ވިޔަފާރި / އިބްރާހިމް އަމީރު، ކުރީގެ ފިނޭންސް މިނިސްޓަރު

ސިއްހީ ދާއިރާ އަށް އިތުރު 1.6 ބިލިއަން ހޭދަވާނެ: އަމީރު

މިއަދު ބޭއްވި މީޑިއާ ބްރީފިންގައި ފިނޭންސް މިނިސްޓަރު އަމީރު ވާހަކަ ދައްކަވަނީ.

ފާތިމަތު ޝަނާ މުހައްމަދު، މިހާރު

24 އެޕްރީލް 2020 - 16:06

ކޮވިޑް-19 ގެ ހާލަތުން އަރައިގަތުމަށްޓަކައި ސިއްހީ ދާއިރާ އަށް އިތުރަށް 1.6 ބިލިއަން ރުފިޔާ ހަރަދުވާނެ ކަމަށް ފިނޭންސް މިނިސްޓަރު އިބްރާހިމް އަމީރު ވިދާޅުވެއްޖެ އެވެ.

ރައްޔިތުންގެ މަޖިލީހުން މި އަހަރަށް ފާސްކުރި ބަޖެޓްގައި ސިއްހީ ދާއިރާ އަށް ކަނޑައަޅާފައިވާ ބަޖެޓަކީ 1.7 ބިލިއަން ރުފިޔާ އެވެ.

މިއަދު ދަރުބާރުގޭގައި ބޭއްވި ނޫސްވެރިންގެ ބައްދަލުވުމުގައި އަމީރު ވިދާޅުވީ، ކޮވިޑް-19 އާ ގުޅިގެން ރައްކާތެރިކަމުގެ ފިޔަވަޅުތައް ވަރުގަދަކޮށް، ސިއްހީ ދާއިރާ އަށް ބޮޑު ހޭދައެއް ކުރަން ޖެހިފައިވާ ކަމަށެވެ. އެގޮތުން މާލޭގައި މި ބަލި ފެތުރުމާ އެކު ކުރިން އަންދާޒާ ކުރި ވަރަށް ވުރެ އިތުރަށް ހަރަދުތައް ކުރަން ޖެހިފައިވާ އިރު ހާލަތު ދިގުދެމިގެންދާ ނަމަށް މިއަށް ވުރެ ވެސް ކުރަން ޖެހޭ ހަރަދުތައް އިތުރުން އެކަށީގެންވާ ކަމަށް އޭނާ ވިދާޅުވި އެވެ.

ސިއްހީ ދާއިރާ އަށް މި ވަގުތަށް ހިނގާ ހަރަދުތައް

ފިނޭންސް މިނިސްޓްރީން ހާމަކޮށްފައިވާ ގޮތުގައި ހުޅުމާލޭގައި ގާއިމް ކުރާ 300 އެނދުގެ އައިސީޔޫ ފެސިލިޓީ އަށް 53.5 މިލިއަން ރުފިޔާ ހަރަދުވާނެ އެވެ. އިތުރަށް ކުރާ ހަރަދުތަކުގެ ތެރޭގައި މިހާރު ހިންގާ އިމަޖެންސީ އޮޕަރޭޝަން ސެންޓަރު ހިންގުމަށް 45 މިލިއަން ރުފިޔާ، ރާއްޖެ އަށް އެތެރެވާ ދޮރާށިތަކުގައި ބަލި ދެނެގަތުމުގެ ގޮތުން ގާއިމްކޮށްފައިވާ ނިޒާމަށް ނުވަ ލައްކަ ރުފިޔާ، މީހުން އައިސޮލޭޓް ކުރުމަށާއި ކަރަންޓީނު ކުރުމަށް 595 މިލިއަން ރުފިޔާ، ރާއްޖެއިން ބޭރުގައި ތިބި މީހުންނަށް އެހީވުމަށް 37 މިލިއަން ރުފިޔާ، ރައްކާތެރިވުމަށް ބޭނުންވާ ސާމާނު ހޯދުމަށް 660 މިލިއަން ރުފިޔާ، ރާއްޖެ އަށް ބޭނުންވާ ކާޑުގެ ބާވަތްތަކުގެ ސްޓޮކް ހޯދުމަށް 84 މިލިއަން ރުފިޔާ، އިންސިޑެންޓް 26 ކޮމާންޑް ޕޯސްޓަށް 14.6 މިލިއަން ރުފިޔާ، އަދި ނިކަމެތިންނަށް އެހީވުމަށް ތިން މިލިއަން ރުފިޔާ ހަރަދު ކުރުމަށް ނިންމާފައިވެ އެވެ.

