ލޮކްޑައުން ކޮށްފައިވަނިކޮށް ފުލުހުން މާލެތެރެ ޕެޓްރޯލް ކުރަނީ: ލޮކްޑައުންނާ ހިލާފު ވެގެން 500 އަށް ވުރެ ގިނަ މީހުން ހައްޔަރު ކުރި-- ފޮޓޯ: މިހާރު
19 ޖޫން 2020 - 14:05
36 comments
ކޮވިޑް-19 ފެތުރޭތީ މާލެ ސަރަހައްދަށް އިއުލާންކޮށްފައި އޮތް ލޮކްޑައުންއާ ހިލާފުވެގެން ހައްޔަރުކުރި މީހުންގެ ތެރެއިން 312 މީހެއްގެ މައްޗަށް ދައުވާކޮށްދިނުމަށް އެދި ޕްރޮސިކިއުޓާ ޖެނެރަލް (ޕީޖީ) އަށް ފޮނުވާފައިވާ ކަމަށް ފުލުހުން މިއަދު ބުނެފި އެވެ.
ފުލުހުންގެ މީޑިއާ އޮފިޝަލް ވިދާޅުވީ އޭޕްރީލް މަހުގެ 15 އިން ފެށިގެން މިދިޔަ ހޯމަ ދުވަހާ ހަމަ އަށް ހަރުކަށި ފިޔަވަޅުތަކަކާއެކު އޮތް ލޮކްޑައުންއާ ހިލާފު ވެގެން 582 މީހަކު ހައްޔަރުކުރި ކަމަށެވެ. އޭގެ ތެރެއިން 312 މީހެއްގެ މައްޗަށް ދައުވާކުރަން ފޮނުވާފައިވާއިރު މިހާރު ވެސް 37 މީހަކު ފުލުހުންގެ ބަންދުގައި އެބަ ތިބި ކަމަށް އޭނާ ވިދާޅުވި އެވެ.
ލޮކްޑައުންއާ ހިލާފުވެގެން ފުލުހުން ވަނީ 9،000 އަށް ވުރެ ގިނަ މީހުން ޖޫރިމަނާ ވެސް ކޮށްފަ އެވެ.
ލޮކްޑައުންގެ އަމުރާ ހިލާފު ވުމުން ފުލުހުން ފުރަތަމަ ދެނީ ނަސޭހަތެވެ. އެއަށް ފަހު ޖޫރިމަނާ ކުރާއިރު އެވަރުން ވެސް ކުށް ތަކުރާރު ކުރާ މީހުން ހައްޔަރު ކުރެ އެވެ.
ހޯމަ ދުވަހުން ފެށިގެން ލޮކްޑައުންއަށް ލުއިތަކެއް ދީފައިވާއިރު މިހާރު ކޮންމެ ދުވަހެއްގެ ފަތިހު 5:00 އިން ރޭގަނޑު 10:00 އަށް ހުއްދަޔަކާ ނުލައި ބޭރުގައި އުޅެވޭނެ އެވެ. ނަމަވެސް އަދި ވެސް ގިނަ ބަޔަކު އެއްވެ އުޅުމާއި ރައްކާތެރިކަމުގެ ފިޔަވަޅު ނާޅައި އުޅުމަކީ މަނާ ކަމެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ައަހުމަދު
20 June 2020
ތިޔައްވުރެ މާރަނގަޅުވާނެ މިޤައުމުގައި ޤަވާއިދާޚިލާފަށް އުޅޭބިދޭސީން މިޤައުމުގައި މިނިވަންކަމާއި އެކީއުޅެމުންދާއިރު ސަރުކާރުން އެމީހުންނަށް ރައްޔިތުންގެ ފައިސާއިން ބޭކާރުޚަރަދުކޮށް ޤައުމަށް ވަންނަންވާލާރިން އެތަށްރރުފިޔާއެއް ޤައުމުން ބޭރުަމުންދާއިރު މިޤައުމަށާއި ޔައްޔިތުންނަށް މިވަމުންދާގެއްލުން ހުއްޓުވުމަށް ސަރުކާރަށް ދައުވާކޮށްދިނުމަށް އެދި ކޯޓަށް ފޮނުވިއްޔާ އެއިރުން ޤަމުމާއި ރައްޔިތުންނަށްޓކައިވެސް ކަމެއްކޮށް ދެވުނީތާދޯ.
