ކޮވިޑް-19 ފެތުރުން ކޮންޓްރޯލް ކުރަން ކުރާ މަސައްކަތުގައި ސަރުކާރުގެ ތަރުޖަމާން މުހައްމަދު މަބްރޫކް އަޒީޒް މީޑިއާ ބްރީފިން އެއްްގައި ވާހަކަ ދައްކަވަނީ އޭނާ ވިދާޅުވީ ޑެލިވަރީ ނިޒާމަށް ދިމާވި މައްސަލަ ހައްލުވާނެ ކަމަށް.
21 އެޕްރީލް 2020 - 23:51
13 comments
ކޮވިޑް-19 ފެތުރުން ކޮންޓްރޯލް ކުރަން މާލެ އާއި ހުޅުމާލެ އަދި ވިލިމާލެ ލޮކްޑައުން ކުރި ފަހުން، ކާބޯތަކެއްޗާއި ޒަރޫރީ އެހެން ބާވަތްތައް ޑެލިވަރީ ކުރުން ލަސްވެ، ދަތިތަަކާ ކުރިމަތިވީ ކޯޑިނޭޓް ކުރުމުގައި ދިމާވި މައްސަލައަކުން ކަމަށާއި އެކަން ވަރަށް އަވަހަށް ހައްލުވާނެ ކަމަށް ސަރުކާރުން މިރޭ ބުނެފި އެވެ.
ނެޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ)ގައި މިރޭ ބޭއްވި ޕްރެސް ބްރީފިން އަށް ފަހު ނޫސްވެެރިންނާ ވާހަކަ ދައްކަވަމުންް ސަރުކާރުގެ ތަރުޖަމާނު މުހައްމަދު މަބްރޫކް އަޒީޒް ވިދާޅުވީ ޑެލިވަރީ ނިޒާމު ހަރުދަނާ ކުރުމަށް ޓަކައި އިކޮނޮމިކް މިނިސްޓްރީއާއި އެމްޕީއެލް ގުޅިގެން މާދަމާ މަސައްކަތް ފަށާނެ ކަމަށެވެ.
"ބޮޑަށް މައްސަލަ ކުރިމަތިވީ ވިޔަފާރި ބަނދަރުން މުދާ ނެރުން ލަސްވުމާ، މާލޭ ބަނދަރުގައި ހުރި ބޯޓްތައް ފުރުވައިލުން ލަސްވެގެން، އިކޮނޮމިކް މިނިސްޓްރީއާ އެމްޕީއެލް ގުޅިގެން އެ މައްސަލަ ހައްލުކުރަން އެބަ މަސަައްކަތް އެބަަ ކުރޭ،" އޭނާ ވިދާޅުވި އެވެ.
މާލެއަަށް ކޮވިޑް-19 ފެތުރިއްޖެ ހާލަތެއްގައި ލޮކްޑައުންކޮށްް. މީހުން ގެތަކުގައި ބައިތިއްބައިގެން ކާބޯތަކެއްޗާއި ޒަރޫރީ އެެހެން ބާވަތްތައް ޑެލިވަރީ ކުރާނެ އިންތިޒާމެއް ހަމަައްސާފައިވާ ކަމަށް އެންއީއޯސީން ކުރިން ބުންޏެވެ. އެކަމަކު މާލެ ލޮކްޑައުން ކުރުމުން ޑެލިވަރީ ގާތްގަނޑަކަށް ހުއްޓި، ސިފައިން ވެސް އެ މަސައްކަތަށް ނުކުންނަން ޖެހުނެވެ. އެކަމަށް ހައްލެއް ހޯދަން ފުލުހުން ފަހުން ވަނީ މާލޭގެ އެކި ސަރަހައްދުން އެކި ގަޑިތަކުގައި ޒަރޫރީ ބޭނުންތަކަށް މީހުން ނިކުންނާނެ އުސޫލެއް ކަނޑައަޅައިފަ އެވެ.
