މެޑިކަލް ފެސިލިޓީގެ މޮޑެލްއެއް މިނިސްޓަރު މާރިޔާއާ ހަވާލުކުރައްވަނީ
24 މެއި 2020 - 20:14
19 comments
ހުޅުމާލޭގެ މެޑިކަލް ފެސިލިޓީގެ މަސައްކަތް ނިންމައި އެ ތަން އައިޖީއެމްއެޗާ މިއަދު ހަވާލުކޮށްފި އެވެ.
ސިފައިންނާއި ސަރުކާރު އަދި އަމިއްލަ ގިނަ ކުންފުނިތަކުން ބައިވެރިވެގެން ހެދި 300 އެނދުގެ ވަގުތީ ހޮސްޕިޓަލް، އައިޖީއެމްއެޗާ ހަވާލުކޮށްދެއްވީ ޑިފެންސް މިނިސްޓަރު މާރިޔާ އަހުމަދު ދީދީ އެވެ.
ހުޅުމާލޭ ޓްރީ ޓޮޕް ހޮސްޕިޓަލް ކުރިމައްޗަށްވާ ގޮތަށް އޮތް ބޮޑު ބިމުގައި ތަރައްގީކުރި އެ ހޮސްޕިޓަލް ނިންމަން އެންމެ ފުރަތަމަ ކަނޑައެޅީ މިދިޔަ މަހުގެ 20 ގަ އެވެ. އެކަމަކު އެތަނުގައި މަސައްކަތް ކުރާ ބައެއް މީހުން، ކޮވިޑް-19 އަށް ޕޮޒިޓިވް ވުމުން މަސައްކަތް ލަސްވީ އެވެ.
Handover ceremony of Hulhumale medical facility to IGMH . @MNDF_Official @MoHmv pic.twitter.com/EkxHXssk56
— IGMH (@igmhmv) May 24, 2020
ގާތްގަނޑަކަށް 40 މިލިއަން ރުފިޔާ ހޭދަކޮށްގެން ހުޅުމާލެ މެޑިކަލް ފެސިލިޓީ ހެދުމުގައި އެންމެ އިސްކޮށް ހަރަކާތްތެރިވީ އެމްއެންޑީއެފާއި ފެނަކަ އެވެ. އޭގެ އިތުރުން ވެސް ސަރުކާރާއި އަމިއްލަ ބައެއް ކުންފުނިތަކުން ބައިވެރިވި އެވެ. އޭގެ ތެރޭގައި ސްޓެލްކޯ، އެމްޑަބްލިއުއެސްސީ، ވެމްކޯ، އާރުސީސީ، އެލިއާ ކޮންސްޓްރަކްޝަން، އަމިން ކޮންސްޓްރަކްޝަން އަދި ލެއޯ ކޮންސްޓްރަކްޝަން ހިމެނެ އެވެ.
ވަގުތީ ހޮސްޕިޓަލްގައި ބައިތިއްބަނީ އެޑްމިޓްކޮށްގެން ފަރުވާދޭ ބަލިމީހުންނެވެ. ހާލު ސީރިއަސްވެ، ވެންޓިލޭޓަރުގެ އެހީ ބޭނުންވާ މީހުން ގެންދާނީ ކުރިމަތީގައި ހުރި ޓްރީ ޓޮޕް ހޮސްޕިޓަލެވެ. އެ ތަނުގައި 200 ވެންޓިލޭޓަރު ބަހައްޓަން ވަނީ ނިންމައިފަ އެވެ.