ގަދަބަސްބުނާ
20 June 2020
ލޮކްޑައުންކުރީ އާއްމު ސިއްހަތު ރައްކާތެރިކުރުމާ ބެހޭ ޤާނޫނުން. އެޤާނޫނުގައި އޮންނަނީ ލޮކްޑައުންއާ ޚިލާފުވެއްޖެއާ 1000 ރުފިޔާއިން ޖޫރިމަނާ ކުރަން. ކުށް ތަކުރާރު ކޮށްފިނަމަ ހައްޔަރު ކޮށް ޖިނާޢީ ދަޢުވާ ކުރާކަށް ނޯވޭ. އެހެންކަމުން ކިތައްމެ ފަހަރަކު ޚިލާފުވިޔަސް ޖެހޭނީ ޖޫރިމަނާކުރަން. ޤާނޫނެއްގަ ކުށާއި އޭގެ އަދަބު ކަނޑައަޅާފައިވަނިކޮށް ކުށް ތަކުރާރު ކުރުމުން ޤާނޫނުލް ޢުޤޫބާތުގެ ދަށުން ދަޢުވާ ކުރުމަކީ ޤާނޫނުގެ ދިގުއަތް ނުބައި ގޮތަކަށް ބޭނުންކުރުން.
ޢަލިބޭ
20 June 2020
ޟަރޫރީބޭނު މަށް ނުކުތީ މަ ޖިނާއީ ދައުވާ 2012.2.8 އަންދާލި ގްރޫޕް ގޭގަ، އެ މްއެ މްޕީއާރުސީ ދިރުވާލި މީހުން ގޭގައި ބައެއްގެ ރޭވު މުން އެކައުންޓަށް ފައިސާލު މުން އެފައިސާ ސަރުކާރަށް ދިން މީހާ ޖަލުގަ. އިންސާފު
ފުުލެޓް ދޮންބެ
20 June 2020
ފުުލެޓް އަވަހަށް ދެއްވަން އުޅޭ. ހާންތި ވެއްޖެ.
ދަތްނެތްކުއްޖާ
19 June 2020
ކީއްކުރަން ކުރާ ކަމެއް! އެމް އެމް ޕީ އާރ ސީގެ މައްސަލަ ނުބަލާ ނިކަމެތި ރައްޔިތުން ހަފުސް އަރުވަނީތޯ!
ހަސަންފުޅު
19 June 2020
ކޮބާ ކުރެއްދޫ ރިސޯޓގެ ކަންތަށް ގަޑު .. ޕީޖީ ބުނީމެއްނު.. ނުފޫޒު އެބައޮތޭ . އެކަމަކުވެސް ބަލާނަމޭ..
ދިވެހިން
19 June 2020
ވަރަށްރަގަޅުކަމެއް. މިހެންހަދައިގެންނޫނީ ގަވާއިދަށްމީހުނެއްނޫޅޭނެ. އޮންނާނީ އެމީހަކާއެމީހެއް.
ސަލަޑީނޯ
19 June 2020
ސަރުކާރުން ކަން ކުރާގޮތުން ބޮޑަށް ސިފަވަނީ މަގުފޭރުން ކަމަށް.
ރަދުން999
19 June 2020
ތީބޮޑުވަރު. މީހުން ބޭރަށް ނުކުތީ ޒަރޫރީ ބޭނުންތަކުގައި. ވަޒީފާއާއި މުސާރަ ނުލިބޭއިރު ތިޔައީ ވަރަށްބޮޑު އަނިޔާއެއް. ތިގޮތަށް ނިހައްދަވާ ޕީޖީ. މިގައުމުގެ ދުލުހުން މޮޔަވާނެ
އަލީ!
19 June 2020
ގާނޫނާ ހިލާފަށް އުޅެންބޭނުންވާމީހުން ހާދަގިނައޭ، ކޮމެންޓްތަކުން އެކަން އެގޭ
ފަލީ
20 June 2020
އިހަށް ބަލަންވީނު ލޮކްޑައުންއާ ހިލާފުވެގެން ކޯޓަށް ގެންދިއަ ބައެއް މީހުން ދޫކޮށްލެވުނީ ކޮން ގާނޫނެއްގެ ކޮން ތަނެއް މަދުވެގެންތޯ؟ ގާނޫނާ ހިލާފުވެގެންނޭ ކިޔާފަ މިއޮތްހާ ދުވަހު ޖޫރިމަނާތައް ކުރީ ރަގަޅަށްތޯވެސް އިހަށް ބަލަންއެބަ ޖެހޭ.