މި ހަރަދުތަކަށް އެކަނި ވެސް 1.4 ބިލިއަން ރުފިޔާ ހޭދަވާނެ ކަމަށް ފިނޭންސް މިނިސްޓަރު ލަފާކުރެ އެވެ.

"ސިއްހީ ގޮތުން އަޅަންޖެެހޭ ފިޔަވަޅުތައް އެޅުމަށާއި ހިދުމަތް ދޭ ތަންތަން ތައްޔާރު ކުރުން، ޓެސްޓް ކުރެވޭ އިންތިޒާމުތައް ހަމަޖެއްސުން، ރައްކާތެރިވުމަށް ބޭނުންވާ ތަކެތި ހޯދުން، ކާރިސާއިން ރައްކާތެރިވުމަށާއި ލުއިކަމެއް ހޯދަ ދިނުމަށް އަޅުގަނޑުމެން އެބަ ހަރަދުތަކެއް ކުރަން ޖެހޭ،" އޭނާ ވިދަޅުވި އެވެ.

މިނިސްޓަރު އަމީރު ވިދާޅުވީ، މިހާތަނަށް ސިއްހީ ބަޖެޓުގެ އިތުރަށް 233 މިލިއަން ރުފިޔާ ދޫކޮށްފައިވާ ކަމަށެވެ. އެހެން ނަމަވެސް، ކޮމިއުނިޓީ ސްޕްރެޑާ އެކު ވަރަށް ބޮޑަށް ހަރަދުތައް އިތުރުވާނެ ކަމަށެވެ.

ސިއްހީ ދާއިރާ އަށް 1.6 ބިލިއަން ހަރަދުވާނެ ކަމަށް ލަފާކޮށްފައިވާ އިރު ބޭރުގެ މާލީ އިދާރާތަކުން 3.3 ބިލިއަން ރުފިޔާ ހޯދުމަށްޓަކައި ސަރުކާރުން އަންނަނީ މަޝްވަރާ ކުރަމުންނެވެ.

ފިނޭންސް މިނިސްޓްރީ އިބްރާހިމް އަމީރު، ކުރީގެ ފިނޭންސް މިނިސްޓަރު ލޮކްޑައުން ސިއްހަތު ސިއްހީ ޚިދުމަތް ބަލިތައް ދިވެހި ސަރުކާރު ހެލްތު މިނިސްޓްރީ ފިނޭންސް މިނިސްޓަރު

19 ކޮމެންޓް, 17 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަންނާޑި

25 April 2020

މީހުން އައިސޮލޭޓް ކުރުމަށާއި ކަރަންޓީނު ކުރުމަށް 595 މިލިއަން ރުފިޔާ ވިލާ ގެ ރޯޔަލް އައިލެންޑް، ވިލާ ގެ ފަން އައިލެންޑް ވިލާ ގެ ހޮލިޑޭ އައިލެންްްޑް މި 595 މިލިއަނުން ބޮޑުބައެއް ވިލާ އަށް މި އީ އިއްތިފާގެއްބާ؟ ނުވަތަ ވަކި މީހަކު ރުއްސަން ކުރާ ކަމެއްބާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚިޔާލު

25 April 2020

ދުނިޔޭގެ ކޮން ގައުމެއްގައިތޯ 34 އަހަރުގެ ޒުވާނަކަށް މިވަރުގެ ކާރިސާއެއް ދިމާވެގެން އުޅޭއިރު ގައުމެއްގެ ފިނޭންސް މިނިސްޓަރުކަން ދީފައި ހުންނަނީ؟ ކެބިނެޓަކުން މިވަރުގެ ޒުވާނަކަށް ޖާގަދީފިނަމަ އެއީ ވަރަށް މޮޅަށް ކިޔަވާފައި ހުރި، ސިޔާސީ ދާއިރާގައި އުޅެ އެތައް ތަޖުރިބާއެއް ލިބިފައިވާ މީހަކަށްވާނީ. މަދުމަދުން ޔޫރަޕްގައިވެސް އެބައުޅޭ އާދަޔާޚިލާފު ޒުވާނުން ސިޔާސީ ދާއިރާގައި. އެކަމަކު ތަޖުރިބާ ނެތް މީހަކަށް މިވަރުގެ މަގާމެއް އެގައުމުތަކުން ނުދޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެކޮނޮ މިސްޓް