އެ ތަން އައިޖީއެމްއެޗާ ހަވާލުކުރުމަށް މިއަދު ބޭއްވި ރަސްމިއްޔާތުގައި އެ ހޮސްޕިޓަލާއި ސަރުކާރު އަދި ކުންފުނިތަކުގެ އިސް ވެރިން ވެސް ބައިވެރިވެ ވަޑައިގެންނެވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މެލޭސިއާގައި ކުރަންޓީން
25 May 2020
ރާއްޖޭގައި ކުރަންޓީން ކުރަނީ ހިލޭ، މެލޭސިއާގައި ކުރަންޓީނަށް ލާރި ދައްކުވާ. ރާއްޖެ ސަރުކާރު ހާދަ މުއްސަދި ސަރުކާރެކެ މިއީ ؟
ސްޓާފުން
25 May 2020
އައިޖީއެމްއެޗް ކަންތަކާ ހަވާލުވެ ތިހިރަ ރައީސް އޮފީހުގެ މިނިސްޓަރު އަލީ ޝިޔާމަކީ އެއްވެސް ކަމެއް ކުރެވޭ މީހެއް ނޫން. ބޮޑު މުސާރަ ނަގައިގެން ގޮނޑި ހޫނުކުރަން ހުންނަ މީހެއް އިސްމާއިލް ވަހީ ދު އާއި އާތިފާ ސާކިރު އައްބައި އަޅާއިގެން އެހެން މީހުން ގެ އޯވަރ ޓައިމް ލާރިކޮޅު އުނިކޮއްފަ
ޢިސްމާއިލް ވަހީ ދު ބޭ
25 May 2020
ކުރިން ވެސް ބޮޑުބައި ހަ ދާފަ ހުރި އިމާރާތެއް ، ކުޑަމޮޑިފިކޭސަނެއް ގެނުވީ 40މިލިޔަން ގަބޫލް ނުކުރެވޭނެ ، ގޯހެއްއެބައުޅޭ
ސްޓާފުން
25 May 2020
ކަންތަކާޖެހުނީ އައި ޖީ އެމް އެޗް ގެ ޓެކްނިކަލް ސްޓާފުން ނައް ނޭވާލިޔަކަ ނު ދޭނެ ދެން ، ދެއިރު ދ ދެ ދަޅަޔައް ދާންޖެހޭނެ ، މަސައްކަތް ކުރުވާފަ އޯވަޓައިމް ކަނޑާލާނެ ، މެޑެލްޖަހާނީ ވެރިން ، ހަމަ އިނގޭތީ ބުނެލީ ، ހަޖަމް ކޮއްކާތި
ޙިއްވަރުގަދަ އަލީ
25 May 2020
40 މިލިޔަން ހޭ ދަކޮއްގެން 300 ކަ އެނ ދު ، ގަބޫލެއްނުކުރެވޭނެ ،
ނައްތު
25 May 2020
ހަތަރު ފާރާ 300 އެނދަކާ އެކަންޏެއް ނޫން ކަންނޭގެ ދޯ އެތަނަށް ހޯދާފަ ހުންނާނީ. އެކަމަކު ތެދެއް، ވަގުތީ ތަނަކަށް ބަލާފަ ކުރި ހަރަދު މާ ބޮޑު.
ފަސޭހަކޮށް ނުލަމާ
24 May 2020
ސަރުކާރުން ބަންގްލަ ދޭޝް މީހުންނަށް ތައްޔާރު ކުރި ފެސިލިޓީ ތަކުގަ ބޭތިއްބި ގަވާއި ދާ ޚިލާފަށް ރާއްޖެ އެތެރެވެގެންއުޅޭ މީހުން އެތަނުގަ އެކި ބަހަނާ ދައްކައިގެން އެތަނުން ނިކުމެ ގޮސް މާލޭގެ ގެސްޓް ހައުސްތަކުގަ ގައުމަށް އަނބުރާ ފޮނުވާލަފާނެތީ ނު ދާން ފިލާ ތިބޭކަން ދެނަހުރީމުތަ؟ މަގުމަތީގަ އަ ދި ވެސް އެމީހުން ސަލާން ޖަހަމުން އެބަ އުޅޭ.
މިވަރެއްނެތް
24 May 2020
ލޮކްޑައުންނަށް ފަހު ޤައުމު ހުޅުވާއިރަށް ތިތަން ތިނިންމީ ތިތަން ހެދިކަމަށް ބުނާ ބޭނުން ނުކޮށް ތަނުގެ އާރޯކަމާއެކު އެހެން ބަޔަކަށް ދޭންނޫންބާ! ސަރުކާރުން ކޮވިޑު ޓެސްޓްކުރާ މެޝިނެއް ނުލިބިގެން އުޅެނިކޮށް އޭޑީކޭއިން ގެނެސްފި. އަދި މައިނާ ގްރޫޕުންވެސް އެއިގެ މެޝިނެއް ހަދިޔާކޮށްފި. އަދިވެސް ސަރުކާރަކަށް ހަމަލިބޭގޮތްނުވޭ! އިސާހިތަކު ސަރުކާރުގެ މެޝިން ހަލާކުވެ ހުރިހާ ޓެސްޓެއް އޭޑީކޭއިން ކުރަންޖެހޭނީ! ރައީސު އިބޫގެ ޒިރޯޓޮލަރެންސް އަށް ސެލިއުޓުކުރަންޖެހޭ!
އަލި
24 May 2020
މިތަނުގެ ބޭނުނަމަކީ އެޑްމިޓް ކޮށްގެން ފަރުވާދިނުން. މިފަދަ ހާލަތަކަށް ތައްޔާރުވުން. އެޑްމިޓް ކޮށްގެން ގިނަބަޔަކަށް ފަރުވާދޭން ނުޖެހުން އެއީ ﷲ ގެ ހެޔޮ ރަޙުމަތްފުޅު. މިހާރުގެސް އެކްޓިވް 1000 އަށް ވުރެ ގިނަ ކޭސް އެބަހުރި. ނިއުނޯމަލަކަށް ދާއިރު އެކްޓިވް ކޭސަސް އިތުރު ވެސް ވެދާނެ. އެހެންކަމުން މިފަދަ މެޑިކަލް ފެސިލިޓީއެއް ހުރުމަކީ ވަރަށް މުހިންމުކަމެއް.