އާދީއްތަ ދުވަަހު ބޭއްވި ޕްރެސް ބްރީފިންގައި ޑެޕިއުޓީ ކަމިޝަނާ އޮފް ޕޮލިސް އަބްދުލް މަންނާނު ޔޫސުފް ވިދާޅުވެފައި ވަނީ މާލޭގައި ޑެލިވަރީކޮށްގެން ގޭގެެއަށް ހިދުމަތް ދެވޭނެ ކަމަށް ކުރިން ގަބޫލު ކުރެވުނު ނަމަވެސް އެގޮތަށް ކަންތައް ނުވި ކަމަށެވެ. އޭނާ ވިދާޅުވީ މާލޭގެ ބޮޑެތި ފިހާރަތަކާ ފުލުހުން ވާހަކަ ދެއްކި ކަމަށާއި ބައެއް ފިހާރަތަކުން 4،000 އަށް ވުރެ ގިނަ އޯޑަރު ޑެލިވަރީ ނުކުރެވި ހުރި ކަމަށެވެ.
އޭނާ ވިދާޅުވި ގޮތުގައި ވިޔަފާރި ކުރަން ނުކުމެ އުޅުނު ބައެއް މީހުންނާ ވެސް ފުލުހުން ވާހަކަ ދެއްކިއިރު، ފިހާރަތަކާ ގުޅޭނެ ގޮތެއް ވެސް އެ މީހުންނަކަށް ނެތެވެ.
"އޭގެ ސަބަބުން ގޭގައި އެ ހުރި އެއްޗެއް ހުސްވެގެން މަގުމައްޗަށް ނުކުންނަން، ހަމަ އެބޭފުޅުންގެ އިބާރާތުން ނަމަ ހަމަ އެނޫން ގޮތެއް ނެތިގެން ނުކުންނެވި ވަރަށް ގިނަ ބޭފުޅުންނާ ދިމާވި. އެހެންވީމާ މި ދެންނެވިހެން ގިނަ އަދަދެއްގެ ބަޔަކަށް އެގެެއަށް ބޭނުންވާ ޒަރޫރީ ކާބޯތަކެތި ފޯރުކޮށް ނުދެވި އޮންނަ އޮތުން އޮތުމަށް ހައްލެއް ގެނައުމަށް މި ދެންނެވި މި އައި، އާ ބަދަލުތައް މި ގެނެވެނީ،" މަންނާނު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮއިފުޅު.
22 April 2020
މަބުރޫކުގެ ހާދަ ހިތްގައިމު ހިނިތުންވުމެއް.
ޙިނި
22 April 2020
ތިކަން ކޮއް އުޅުނީ ފިކަޕު ޑުރައިވަރުން ނާ ޑެލިވަރީ ބޯއިސް، އާގޮތަކައް ކުރަން އުޅުނީމަ އުދަގޫވެ އަތައް ގޮވާނީ.
ރައްޔެތު.
22 April 2020
ރަށު ފިހާރަޔަށް މުދާ ފޮނުވަން ބާޒާރުން ލިބޭނެ ގޮތެއްނެތް
Zaarey
22 April 2020
ޑެލިވަރީގެ މައްސަލަ ހައްލުކުރުމަށް ޑުރައިވަރުންނަށް ފުރުސަތު ހުޅުވާލައިފިނަމަ ތީ އެއްވެސް ކަމެއްނޫން.
އިސްލާހު ކޮށްލައްވާ
22 April 2020
މަބްރޫކް ވަރަށް ޚުޝިޔާރެވެ. ވަރަށް ކުޅަދާނަ އެވެ. ގެނެސް ދެއްވާލެއް ވަރަށް ސަޅި އެވެ. ބަލާ ހިތް ވެއެވެ އެކަމަކު ވިދާޅުވުމާއި ދެންނެވުމާއި މި ދެބަސް އޮޅުވާ ލެއްވެ އެވެ. މިސާލަކަށް ރައީސުލް ޖުމްހޫރިއްޔާ ދެންނެވި އެއްޗެއްގެ މާނައަކީ... ތި ދެންނެވީ ކީކޭތޯ އެވެ؟ އަޅުގަޑު މެން ވިދާޅުވެފައި ވާނީ ....މިހެން ނެވެ. މި ފަދަ ބަސްތަކެވެ.
