22 މެއި 2020 - 01:45
33 comments
ކޮވިޑް-19ގެ ސަބަބުން އިއުލާންކޮށްފައިވާ ލޮކްޑައުން ހާލަތަށް ލުއިތަކެއް ދިނުމުމުން، އޮފީސްތަކުގެ މަސައްކަތު ގަޑިތައް ޝިފްޓްތަކަށް ބަހާލައިގެން ކުރުމަށް ކޮވިޑް-19 އަށް ހާއްސަ ތަރުޖަމާން މަބްރޫކް އަޒީޒް އިލްތިމާސްކުރައްވައިފި އެވެ.
ކޮވިޑް-19އާ ގުޅިގެން ބޭއްވި ނޫސްވެރިންގެ ބައްދަލުވުމުގައި މަބްރޫކް ވިދާޅުވީ ލޮކްޑައުން އަށް ލުއިތަކެއް ދިނުމުން އޮފީސްތައް ހުޅުވާއިރު ސަމާލުކަން ދޭން ޖެހޭ ވަރަށް ގިނަ ކަންތައްތައް އެބަހުރި ކަމަށެވެ. އެގޮތުން އޮފީހަށް ދިއުމުގެ ހުއްދަ ލިބުނު ކަމުގައިވީ ނަމަވެސް އެންމެ ރަނގަޅު ގޮތަކީ ހުރިހާ ކުންފުނިތަކާ އޮފީސްތަކުން ވެސް ގޭގައި ތިބެގެން މަސައްކަތް ކުރެވޭނެ އިންތިޒާމްތައް ވީމިންވަރަކުން ހަމަޖައްސައިދިނުން ކަމަށް ވިދާޅުވި އެވެ.
އެހެން ނަމަވެސް ކޮންމެހެން ވަޒީފާ އަށް އޮފީހަށް ނުކުންނަން ޖެހޭނެ ނަމަ ގައިދުރުކޮށް ސާފުތާހިރުކަމަށް ސަމާލުކަން ދިނުމަށް އިލްތިމާސްކުރެއްވި އެވެ. އެގޮތުން ގިނަ މުވައްޒަފުންތަކެއް އެއް ގަޑިއެއްގައި އޮފީހަށް ނެރުމުގެ ބަދަލުގައި މަސައްކަތު ގަޑިތައް ޝިފްޓްތަކަށް ބަހާލައި އެކި ގަޑީގައި މުވައްޒަފުން ނެރެ ދުރުގައި ތިބެ މަސައްކަތް ކުރުމަށް މަބްރޫކް އިރުޝާދު ދެއްވި އެވެ.
އޭނާ ވިދާޅުވީ އޮފީހުގައި އުޅޭ އުޅުމުގައި ވެސް ސަމާލުކަން ދޭން ޖެހޭނެ ކަންކަން ހުންނާނެ ކަމަށެވެ. އެގޮތުން އޮފީހުގައި ހުންނަ އެންމެން ބޭނުންކުރާ ފާހަނާ އަށް ވަދެފައި ނުކުތުމުގެ ކުރިން ސާފުކޮށްލުމާ ވަދެ ބޭނުންކުރުމުގެ ކުރިން ވެސް ސާފުކުރުމަށް އިލްތިމާސްކުރެއްވި އެވެ. އަދި އޮފީހުގެ ކާގެ ފަދަ ތަންތަން ވެސް ވީހާވެސް ސާފުތާހިރިކޮށް ބެލެހެއްޓުމަށް އިލްތިމާސްކުރެއްވި އެވެ.
އޮފީހަށް ދާއިރު އަދި އެހެނިހެން ބޭނުންތަކަށް ބޭރަށް ނުކުންނަ އިރުވެސް މާސްކް އެޅުމަށާއި އަބަދުވެސް ސެނިޓައިޒާ ފުޅިއެއް އަތުގައި ބާއްވާ އޭގެ ބޭނުންކުރުމަށް ވެސް އިލްތިމާސްކުރެއްވި އެވެ.
