މާލިއްޔަތު ކޮމިޓީގެ މުގައްރިރު އަދި ކިނބިދޫ ދާއިރާގެ މެންބަރު މުހައްމަދު ނާޝިޒު، އޮޑިޓާ ޖެނެރަލް ހަސަން ޒިޔަތު އަދި އެސްއޯއީ ކޮމިޓީގެ މުގައްރިރު އިލްޔާސް ލަބީބް ރަސްމިއްޔާތެއްގައި ބައިވެރިވެވަޑައިގަންނަވަނީ. ކޮވިޑާ ގުޅޭ އޮޑީޓެއް އަންނަނީ ކުރަމުން- ފޮޓޯ: ނިޝާން އަލީ/ މިހާރު
04 ޖޫން 2020 - 19:23
10 comments
ކޮވިޑް-19 ފެތުރޭތީ ހާލަތާ ގުޅިގެން ދައުލަތުން ހަރަދުކުރަމުން އަންނަ ގޮތުގެ އޮޑިޓެއް ކުރަމުން އަންމަ ކަމަށް އޮޑިޓާ ޖެނެރަލްގެ އޮފީހުން ރައްޔިތުންގެ މަޖިލީހަށް އަންގައިފި އެވެ.
ރައްޔިތުންގެ މަޖިލީހުގެ ސްޓޭޓް އޯންޑް އެންޓަޕްރައިޒް ކޮމިޓީން މިއަދު ބޭއްވި ބައްދަލުވުމެއްގައި އެ ކޮމިޓީގެ މުގައްރިރު އަދި ހުޅުދޫ ދާއިރާގެ މެމްބަރު އިލްޔާސް ލަބީބް ވިދާޅުވީ ކޮވިޑް-19 އާ ގުޅިގެން ހަރަދުކުރާ ގޮތުގެ އޮޑިޓެއް ކުރަމުން އަންނަކަން އޮޑިޓާ ޖެނެރަލްގް އޮފީހުން އެންގެވީ އެ މައުލޫމާތު ސާފުކުރަން އެދި ކޮމިޓީން ފޮނުވި ސިޓީއަށް ދިން ޖަވާބުގައި ކަމަށެވެ.
އެސްއޯއީ ކޮމިޓީ އަށް ފޮނުވި ސިޓީގައިވާ ގޮތުން އެ އޮޑިޓްގެ މަސައްކަތް ފެށީ ފިނޭންސް މިނިސްޓަރު އިބްރާހީމް އަމީރާއި ރައްޔިތުންގެ މަޖިލީހުން އެކަން އެގޮތަށް ކުރަން ނިންމާފައިވާތީ ކަމަށެވެ. ފިނޭންސް މިނިސްޓަރު އެދިވަޑައިގެންފައި ވަނީ ކޮވިޑާ ގުޅިގެން އެސްޓީއޯ މެދުވެރިކޮށް ހޯދާފައިވާ މުދަލާއި ތަކެތި ގަތުމަށް އެސްޓީއޯ އިން ކޮށްފައިވާ ހަރަދުގެ ހާއްސަ އޮޑިޓެއް ކުރުމަށެވެ.
ރައްޔިތުންގެ މަޖިލީހުން ނިންމާފައި ވަނީ ކޮވިޑާ ގުޅިގެން ދައުލަތުން ކުރާ ހަރަދުގެ ހާއްސަ އޮޑިޓެއް ކުރުމަށެވެ. އެގޮތުން ކުރާ އޮޑިޓްގެ މަސައްކަތް 45 ދުވަހުގެ ތެރޭގައި ނިންމުމަށް ވެސް މަޖިލީހުގެ ނިންމުމުގައިވެެ އެވެ.
އޮޑިޓްގައި ބަލާނެ ކަމަކީ ކޮވިޑާ ގުޅިގެން އެސްޓީއޯ އިން މިހާތަނަށް ހޯދާފައިވާ މުދަލާއި ތަކެތި ގަތުމުގައި އަމަލުކޮށްފައި ވަނީ ފިނޭންސް މިނިސްޓްރީއާ އެކު އެއްބަސްވެފައިވާ ގޮތަށްތޯ އާއި އެސްޓީއޯގެ އެތެރޭގެ އުސޫލުތަކާ އެއްގޮތަށްތޯ އެވެ.
އޮޑިޓްގައި ބަލާނެ ކަންތައްތައް
- ކޮވިޑާ ގުޅިގެން ހަރަދުތައް ކުރަން ހުއްދިނުމާއި އެ ހަރަދުތައް ހިނގާ ނުހިނގާ ގޮތް ބަލައި ރިޕޯޓްކުރަން ހަދާފައިވާ އުސޫލުތަކާއި އިޖުރާއަތްތަކަކީ އެކަށީގެންވާ ކޮންޓްރޯލްތަކެއްކަން ނުވަތަ ނޫންކަން.
- ފައިސާ އިސްރާފުވުމުގެ ފުރުސަތު އެ ކޮންޓްރޯލްތަކުގެ ސަބަބުން ކުޑަކުރެވިފައިވާކަން ނުވަތަ ނޫންކަން.
- ހަރަދުތައް ކުރަނީ ގާނޫނާ ގަވައިދާ އެއްގޮތަށްކަން ނުވަތަ ނޫންކަން.
