އެންއީއޯސީގެ ތަރުޖަމާން އަދި ރައީސް އޮފީހުގެ އަންޑަ ސެކްރެޓަރީ މުހައްމަދު މަބްރޫކް އަޒީޒް. އޭނާ ވިދާޅުވީ އޭޑީކޭއިން ކޮވިޑަށް ޓެސްޓް ކުރާނީ ސަރުކާރުން އަގުދައްކާ ގޮތަށް ކަމަށް.
23 މެއި 2020 - 01:37
32 comments
ކޮވިޑް-19 އަށް ޓެސްޓްކުރުމުގެ މަސައްކަތް އޭޑީކޭ ހޮސްޕިޓަލުން އަންނަ އާދީއްތަ ދުވަހު ފަށާނެ ކަމަށާއި އާސަންދަ މެދުވެރިކޮށް، އެ ހިދުމަތަށް ސަރުކާރުން އަގު ދައްކާނެ ކަމަށް ނެޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ) އިން މިރޭ ބުނެފި އެވެ.
އެންއީއޯސީ ގައި މިރޭ ބޭއްވި މީޑިއާ ބްރީފިންގައި އެ ސެންޓަރުގެ ތަރުޖަމާން އަދި ރައީސް އޮފީހުގެ އަންޑަ ސެކްރެޓަރީ މުހައްމަދު މަބްރޫކް އަޒީޒް ވިދާޅުވީ ކޮވިޑަށް ޓެސްޓް ކުރުމަށް އޭޑީކޭ އިން އާދީއްތަ ދުވަހު ސާމްޕަލްތައް ނަގަން ފަށާނެ ކަމަށާއި އެ މަސައްކަތް ކުރާނީ މިހާރު ވެސް ހަރަކާތްތެރިވާ ރެޕިޑް ރެސްޕޮންސް ޓީމްތަކުން ކަމަށެވެ. ހަފްތާ ފެށޭ ހިސާބުގައި ޓެސްޓްކުރަން ފެށޭނެ ކަމަށް އޭޑީކޭ އިން ވެސް ކުރިން އޮތީ ބުނެފަ އެވެ.
"އޭޑީކޭއިން މިހާރު ތައްޔާރުވެފައި އޮތީ މި އަންނަ އާދީއްތަ ދުވަހުން ފެށިގެން އެ ބޭފުޅުން ސާމްޕަލްތައް ނަގަން ފަށާނީ. ދެން އެ އަގު، ސީދާ އަގެއް އަޅުގަނޑު ބަލައިލާނަން އެކަމަކު އާސަންދަ ތެރެއިން ލާފައި މިކަން ކުރެވޭ ގޮތަށް ސަރުކާރުން ހަރަދުތަކެއްގައި ހިފައިގެން،" މަބްރޫކް ވިދާޅުވި އެވެ.
އޭޑީކޭ އިން މިދިޔަ ހަފުތާގައި ބުނީ ކޮވިޑް-19 ގެ ޓެސްޓު ހެދުމަށް ބޭނުންވާ ޕީސީއާރު ސިސްޓަމެއް އޭގެ ކުރީ ހަފުތާގައި ބަހައްޓައި ދުވާލަކު އެތައް ސަތޭކަ ބަޔަކު ކޮވިޑް-19 އަށް ޓެސްޓުކުރުމުގެ ގާބިލްކަން އިތުރުކުރުމުގައި ސަރުކާރަށް އެހީތެރިކަން ދޭން ނިންމާފައިވާ ކަމަށެވެ. އެކަމަށް ބޭނުންވާ މުވައްޒަފުން މިހާރު ވަނީ ތަމްރީނުކޮށްފައިވާ ކަމަށް ވެސް ބުންޏެވެ.
މިހާތަނަށް ފަރުވާއެއް ހޯދިފައިނުވާ ބައްޔަށް މިހާރު ޓެސްޓުކުރަނީ އައިޖީއެމްއެޗާއި ފުލުހުންގެ ލެބޯރެޓަރީގަ އެވެ. މި ދެ ތަނުން ދުވާލެއްގެ މައްޗަށް 400 އެއްހާ ޓެސްޓު ހެދޭއިރު ސަރުކާރުން އަމާޒު ހިފާފައިވަނީ އެ އަދަދު 1،000 އަށް އިތުރުކުރުމަށެވެ. އެގޮތުން ކޮވިޑް-19 އަށް ޓެސްޓުކުރަން އޮޓޮމޭޓެޑް މެޝިންތަކެއް ގެންނަން މިހާރު އަންނަނީ މަސައްކަތް ކުރަމުންނެވެ.
އޭޑީކޭ އިން ބުނެފައިވާ ގޮތުގައި އެ ހޮސްޕިޓަލްގެ އަމާޒަކީ ދުވާލަކު 600 ސާމްޕަލް ޓެސްޓް ކުރުމެވެ.
ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ އަދަދަކީ މިހާރު 1،274 އެވެ. އޭގެ ތެރެއިން 109 މީހަކު ރަނގަޅު ވި އިރު ހަތަރު މީހަކު ވަނީ މަރުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހާސަރު
23 May 2020
މިވާއެއްޗެއް ނޭގުނު ސަރުކާރަށް މެޝިނެއް ނުލިބިގެން އުޅުނީ! ކިހިނެއް އޭޑީކޭ އަށް ކުއްލިއަކަށް 600 ޓެސްޓް ހެދޭވަރު މެޝިނެއް ލިބުނީ!؟ ޓްރީޓޮޕް އެހެރީ 3 މަހަށް ހިލޭދީފަ ދެން ކީއްވެހޭ ޢޭޑީކޭއަށް އަގުދީގެން ކުރަން ސަރުކާރުން ނިންމީ!؟ ސަރުކާރުން ގެންނަ މެޝިން އައިމަ ކުރީމަ ނިމުނީނުން.
