އެމްއޭސީއެލް ހިންގުމާ ހަވާލުވެ ހުންނެވި މޫސާ ސޯލިހު، ރައްޔިތުންގެ މަޖިލީހުގެ ކޮމިޓީއަކަށް ކުރިން ޖަވާބުދާރީވެވަޑައިގަންނަވަނީ.---ފޮޓޯ: މިހާރު
21 ޖޫން 2020 - 17:55
20 comments
ކޮވިޑް-19 ކޮންޓްރޯލް ކުރުމަށް ރާއްޖޭގެ ބޯޑަރު ބަންދުކޮށްފައި އޮތުމަށް ފަހު، އަލުން ހުޅުވައިލާއިރު، ވެލާނާ އިންޓަނޭޝަނަލް އެއާޕޯޓުން ޖާގަ ހޯދަން މިހާތަނަށް ބައިނަލްއަގްވާމީ 10 އެއާލައިނަކުން އެދިފައިވާ ކަމަށް އެމްއޭސީއެލް އިން ރައްޔިތުންގެ މަޖިލީހުގެ ކަމާގުޅޭ ކޮމިޓީގައި މިއަދު ބުނެފި އެވެ.
ސްޓޭޓް އޯންޑް އެންޓަޕްރައިޒް ކޮމިޓީ (އެސްއޯއީ) ގެ ބައްދަަލުމުގައި އެމްއޭސީއެލްގެ އެކްޓިން މެނޭޖިން ޑިރެކްްޓަރު މޫސާ ސޯލިހު ވިދާވީ، ރާއްޖެ އަށް ދަތުރުކުރުމަށް މިހާތަނަށް ނަން ނޯޓު ކޮށްފައިވާ އެއާލައިންތަކުން އެ އަދަދަަށް ދަތުރުކުރާނެ ކަަމަށް ބެލެވުނަސް، ހާލަތަށް އަންނަ ބަދަލަކުން އަދަދު މަދު ނުވަތަ ގިނަ ވެސް ވެދާނެ ކަމަށެވެ. އެކަމަކު، ތިން މަސް ފަހުން ރާއްޖޭގެ ޓޫރިޒަމްގެ ހައި ސީޒަނަށް ދާއިރު، އޭގެ ތިން ގުނަ އިތުރަށް ފްލައިޓްތައް ބާއްވަން ވެސް އެއާލައިންތަކުން ހުށަހަޅާފައިވާ ކަމަށް އޭނާ ވިދާޅުވި އެވެ.
"ސީޒަނަށް ވެސް އެބަހުރި އޭގެ ދެ ގުނަ ތިން ގުނަ އޯލްރެޑީ ފައިލްޑް އިނގޭތޯ. އެ ބޭފުޅުން ބޭނުމެއް ނޫން އެ ގަޑިތަކާއި އެ ސްލޮޓްތައް ދޫކޮށްލާކަށް ވެސް. އެހެންވީމާ ބައެއް ފަރާތްތަކުން އެބަހުރި އެ ހިފެހެއްޓުމުގެ ނިޔަތުގައި ވެސް ބައެއް ސްްލޮޓްތައް ބުކް ކޮށްްފައި،" ސޯލިހު ވިދާޅުވި އެވެ.
ސަރުކާރުން ނިންމާފައި ވަނީ ކޮވިޑް-19 އިން ފެތުރުން ކޮންޓްރޯލް ކުރުމަށް މިދިޔަ މާޗް 27 ގައި ރާއްޖޭގެ ބޯޑަރު ބަންދުކޮށްފައި އޮތް އޮތުން ނިމުމަކަށް ގެނެސް އަންނަ މަހު ބޯޑަރު އަލުން ހުޅުވައިލުމަށެވެ. އަލުން ދަތުރުތައް ފަށާއިރު، ޝެޑިއުލަށް ވުރެ ގިނައިން ރާއްޖެއަށް ކުރާނީ ޗާޓާޑް ދަތުރުތަކާއި ޕްރައިވެޓް ދަތުރުތަކަށް ވާނެ ކަމަށް ޓްރާންސްޕޯޓް މިނިސްޓްރީން ވަނީ ލަފާ ކޮށްފަ އެވެ. އެހެންވެ، މާފަރު އެއާޕޯޓާއި މާމިގިލީ އެއާޕޯޓަށް ހުއްދަ ދޭން އަންނަނީ މަސައްކަތް ކުރަމުންނެވެ.