25 April 2020

ސަރުކާރު ޚަރަދު ކުޑަކުރު މަކީ އިގްތިސޯދީ ގޮތުން ފޫބައްދަން ދަތި ގެއްލު މެއް ރައްޔިތުންނަށް އަދި މުޅި އިގްތިސޯދަށް ވެސް. ޓެކްސް ނިޒާ މް ވަގުތީ ސަސްޕެންޝަނަކަށް ގޮސް ފައިސާ ޖެހު މަށްފަހު ދައުލަތުގެ އާ މްދަނީ ގައު މުތެރޭ ދައުރުވާންވީ. ޑޮލަރަށް ސްޓްރިކްޓް ކޮންޓްރޯލެއް ގެންނަންވީ ބޭރުން ލޯނު ނެގު މަށްފަހު. ކާބޯތަކެތި އަދި ޒަރޫރީ ތަކެތި ގެނައު މަށް އެކަނި ޑޮލަރު ބޭނުން ކުރަންވީ. ސާކް ގައު މުތަކުގެ ފައިސާ ބޭނުން ކުރެވޭނެ ނިޒާ މަކަށް އެއްބަސްވާންވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮ މިއުނިސްޓް މިކްސްޑް އިގްތިސޯދު

25 April 2020

ދައުލަތުގެ ވިޔަފާރިތަކުގެ ކޮންޓްރޯލް ގައު މުން ބޭރަށް ނުދީ ރައްޔިތުންނާ ދައުލަތުގެ ހިއްސާވާ ވަރުގަދަ ވިޔަފާރިތަކަކަށް ވާންޖެހޭ. ކަރަންޓު/ފެން/ބޭންކް/ޓެލެކޮ މް-އިންޓަރނެޓް/ގޭސް-ފިއުލް/އެސްޓީއޯ ކާބޯތަކެތި ވިޔަފާރި/ މަސް ކުންފުނި/ދަނޑުވެރިކަ މުގެ ކުންފުނި/ޝިޕިންގ ކުންފުނި/އެއަރލައިން/ޕޯޓުތައް؛ ހައްތަހާވެސް ސަލާ މަތުގެ އުނދުޅި ޓެކްސް ނިޒާ މެއް ޕެރެލައިޒްވާ ހިނދު. ސާރިކިއުލޭޝަންގަ ފައިސާ އިތުރުކޮށް އުފެއްދުންތެރިކަން ސަވައިވަލް ލައިނަށް ފޯރަންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަޒާނާ

24 April 2020

މަޖްލިސް އަދި ސިޔާސީ މީހުންގެ މުސާރަ އާއި އިނާޔަތް ތައް އަދިވެސް މާބޮޑެވެ. ހާމަ ކޮށް ބަލާށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެން މަނިކުފާން

24 April 2020

ސަރުކާރުގެ ޚަރަދުކުޑަ ކުރެވިދާނެ ބައެއް ދާއިރާތަށް...ބޭރު ގައުމުތަކުގަ ހުރި އެމްބަސީ، މިޝަންފަދަ ތަންތަން މަދުކޮށް ދެންތިބި ތަންތަނުގެ ޚަރަދުތަށް "ބެއާރ މިނިމަމްއަށް" ކުޑަ ކުރުން، މަޖިލިސްގެ މެމްބަރުން އަތޮޅަކަށް ދެ މެމްބަރުންނަށް ވުރެ ގިނަ ނުވާނެ ގޮތަށް އަދި މާލެއަށް 6މެމްބަރުން، އެހެން ސިޓީތަކަށް 4 މެމްބަރުން ކަމަށް ކަޑަ އެޅުން. ސިފައިންނާއި ފުލުހުން ފިޔަވައި އެހެން އެއްވެސް ސަރުކާރު މުއައްޒިފަކަށް ސަރުކާރު ޚަރަދުގަ ވެހިކަލް ނުދިނުން. އަދިވެސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެޔޮޅުބޭ

