތަކެތި ޓްރެފިކް ކުރުމާ ދެކޮޅަށް ފުލުހުން ހިންގި އޮޕަރޭޝަންތަކާ ހެދި ބަޔަކު ރުޅި އައިސްގެންނެވެ". މަސްތުވާތަކެތި އެއީ ދިވެހި ރާއްޖެ އަށް އޮތް ނުރައްކަލެއް... މަސްތުވާތަކެއްޗާ ދެކޮޅަށް މި ސަރުކާރުން އަބަދުވެސް މަސެއްކަތްކުރޭ... ވީމަ ތި ނުލަފާ އައިސް އިން ޒިންމާ ނެގުޔަސް ވެދާނެ މަސްތުވާތަކެތި ވިއްކާ ޑީލަރުންގެ އަތެއް އޮތްކަމަށް..
ޕޭޓްރިއަޓް
17 April 2020
ގައުމީ ސަލާމަތަށް ޓަކައި އަޅަންޖެހޭ ކޮންމެ ފިޔަވަޅެއް ސަލާމަތީ ބާރުތަކުން ވަރަށް ސާބިތުކަމާ އެކީ އަޅުއްވާނެ ކަން ޔަގީން. އަޅުގަނޑުމެން އެދެނީ ޓެރަރިސްޓުންނާއި އެފިކުރަށް ތަބާވާ 1400 މީހުން ވަގުތުން އުފުރާލާ މުޖުތަމައުން އެކަހެރި ކޮށްލެއްވުން. އެއްވެސް ލުޔެއް ނުދެއްވާތި. މިފެށުނީ މިހަނގުރާމަ ވެސް!
ބަރީޒަތު
17 April 2020
ހުވާ މިބުނީ މި ގަޑީގަ ޢައިސިސް އޭ އަމިއްލަ އަށް މަތިންބައޖން ޖެހިގެން އުޅޭ މިކަހަލަ ގުރޫޕު މީހުން އަހަރެމެން ރުޅި ނޭރުވުމަށް އަންގަން. މިފަހަރު ރައްޔިތުން މިތިބަ ހާލުގައު ތިއްބާ ކަލޭމެންގެ ޓެރެރިޒަމްގެ ބަލާ އަހަރެމެން ދިވެިހްނަށް ޖެހިއްޖެޔާ އަހރެމެން ގެއަށް ވަންނާނީ މި ގައުމުން ކަލޭމެން ބާލުވާފައި.
މުޙުއްމާ
17 April 2020
މިއީ އިސްލާމް ދީން ކުރިއަރުވަން އުޅޭ ބަޔަކޯ. ކޮން ފޮތެއްގަ އޮތީ މީހުންގެ މުދަލަށް ގެއްލުންދޭން. ކީރިތި ޤްރްއާނާއި ރަސޫލާގެ ޙަދީސް ތަކުގައި ވަރަށް ބޮޑަށް މަނާކޮށްފައިވާއިރު މީސްމީހުންގެ މުދހަލަށް ގެއްލުންދޭ ބަޔަކު ވާނީ އިސްލާމް ދީނުގެ އަދުއްވުންނަށް.