- އިމަޖެންސީ ހާލަތުގައި ހިދުމަތާއި ތަކެތި ހޯދަން މާލިއްޔަތު ގަވައިދުގައި ދީފައިވާ ހުއްދައިގެ ދަށުން ކުރަމުން އަންނަ ހަރަދުތައް ކުރަނީ އިސްރާފު ނުވާނެހެން، ނުއަގުގައި ތަކެތި ނުގަނެ، ދައުލަތަށް އެންމެ ފައިސާ ހުރި ގޮތަށް ކަން ނުވަތަ ނޫންކަން.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މިވަރެއްނެތް
05 June 2020
ކޮވިޑުގެ ބޭނުމަށް ކަަމަށް ބުނެ ކުއްޔަށް ހިފި ހުރިހާ ގެސްޓުހައުސްތަކާއި އިމާރާތްތަކުގެ ތެރެއިން އެ ތަންތަނުގެ ވެރިންނަށް ލިބުނު ފައިސާގެ އަދަދާއި މެދުވެރިވި މީހާ ނެގި އަދާދާއި ސަރުކާރުން ހޭދަކުރި އަދަދާއި އަދި މެދުވެރިވި މީހާ ނުވަތަ އޭނާގެ އާއިލީ މީހުންނާއި ސަރުކާރުގެ އިސްވެރިންނާއި ގުޅުންހުރި މިންވަރު ބަލާލުމުން ވަރަށް ގިނައެއްޗެހި ފެންނާނެ.
ކަނބިލި
05 June 2020
ކޮވިޑް ޓެސްޓް އޭޑީކޭގައި ބޮޑުއަގުގައި ފަށާއިރަށް އައިޖީ އެ މް އެޗް ގައި ހުރި މެޝިން ހަލާކުވު މުން އުފެދުނު ކޮރަޕްޝަނުން ދައުލަތައް ލިބުނު ބޮޑު ގެއްލު މާ ބޮޑުންގެ ޖީބަށް ބަރުވެގެން ދިޔަ މިންވަރުވެސް ބަލާތި
ޢިބޫ
05 June 2020
ތި ތަހުގީގުވެސް ވާނީ ހަމަ އޭސީސީ ތަހުގީގަށް ވީހެންބާ؟
އިބިރިހިންބެއްޔާ
04 June 2020
މިހާރު ދެން ތިކަހަލަ އޮޑިޓްރިޕޯޓާއި ކަމިޝަން ރިޕޯޓް ހިތުދަސްވެއްޖެ. ތާރީޚަށްޓަކާ ކުޑަޚަރަދަކުން ތިޔާލިޔުންތައް ތައްޔާރުކޮއްލުން އެންމެރަގަޅު. ހުރިހާކަމެއް ލޯމަތިންހިގާ އިރު ބެއްޔާމެންނަކަށް އިތުރު ރިޕޯޓެއް ބޭނުމެއްނުވޭ.
ާއަނާ
04 June 2020
ކޮބާ މިހާރު ޓީއެމްޢޭ އަށް ޓާމިނަލް ދޭ ކަންތަށް
އިސްމާލުކަލޭފާނު
04 June 2020
ހުރިހާތަނެއްގައިވެސް ތިބީ ގޭދޮށުކުދިން. ދެން ކިހިނެއް ވާނީ؟ ކުރިމައްޗަށް ފެންނަންއޮތަސް ހަމަ ނުފެންނާނެ. އަޅައިގަނގެން ފެއްސުނަސް. ހޫނ! އެއީ ކޯންޗެއްހޭކިޔާ ބަލާވެސްނުލާ ދާނީ...... 3 ބާރާ ދެންހުރިއެހެންބާރުތައްވެސް އެއްވެގެން މިއޮތީ ރަނގަޅު މަސްހުނި ބޯކިބަލެއްއެޅިފާ. ދެން ކޮންމެމީހަކުވެސް އެމީހާ ބޯކިބާފޮތި ހިފައިގެންދާންވީ. އެއްޗެކޭބުނާނެމީހަކު ނުހުންނާނެ.
ސަންޕަ ހަސަންފުޅު
04 June 2020
"ޒީރޯ ޓޮލަރެންސް" އޮންނައިރަކު ނޯންނާނެ ކޮރޮޕްޝަނެއް. ހުސްހުންނަނީ ރަނގަޅުކޮށްލަނޖެހޭ ކަންތައްތައް.
ވަގުންގެ ސަރުދާރު
04 June 2020
އެސްޓީއޯ ރަނގަޅަށް އޮޑިޓްކޮށްދީބަލަ. އެއީ ދުވަހަކުވެސް އޯޑިޓް ކުރެވުނު ތަނެއް ނޫން. އަމްރުގެ މަސްލަހަތު ހިމެނޭ ކުންފުނިތަކަށް ބައި އަޅާތާ މިވަނީ އެތައް ދުވަހެއް. ކޮވިޑް ކަންތަކުގައިވެސް ވެންޓިލޭޓަރެއް ގެންނަވެސް އަގު ޖަހާފައިވަނީ 5 ގުނަ ބޮޑުކޮށް. ޖަނަވަރީ މަހު އޯޑަރު ކުރި އެއްްޗެއް އަދިވެސް ރާއްޖެ ނާދޭ.
ހަސޫ
04 June 2020
ފިނޭންސް މިނިސްޓަރު އަވަހަށް ވަންނާނެ ތަނެއް ހޯދާ!
ނިރު
04 June 2020
ބަލަން އެބަޖެހޭ ބޭރުގެ ހިލޭއެހީގަ ލިބިފަ ވާ ފައިސާޔާ ތަކެއްތަށް ހެދި ނެހެދި ގޮތެއްވެސް .. އަދި މިހާތަނަށް އެންމެ ކުޑަމިނުން ކަފަބުރެއްހާ ވަރުވެސް ނުދެކެން