އެޗްޕީއޭގެ އެޕިޑެމިއޮލޮޖިސްޓް ޑރ. އިބްރާހީމް އއަފްޒަލް ޕްރެސް ބްރީފިން އެއްގައި ވާހަކަ ދައްކަވަނީ. އޭނާ ވިދާޅުވީ ބިދޭސީ މީހާގެ އިތުރު ކޮންޓެކްޓްސް ހޯދަން އަދިވެސް މަސައްްކަތްކުރަމުން އަންނަ ކަމަށް.. ފައިލް ފޮޓޯ
06 މެއި 2020 - 00:02
12 comments
ކޮވިޑް-19ގެ ރާއްޖޭގެ ދެ ވަނަ މަރުގެ ގޮތުގައި ބަލާ ބަންގްލަދޭޝްގެ އުމުރުން 33 އަހަރުގެ މީހާއާ ކޮންޓެކްޓްވެފައިވާ 66 މީހަކު މިހާތަނަށް ދެނެގަނެވިފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން މިރޭ ބުނެފި އެވެ.
ނެޝަނަލް އިމަޖެންސީ އޮޕަރޭޝަން ސެންޓަރުގައި ބޭއްވި ޕްރެސް ބްރީފިންގައި އެޗްޕީއޭގެ އެޕިޑެމިއޮލޮޖިސްޓް ޑރ. އިބްރާހީމް އަފްޒަލް ވިދާޅުވީ މިއަދު މަރުވި މީހާގެ ކޮންޓެކްޓްސް ހޯދަން އަދިވެސް މަސައްކަތް ކުރަމުން އަންނަ ކަމަށެވެ. އެހެންވެ އޭނާއާ ކޮންޓެކްޓް ވެފައިވާ އިތުރު މީހުންތަކެއް އަދި ފެނުން އެކަށީގެންވާ ކަމަށް އަަފްޒަލް ވިދާޅުވި އެވެ.
"އޭނާ އަކީ ކަޅުތުއްކަލާ ކޮށީގައި މަސައްކަތްކުރާ މީހެކޭ އަދި އޭނާގެ ކޮންޓެކްޓް ޓްރޭސިން އިން މިހާތަނަށް 66 މީހަކު އަޑެންޓިފައި ވެފައިވޭ. އެހެން ނަމަވެސް އޭނާގެ ކޮންޓެކްޓް ޓްރޭސިން އަދި ދަނީ ކުރިއަށް،" އަފްޒަލް ވިދާޅުވި އެވެ.
މަރުވި މީހާގެ އުމުރަކީ ޑރ. އަފްޒަލް މިރޭ ވިދާޅުވި ގޮތުގައި 33 އަހަރެވެ.
އެނގިފައިވާ ގޮތުގައި އޭނާ އަކީ ކަޅުތުއްކަލާ ކޮށީގައި ތިބޭ ސިފައިންނަށް ކެއްކުމަށް އެ ތަނުގެ ބަދިގޭގައި މަސައްކަތް ކުރާ މީހެކެވެ. ސިފައިންނަށް ކެއުންބުއިމުގެ ކަންކަންކަން ކޭކޭގައި ހަމަޖައްސަނީ ސިފައިންގޭގައި ހަދާފައި އޮންނަ ކުންފުނި ސިފްކޯ އިން ކަމަށް އެނގިފައިވެ އެވެ.
މަރުވި މީހާ އައިޖީއެމްއެޗަށް ގެންދިޔައީ ފިޓް ޖެހިގެން ސެނެހިޔާ ހޮސްޕިޓަލަށް ގެންދިއުމަށް ފަހު އެވެ.
މިއަދު މެންދުރު ފަހު ބޭއްވި ޕްރެސް ބްރީފިންއެއްގައި އައިޖީއެމްގެ އިންޓާނަލް މެޑިސިން ސްޕެޝަލިސްޓް ޑރ. މުހައްމަދު ފައިޝަމް ވިދާޅުވީ ބިދޭސީ މީހާގެ ސިކުނޑި އަށް ވަރަށް ބޮޑަށް ލޭ އަރާފައިވާކަން އެ ހޮސްޕިޓަލުން ހެދި ސީޓީ ސްްކޭނުން ދައްކާ ކަމަށެވެ.