އަރަނި
23 May 2020
ސެޓަޕެއްހަދާނެފައިސާނެތް.ބޭކާރު ހަރަދުކުރާނެ ފައިސާ އެބަހުރި.ހަރާންކޯރުވެރިންތިބި ޤައުމެއް.
ބޮޑުމީހާ
23 May 2020
ހުރިހާ ސަރުކާރަކުން ހިންގާ މެޑިކަލް މާފިޔާއެއް މީ. ދައުލަތުގެ އެތައް ހޮސްޕިޓަލެއް ހުރެ، ހިދުމަތެއް ނުދެވި ރައްޔިތުން ކްލިނިކުތަކުން، ޕްރައިވެޓް ހޮސްޕިޓަލްތަކުން ހިދުމަތް ހޯދުމަތް މަޖުބޫރުކޮށް، ނުވިތާކަށް އާސަންދައިން ކޮންމެ ބޮލަކަށް 200 ރުފިޔާ ދައްކާ ކޮންމެ ފަހަރަކު ނަގާ، އަދި ރައްޔިތު މީހާ އަތުން 300 ނަގާ. ކުލީގެ އަޅުންނާއި، ސިއްޚީ ހިދުމަތްވެސް އަޅުދާސްތުކޮށްފަ
އައްފާލު
23 May 2020
އަބަ ރަނގަޅުވޭ
ރިސާ
23 May 2020
އޭޑީކޭގެ އެގްރީމެންޓު ރިވިއުކޮށް ކުލި ބޮޑުުކުރުމަށް ނުވަތަ އޭޑީކޭގެ ހިދުމަތްތައް ރައްޔިތުންނަށް އަގު ކުޑަކުރުމަށް ސަރުކާރަށް ގޮވާލަން
އޮނަރަބްލް އަފީފު ދީދީ
23 May 2020
އޭޑީކޭއަށް ގެންނަ މެޝިން ގެނެސް އާސަންދައިން އޭގެ އަގު އަދާކޮށް ނިމެންދެން ކުޅުދުއްފުއްޓާއި އިކްއިޓޯރިއަލް ހޮސްޕިޓަލަށް ކޯވިޑް ޓެސްޓް މެޝިނާއި ކިޓް ހޯދާނުދޭތި. # ގައިމު މިކަހަލަ ދެތިން މެޝިން ގަންނާނެ ފައިސާ އުތުރާއި ދެކުނަށް މާލެއިން ފްލައިޓް ޗާޓަރކޮށް "ކަފަބުރު ދަތުރުތަކަށް" ހޭދަކޮށްފި. ދައުލަތުން މިފަދަ އިސްރާފު ކުރާއިރު މިކަންކަން ނުހުއްޓުވަނީ ކީއްވެ؟؟!
އެންދެރި
23 May 2020
ލޮކް ޑައުން ވުނުން ރާއްޖޭގަ ހުރި އޮޕަރޭޝަން ތައް ކުރެވޭ ހަމަ އެކަނި ސަރުކާރުގެ ހޮސްޕިޓަލް އާއްމުންނަށް ބަންދު ކުރީމަ ވ ދެރަ ވިއެވެ. ހާލުގަ އުޅޭ ބަޔަކު އޭޑީކޭ އަށް ގޮސް އަގު ބޮޑު ކޮށް އޮޕަރޭޝަން ކުރަން ޖެހުނެވެ.
މާޒީ
23 May 2020
އޭޑީކޭ ނަޝީދަކީ ވަރަށް ފަގީރު މީހެއް. މިވަރު ކަމެއްވެސް މިއިން އެއްވެސް ވިޔަފާރިވެރިއަކަށް މި ކޮވިޑް ކަންތަކުގައި ކޮށެއް ނުދެވުނު. މި މީހުން ބޮއިކޮޓް ކުރާތި މިކަމެއް ނިމުމުން.
ގޫފީ
23 May 2020
ބިމުކުލި މާލޭ އެވްރެޖް ރޭޓަށް މަތިކޮއްފަ ދެން އާސަންދަ ދޭންވީނު
އަމީރާގެ ތަޖުރިބާ
23 May 2020
ރަނގަޅު ވިޔަފާރިއެއް. އެއް މަހުން އިންވެސްޓްމަންޓް ކަވަރުވާނެ
ތަރާދު
23 May 2020
ބަންގްލަދޭޝް މީހުން ޓެސްޓުކުރާ ފާއިސާ ނަގަން ޖެހެނީ ފައްޔާޒުގެ މުސާރައިން. ރައްޔިތުންގެ ޓެކްސް ފާއިސާއިން ބޮޑު މުސާރަ ދީފައި ހުރި ވަޒީރަކަށް ކަންތަށް ހައްލު ނުކުރެވުމުން އެކަން ހައްލު ކުރަން އެ ފައިސާ ބޭނުންކޮށްގެން ނުވާނެ.