މާލެ އިން ކޮވީޑް-19 ފެނި ލޮކްޑައުންކޮށްފައި އޮންނަތާ އެއް މަހަށް ވުރެ ގިނަ ދުވަސްވެފައިވާ އިރު ލޮކްޑައުން އުވާލަން މިހާރު އަންނަނީ ތައްޔާރުވަމުންނެވެ. އެހެން ނަމަވެސް ބަލި އެއްކޮށް ދިޔައީ ކަމަށް ގަބޫލުކޮށްގެން ނުވާނެ ކަމަށާއި ލޮކްޑައުން އަށް ފަހު ބަލި ފެނުން އިތުރުވެދާނެކަމަށް ވެސް ސިއްހީ މާހިރުން އަންނަނީ ބުނަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޟިޔާ
22 May 2020
މީނަ ޓެސްޓްކޮށްބަލަ
އޮނަރަބްލް އަފީފު ދީދީ
22 May 2020
މަބުރޫކުގެ މަސްއޫލިއްޔަތަށްވުރެން ތަންކޮޅެއް ފެއަށް މިހާރު މަބުރޫކަށް އެބަދެވޭ. # ރައީސުލް ޖުމްހޫރީއްޔާގެ އޮފީހުން މަބުރޫކު އާއި މިވަގުތަށް ޙަވާލު ކޮށްފައިވަނީ ކޮވިޑް 19 އާއި ވިދިގެން އެޗްޕީއޭ އަދި ޓެގްޓީމާއި، ހެލްތް މިނިސްޓްރީ ޖުމްލަކޮށް ސަރުކާރު މުއައްސަސާއަކުން ނިންމަވާކަންކަމުގެ ޙަބަރު މީޑިއާ އާއި ރައްޔަތުންނަށް ޙިއްސާކުރުމުގެ މަސްއޫލީއްޔަތު. # ފަހަރެއްގައިވެސް މަބުރޫކުހުންނެވީ ސިޔާސަތުކަޑައެޅޭނެ އަދި އެގޮތަށްކަންކުރުމަށް އަމުރުުކުރެވޭނެ މަޤާމެއްގައެއްނޫން.
ބުރެކި
22 May 2020
އާނ! އޭރުންތާ މަގުމަތީގަ އަބަދު މީހުންނަށް އުޅެވޭނީ
އާދަނުގެ ބޭބެ
22 May 2020
ތިބުނީ އެހެނިހެން ބަލިތަކުގައި 46000 މީހުން މަރުވެޔޭ ދުވާލަކު، ވީމާ ބަލިތަކަށް ބަހާލީމާ އެވރެޖްކޮށް އުޅޭނީ 100 ވަރަކަށްމީހުން އެކިބަލިތަކުގައި ، އެކަމަކު އާދަނު ތިބުނީނު 4000 މީހުންމަރުވެޔޭ ކްރޯނާގައި ، އެއީ އެވާހަކަ ނުދައްކާ ސަބަބަކީ ، ސާފްވިކަމަށް ހީކުރަން
ލުކި
22 May 2020
މުޅިގައުމު ހިންގަން ކުޑަކުދިން މިހާރު މިކަން ބޮޑު ޖޯކަކަށް ވެއްޖެ
ާއާދަނު
22 May 2020
ދުނިޔެއިން ދުވާލަކު އެވްރެޖްކޮށް 50000 ހާސްމީހުން އެކި ބަލިތަކުގައި މަރުވޭ، ކޮރޯނާއިން މަރުވަނީ އެވްރެޖްކޮށް ދުވާލަކު 4000 މީހުން ދެން އެހެން ބަލިތަކުގައި މިމަރުވާ 46000 މީހުންގެ ވާހަކަ މީޑިޔާތަކުގައި މިވަރަށް ނުދައްކަނީ ކީއްވެ!!!!!