ދޮންމަނިކުބެ
22 April 2020
އޭރުވެސް ހިތަށްއެރި ކަންމަތީ ފިހާރައިގެ ޕްލޭން ކާމިޔާބު ވުމަކީ ދުރުކަމެކޭ. އެއީ ކަންމަތީ ފިހާރަ ވީމައެއްނޫން. ރައްޔިތު މީހާގެ ވިސްނުން ވިސްނާނުލެވުނީމަ. އޭނަ ވިސްނާނެ ފިނިކުރި ކޮޓަރީގައި ތިބެގެން ބޮޑުން ވިސްނާ ވިސްނުމަށް ވުރެން އެތައް ގުނައެއް ފުޅާކޮށް. ތަފާތަކީ އޭނާއަކީ ބާޒާރުގާ ހިނގައި ގެއަށް ބޭނުންވާ ހުރިހާ އެއްޗެއް ގަނެ ގެޔަށް ވައްދާ މީހަކަށްވުން.ރޯދަ ފެށެނީ. ހަނޑުލެއް ފުށެއް ލިބުނީ އެއްނޫން. އަދިވެސް މިބަލަނީ ބަސް ޤަބޫލުކޮށް ނުނިކުމެވޭތޯ.
ދިވެހި ލޭ ހިނގާ ދަރިއެއް
22 April 2020
ލެޓްސް ހޯޕް ފޯ ދި ބެސްޓް. މާތް الله އަޅަމެންނަށް ދެރަގޮތެއް މިންވަރު ނުކުރައްވާށި! މިއީ އެކަކު އަނެކަކަށް އިނގިލި ދިއްކޮށް ބަދުބަސް ބުނަންވީ ދުވަހެއް ނޫން. ކޮންމެ މީހަކު ކޮންމެ އެއްޗެއް ކިޔަސް އެކަލާނގެ އިރާދަ ކުރެއްވި ގޮތަކަށް ކަންތައް ވަމުން ދާނީ! އެހެންވީމާ އެންމެން އަތް ގުޅާލައިގެން މިކަމުން ސަލާމަތް ވުމަށް މަސައްކަތް ކުރަމާތޯ! ސްޓޭ ސޭފް! ސްޓޭ ހޯމް!
ހޯރާގޯރީ2020
22 April 2020
ސަރުކާރު އޯގާތެރި. ނަމަވެސް 14 ދުވަހުގެ ފުރަބަންދު އިތުރު 100 ދުވަހަށް މިދަނީ ކުޑަތަންވަމުން. މިރާއްޖޭގެ ރިސޯޓް ހިންގާ 200 މަހުޖަނުންގެ އެހެތިރިކަން މިފަދަކާރިސާއަކަށް ދޭންލާޒިމް. ރިސޯޓް އޯނަރަކަށް 5 މިލިއަން ޑޮލަރު ދެވެންޖެހޭނެ، ސަބަބަކީ ރިސޯޓް ވިޔަފާރި ކުރަނީ %300 ފައިދާއޮވެގެން. މިމަގުން މިކަންކުރުމުން 1 ބިލިޔަން ރިލީފް ފަންޑެއް ލިބޭނެ. އޭރުން ދައުލަތުން ފެން، ކަރަންޓު، ހަނޑޫ، ހަކުރު، ފުއް އަދި ބޭސްފަރުވާ 2020 ނިޔަލަށް ދިވެހިންނަށް ދެވޭނެ.
އިބްރާ
22 April 2020
ޑެލިވަރީ ނިޒާމް ތަ ނޫނީ ކޮވިޑް ތަ ހައްލުކުރަން ބޭނުން ވެގެން މިއުޅެނީ؟ ތިކަން ހައްލުވާއިރު ކޮވިޑް އަތުވެސް ނުޖެހޭނެ.
އޮނަރަބްލް އަފީފު ދީދީ
22 April 2020
އިންސާނީ ކަރާމާތަށް އަރައިގަންނަ މީހުނާއި ރައްޔަތުންގެ ރައްކަލާއި މަސްލަހަތަށްޓަކައި "ދައުލަތް ތަކުން އާދޭސް ކުރުމުން އެކަން އަޑުނާހާމީހުންގެ މައުލޫމާތު" އާންމު ކުރުމަކީ އެއްވެސް ޙާލެއްގައި މީހެއްގެ ޒާތީ މައުލޫމާތު އާންމުކުރުންކަމަށް ދުނިޔޭގެ ތަހްޒީބު އެއްވެސް މުޖުތަމައުއަކުން ކަޑައަޅާފައިނެތް. # ކުޑަކުޑަ 2 ކުދިންނާއިއެކު މިވަގުތު އާއިލާ ނެރެލީ މާލޭގެ ކޮންގެއަކުންކަން އަހަޜުމެނަށް އިގެންބޭނުންވަނީ "އޮޅިގެންވެސް" އެފަދަ ބައެއްގެ ތަނެއް ކުއްޔަށް ފިހިދާނެތީ.