ހުޅުމާލޭގެ ރެޑް ވޭވް ފިހާރައިން ބާޒާރުކުރަން މިދިޔަ ބުރާސްފަތި ދުވަހު ދިޔަ މީހަކު މާސްކެއް އަޅައިގެން: އެތެރެކުރި މިންވަރު އެންމެ ބޮޑަށް އިތުރުވި މުދަލަކީ ފޭސް މާސްކް ކަމަށް ކަސްޓަމްސް އިން ބުނޭ.---ފޮޓޯ: ނިޝާން އަލީ/މިހާރު
24 މެއި 2020 - 17:21
20 comments
މި އަހަރުގެ ފުރަތަމަ ތިން މަހު ރާއްޖެ އަށް އެންމެ ގިނައިން އެތެރެކޮށްފައިވަނީ ފޭސް މާސްކް ކަމަށް ކަސްޓަމްސްގެ ތަފާސްހިސާބުތަކުން ދައްކައިފި އެވެ.
ކަސްޓަމްސް އިން އާންމުކުރި މިއަހަރުގެ ފުރަތަމަ ތިން މަހުގެ ތަފާސްހިސާބުތައް ދައްކާ ގޮތުން އެ މުއްދަތުގައި 4.9 މިލިއަން ފޭސް މާސްކް ރާއްޖެ އެތެރެ ކޮށްފައި ވާއިރު، އެއީ މިދިޔަ އަހަރުގެ އެ މުއްދަތާ އަޅާ ބަލާއިރު 1،100 ޕަސެންޓް އިތުރު އަދަދެކެވެ.
އެ ހިސާބުތައް ދައްކާ ގޮތުން ޒަރޫރީ ބޭނުމަށް ބޭނުންކުރާ މުދަލުގެ ތެރެއިން ދެވަނައަށް އެންމެ ގިނައިން އެތެރެކުރީ ކާޑުގެ ބާވަތްތަކެވެ. އެ މުއްދަތުގައި 19،300 ޓަނުގެ ކާޑުގެ ބާވަތް ރާއްޖެ އެތެރެ ކޮށްފައިވާއިރު، އެއީ މިދިޔަ އަހަރުގެ އެ މުއްދަތާ އަޅާ ބަލާއިރު 34 ޕަސެންޓް އިތުރު އަދަދެއް ކަމަށް އެ ހިސާބުތަކުން ދައްކަ އެވެ. އަދި 47 މިލިއަން ބިސް އެތެރެ ކޮށްފައިވާއިރު، އެއީ ވެސް ނުވަ ޕަސެންޓް އިތުރު އަދަދެއް ކަމަށް ވެސް އެ ހިސާބުތަކުން ދައްކަ އެވެ.
Import of selected essential items by quantity (Jan-March 2020)@MariyaDidi pic.twitter.com/SFGQT4fyMn
— Maldives Customs (@CustomsMv) May 22, 2020
ކަސްޓަމްސް އިން ކުރި ޓްވީޓް
އެކަމަކު ފިޔާ އެތެރެކުރި އަދަދު އިތުރު ވެފައިވާ ނުވާއިރު އަލުވި އެތެރެކުރި އަދަދު މަދު ވެފައިވާ ކަމަށް އެ ހިސާބުތަކުން ދައްކަ އެވެ. އެ މުއްދަތުގައި އެތެރެކުރީ 1،700 ޓަނުގެ އަލުވި އަދި 3،000 ޓަނުގެ ފިޔާ އެވެ.
މީގެ އިތުރުން މިދިޔަ އަހަރުގެ ފުރަތަމަ ތިން މަހަށް ވުރެ ތެޔޮ އެތެރެކުރި މިންވަރު ވެސް އިތުރު ވެފައިވާ ކަމަށް އެ ހިސާބުތަކުން ދައްކަ އެވެ. އެގޮތުން 24،000 ޓަނުގެ ޕެޓްރޯލާއި 157،000 ޓަނުގެ ޑީސަލް އެތެރެ ކޮށްފައިވާ ކަމަށް އެ ހިސާބުތަކުން ދައްކަ އެވެ. އެކަމަކު ކައްކާ ގޭސް އެތެރެކުރި މިންވަރު 21 ޕަސެންޓް ދަށްވެފައިވާ ކަމަށް ވެސް އެ ހިސާބުތަކުން ދައްކަ އެވެ.