އަލީގ
22 May 2020
ގޭގާ މަސައްކަތް ކުރަން ބޭނުންވާ މީހާއައް އެފުރުސަތު ދިނުންރަނގަޅު. އެކަމަކު އެވަގުތު އުޅެނީ ގޭގާކަން ޔަގީންކުރެވޭނެ ކޮންމެވެސް ގޮތެއް އޮންނަންޖެހޭނެ. އެހެންނޫނީ ނަމުގަ އިންނާނީ ގޭގަ މަސައްކަތްކުރަން އެކަމަކު އަސްލު އިންނާނީ ރައްޓެހިންނާއެކު ކޮފީއެއްގަ ނޫނީ ދަތުރުވެސް ހިގައިދާނެ. އޭރުން މިހާލަތުގަ އަދި މާގޯސްވާނެ.
ޟައކ788
22 May 2020
ބަޔަކު އޮފީހަށް ނުނިކުމެގެން މިއޮތް ވާވަރެއް. ތިގޮތަށް ނަހަދާ ތިދޭ އެތިކޮޅު ކަނޑާލަން ވީނުން. ނޫނީ ވަޒީފާއިން ވަކިކޮށްލަން ވީ ނުން. ހުރިހާ ކަމެއް އެނގިތިބެ އަނވަޅަކަށް ފުންމާލަން ތިބުނަނީ. ހާދަ ދެރައޭ. ހިތާމައިގެ ކޮޅެއް ނެތް. މިބަލި ކޮންޓްރޯލްކުރެވުނުކަން އިއުލާން ކުރާ ވަގުތު 24 ގަޑިއިރު އޮފީހުގަ އުޅެދޭނަން. އެކަމް މިހާރު ތިހެން ނަހައްދަވާ.ގޭގައި މަސައްކަތް ކުރެވޭނެ ގޮތް ހަދާލަދީ.
ވިސްނާ9987
22 May 2020
ބަލި ތިބުނާ ގޮތަށް ކޮންޓްރޯލް ވާނި ވެކްސިނެއް ލިބިގެން.ބައްޔާއެކު އުޅެން ދަސްކުރޭ. ބައްޔައް ފިލައިގެން އުޅެން ހަދައިގެން ބަނޑަށް މަރުވިޔަސް އޯކޭ ދޯ. އެތައްބަޔަކު އެބަތިބި އާމްދަނީ ހޯދޭނެ ގޮތެއްނެތިފަ. އަތުން ފައިސާ ހުސްވާން ގާތްވެފަ.
ޚިޔާލު
22 May 2020
ޔޫސޭގެ 90ގެ އަހަރުތަކުގެ ކޮމެޑީއިން ދެއްކި އިރުއްސުރެ މާލޭގައި ޝިފްޓް ބަހައިގެން ނިދާމީހުން އެބައުޅޭ. މުއްސަދިންނާއި ސަރުކާރުތަކުގެ ވެރިންނަށް އެކަން ނޭގުނަސް އެއީ މާލޭގެ ހާލަތު. އެހެންވީމާ ސަރުކާރުގެ ބައެެއް އޮފީސްތައް ރާއްޖެތެރެއަށް ބަދަލުކޮށް، ސަރުކާރުގެ މުވައްޒަފުންނަށް ރަށުގައި ތިބެގެން އިންޓަނެޓް ބޭނުންކޮށްގެން މަސައްކަތްކުރެވޭގޮތަށް ބަދަލު ގެންނަންޖެހޭ. މާލޭގައި ގައިދުރުކޮށް ވަޒީފާ އަދާކުރަން އުޅުމަކީ ހިންޏަށް ހަކުރު އޮޅުވާލަން އުޅުން
Ali Gasim
22 May 2020
ޣ ގައުމު ހިންގަން ކުޑަކުދިންނާ ހަވާލުކޮށްފަވރައީސް މީހާ ހުންނަން ޖެހުނީމާ ދެންވާނެ ހައެތި ވަނީ ތަނެއް ދޮރެއް އެނގޭ މީހަކު ނޫޅޭ
ޙދރެޗ66
22 May 2020
އަސްލުވެސް