ވެލާނާ އިންޓަނޭޝަނަލް އެއާޕޯޓު ހިންގާ ކުންފުނީގެ ޓާމިނަލް މެނޭޖަރު އިބްރާހިމް ހުސައިން ވިދާޅުވި ގޮތުގައި، އެ އެއާޕޯޓަށް ޝެޑިއުލް ދަތުރުތައް ފަށަން ހުށަހަޅާފައިވާ އެއާލައިންތަކުގެ ތެރޭގައި ގަތަރު އެއާވޭސް، އެމިރޭޓްސް، ސްރީ ލަންކަން އަދި އިންޑިގޯ ހިމެނެ އެވެ. ދުވާލަކު ތިން ދަތުރުކުރަން ސްރީ ލަންކަން އެއާލައިންސުން އެކަނި ވެސް ބޭނުންވާ ކަމަށް އޭނާ ވިދާޅުވި އެވެ.
ސޯލިހު ވިދާޅުވި ގޮތުގައި ރާއްޖޭގައި ކޮވިޑް އުޅުނަސް އަޅަންޖެހޭ ރައްކާތެރިކަމުގެ ފިޔަވަޅުތަކާ އެކު، ގިނަ އަދަދެއްގެ މަތިންދާބޯޓު ވެލާނާ އިންޓަނޭޝަނަލް އެއާޕޯޓުގައި ޖެއްސޭނެ ފެންވަރަށް އެމްއޭސީއެލް އޮތީ ތައްޔާރުވެފަ އެވެ. އެގޮތުން މަތިންދާބޯޓެއް ޖައްސާތާ 20 މިނިޓުގެ ތެރޭގައި އެ ބޯޓެއްގެ ކަންތައްތައް ހަމަޖެއްސުމުގެ ގާބިލުކަން އެ ކުންފުނީގައި އެބަހުރި ކަމަށް ވިދާޅުވި އެވެ.
ސޯލިހު ވިދާޅުވީ، ރާއްޖެ އަށް ދަތުރު ފަށަން ބޭނުންވާ އެއާލައިންތައް ތިބީ ވަރަށް ބޮޑު އުންމީދެއްގައި ކަމަށެވެ. އެހެންވެ، މި އަހަރުގެ ބާކީ ބައިގައި ރާއްޖެ އަށް ނުވަ ލައްކަ ޓޫރިސްޓުން ގެނައުމަކީ ޓޫރިޒަމް މިނިސްޓްރީއެކޭ އެއްގޮތަށް އެމްއޭސީއެލްގެ ވެސް އުންމީދެއް ކަމަށް ސޯލިހު ވިދާޅުވި އެވެ.
ވެލާނާ އިންޓަނޭޝަނަލް އެއާޕޯޓު ހިންގާ ކުންފުނީގެ ޓާމިނަލް މެނޭޖަރު އިބްރާހިމް ހުސައިން ވިދާޅުވި ގޮތުގައި، އެ އެއާޕޯޓަށް ޝެޑިއުލް ދަތުރުތައް ފަށަން ހުށަހަޅާފައިވާ އެއާލައިންތަކުގެ ތެރޭގައި ގަތަރު އެއާވޭސް، އެމިރޭޓްސް، ސްރީ ލަންކަން އަދި އިންޑިގޯ ހިމެނެ އެވެ. ދުވާލަކު ތިން ދަތުރުކުރަން ސްރީ ލަންކަން އެއާލައިންސުން އެކަނި ވެސް ބޭނުންވާ ކަމަށް އޭނާ ވިދާޅުވި އެވެ.
ރާއްޖޭގެ އެތެރޭގެ ދަތުރުތައް ކުރާ އެއާލައިންތަކުން ވެސް ދުވާލަކު ވިއްސަކަށް ދަތުރުކުރާނެ ކަމަށް ބަލަމުން އަންނަ ކަމަށް އިބްރާހީމް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ާއަހުމަދު އ
22 June 2020
މޫސާ ސޯލި65 އަހަރު ވެއްޖެ. ކުންފުނީގެ އެހެން މީހުން 65 ވީމމަ ރިޓެޔާރ ކުރަން ޖެހޭ. މޫސާ ސޯލިހު ނެތިއްޔާ އެއާރ ޕޯޓް ނުހިގާނެ ޔޯ މީ މޫސާ ސޯލިހު ބޫޓްގަ ދޫލަމުން ދުވާ މުއްޒަފުން ބުނާގޮއް.