ހަމަ އެ ޕްރެސް ބްރީފިންގައި އައިޖީއެމްއެޗުގެ ޑރ. މޫސާ ހުސައިން ވެސް ވިދާޅުވީ ބިދޭސީ މީހާ މަރުވީ ކޮވިޑް-19 ޖެހި، އެ ބަލި ބޮޑުވުމުގެ ސަބަބުން ކަމަށް ބެލެވޭނެ އެއްވެސް އަލާމާތެއް ނެތް ކަމަށެވެ. ކޮވިޑްގައި ބަލި ބޮޑުވެ، މީހުންގެ ފުރާނަ އަށް އާންމު ގޮތެއްގައޮ ނުރައްްކާ ވަނީ ނިއުމޯނިއާ އަށް ބަދަލުވެ، އޮކްސިޖަން މަދުވުމުގެ ސަބަބުންނެވެ. ނަމަވެސް ކޮވިޑް-19 އާ ގުޅުން ހުރި، ލޭ ގަނޑުވެ ސްޓްރޯކް ޖެހުމުގެ ބައެއް ކޭސްތައް އެމެރިކާގައި ރިޕޯޓްކޮށްފައިވާ ކަމަށް އެ ގައުމުގެ ބައެއް ނޫސްތަކުގައި ބުނެފައިވެ އެވެ.
ބިދޭސީ މީހާ ކޮވިޑް-19 އަށް ޓެސްޓްކުރީ މިހާރު އަމަލުކުރަމުން އަންނަ އުސޫލަކީ ބަލިވެގެން ޑޮކްޓަރަށް ދައްކަން ދާ ހުރިހާ އެންމެން ވެސް ކޮވިޑް-19 އަށް އަށް ޓެސްޓްކުރުން ކަމަށްވާތީ އެވެ.
ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ އަދަދަކީ މިހާރު 573 އެވެ. އޭގެ ތެރެއިން ދެ މީހަކު މަރުވި އިރު ހަ މީހަކަށް އަންނަނީ އައިސީޔޫގައި ފަރުވާދެމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލާބަދޫ
06 May 2020
ގިނަ މިނިސްޓަރުންގެ ކާރު ދުއްވަނީވެސް ބިދޭސިން. ޢެހެންވީމާ ތިކަމާ ހައިރާންވާކަށް ނުޖެހޭ. ޗީޕް ލޭބަރ.
މަކުރަމް
06 May 2020
ތި ދިމާވުމުގަ ގިނަވާނި ސިފައިންގެ ބޭކަލުން ނޫންބާ؟ ކީއްކިރަންތަ ސިފައިންގެ ތެރޭގަ ބަންގާޅީން ގެންގުޅެނީ
އާރީ
06 May 2020
ކޭކޭގަ ވެސް ބިދޭސީން ގެންގުޅޭތަ. ތީ ގައުމީ ސަލާމަތަށް ހުރި ހާދަ ބޮނޑް ނުރަށްކަލެކޭ.
Ali Gasim
06 May 2020
ޟީ މީ ލޮކްޑައުން ކޮށްގެން އުޅޭއިރު ވާވަރު ކީއްކުރާނީ ދައުލަތުގެ ހުރިހާ މުއައްސަސާގަވެސް މިބޭފުޅުން އުޅުއްވާތޯ
ހަމްދާން
06 May 2020
ހެލްތު މިނިސްޓްރީ އަދި އެޗްޕީއޭގެ މަސައްކަތްތަށް ރަނގަޅު. އެހެންވީމަ އަދިވެސް މި އޮތީ ކޮންޓްރޯލް ކުރެވިފައި. ދުނިޔޭގެ އެންމެ ކުރިއަރާފައިވާ އެއް ގައުމު ކަމުގައިވާ އެމެރިކާގައި މިހާރު އެއް މިލިއަނަށްވުރެ ގިނަ މީހުން ޕޮޒިޓިވްވެ ކޮންޓެކްޓް ޓްރޭސިން ވެސް ނެހެދޭ ހިސާބަށް ގޮސް އެވަނީ ކުރީބައިގައި ރަނގަޅު ފިޔަވަޅު ނޭޅުމުގެ ސަބަބުން. އެހެންވީމަ ރާއްޖެއަށް އަދިވެސް އުއްމީދު އެބައޮތް. ތި މަސައްކަތުގައި ﷲ ބަރަކާތްލައްވާށި.