24 April 2020

ސަރުކާރުން ޚަރަދު ކުޑަކުރުމަށް އަޅާފަ ހުރި ފިޔަވަޅުތަށް އަލުން މުރާޖާކޮށް މިހާރަށް ވުރެވެސް ބޮޑަށް ޚަރަދު ކުޑަ ކުރަން މަޖުބޫރެ. އޭޕްރީލް އިން ޑިސެމްބަރަށް މަޖިލިސް މެމްބަރުންގެ މުސާރަ 10،000ރ އަށް، މިނިސްޓރަން 20،000ރ އަށް ބަދަލު ކޮށް އަދި ޖުމްލަކޮށްސިޔާސީ މަގާމުތަކަށް މިއަހަރު ދައުލަތުން ދޭނެ އެންމެ ބޮޑު މުސާރައަކީ 20،000ރ ކަމަށް ހަމަ ޖައްސަން ކޮންމެހެން އެބަޖެހޭ.. ސަރުކާރު ކުންފުނިތަށް ވެސް މިއުސޫލަށް ތަބާވާން ޖެހޭ. މެމްބަރުންނަށް ވިޔަފާރި ކުރެވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮޅުއަށި ވާހަކަ

25 April 2020

މަޖިލިސް މެމްބަރުންގެ މުސާރަ މަހަކު ދިހަ ހާސް އަށް ކުޑަ ކުރަން ވަރަށް ތާއިދު. މަޖިލިސްގަ ތިބީ ބޮޑެތި ވިޔަފާރި ކުރާ މަހުޖަނުން. އަދި އެހެން އާއްމުދަނީ ހޯދަން މިމީހުންނަށް އެއްވެސް ހުރަހެއް ނޯވޭ. ވަޒީރުން އެހެން ވިޔަފާރި ކުރުން މަނާ. ކޮރޯނާ އަށް ފަހުވެސް މަޖިލިސް މެމްބަރުންގެ މުސާރަ ބޮޑު ކުރަން ވަރަށް ދެކޮޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައިޑްރޮކްލޮރޮޓްރަމްޕްކީން

24 April 2020

މިއަދު ފިނޭންސް މިނިސްޓަރ ދެއްކެވި ވާހަކައިން އެނގިއްޖެ ރާއްޖެ ބަނޑަށް ނުޖެހިއޮތީ ހަމަކިރިޔާކަން. ޚަރަދުތައް ބަޑުތަނުންކުޑަކުރަންވީ. ފަރުދުންގެ ގޮތުގައިވެސް މިކަންކުރަންވީ. ސަރުކާރުން ހަރުދަނާ ސިޔާސަތުތަކެއް ރާވަންވީ. އާސަންދަ ބޭނުންކޮށްގެން އަމިއްލަ ބައެއް ކްލިނިކްތަކާ ފާޜމަސީތައް އަދި އިންޑިއާފަދަ ގައުމުތަކުގެ ހޮސްޕިޓަލުތަކުން އެދަމައިގަންނަ ލާރިގަނޑުއެގޮތަށް ދިޔަނުދޭންވީ. ބިދޭސީންގެ މައްސަލަ ހައްލުކރަންވީ. ޑޮލަރ ރާއްޖޭގައިހިފެހެއްޓެންވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަހީމްއަލީ

24 April 2020

އެމްޑީޕީ ސަޕޯޓަރަކަށް ވީތީ ލަދުން ބޯ ހަލާކު. މިދިޔަ ހަފްތާގަ އަހަރެންގެ ބޭންކުން ހަމަ އެދޭ އިރަށް އޯޑީ އިތުރު ކޮށްދިން. އެކަމަކު އެމްޑީޕީގެ މެޖޯރިޓީ އޮތް މަޖިލިސް އިން އެެއުޅެނީ ސިއްހީ ޙިދުމަތް މެދުނުކެޑި ފޯރުކޮށް ދިނުމަށް ބޭނުންވާ ފައިސާ ނަގަން ސަރުކާރުގެ އެކައުންޓު އޯވަޑްރާފްޓް އިތުރު ކޮށް ނުދީގެން! މިމަޖިލިސް އުވާލަންވީ ނުން!