ޖަޒީރާރާއްޖެއަކީހުވަފެނެއް
22 June 2020
އައްޑޫ ކަނޑުން ދެކުނު މިއީ ރާޢްޖޭގެ ބައެއްކަމަށް އެއްވެސް ސަރުކާރަކުން ގަބޫލުކުރާ ހެނެއް ހިއެއްނުވޭ. ނުއުފަންނަ ދަރިންވެސް ގެންގުޅޭ އުސޫލުއިން އައްޑޫ އާއި ދޭތެރޭ އަމަލުކުރާ މަންޒަރު ފެންނަނީ. އައްޑޫ ވައުދުނާމާ އަކީ އިންތިހާބީ ރޮކެޓެއްކަން މިއަދު އައްޑޫ މީހުނަށް ސާފުވާނެ
އަހުމަދު ވަހީދު
22 June 2020
ތަނެއްގެ އިސްވެރިއަކަށް ހުންނަ މީހަކީ ކޮންމެހެން ވިޔަފާރީގެ ދާއިރާ އިން މަތީ ތައުލީމް ހާސިލްކޮއްފަ ހުންނަ މީހަކަށް. ވުމަކީ ލާޒިމް ކަމެއް ނޫން އޭނާއަކީ އެމް އޭސީ އެލް ގަ އުޅެ ތަޖްރިބާ ލިބިފަވާ ފަރާތެއް ބައެއްމީހުންގެ ހިތުގަ ހަސަދަވެރިކަން ބޮޑީ ޢިލްމް ހުއްޓަސް ހިލްމެއް ނެތިއްޔާ ކުރާނެ ކަމެއް ނޯންނާނެ ވ ސަލާމް
މަހޭ
22 June 2020
ތި ތަޖުރިބާ ހުރެގެން ދޯ ތަން ތަރައްގީ ނުވަނީ. އމމް އޭސީ އެލް ގަ ގިނައީ ތަންދޮރު ނުދަނަ މީހުނ1
ނަޝީދު.
22 June 2020
ބޮޑުބޭބޭފުޅު އިސްތިއުފާ ދޭކަށް ނުވޭތަ؟
ކޮލަމާފުށި
22 June 2020
ނުޖެހޭ ދޭކަށް.ތަނުގަ ނިގަދުވަސްވީ ތަޖުރިބާ ހުރި ފަސްބައި ސާފް ބޭފުޅެއް
މޯޑޭމޯޑް
22 June 2020
ނިއު ނޯމަލުއަށް އެމްއޭސިލު ތަށްޔާރެއް ނޫން. ހަމަ އެކަނި މޫނުމަތި ރީތިކޮށްލީމަ ނިމްނީތަ? ކޮބާ މުއަށްޒަފުން ގެ ރަށްކާތެރިކަން. ޓާމިނަލު ގަ އެކަނިތަ މުއަށްޒަފުން އުޅެނި. ކޮބާ ކާފެންޓަރުން މޭސަނުން ވެލުޑަރުން މަސައްކަތު މީހުންގެ ރައްކާތެރިކަމަށް އެޅި ފިޔަވަޅަކީ ވޯކުސޮފްތަކުން އަތްދޮވެލެވޭނި އިންތިޒާމް ނެތް. ސެނެޓެއިޓަރ ހޯދަށް ވެސް އާދޭސް ކޮންގެން ފުޅިއެއް ލިބެނި. އެވާނެ ހުވަދަކަށް ވެސް އެތަށް ބަޔަކު އުޅޭ ތަނަކަށް.
ވަތަން އިސްކުރަންޖެހޭ
22 June 2020
އެއާޕޯޓުގެ މަސައްކަތް ހަލުވިކަމާއެކީ ކުރިއައް ނުދަނީ އެމްޑީޕީ ވެރިކަމާ ހަވާލުވީ ހިސާބުން. އެހެންނުންނަމަ އެއާޕޯޓުގެ 90 ޕަސަންޓު ނިމުނީސް
މޮޔަ ސޮރު
21 June 2020
އެމް.އޭ.ސީ.އެލް ހިންގަނީ ކޮމިޓީއަކުން. ތަނުގެ ތިބި ވެރިންގެ ބޭނުމެއް ނެތް، މިކަން ބަލާނެ ފަރާތްތެއް ނެތް - މި ކޮމެންޓް ޖަހައިދީ
މަރީން
21 June 2020
5000 ޓޫރިސްޓުން އުފުލޭނީ 30 އަކަށް ފްލައިޓް ގެ ޖާގަ ހަމަޖެހި، އަދި ގައުމުތަކުން އައްނަން ޓޫރިސްޓުން ތިބިއްޔާ ތި ޓާގެޓް އެޗީވް ވެވިދާނެ.
ހުސައިންބެ
21 June 2020
ސަރުކާރު ކޮންމެ ކުންފުނި އެއްގައި ހުރޭ ތީގެ އެކަކު. ތަނުގަ ބޭނުން ކެނޑިފައި ވަޒީފާގައި ކުރިއަރަށްބޭނުން ނުވާ ތައުލީމާއި ތަމްރީން ހަދަން ބޭނުން ނުވާ މީހުން ބައިވަރު އެބަ ތިބި. އެއީ ޖާސޫސީ އެޖެންޓް އިން
ޝަފީނާ.
21 June 2020
ދިހަ އެޔާ ލައިން ހަ މަވޭތަ..؟ ގަތަރު، އިއްތިހާދު. އިންޑިގޯ، ސިރީލަންކަން. އި މަރޭޓުސް.. ބުނާ ބަސްތަކަކީ ތެދުކަ މުގައި ހެދުން ވަރައް މުހިން މު..