މިވަރެއްނެތް
24 May 2020
ސިފައިންނާ ސަރުކާރާ އަމިއްލަ ކުންފުނިތަކުގެ ބައިވެރިވުމާއެކު 40 މިލިޔަން ހޭދަކޮށްގެން މިހެދީ 300 މީހުންގެ ޖާގައިގެ ތަނެއް. ޗައިނާއިން 4 މިލިޔަން ހޭދަކޮށް 800 މީހުންގެ ޖާގައިގެ ތަނެއް މާއަވަހަށް ހަދައިފި! ވަގުތީ މިހާބޮޑު ހޭދަކޮށް މިތަންހެދިއިރު މިއީ 80 ވަރަކަށް މިލިޔަން ރުފިޔާގެ ލޯނެއް ނުދައްކާއޮވެ ބޭންކަކުން ނީލަމުގައި ވިއްކަން އުޅޭތަނެއް! ގަންނާނެބަޔަކުނުވެ ތިއްބާ ތަނުގެ އަގުމައްޗަށް ޖައްސާލަދިނީދޯ؟ ސާބަސް ރައީސްއިބޫގެ ޒިރޯޓޮލަރެންސް ޕޮލިސީ
އަބްދުﷲ
24 May 2020
ވާނުވާ އިނގިގެން ކޮމެންޓް ކުރަންވާނީ. ޗައިނާއިން ހަދައިދިނީ ކަރަންޓީން ކުރާނެ އާދައިގެ ތަނެއް. ނަމަވެސް މީ ހޮސްޕިޓަލެއް..
އޭނަ މީނަ
24 May 2020
ކަލޭ އަޅެ ހަމަތަ؟ ޗައިނާއިން އެޅީ މެޑިކަލް ފެސިލިޓީއެއްތަ؟ ބަލަ އެތަނުގައި ބަހަށްޓާ ސާމާނުތަކަށް ކިހާ ބޮޑު ޚަރަދެއްދާނެތަ. ކަލޭމެންނަށް ނޯންނާނެ ރަނގަޅު އެއްގޮތްވެސް. މާދަމާވެސް ކަލޭގެ އާއިލާ މީހަކު ބަލިވެ ފަރުވާ ދޭނެ ޖާގަ ނެތުމުން ހަޅޭލަވާނީ ކަލޭ. މިފަދަ ތަންތަން ހަދަނީ ބަލިމީހުންނަށް ފަރުވާކުރަން. މީހުން ރީއްޗަކަށް ބަހަށްޓާކަށްނޫން.
ކޮކީ
25 May 2020
ކޮންކްރީޓްގެ ހުރިހާ މަސައްކަތެއް ނިމިފަ ހުރި ތަނަކަށް 40 މިލިޔަން ހަރަދު ކުރީމަ ދެން ވިސްނާލާ ކާލާނެވަރު. ލޭބާ ކޯސްޓް ފްރީ
ބޮޑުމީހާ
24 May 2020
40 މިލިއަން ޚަރަދުކޮށްފަ ވަގުތީ ހޮސްޕިޓަލެއް. ހުޅުމާލެ ހޮސްޕިޓަލް، ވިލިމާލެ ހޮސްޕިޓަލް، ސެނެހިޔާ ފަދަ ތަނެއްގަ ތިއިންވެސްޓްމަންޓު ކުރިނަމަ ދާއިމަށް ބޭނުންކުރެވުނީސް
Saim Saeed
24 May 2020
ކަޓު ޖައްސާނީ ކިހިނެށްޗއެއިރުން
ނަވާ
24 May 2020
މާރިޔާއަކީ ޑިފެންސް މިނިސްޓަރު ކަމަށް ކުފޫ ހަމަވާ މީހެއް ނޫން. ދެން އައިޖީއެމްއެޗް ކަންތަކާ ހަވާލުވެ ތިހިރަ ރައީސް އޮފީހުގެ މިނިސްޓަރު އަލީ ޝިޔާމަކީވެސް އެއްވެސް ކަމެއް ކުރެވޭ މީހެއް ނޫން. އައިޖީއެމްއެޗްގެ ފެންވަރު ރަނގަޅު ތި ބޭފުޅާއަކަށް ކުރެވުނު ކަމެއް ނެތް. ބޮޑު މުސާރަ ނަގައިގެން ގޮނޑި ހޫނުކުރަން ހުންނަ މީހެއް.
ކުފޫ
24 May 2020
ކަލޭ މިޤައުމުގެ ރައްޔިތެއްކަމަށް ކުފޫ ހަމަވޭތަ؟