ފަމީހު
06 May 2020
އެހެން ގައުމުތަކާ ދިވެހިންނާ އަޅާނުކިޔޭނެ ސަބަބު. އެހެން ގައުމުތަކުގަ އަމިއްލައަށް މަރުވާ މީހުންވެސް ގިނަ. ސިންގަޕޫރުގަ އަހަރަކު 400. ޕާކިންސަން ބަލިވެސް ގިނަ، އަލްޒޭމަރ ވެސް މި ތަރައްގީ ގައުމުތަކުގަ ގިނަ. މިއީ ހައްތާވެސް އީމާންކަމާ ގުޅުން ހުރި މައްސަލަތައް. ގިނައިން އިސްތިޢުފާރު ކުރީމަ މީހާގެ ކިބައިގަ ހުރި ބޮޑެތި މައްސަލަތައް ހައްލުވާނެ
މައިކް
06 May 2020
ޤައުމީ ދިފާއީބާރު ބަދިގޭގަ ހުސް ބަންގާޅިން މަންޒަރު ވަރަށް ރީތި... މުޅިޤައުމަށް ހުތުރު ....... ކުރިން އެތާގަ ތިބޭނީ ދިވެހިން
ާބައްޕަ މައިކް
06 May 2020
ޢެއީ ކޮންއިރަކު
ރަޓު މީހާ
06 May 2020
ފިޓްޖެހޭ ހިސާބަށް ދާއިރުވެސް ބަލިޖެހިފައި ހުރިކަން ސިއްރު ކުރުމަކީ މައްސަލައެއް. އެމީހާ ގާތުގައި އުޅޭ ބަޔަކަށްވެސް ކަމެއް ފާހަގަ ވެއްޖެނަމަ ލަސްނުކޮށް އަންގަންޖެހޭ. ބިދޭސީ މީހުން ހާއްސަކޮށް ބަނގުލަދޭސް މީހުންގެ މިބައި ވަރަށް ބޮޑު. ބަލި ނެތީ ބޮރޯބަރު ތިބެނީ. ބަލިވެގެން ގޮސް މަރުވާ ނުވާ ހިސާބަށް ދިޔައީމަ ދެން ގޮސް ޑޮކްޓަރަށް ދެއްކީމަ ދެން ޑޮކްޓަރުންނަށްވެސް ކުރެވޭނެ މާބޮޑު ކަމެއް ނޯންނާނެ. މާސްކު އަޅުއްވާ. ގިނައިން އަތް ދޮންނަވާ. ގޭގަ ތިއްބަވާ.
އައްޔު
06 May 2020
ދިވެހި ޑޮކްޓަރުން ކޮވިޑް ޖެހުމުގެ ސަބަބުން ނޫންކަމަށް ކޮންކްލޫޑް ނުކުރުން ރަގަޅުކަމަށް ދެކެން އެހެނީ ކޮވިޑް ރިސާރޗްކުރާ ފަރާތްތަކުން ބްލަޑް ގައި ކްލޮޓް ހެދުން ބައެއް ޕޭޝަންޓްއިންނަށް ކުރިމަތި ވެފައިވުމަކީ މީޙުން މަރުވާންޖެހޭ އެއް ސަބަބު ކަމަށް ފާހަގަކޮށްފައިވާތީ.
ޢިޙްސާސް
06 May 2020
ކޭކޭ އެއްކޮށް ޓެސްޓުކުރަން ފެނޭ.