ފުރަތަމަ ތިން މަހު އެންމެ ގިނައިން އެތެރެކުރީ ފޭސް މާސްކް ކަމަށް ކަސްޓަމްސްގެ ތަފާސްހިސާބުތަކުން ދައްކާއިރު، ކޮވިޑް-19 އާ ގުޅިގެން އިމްޕޯޓް ޑިއުޓީ މައާފްކޮށް ދިން ތަކެތީގެ ތެރޭގައި ފޭސް މާސްކް ހިމެނެ އެވެ. އޭގެ އިތުރުން މެޑިކަލް އެހެން ބައެއް ސާމާނު ވެސް ޑިއުޓީ ވަނީ ކަނޑާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސުލައިމާނު
25 May 2020
މިއީ މިކަންކަން މިރާއްޖޭގައި އޮންނަގޮތް. އެމީހަކު ބޭނުން ގޮތަކަށް ބޭނުން ކަމެއް ކުރަންވީ. މާސްކު ސެނެޓައިޒާ ފަދަ ތަކެތިން އިމްޕޯޓު ޗާރޖު ކަނޑާލީމަ އިތުރަށް އަގުބޮޑުކޮށް އަތްނުފޯރާ ފަށުން ހެވީލަގްޒަރީ މުދާ ވިއްކާހެން ވިޔަފާރި ކުރަނީ. މިކަން ބަލާނެ ބަޔަކުނެތް. ހިތަށް އެރިގޮތަކަށް އުޅެވޭ ތަނެއް. އެހެންވީމަތާ ބަންގާޅީންނަށްވެސް ހިތުހުރިގޮތަކަށް މިތަނުގައި ވިޔަފާރި ހުޅުވާ ކުދިވިޔަފާރި، މާރުކޭޓުގައި ތިބެވެނީ
ސުޕުން
25 May 2020
-/3 އައް ލިބޭ މާސްކެއް -/20 އެ ވިއްކީ ، މިހާރުހުންނާނީ މިލިޔަނުން ލާރިލިބިފައެއް ނު
އެމްސް
25 May 2020
މާސްކުގެ އަގު -/20 ރ އަށް އަރައިގެންދިޔައީ އެހެންވެތާ!
އެންދެރި
24 May 2020
ނިއު ނޯމަލް.އަށް ދާއިރު އާއްމު ރައްޔިތުންނަށް ރަނގަޅު މާސްކް އެއް.ނުލިބެއެވެ. ގަން ނަން ވެސް ނުލިބެ އެވެ. ރާއްޖޭގަ އެބަހުއްޓެވެ. މާސްކް އާ ދެކޮޅަށް ކޮމެންޓް ކުރާ ބަޔަކު އެބަ އުޅެ އެވެ.
އަބްދުﷲ
24 May 2020
މާސްކު އެތެރެ ކުރިއަސް ރައްޔިތުމީހާ އަށް ތިލިބޭނެ ގޮތެއް ވަރަށް ނޯވޭ.
މުރާދު
24 May 2020
ވެކްސިނެއް ތައްޔާރު ކުރެވެންދެން ކޮވިޑްއާ އެކީ އުޅެން ޖެހިފައި މި އޮތީ މުޅި ދުނިޔެއަށް! މާސްކު އެޅުން މުހިންމު، ގައިދުރު ކުރުން މުހިންމު، ޒަރޫރީ ބޭނުންތަކުގައި ނޫނީ ގެއިން ނުނިކުތުން މުހިންމު! އިންޝާﷲ، ލޮކްޑައުން ލުއި ކުރާ މަރުހަލާވެސް ކާމިޔާބު ކުރެވޭނެ!
ނަޒްލާ
24 May 2020
ޓްރަމްޕްވެސް ފޭސް މާސްކު ނުލިބިގެން، އެކަމަކު ރާއްޖެ މި އޮތީ ހުރިހާ އެއްޗެއްް ހޯދާ ރެޑީވެގެން ފުލް ގިޔަރުގައި! ރައްޔިތުން އުފާކުރޭ، ނަޝީދު ބުންޏަސް ރައްޔިތުންނާ އަޅާނުލާ ދޫކޮށްނުލާނެ! ކޮންމެ ރައްޔިތެއްވެސް އެހާ މުހިންމު!
އަލީ ލަތީފް
24 May 2020
ކޮބާ ހީވޭ ކަމެއްހެން. މީހަކު ދުވަހަކުވެސް ހިތަށްއެރިތަ އައްޑޫފަދަ ތަންތަނުގައި ވެންޓިލޭޓަރު ގުޅައިގެންވެސް ކޮވިޑްއަށް ފަރުވާ ދެވޭ މިންވަރަށް ތައްޔާރުވެވިދާނެކަމަށް؟ ސާބަހޭ ސަރްކާރް!
ބަސް
24 May 2020
މާސްކް އެންމެ ގިނައިން އެތެރެ ކުރެވިފަކޮބާ. އަހަރުމެންނަށް ތި ނުފެނޭ. ސާރޖިކަލް މާސްކް އަހަރެންގަތީ އިންޑިއާ މީހެއްގެ އަތުން 500 ރުފިޔާއަށް 100 މާސްކް. އެސްޓީއޯ ފާމަސީން ލިބުނީ އެންމެ 4 އެތި.
ޝީނާ
24 May 2020
ދުނިޔޭގެ އެންމެ ކުރިއަރާފައިވާ ގައުމުތަކަށް ތި އެއްޗިހި ނުލިބިގެން އުޅޭއަރު ރާއްޖެއަށް ލިބިފައި ހުރުމުން ދައްކުވައިދެނީ ތައްޔާރުވެފައި އޮތް މިންވަރު! ސާބަހޭ ހެލްތު މިނިސްޓަރު، ސާބަހޭ ރައީސް، ސާބަހޭ އަދިވެސް މިކަމުގައި ބައިވެރިވާ އެހެނިހެން ސްޓޭކް ހޯލްޑަރުން!